لأنني لقيط

البارت الاول

مراحب حبايبي عذروني ع التاخير بس لان اول قصه الي فلازم ادقق بيها واتمعن بالكتابه انشالله تعجبكم ⁦❤️⁩⁦🕊️⁩

أسمي سيرين عمري 22 سنه   من أم تركية ، أب عراقي تسلسلي بالعائلة اصغر وحدة والوحيدة البنت ع 5 أخوان
حسام 35
علي 32
مصطفى 29
ديمير 27
رضا 25

أحنه عائلتنا شوي مختلفه عن باقي العوائل العراقيه نرجع بالزمن قبل ولادة جدي نظام الدين ....

والد جدي كان من عائله غنيه كلش يشتغلون بالعقارات والبيوت وعندهم شراكه باسهم شركة مع اخ والد جدي عايش  بعمان  فالحمد لله متمكنين كلش

بيوم من الايام والد جدي حب وحدة تركية تعرف عليها من خلال اخو الاكبر منه واحد حب الثاني وراد يزوجها بس ابو مقبل وكله اذا تزوجها اتبرة منك واخوانك كلهم تكطع علاقتك بيها وحتى احرمك من الورث ف والد جدي كان حبه اقوة من كل هالاشياء وبقة مصر ع زواجه من التركية وازوجها وصار  يشتغل ويا اهلها

اهل زوجته احتضنو وحبو وصارو يشغلو معاهم لحد ما والد جدي صار عندة املاك واسهم بشركات اهل زوجته وبنه نفسه وسوا لروحه حياة ثانيه بعيدة عن العراق وعن اهله

بعدها صار عندة طفل الي هو جدي نظام الدين لكن للاسف زوجته توفت بالولادة وكتبت وصيه انه جدي نظام الدين يتربه عند اخته ويتزوج وحدة من بناته ...

فكبر جدي تحت رعاية خالته بس والدة مزوج بعد امه حفاظاً ع حبها الي بقه بكلبه ....
ازوج جدي بنت اخت والدته وعاشو حياة حلوة كلش وصار عدهم 4 ولد وبنيه

والدي حسين
واعمامي حسن ، يوسف ، ظافر
وعمتي أيفجي

بعد وفاة والد جدي قررو اعمام جدي انه يرجعون علاقته بي بس هو رفض  وعرف هم يردو علمود املاك والدة حتى يوثرو
فواحد من ابناء اعمامه لعب ع عمتي ووهمها انه هو يحبها ووعدها بالزواج 
من فتحت الموضوع ويا جدو رفض وعصب عليها وكاللها اذا ازوجتي لو اعرف بيج عندج علاقه وياج كتلكم ع ايدي
بس عمتي ماسمعت لجدي مغسول دماغها بالحب والعشق المزيف  صارت  تلتقي بأبن عمها بحجه انه من يدرون اني ماخذج  يسامحونا لحد ما صارت حامل بالحرام من سمع ابن عمها برأ نفسه من هالتهمه وكاللها انه اني مدخلني بي ..
قررت عمتي تروح لبيت خالتها بحجه حتى تنسى حبه ومتذكرة 
رجعت وبيدها طفل عمرة ايام من سمع جدي صار بي سكر واتازمت حالته وحلف يمين بس يلاكه ابن اخو يقتله اله ولبنته
سافر جدي للعراق ولكه ابن اخو وقتلهم بدم بارد لغسل عار هو واخوانه وسكرو هالسالفه واستمرو ع خلافهم اما الطفل الي هو ابن عمتي لا اهله يردو ولا جدي يريدة

فوالدي كله بما انه ميصير عندي اطفال اني اربي بس يبقه مسجل باسم ابو لحتى ميصير خلاف بالمستقبل

بعد سنتين من ولادة أسر الله رزق اهلي باخوي الكبير حسام وبعدها اخواني الباقين واخر شي اني 
احنه بيتنا جبير كلش بحيث كأنه قصر كاعدين بي عائلتي وعوائل اعمامي ونسوانهم واولادهم وجدي وببيتي ويا الخدم والدادا ام فاطمه