صباح الحب والعافية عليكم بارت مفاجأة لعيونكم 😍
وتعويض أمس 😍😍
.............
ممنوع نشر القصة بدون أسمي 😍♥️
........
الكاتبة حنين الربيعي ♥️
............
بارت 10. ........
................
خطيبتي بس تفض شغلت الفاتحة وتطلع اربعين ابوية اكطع عليها مهر وزواج على حسب الأصول وكلمة
فصلية تنسي تصير وحدة منا وبينا وحالها من حالكم يعني بأختصار مرت( أسد هادي ) فتهمتو لو أعيد
كلامي زينب زهراء فتهمتن لو يحتاج أعيد كلامي
اكو واحد عنده اعتراض
أساور:أسمعة شنو يحجي ومصدومة بكلامه ما انكر فرحت من سمعته كال هيج بس ما اريد ازوجه اني اريد
ارجع الهلي الدراستي اريد اعتبر هذا الي صار حلم ليلة وكعدت منه واريد انسى وكلشي ما اذكر منهم أبد ...
رديت عليه وكتله اني عندي اعتراض وما اوافق ازوجك وعرضك مرفوض ومنو سمحلك تقرر عني ساعدتني اتشكر منك وفضلك ما انسى طوال عمري بس انته الي وكفت بصفي وساندتني وحميتي بس ما اكدر ازوجك ولا اضل أهنا اني اريد ارجع يم اهلي بعدني ممكملة كلامي وقاطعني
أسد:باوعت عليها بخزره وكتلها محد طلب رئيج اني قررت واني عليج بس تنفذين
أساور: خزرته وعكدت حواجبي وتخوصرت وكتله مو بكيفك اني هسة حرة ومحد الة سلطة علية من باجر اروح البغداد
أسد :خزرته بس منضرها يضحك فات من يمها وهمس يم اذنها ميحق للفصلية ترجع البيت اهلها الة اذا نتهت
الوعدة وقبلو يرجعوها المفروض تخلفين ولد باوعت عليها وبتسمت ابتسامة خفيفة وغمزت الها وعفتها ومشيت
أساور:حيل استفزني بتصرفه بس مو على كيفه اني من باجر أروح البغداد واشوف أمي بعد ماعندي شي هنا
عفتهم وخرت منهم ومحد راضي صعدت ع درج واحجي عليه صاح علية لسانج بحلكج خليه
رحت جهزت جنطتي ونمت على أمل باجر التقي بأهلي
وبعد محد يبعدني عنهم غفيت وعلى بالي من راح يشوفوني شنو ردت فعلهم وشكد راح يفرحون
أسد : عفتها ومشيت وضليت سارح شوكت وشلون حبيتها توقعتها راح ترفض بس شكلها وهية معصبة كلش حلو نمت واني افكر بيها وانتضر الصبح حتى اشوفها
أساور: كعدت الصبح ساعة ب٣ ونص سبحت وبدلت ع سريع لبست عباتي حتى لحد يعرفني اخذت فلوس من
الكنتور ونزلت على كيفي طلعت برة جان ابو علي كاعد
بالحديقة ومنطيني ضهرة طلعت على كيفي حتى
النفس قطعته وصلت الباب فتحته جان ممقفول وطلعت يلا سحبت نفس رفعت الجنطة وركضت
امشي سريع وخايفة مدري شكد مشيت مسافة بعيدة ودنيا كمريه وكف ابو سيارة كتله اريد اروح البغداد
