البارت 20
................
لا يسمح بنشرها بدون أسمي
.............
♥️✔حنين الربيعي ✔♥️
...............
مخنوك وكلبي يون
ولحالتي رايد دوة
من يوم رحتو انتضر
جية عطركم بالهوى
جان الكل منجمع من عمامي وخوالي واهله كولهم واقاربه والفرحة على وجوهم ومن بينهم شفت
كرسي مال مقعدين بنصهم مخلي وجانت امي بس مقعدة ودموعها تنزل وتضحك مصدكت عيوني من شفتها
نسيت حتى الحفلة وركضت عليها حضنتها وابوس بيها
بس منزلت ولا دمعة مني أتلمس بيها يمه صدوك عايشة
حضنتها والكل يبجي على منضرنا يا بعد روحي وين جنتي والله كالو رحتو كلكم بانفجار السوق ليش يمه
مكلتي اسئل عليها شصار ما صار بيها ليش يمه عايشة
ومسئلتي علية وين جنتي شكد تمنيت اشوفج واشكي
الج اجيت وملكيتج شكد تمنيت ابجي بحضنج واشكيلج عن ضيم بنتج والمر بيها
أسد : من شفتها تفاجأت اني شايفها مرة وحدة يمكن
بس عرفتها امها شلون مو كالو ماتت الخوف زاد بقلبي
اخاف من شافت امها تتراجع عني او امها تعترض وتسمع كلامها رحت عليها كومتها كتلها كافي حبيبي
الحمد الله على سلامتها وهاي فرحة ثانية ويا مهرنا
عوفي الحزن والعتاب على جهة
أساور : عفته ورحت حضنت امي وكالت
ام محمد : يمه أساور هاي شفتيني وشفتج لتغصين فرحتج والف مبروك ونعم الرجل مختارة
أساور: بس مامة
ام محمد : اسكتي لا بس ولا غيرها امشي يلا دخلي وكملو احتفالكم وبعدين نسولف مكياجج راح يخرب
أساور : ابتسمت على كلامها وصدوك فرحتي متنوصف
اجة أسد اخذني دندخل وصاح علينة ليث مبين تعبان
ويلهث وكف قلوبنا كلنة على فد حجاية خير شصاير
ليث : شوفو شجبتكلم بهاي المناسبة
أساور: وجان يدخلو اهل الطبل والمزيقة وعلكوها علك
واني ضحكة شكت حلكي وفرحتي بيهم وكلها ركصت
ولا عبالك همة شيوخ ومن الجنوب خلصو واحنا على وكفتنا وكلها لتمت كال أسد بنت الأوادم ادخلي
عاجبتج الوكفة هيج وخزرني دخلت والكل وراية
وجانو مسوين ديكور الكعدة فدشي راقي بمعنى الكلمة
كعدت وبدت الحفلة والكل يبارك بس كم شخص الي مساندين انتصار ماكو وزهراء هم ماكو ولا عفت امي
مجلبة بيها وممصدكة وهية بس تضحك فرحانة سودة علية بعدها اجت مصورة وبدت تصور بينا ويا العائلة
كتله ليش سكتني كال ممنوع ينذكر شي عن ذنيج الصور لئن احنا صرنا ودرنا انجيب مصورة للبيت
