قصة حب اجباري

البارت الثامن عشر

#البارت ١٨
قصة حب اجباري الكاتبة رفل الكناني
اعتقد اجه الوقت الي فهد يحجيلكم حتى تتوضح الامور

اني فهد حامد

من مواليد 1982

المهنه

منتسب بجيش العراقي برتبت ضابط

راح نرجع للبدايه

من اني صغير جان ابو يه يكولي انت الكبير وانت رجال البيت وانت سند العائله وانت حامي ضهري وضهر خواتك
وانت
وانت
وانت
فترسخت بالي اني الكل والكليه من اني صغير طبعي مااجامل وماكو مكان للضحك والشقه والتحشيش هاي السالفه عايفه لخويه احمد حتى بلمنطقه يكولن انتو إخوان جنت حيل جدي بتصرفاتي ويه الكل ومتشدد عل خواتي من هناء صغار لاطلعين لاتلبسين لا ضحكين ال بحدود لحد متطبعت هاي العادات بيه وصارت الي هيبتي بين اهلي كلمتي مسموعه قراري بكل أمر هوه واحد محد يكدر يغيره واهلي يعرفوني

اما بلنسبه الشغلي

من اني وصغير وجنت العب بشارع مالعب ال اني أخذ دور الضابط وجهال المنطقه همه المجرمين شكد جانت تصير شكالات من وره هاي السالفه دوم يكولي صير انت المجرم واحنا نلزمك ماقبل ابطل واعوف حتى العب لو اني الضابط والزمكم واعذبكم لو ماالعب
وكبرت ودخلت الكليه العسكريه وتحقق حلمي وصرت الضابط فهد
اماء لساني المتبري مني وهوه اكثر شي يمكن كرهتو لن اني نفسي كارهه بس بحكم عملي ماكدر الزمه شغلي اشوف بي أشكال اشوف
المجرم

الإرهابي

الحرامي

السلاب

القفاص

فمن يصير بيدي لو اكتله لحد الموت ميثر بي لن لعنده هاي الشغلات تهمه ضربه فستخدم لساني هذا يسمو عذاب نفسي والكتل عذاب جسدي فبرايكم منو الأفضل لهذا السبب لساني صليط لحد ماتعودت وصار ويه كل من يستفزني ومنهم الشالعه كلبي
قمر وماء أدراك ماقمر من اول ماشبيت هيه كدامي جانت بنيه هادى ال ابعد حد عكس سمر حشاشه ومرحه جانو يجون سوى سمر تلعب وتمرح وتفتر بلبيت بس قمر ماخذه زاويه تحسه رايحه خطار لبيت ناس اول مره تطب عليهم متختلط ولا تجامل تجي وتروح كاعده بصف ابويه وهوه متولع بيه

من بدت تشب خليته برأسي بس هيه مدري ليش تضوج مني يمكن تشوف طبعي وياه ساره ورسل من اشوفهم كاعدين سوه لو ا صيح بهين صوتجن لو اصخرهن بنتر وهذا طبعي وهنه ميزعلن جنت من اسوي هيج اشوفه تباوعلي صفح لو تعوفهن وتروح لبيتهم هاي تصرفاته جانت تستفزني واني بيه شغله ابد ماكد اتحكم بيه وهيه أعصابي يعني تخيلو حوصلت ازغر طفل هيه اكبر من حوصلتي حتى من ابرد واكعد ويه نفسي اجزم عل نفسي انو طاك واير برأسي بس معليكم بهذا هذا كله لسان عليكم بلقلب من اهدى تعالو اخذو ثوبي من عليه مااحجي
بعد تفكير طويل ويه نفسي حسيت اكو شي بيه تجاه قمر رغم اشوف نضرت عيونه الي بيه كره بس كلت ميخالف بمرور الايام تحبني ولو غروري وتكبري جان يمنعني اوضحله غير صوره عني بس كلت احاول طرحت فكرت الزواج كدام امي وابويه وجنت اعرف ابويه اول وحده راح تجي باله قمر لن حسب كلامه ميسميه ال عزيزتي وجان تفكيري بمكانه مجرد كتلهم اريد أتزوج كلتلي امي عندك وحده بالك كتله لا انتي شوفي عل مرامج راسن ابويه كال منلكه احسن من قمر فسكتت عرفو السكوت علامه الرضاء فراحو وخطبوهه وانصدمت برده