مرت الامتحانات الحمدلله فيها الساهل وفيها الصعب جات الاجازه وبقينا انا ووليد اخووي نمشي الحواشات مع امي ونساعدها كل يوم مرت الشهور لحد م جا يوم اعلان النتايج والحمدلله جبته 95ورفعته راس امي وابووي تهاني جابت 90وبدينا نجهز للجامعه انا وتهاني كنا بنتمني ندرس في جامعه وحده بس للاسف انا شالوني طب الخرطوم وتهاني ف الجزيره
في مكان تاني!!
ريان:ماما اسرعي يااخ عشان م نتاخر
م صدقنا رامي قال حيمشي معانا
ماما:يلا جيت
عند ناس اسراء
امي:بكره تسافري الخرطوم مع ابوك عشان يشوف ليك الداخليه
انا :سمح الصباح جهزته حاجاتي ودعته ناس امي وبكيت بكا اول مره اسافر وابعد من ناس امي وصلنا ابوي سجلني في الداخليه وخلصنا اجراءات الجامعه ابوي وصلني الداخلية ووصاني علي نفسي
ابوي(محمد):ابقي عشره علي روحك ي بتي امسكي نفسك عليك انا وثقته فيك وجبتك بلد الغربه عشان تقري م تكسري ضهري وابقي عشره علي نفسك
انا:😭 انشاءالله ي ابووي ابشر انا م بخذلك
ابوي اداني قروش واداني تلفون ربيكه قال لي امسكي التلفون ده بحول ليك بي قروش ونضرب نشوف اخبارك قلته لي سمح ودعتو ودخلته وصفو لي الغرفه الانا فيها مشيت ولقيت معاي كم بت
في الغرفه سلمته عليهم ومشيت سريري البنات جو سلمو علي وسألوني انتي من وين وكدا وعرفوني برلومه وهم م برالمه اتعرفته عليهم نمته الصباح استحميت طبعا الحمام بالصف وولبسته لي عبايه مدياني ليها تهاني وطرحه سوداء وجزمه سوداء م عملته ااي حاجه في وشي غير الكحل اصلا عندي كحل بس شلته شنطتي البنات عاينو لي بإستغراب كدا انا لمن اتعقدته من نفسي مرقته انا ومعاي بتين وحده اسمها ربا والتانيه سبأ بدرسو معاي في نفس الجامعه طلعنا من الداخليه لمن وصلنا المحطه عشان نركب
يتبع.....
