يمه يمه ...
امي:مالك ي بت في شنو
انا:انا ماشة لي تهاني نذاكر معاها شوية عشان عندها الكتب كلها
امي:سمح امشي لكن المغرب م يلقاك برا البيت انتي عارفه ابوك
انا:سمح ي أمي م بتأخر
(طبعا انتو م فاهمين حاااجه 😂😂طيب اعرفكم انا اسراء عمري 18سنه عندي اختين إيمان،، 5سنوات وملاذ 8سنه واخ اسمو وليد 13سنه امي اسمها فوزيه وابوي محمد ساكنين في قرية من قرى الجزيره يعني نحنا ناس علي قدر حالنا ابووي شغال اعمال حره وامي شغاله في الحواشات
وانا ووليد اخوي بنساعدها في الاجازه انا ممتحنه شهاده سوانيه علمية شايله احياء ونفسي انجح عشان اصلح حالنا بمشي اذاكر مع تهاني صحبتي عشان هي عندها كتب ومذكرات تهاني وضعهم المادي كوويس م زينا. يلا نرجع)
مشيت لتهاني دقيت الباب فتحت لي امها
انا:سلام
خالتو اكرام ام تهاني:عليكم السلام ي سرويه كيفك
انا:الحمدلله بخير انتي كيف
خالتو اكرام:الحمدلله بخير اتفضلي
انا:يزيد فضلك تهاني قاعده؟
خالتو اكرام:ااي قااعده امشي ليها في الصالون
انا:سمح 😊مشيت لي تهاني
تهاني :سروويتي جيتي من قبيل منتظراك
انا:طيب ارح نبدا
تهاني :قبل م نبدا حلي لي الورقة دي
انا:سمح جيبيها
تهاني :ووااي ي اسراء انا م مصدقه اننا نازلين امتحانات بعد بكره يعني اخيرا حنرتاح
انا :م تذكريني السيره دي بتوترني
تهاني😂م تخافي ها انشاءالله بتجي ساهله وح ننجح
انا:انشاءالله من خشمك لي باب السماء
وبدينا نقرا ولمن خلصنا استأذنته ورجعته البيت وعدت الايام وجا يوم الامتحان في الاول كنته متوتره بس قربت اية الكرسي وهديت مشيت اتجهزته ومرقته
انا:امي انا مرقته ادعي لي
امي(فوزيه)سمح الله معاك ي بتي ربنا يوفقك ومشيت الامتحان مرت الامتحانات الحمدلله
يتبع........
