#زيت_جونسون
فيني قلكم انو هاد المنتج اكثر من رائع لانو متعدد الاستخدامات بكلشي في الو اكتر من فائدة غير استخدامو للبيبيات رح عدلكم ياهم و كل هاد انا مجربتو :
1.#مرطب_للبشرة : بس تطلعي من الحمام خلي جسمك يكون رطب ما تنشفيه و مدية ع ايديكي و رجليكي أو كل الجسم ما بياثر.. بصير جسمك ريحتو بتجنن و نااااعم و طري متل جسم الأطفال و بيعطي رطوبة عالية خصوصي مع المي ع الجسم...
2.#منعم_للشعر : هلق هالشي اختياري بالنسبة لالي إذا شربك شعري بطريقة فظيعة كتير و ما لقيت عندي زيت لوريال باخد و بحط منو ع شعري خصوصي مكان الشربكة كتير بساعد بتسبيل الشعر و بفكو عن بعض.. الصراحة كان الالي #المعجزة يوم عرسي لانو هو يلي فك شعري و بسهولة المهم تمشطي شعرك ع مهلك أو تفكيه بايدك هيك أسهل الك.
3.#مساج : بعد تعب نهار و بعد حمام سخن.. جيبي من العلبة يلي لونها #ارجواني توتي يعني و خلي حدا يعملك مساج فيو.. هداك النوع بكون خصوصي للنوم.. بيعطي شعور كتير حلو و بيرخي الجسم عدا عن ريحتو اللي بتجنن..
4. #منعم_للشعر : فيكي إذا ما عندك مسبل للشعر تجيبي علبة و تخلطيها مع زيت جوز الهند أو الأركان هدول مغذيات للشعر و ضيفي فوقها شوية زيت من زيت جونسون و بخي منو ع شعرك.. انا فيكي تعملي حمام زيت من 2-4 ساعات قبل الحمام.. أو منعم بس ما تضيفي زيت الارغان لانو بضل ع الشعر و حطي شي خفيف من زيت جوز الهند.. بخي منو وقت يتشربك شعرك ليسهل عملية التمشيط و جوز الهند بيعطي لمعة و بقوي أطراف الشعر.. طبعا بس ع الأطراف بخي..
5.#مهدئ_للحساسية_بعد_الواكس : بعد الإزالة للشعر دايما استخدمي زيت جونسون و يلي لونو ارجواني بحسو بهدئ اكتر من باقي الأنواع و اسرع لانو هداك بساعد ع استرخاء الجلد.. بللي جلدك بالمي و بعدين حطي زيت جونسون.. انا ما بعاني ابدا من الحساسية من هي القصة...
لا تنسو تعملو #تاغ لرفقاتكم ل يستفادو معكم ❤️
#موجود بكل مكان
#السعر بتذكر بين 30-25 ليرة و أحيانا بيعملو عروض بغراتيس مع شامبو جونسون علبه نفس هي ب 20 ليرة
