مرحبا حبايبي اسفه ع التاخير بس والله مو بيدي شوي مشاكل والحمد لله اتعدت ع خير 🌸🌸🖤
احبكم قرائة ممتعة ❤️❤️🕊️
مر اسبوع ع الحادث الي صار وكدرت اتجاوز الولع الي صابني خلال اليومين العشتهن بالغابه
علاقتي بأسر قوت وصرنه نتراسل بالموبايل ونتخابر كان دائما يهتم بيه ويسئلني عن يومي وحالتي أهتم بادق تفاصيلي
حبيته أكثر ولقائي ويا صار اكثر ومحد يكدر يمنعني منه اني عنوديه وراح اعاند بحبي لأسر واحارب الكل لحتى يكون الي...................
الصبح الساعة 7:30 دقيقة داتمرن ع البحر وأركض رياضة الصباح من كنت طفله اطلع ويا ماما هسه كبرت وصرت اطلع وحدي أنتبهت من بعيد ع بنيه كنت اعرفها من ايام الثانويه هفف هسه حتكعد تحجي وتسئل واني اكرهها سويت نفسي مامنتبها بس هي لكفتني
_سيرين شو اخابارج وشونج صح الي سمعنا ضعتي بالغابه ههههه لساتك طفله حبيتي لتطلعين وحدج
_ هلا انتي شو اخبارك يي صح ضعت تعرفين اهلي يسمحولي روح ع اي مكان اريدة مو بالزور وبالتوسل واذا طلعت الا مع اخي الاكبر مني
_هه قصدج عليه من. حرصهم حبيبتي اهلي هيك يعملو معي
_ امم الله يخليك الهم ، عن اذنك اتاخرت
_لحضه شو في حفله بيت اوزجان ماتجي بس شرط يكون معك حد يرافقك اعتقد ماتجي لانماحدا بيحب يمشي معك انتي المعقدة
_ لا حبيبتي احضر وحيكون معي حبيبي
عفتها ومشيت شكد غثيثه يربي مفكرة حالها من جد عدها حبيب الاملط المراهق هفف اكيد لازم الاكي حد من اولاد عمي لحتى يحضرو معي بس منو
دخلت ع البيت اخذت شاور ونزلت الكل موجود ع الفطور ماعدا أسر تعودت ع عدم وجودة بيناتنا اصلا من يكون موجود اكيد اكو لو مناسبه لو جدي مموجود
_
_ صباح الخير
وكعدت ع مكاني مقابيل ابن عمي علي الغثيث يربي يمشي بدمه التفاهه
(علي )_ سيرين ممكن من تناوليني الملح.
_يي تفضل دانطي الملح عاد يهدا وينكب
_شبيج سيرين طفله انتي ومتعرفين تلزمين حاجه
_ لا انت الي كبيته خباثه وياي بس تريد تتعارك ، اني اريد اغير مكاني ماريد اكعد كبال خلقته
_ عساس اني ميت ع شوفتج
صاح جدي بصوت عالي ، كافي بلا حجي زايد شنو كل يوم انتو كالبين علينه الاكل زقنبوت كافي بلا لغوة
جدو كان يميل للعراق اكثر من تركيا يعني حجيه وتصرفاته يدل ع انه هو من الغربيه كل تصرفاته وكلامه لكن احنه كلنا حجينه عراقي فصيح واكثر الاحيان تركي بس بالبيت ممنوع احد يحجي تركي اله عراقي فجدو كان من يرزل واحد لو يعصب حجيه عراقي وبحركه افاد مثل ميكولون ،
اما أسر يمكن من كثر ماجدو يضوج منه وهو يضوج من جدو فماخذ اطباعه كلها بالحجي وبالعصبيه وبالملامح وبكلشي مثل جدي بس لو يتقاربون من بعض يمكن الناس تشوفهم كأنه ابنه مو حفيدة ولو هو لا يعتبرة حفيدة ولا شي يعتبرة مجرد شخص كاعد ويانا بالبيت وغريب عنه
كمت من الفطور وصعدت الغرفتي اخطط شلبس اليوم للحفله قررت اطلب من أسر يحضر معاي الحفله ونمثل انه احنا كبلز صح هو حبيبي بس ميدري بهذا الشي ومقررة اليوم اعترف بمشاعري اتجاهه حتى لو هو ميبادر من عندة انا ابادر لان ماتحمل بعد فراق ولازم نصير سوا
حضرت كلشي من فستان وتسريحه ومكياج بس بقه اروح لأسر واطلب منه......
فتت لبيته وكان بارد ومنعش ونظيف اني طالبه من الخدامه تحسب حساب بيته هم وتنظفه وتسويله اكل يعني تقوم بواجبها اتجاه واتجاهنا
_ أسر ، ممكن افوت ؟!
_ تعالي ، ياهلا !! اووووه شنو هالجمال مكياج وتسريحه عدنه عرس ومادري
_ أسر ، أسوري وصرت اتمايل كدامه
ممكن اطلب منك طلب لترفضني حباب وبرطمت بشفايفي
_ استغفر الله ، تفضلي هان شنو طلبج بس شوي شوي عليه مو فد جفته وحدة
_ أسر عندي حفله ولازم تجي ويايه لان ميفوتون غير بس الكبلز واني لازم اروح لازم الله يخليك حباب حباب
_ وين هاي الحفله ، وساعة شكد ومابيها ممنوعات وشرب موو
_ يا اني شمدريني بس تعال وياي حباب تدري بيه اني اكرهه ولد عمي وحتى لو يجون مو بوسامتك اريد اكشخ بيك ( حاوطت ايدي بركبته )
_ بأرتباك من قرب سيرين تمام بس اكمل شغلي والبس واجي وياج
_شنو عيني ياشغل هذا اسر حفله كبيرة وانت تكلي شغل تعال وراي تعال
فتت لغرفته فتحت الخزانه الخاصه بالبدلات الرجاليه وصرت اختار بينهم اخذ وحدة واحطها ع أسر واخذ غيرها لحد ماخذت وحدة سودة وكتله هاي الي تلبسها وطبعا ماخلصت من منافخ أسر وضيكه خلكه بس طبعا مايرفضلي طلب
كملت كلشي ولبست فستاني واخذت جنطتي ونزلت من الدرج لكيت أسر واكف جنب الدرج اول مانزلت فتح عيونه ع وسعهن وكلي هيج حطلعين
_ يي ليش شبي فستاني ليكون محلو
_ لا عيني يخبل ومنا جسمج طالع وانا امشي وياج مكرن
_ أسر الله يخليك هدي شوي مو اول مرة البس هيج فستان لطفا لتخرب طلعتنا
_ تمام ، بس لبسي فوكا شي يغطي صفاحج عزيزتي
_ ضحكت وخليت السترة هيج كلاوات
ثبتت ايدي بايدة وكان كلشي مثل مرسمته بالسيارة كتله اسر انت حبيبي انصدم وكلي هاا !! اقصد انت بالحفله حبيبي شبيك ، يي انشالله انشالله
وصلنا للحفله نزل أسر فتحلي الباب ولزم ايدي كانت اجواء تخبل رومانسيا وهادئه تقريبا احنه متعودين ع هيج حفلات كبيرة جدي نظام الدين والدي واعمامي دائما يحضرون هيج حفلات وياخذون زوجاتهم وياهم وهسه صار دورنا نخطف الاضواء مثل مكان اهالينا يسون
عدت الحفله ع خير وكانت تجنن وجودي جنب أسر زادني جماليه وفخر احس العالم كلها تنظر النا وتكول شكد حلوين بعد ساعتين تقريبا كتله لاسر نطلع لان تعبت وراسي صدع فطلعنا كان مفكر انه نتعشى بمطعم راقي بس اني طلبت منه ياخذنا ع البحر كعدنه بمكان يجنن جنب عربانه لبيع السمك واصوات الامواج والهواء الطلق يخلي الواحد ينسه نفسه
بعد ماكلنا وكملنا صرنا نتمشى ع البحر ونحجي بمواضيع عاديه بس ماكدرت لازم افتح الموضوع ويا أسر واكله ع مشاعري اتجاهه
_ أسر ، ممكن سؤال ؟!
_ تفضلي ،
_ انت تحب !! يعني اكو انثى بحياتك
_ هه ، من وين طلعتي بهالسالفه
لا ماكو وحدة بحياتي ارتاحيتي
_يي ارتاحيت
وكفت كباله ولزمت ايدة بحب وحنيه
_أسر ، أحبك
لتنسون النجمة وسو مشاركة لاصدقائكم كلش محتاجه دعمكم والله 🌷🌷❤️
أنت تقرأ
لأنني لقيط
ChickLitهل نحن من سندفع الثمن ؟؟ ليتني لم أأتي للحياة ، ليتني لم أقابلكِ ، ليتني لم أوذيكِ .. من أنا وماذا افعل هنا؟؟ ماذا أملك غيركِ لا شي سواكِ
