وداد ام رامي:يعني شنو ي عبدالله تفاجئوني بالعقد يعني انت واولاد عايزين تقتلوني
خلاص ي وداد نتفاهم بعد نرجع الخرطوم م عايز فضايح
ريان :الو
رامي:مالك
ريان:ابوي عقد ليك
رامي:يعني عملتي الفي راسك ي ريان
ريان :انت الاخترته كدا
رامي :ياااخ انعل..تيييييت....💔
ريان:عموما كدا احسن
رامي :ااي احسن عشان المسرحيه دي تنتهي سرعه
ريان:ي بجاحتك ياخي😠معقوله انت م متأثر ولا حاسي بالذنب تجاه البت دي
رامي:م قلنا ليك كنته مزفت م واعي😒وغير كدا هدا اتزوجتها
وبعد السنه حاطلقها واكون عملته العلي😏عموما كويس انكم عقدتو يمكن ارتاح من نقتك دي
والله انا ك عارف انا اخوك ولا البت دي🙂💔
قفلت الخط في وشو
وهناك عبدالله استأذن انو لازم يرجعو الخرطوم ابوي واعمامي قالو ليهم بيتو وتمشو الصباح عمو عبدالله قال ليهم والله م بقدر وراي شغل كتيير
ريان ودعتني واتحركو💛
اما انا ف خلاص استسلمته للامر الواقع م اني عارفه انو الزواج ده لمده سنه وانو حيكون ع الورق ساي بس كنته خااايفه و م عارفه ح اعيش مع البني ادم ده كيف💔
ناس ريان رجعو الخرطوم وبعدها باسبوع جو جابو الشيله هي وامها وخالاتها
وجاابو حاجات كتييره الحله كلها اتكلمت بشيلتي
حبسووني طوالي لانو م كان في زمن بقيت عباره عن أله يحركوني يمين امشي يمين يحركوني شمال امشي شمال امي دايما بتسألني انتي مالك ي بتي الحاصل ليك شنو بتهرب منها وبقول ليها مافي حاجه ي امي 💔قالت لي من جيتي من الخرطوم بقيتي ساكته الا يتكلمو معاك 💔حاولته اتهرب من اسألت امي واكوون عاديه بس م قدرت ارجع روحي المرحه حتي الضحك بقيت م بعرف اضحك
بعد خلصت فترت الحبس عملو لي الحنه واخواتي كانو فرحانين شديد قلته لي امي الدهب الجابو لي ده شيلو استفيدو منو انا م عايزاو امي قالت لي ده كلام شنو ي بت نشيل دهبك كيفن المهم اقنعتها حتي قبلت تشيل منو
عملو لي الحنه لبسوني فستان جابو لي في الشيله فستان عامل ذي الزفاف لونو بنفسجي ضيق من فوق وفاري من تحت لبستو عملو لي تسرحه والميك اب عملتو لي شفق عدت الحنه وانا وتاني يوم عملو العزومه
قعدين جوا العصر سامعين اصوات عربات ايمان اختي جات جاريه قالت لي عريسك جا
انا بقيت ارجف وعيوني
بس مسكته دمووعي بالعافيه وحاولته اكون قوويه💔😭🔥
ريان جاتني سلمت علي طلعوني برا وشايفه رامي والناس اتلمت حوالينا عشان يعملو لينا الجرتك شايفه رامي جااي علي بس حاولته اتماسك وم انهار💔🔥
ريان حست بي عشان كدا كانت واقفه جمبي(بالجد ريان دي احسن انسانه لاقتني💔) رامي جا وجرتكونا ودعته ناس امي وبكيت لمن الله غفر لي وبكيت مع ابووي ووليد اخوي وامي شغاله لي ابقي عشره ع راجلك واهل راجلك وانا اشيل وابكي
ومرقنا انا ركبته مع رامي الكان سايق العربيه احمد صاحب رامي وريان جات ركبت معانا اتحركنا واحنا طول الطريق ساكتين
احمد حبه يلطف الجو قال لينا تسمعو شنو
ريان حدرت ليو احمد😒
قال ليها خلاص معليش ي ستي اسف
وانا ساكته والعبره خانقاني
بعد م بعدنا حبه ريان قالت لي رامي انت امش اقعد قدام مع احمد
يتبع......
