سلام يحلوين النشر حيكون كل 3 ايام او بين كل يومين حسب ضروفي اتمنى ينال اعجابكم 🌸
نهيت كلامي ويا بابا بس أحس روحي ضايعة ومشتته طلعت من الصاله ابجي واشهك احاول اكتم انفاسي رحت لباب بيته بس مدكيت الباب مكدرت أتقبل فكرة انا مو اله ماعرف مشاعري شنو حب ام رغبه ام عطف علي بس من اصفن ويا نفسي احس روحي احبه واريد اكمل باقي حياتي ويا حتى لو نعيش بيته الصغير مستعدة احارب الكون كله علمودة بس لو اعرف هو يبادلني هالشعور ولا لا
مشيت هواي اني وابجي ماعرف شون وصلت لهل مكان شبه غابة صح حديقتنا كبيرة كلش احس روحي تيهت واول مرة افوت لهيج مكان مهجور مابي احد واشجار عاليه صار الغروب وماكو اشارة كعدت ع جذع شجرة وضليت ابجي وخايفه وبردت ولزمتني رجفه قويه بحيث صوت البجي مالتي عالي كلش .....
صار اليل واني وحدي هنا ساعة ابجي ساعة اسكت ساعه خفت كلش كملت طريقي وضليت امشي بلكي الكالي منفذ واطلع منا بس احس المكان صار اظلم اكثر وصوت الحشرات والحيوانات الاليفه علت ابشع ليله عشتها بحياتي ليله مرعبه صرت اردد بابا وينك ساعدني، أسر وينك ، حسام ،علي الله يخليكم تعالو ساعدوني دامشي عثرت وكعت صرت ابجي اكثر ورجلي وجعتني كلش اخذتلي زاويه تحت شجرة كبيرة كلش كعدت عليها وثلجت من البرد محسيت ع روحي غفيت والدمعه بعيوني واشهك فزيت ع صوت العصافير يربي صار الفجر واني بعدني هنا
معقوله محد حس بغيابي محد حس بعدم وجودي اريد امي اريد ابويه ، بابا الله يخليك تعال اخذني ظليت ابجي حسيت روحي حفقد الوعي جعت كلش وعطشت اجت ابالي افكار سودة انه ابقى طول عمري هنا
مشيت مسافه وكعدت وراها رجعت مشيت حسيت نفسي انقطع وروحي فرفحت ماكو هوا مداتنفس ضليت اشهك. اشهك مداحس اكو هوا اكدر اتنفسه لحد ماغمه عليه
،،،،،،،،،،،،،،،،،،،،،،،،،،
(حسين)
بعد الكلام الي حجيته ويا سيرين حسيت جرحتها عرفت ابنتي هي عاشكه ومتاكد مراح تتنازل عن حبها اله رجعت للصاله وبالي يمها صار المغرب وهي ماكو كلبي لعب كلت اشوفها عند أسر دكيت الباب عليه
_اتفضل خالي أامر
_أسر سيرين مو عندك
_ لا من البارحه من شفتها
_ شون بعني هي كالت تجي يمك ، أسر بنتي وين
_خالي استهدي بالرحمن اكيد بشي مكان بالقصر او بالحديقه او طالعه مع اصدقائها
طلعت اني وأسر وولدي واخواني ولدهم ندور عليها مخلينا لا مشفى لا مركز شرطه ولا حتى مطاعم وفنادق ماكو
اجه الزراع كال لكه سوار الها جنت الحديقه الخارجيه ركضنا كلنا داخل الحديقه ندور وماكو وصلنا للسياج الي يفصلنا عن الغابه
_ معقوله اجت للغابه بابا هو شصار بينكم
_ كنت احجي اني وياها وكالت حروح لأسر
_ طلعت وبعد محد شافها لا أسر ولا غيره
أنت تقرأ
لأنني لقيط
ChickLitهل نحن من سندفع الثمن ؟؟ ليتني لم أأتي للحياة ، ليتني لم أقابلكِ ، ليتني لم أوذيكِ .. من أنا وماذا افعل هنا؟؟ ماذا أملك غيركِ لا شي سواكِ
