جات امتحانات السمستر الاول وانا كنته اولة الدفعه مشيت الاجازه وجيت مرات ريان بتزورني في الداخليه ومرات انا بمشي معاها البيت لحد م جا يوم ومصاريفي خلصت وم قادره اقول لي ابووي ارسل لي وانا عارفه ظروفهم كيف بقيت قاعده في الداخليه وم عندي مصاريف لا باكل ولي يومين م مشيت الجامعه ريان ضربت لي قلته ليها عيانه جات شافتني م قدرته اكلمها لانها قبل كدا ادتني قروش وكتير بتقول لي اجي اقعد معاها في البيت بس انا برفض وخالتو وداد ام ريان طوالي بتتصل لي يعني اهل ريان بقو ذي اهلي بس للان م اتعرفتا علي رامي كل م امش بيتهم بكون مافي المهم قعدت يومين في الداخليه بدون اكل اليوم التالت المسا جات ربا ومعاها سبأ
ربا:مالك ي اسراء م قعده تمشي الجامعه
انا:س ساااي
سبأ:م تدسي مننا احنا اخواتك وعارفين الظروف قعدو يحكو لي هم لمن جو حالهم كان كيف وانا طووالي حكيت ليهم ظروفي
سبأ:احنا عندنا ليك حل ترتاحي ولا تتعبي ابووك ولا تتعبي انتي وتجيبي مصاريفك بررراااك وغمزت لي ربا😉
انا:كيف يعني
ربا:بي مسكنه كدا شوفتي احنا متفقين مع مرا كدا عندها شقه بنغسل ليها وبنكوي ليها وبتدينا قروشنا وبنجي نصرف علي نفسنا برانا وبعدين الشغل م عيب مدام حلال
انا:ااي فعلا الشغل م عيب
ربا:لو عايزه ممكن نكلمها ليك
انا:اااي ااي عايزه كلميها لي عليك الله
ربا:قالت لي خلاص هي بكره عندها شغل في البيت بكلمها ليك تمشي تشتغلي بدلي عشان انتي محتاجه لي القروش حاليا اكتر مني وانا معاي قروش هسي
انا:بالجد انا م عارفه اقول ليكم شنو شكرا
ربا:(بي خبس)العفو يقلبي ده واجبنا
ابتسمته ومشيت سريري وانا مبسوطه واخيرا ظروفي حتتحسن شويه اتصلت لي ريان حكيت لي الحاصل معاي كلو والسبب الخلاني اغيب ريان
يتبع....
