بارت 30 والأخير
.......
لا يسمح بنشرها بدون أسمي
........
♥️✔حنين الربيعي ✔♥️
..........
حطيت ايدي على حلكي اكتم شهكتي حتى لينتبه
بس مع الأسف باوع عليه واني من الهبطة رجلية
رخت كعدت ع الكاع اجة بتجاهي وكومني ويسئل
شبيج
أسد: كعد محمد باوعت على أساور جانت تمسح ردت
احجي بس تركتها لئن منو ينضف وهية هم حذرة
بحركاتها ضليت الاعب محمد وهوة يضوج ابوسه
من ورة شواربي تكش روحه اريد ابوسه ومجلب بشعري
يبعد وجهي احنا اخذنا طبع نحجي ويا محمد على شكل
بنت لئن يكولون تجي ورا بنت بعد ما اعرف انفتح الباب
وجانت أساور مخطوف لونها وخلتها ايدها على حلكها
ودموعها بوري ونفتح وكعدت على الكاع ركضت عليها
شبيج متقبل تحجي نزفتي لا وكعتي لا الطفل بيه شي
لا اخر شي كالت سمعتك تحجي وية بنية عبالي تخوني
ضحكت على تفكيرها وكتلها شدعوة هيج صار بيج
ضلت خجلانة من الموقف ومتحجي
أساور: حيل خجلت لئن ادري بيه مو من هذا النوع
وهسة شيكول ماعدها ثقة بية بس السمعته عماني عمي
هوة نام واني ضليت كاعدة ويا محمد ل٢ ونص يلا نام
بعدها نمت لئن تعبانة كعدت ثاني يوم ونفس الروتين
ماكو شي جديد ورحت اني وام علي ل زينب اخذنا
النيشان وباركنا ألهم وانطيتها هديتها مني ومن اسد
وهدية ام علي هم وريوك ورجعنا الناس جلبو بينا
على غدة بس تعذرنة منهم وصلنا البيت لكيت هوسة
ام علي كالت شكو كتلها ما ادري غطيت وجهي بالعباية
ونزلت لكيت زهراء جاية تفاجأت كتلها شكوو خير
كالت جوزة ام خالد ضاربتها جلطة وميته كتلها سبب
كالت انتصار ايدها مدتطيب وابوها راح يزوجها ل شايب
عنده كومة جهال واحفاد وصايرة مشكلة وماتت
كتلها الله يرحمها وعفتها ومشيت اللهم لا شماته بس
جانت كل متشوفني وتسويلي طلابة واذا اكبر منج
شبيه على ابو ضرغام هسة ليش متقبل بنتها تتزوج
شايب صارت الفاتحة وخلصت واني ولا نزلت ولا شفت
