##حب_اجباري
#بقلم رفل الكناني
#البارت٣٤
كوه طلعه احمد بس طلعت روحي وراه اريد ا صبح احمد عوفه اريد اخذه بحضني وامحي كل ذره حزن بكلبه بس ماكدر السواه بيه موشويه كعدت بمكاني وابجي ابجي من كل كلبي عمي اجه ثنه كبالي واخذ راسي بحضنه
شبيدي عليكم يعمي الله ياخذ حقج من كلمن ضلمج واني واحد منهم اني جبرتج عل ابني بس والله وادعتج كل دمعه نزلت من هاي عيونج يحبج واني ادري بي بس الشافه موشويه شوفي حاله مو احسن من حالج شوفي شلون شارب وهوه بحياته مسواه لامن راهق ولا من شب ولا من كبر صدك عصبي وموبنصاف وعنده سوالف مال نسوان بس مواصل للشرب اني احلف عليه الله يبرد كلبج وكلبه كومي بنتي كومي
كومني غسلت وصعد بغرفتي اول شي سويته فتحت كنتوره وطلعت فانيلته حضنته ودفنت راسي بلمخده وطلعت شكو قهر بكلبي واني اشم عطره عبالك بحضنه لحد ماتعبت ونمت والدمعه عل خدي عفيه دموع والله عيوني راح يعمن كد مابجي للصبح نزلت البيت فارغ صرت مثل المخبله امشي واتصفن هنا جنه نكعد عل لابتوب ماله هنا جنت اكعد بحضنه وهوه ينركل هذا الدرج جنت اصعد يكولي عل كيفج لاتوكعين هنا المطبخ جنت اي شغله اسويه هوه ورايه ويداهر ويبوس ويتوكح شنسه حتى انسه هوه الحديقه ميخليني اطلعه بدونه يكولي اخف أحد من الصطوح يشوفج واجرم بي شلون بيه شلون شكال كلبه من شاف الصور شكال الله وأكبر اني راح اطك راح اطك اجتي سمر سألته عليه كالت مادري شنو باله عبير حابسه بلغرفه الا كل ولاشرب كل شويه يطب يمه ويطلع يخابر بره حتى فونه عنده
زين والبارحه من رجع بليل شسوه
سبحه احمد وهم نطاه فاليوم ونام
قمر تدرين اول مره ادري فهد يشرب
ميشرب هاي اول مره
الله يساعدكم يعمري وانتي الج حوبه وهسه تشوفين
ماريد كولشي والله لاحوبه ولا ابد اريد الله يبين الحقيقه ويمسح عل قلب فهد ادري قلبه نار ومادري شلون راح تبرد
نضفت وطبخت واني حاضنه رهف
رهوف شبي عمووو فهد
اواء بي اواء
وتاشر عل اديه حتى رهف تعرف تشوف اديه ملفوفه كل شويه دكول عموو اواء حاضنته هناك واتذكر شلون يغار حتى من رهف بدون شعور بعدته وعمضت حيل اااااخ اني شلون اصبر بدونه وكلشي بيه يذكرني بي يومين واني لاليلي ليل ولانهاري نهار سمر تجيي يمي بنهار وعمي يبات يمي بليل عمتي بعد ماجتي دكلي سمر متكدر تعوف فهد عبالك رجع جهال لونايم عل رجليه وتهدي بي لو نايم من وره الفاليوم بليل يجي سكران يبقى بلكراج أشكال يصفط عمي مل منه كام حتى الباب الداخلي ميفتحه لن ميكدرله واني اباوع من الشباك والطخ براسي بي منضره هذا كبرني أضعاف عمري وهم يجي احمد يأخذه كوه اليوم الصبح كعدت وروحي لايبه اريد اتقيى بس اني مماكله حتى اتقيى روحي كامت تطلع وعيوني وكفن بلحق عمي يدك بلباب غسلت وطلعت
