لأنني لقيط

البارت الخامس

احبكمممممممم كوووومه واسفه ع الصدمه الي نشرتها قبل شوي بس حبيت اعرف كم شخص يحبني ومتعلق بالقصه
بعد ماعيدها وععد 😹😹⁦❤️⁩

هالبارت يجنننن يجنننن بي كميه حب واحساس ورومانسيه وحزن هوايييي بحيث اكتب وانا عايشه اللحضه وياهم 🥺😍😍

مرت الايام وانا واسر علاقتنا مستمرة ونتشاوف ونتراسل ونتخابر بحيث احس انه احنا احلى ثنين بالدنيا ......

كنت طالعة مع صديقاتي بمطعم ونتسوق  لحد مصار الليل اكلنا ورجعنا لكبت أسر واكف بالباب ومبين عليه معصب ومخنزر ويدخن
وانا الغبية سويت روحي ماشفته حتى مايحجي علي لو يرزلني

نزلت من السيارة وكتله للسايق يوصل اغراضي لغرفتي مشيت وصلت لاسر واتعديته بس بسرعه لزمني من عكسي وجرني لبيته

_ وين رايحه تسوين شنو مشفتيني
_ اههه اسر ايدي وجعتني ، شبيك جنت طالعه ويا صديقاتي وبعلم اهلي
_ هاا !! يعني قصدج انه انا مادخل لان اهلج عدهم علم  مووو. (بصياح)
_ هفف لا مو هيج هسه انت ليش معصب شنو سويت حرام شبيك حبيبي
_ سيرين طلعه من البيت وحدج وتفرفرين براحتج ويا ماعرف منو ممنوع فهمتي لو لا

باوعتله صفح ومعاجبني ردني وهو يخزر بيه اكثر وتقرب علي اكثر صرت ملاسقه الباب ولجسمه انفاسه حارة تلفح بوجهي عطرة مخبوط ويا عطر الدخان بحيث دوخني ونسيت ع شنو نحجي احنه ونسيت هو دايرزل بيه ....

_ فهمتي لو لا ...
_ أي فهمت ، بس بعد اريد اروح لغرفتي
تقرب اكثر وصار يهمس بأذاني وانفاسه على ركبتي ويحجي بصوت ولهان  شكله يلعب ع اعصابي ويحاول يسيطر عليه المشكله مداكدر انتفض وابعدة كل ميتقرب اكثر أنا ادوخ اكثر

_ ليش ابقي هنا شويه لو متردين
لزم خصله من شعري وشمها حيل بعدها تقرب على ركبتي وشمها
_ أسر بعد اريد اروح عفيه
انتبه ع نفسه وبعد من طريقي ردت اطلع من شقته بس لزم ايدي وحضني حيل بادىته الحضنه وكتله

_ ضوجتني  على فكرة انت تعرف كلش زين انا اطلع مع صديقاتي مو جديدة هالسالفه واحنه مو بالعراق عايشين حتى تخاف عليه
_ يعني هسه انت ِ ترديني ماخاف عليج ، سيرين انت ِ كبرتي ووعيتي المفروض تنتبهين ع تصرفاتج، لبسج،  طريقه كلامج، حتى طلعاتج سيرين لو ماحبج ماخاف عليج يعني ما تخيل انت ِ بيوم يصيبج مكروه او اسمع عنج كلمه مو حلوة زين
ماكدر احجي بعد اكثر من هذا الكلام لان مو وقته بس ديربالج بيوم ترجعين متاخر ع البيت واني مادري زين

هزيتله راسي بالموافقه لزم وجهي وباسني من راسي وكلي يله ع النوم باجر كعدي من وكت عندي موضوع وياج

صعدت لغرفتي واتمنى اعرف سنو الموضوع معقوله يكول لاهلي ع علاقتنا  مكدرت اصبر للصبح اخذت الفون واتصلت بي
جاوبني بصوته الحنون والناعس