#البارت ١٦
قصة حب اجباري الكاتبة رفل الكناني
بنت القندره بنت الكلب تسدي بوجهي والله لنعل سلفه سلفاج كلبه حقيررررررررر
سده بوجهي بقيت باهته هذا شبي يربي عباله سديته بوجه استغفرالله وين صعدني لسابع سمه وأخر شي لطخني بلكاع هسه شلون ادك عليه لا عزه صاير نار اخاف اجفص وهوه ميتفاهم هذا مخبل هسه يجيني بقيت خايفه من ردت فعله من يجي واتكلب وعيني متاخذ نوم وأفكر ال ان تعبت ونمت مادري بنفسي كعدت عل صوته وهوه يجرجر بيه من جتفي
كومي كومي اكعدي نايمه حضرت جنابج تسدين الموبايل بوجهي وتنطمرين ممهتمه حيوانه
جرني حيل كعدني لحيلي والله العضيم عبالي حلم عبالي من كد مانمت افكر حلمت بي بس هوه صوته خلاني اتكد حقيقه يصيح وعيونه حمر دم من الغضب ويجرجر بيه
لج قندرتيش انتي تسدينه بوجهي لج مقدرج ومسويج ادميه وكلت اخابره تسدي بوجهي
اريد اكوله خل افهمك مينطي مجال منا اني هسه كاعده وهوه منضره واعصابه سوت عندي رهبه لاارادين ادموعي كامت تنزل
فهد بس خل افهمك فهد اسمعني
شسسسمع شسسسسمع لج ابويه مشعلول بدوام واتكضرم عليج اخابرج هيج تسوين يعني حقي متنطينياه صار فوك الشهر ومن اروح للكح .......تكلبيه عزه وصخام شسسيويلج كليلي ششششششسوي
دفعني عل جربايه حيل اجه راسي بتاج الجربايه روحي شاغت انوب جرني وكلي اطلعي برررررره طلعي من وجهي لن اذا بقيتي بعد دقيقه اجرم بيج وانعل ابوج لابوه حتى عمج اني ادري انتي تكرهيني بس اني مطي يدفع يدفع فتح الباب وشمرني حيل وكعت بلكاع سد الباب بكل قوته كلت انشلعت
شعري مكفوش ودشداشتي من الجتف مشكوكه وحالتي حاله كمت للحمام ابجي ابجي باربي ليش هيج يعني هاي عود اني يتيمى بله هاي سوايته وطرته الي هيج من الفجر لو عندي اهل هم هيج يسوي صحيح عمي وعمتي يموت عليه بس يبقى ابنهم اكيد يكوللي اصبري وتحملي هوه عصبي وين اروح وين غسلت وطلعت نزلت جوه همزين عندي دشداشه عل حبل جبته ولبسته وكعدت بلستقبال اباوع الساعه 5ونص الفجر والبيت صنته بقيت ابجي للسبعه سمعت صوت عمي كمت عل كيف سديت باب الاستقبال لن همه ميفتحو بس للخطار
بقيت ال طلع عمي ال طلعت غسلت وجهي وصبحت عليهم
صباح الخير
صباح النور بنيتي شبيج اشو عيونج حمر
مابيه شي عمه بس منمت زين راسي جان يوجعني
سلامتج اخاف شايله يولي
لا عمه وين قبل أسبوع خلصت
هااا الحمدالله يله عل جايات ان شالله تريكي وشربي بندوله هسه يفك
سمر ماقتنعت كل شويه تكلي شبيج إل سولفتله كالت
شكد حقير يعني منطاج مجال حتى تحجين هذا يوم بعد يوم كاعد احقد عليه
