البارت 2
للكاتبة حنين الربيعي
...............................
ممنوع نشر القصة بدون أسمي
دا اطلع وبابة انطاني عباية ونقاب كال البسيهم
زلم هواي برة وبعد هوة راح يصير رجلج ولازم تسمعين كلامه اخذتهم ولبستهن
وامشي واتعثر وعيوني من الدموع ما اشوف بيهن
ركبت بسيارة وطريق جان حيل طويل ما ادري وين واني طريق كوله دموعي تجري حياتي دراستي
احلامي كولهن ضاعن اني افكر وكفت السيارة مقابل بيت جبير قصر مو بيت اجو زلم هواي تلكوني وابوية وصاهم بية طبيت للبيت واول ما دخلت اجت وحدة ضخمة
حيل وصيح وتدعي ولزمتني هية وبعد ثنين كتل
موتني اجتني ضربة على راسي وبعد ما ادري شصار
كعدت لكيت روحي بغرفة جبيرة وحلوة كمت ردت امشي رجلي ما اكدر توجعني بقيت كاعدة ودموعي تنزل
جان ينفتح الباب ودخل رجال بطلع عمره ب٣٠
ضل يباوع علية وعيونه كلها غضب وكلي بنترة
أسد : هاي غرفتي وخليتج هنا مؤقت على ما يجي ابوية
من المضيف واشوف وين نوديج ضلي هنا
وتركني وطلع ضليت افكر الى ان غفيت ومحسيت
ما ادري شكد نمت بس صحيت على رجال جبير بلعمر
يطلع عمره ب٦٠ اخذني واني كوة امشي ونزلنا جوة
البيت بي هواي ناس عايشة كبار وزغار وبدة يتكلم
ابو أسد :شوفو جلمتي وحدة وما ثنيها محد يتقرب منها
هية مالها ذنب بلي صار وهية بعد محسوبة علية لأن على ذمتي
. اني من سمعت كال على ذمتي باوعت عليه وغوركت عيوني وحسيت راسي فرغ وسواد على عيوني
وبعد ما ادري شصار وعيت على نفسي بغرفة الشيخ لأن
وضليت ابجي واندب حضي هم فصلية وهم راح اعيش ذليلة وهم شايب بكد جدي اني افكر ونفتح الباب
دخل هوة
أبو أسد:بنيتي لتخافين راح ضلين هنا وبعتبار حرمتي محد يكرب يمج
:راد يكعد مهمني وجع رجلي وكفت وكتله بس تتقرب مني اموت نفسي حرام عليك اني بكد بنتك
ابو أسد: تعالي بنيتي محد يتكرب يمج ولتخافين
هية مسئلة ؤقت واطلكج وترجعين يم اهلج
هسة اجهزلج غرفة ويصير خير
أسد :من دخلت وشفتها كاعدة تخربط كياني جنت حاقد عليها بس من شفتها وشفت ترافتها وخوفها ضليت صافن بيها نايمة مثل الملاك نعلت الشيطان وشلت هل افكار من راسي
أساور : نمت وخايفة ثاني يوم كعدت الصبح نزلت اعرج
وشعري مشايلته منثور ومخربط على وجهي واكتافي
امشي وراسي منزلته ما احس الة انعتيت من ايدي احس جتفي راد ينخلع باوعت نفسه الولد البارحة شفته
أسد؛هي انتي وين رايحة هيج شعدنا امشي ستري نفسج
والربطة متنزل من راسج فتهمتي واياني وياج اشوفج مرة ثانية هيج ماشية يلاااا منا بسرررررعة
أساور : زمخ بيا اني بسرعة عفته ومشيت وابجي هوة منو ويرفع صوته علية شايف نفسه واذا ابن شيخ وامشي وادردم وجان يصيح علية تمشين بدون صوت
أسد :كعدت الصبح اريد اطلع متأخر امشي والبس بساعتي ممنتبه وانضرب بلفصلية وجان اضل صافن بيها سبحان الله شنو من جمال شايلة والشعر منثور عليها
وبسرعة تلاحكت على نفسي وزمخت بيها واسمعها تمشي وتحجي علية عطت عليها بدون صوت ونزلت واني واضحك عليها حسيتها طفلة تضيع الواحد بنضر عيونها المثلها متستاهل تكون فصلية
أساور ؛لبست شال ونزلت وسمعت وحدة تحجي علية
زهراء :حضرتها نايمة جايبها تنام واحنا تخدم بيها والله الة اصعد اشرب من دمها كتالين اخوية ولج يمممه
أساور:اني تفاجئنت من عياطها مشايفة. هيج شي بحياتي واجت لكتي ع درج صعد رادت تضربني
دا الزم ايدها وكعت وهية اتخبلت وعياطها وين وصل
نزلت اساعدها جان تجرني من شالي ونامت فوكي
واجة أسد كومها من فوكي وهية تصرخ دافعولها بعد وبعد نسيتو دم اخوكم يبوووو سد حلكها وطببها بغرفة
اني ضليت على كعدتي ودموعي تجري جان يجي أسد كومني وجابني براجدي رجعت وكعت ونزع حزامه وضل يضرب بية واني احامي بروحي وماكو أخر شي فقدت
أسد : طلعت دا اروح لدوام ولاكتني زهراء كالت وين الفصلية كتلها هسة كعدت وراح تنزل وهية كامت تعيط
شوية وسمعت عياطها كثر رحت لكيتها نايمة فوك الفصلية كومتها وضلت تحجي سديت حلكها واخذتها للغرفة وكعدت تنحب وتبجي
زهراء :اني تالي عمري فصلية تضربني وتطردني يبووو اهئ
أسد :من سمعت ضاربتها فقدت رحت لكيتها على كعدتها رفعتها وجبتها براشدي ونزعت الحزام وضربتها لحد ما فقدت بدية وعفتها وطلعت
أساور: اجة ضربني وراح وما أعرف على شنو من صحيت ملكيت أحد سحلت روحي سحل اريد اغسل وما اندل الحمام رحت للمطبخ جان قريب علية غسلت وكعدت ابجي وغفيت ع الميز وحسيت واحد يكعدني فتحت عيني ونصدمت وخفت
