أحببت إبن زوجي (مكتملة)

20

لبارت 21 
 من بعد هاد العتابات لي دارت بين الاب و ولدو هدى عرفات راسها مابقاتش غاطول معاهوم هزات حوايجها ورجعات لدارهم
 امين بقا فجردة ليل كامل وتخلطو عليه العرارم ماعرف واش إتيق باباه ولا إتيق بنت عرفها يالاه يوماين هادي ولكن اككيد غادي إجي من جيهت سي احمد لي بدورو كان هو اكتر شخص مجروح فهاد الحريرة حيت جاتو الدقة من ولدو ومرتو لي كان كايبغيهوم اكتر من راسو بقا امين كايشوف فالنجوم وكايفكر فليلى لي ماعارفش واش إتيقها او يكدبها
 احمد خرج ونعس فلكازينو *** عند ليلى لي فكرات فالنتحار حيت خسرات حبيبها و ولدها وحتا راسها ولكن جات ماماها وحيدت ليها الموس من يديها وبقات تاتصبر فيها وتطلب منها السماحة حيت هوما لي دارو لبنتهم هادشي كامل **** دوينا بززااف على احمد، ليلى، امين ونسينا حسام اخ امين هو إنسان داخل سوق راسو وماعندوش مع العلاقات ومايجي منهم وكايعتبر الحب غير تفاهات وصدااع الراس ***نرجعو عند امين لي قلبو بغا يسكت دخل لبيتو باش يرتاح فالغد ليه عندو الخدمة بزااف حيت شي منافس جديد دخل لسوق التجارية واكيد امين واحمد غادي يقلبو موازين البورصة كيف العادة دازت شهر على هادشي لي وقع وليلى غبر ليها الاثر وحتا امين ماعمرو سول فيها حيت مابقاتش كاتهمو. 
اصبحنا واصبح الملك لله
 ناض امين على الصباح دوش وهو يلبس البذلة الرسمية للشركة لي زادت بيناتو شخصية كتر دار لبارفام ديالو وهبط لكوزينة فطر وهو يمشي للشركة 
 ***امااا سي احمد فكان هادا هو النهار لي يطلق فيه مع ليلى حيت بااقي ماطلقو مشا للمحكمة وتما لقا ليلى كاتسناه دخلو عند القاضي وسناو على عقد الطلاق 
 .. القاضي: بعد محاولات الصلح بين الطرفين وإعادة النظر في القضية ملفها 23/06/2018 نعلن عن انفصال الطرفين بشكل نهائي دون كسب اي ربح لصالح لمدعى عليها ليلى العلوي 
 احمد: استغربت علاش طماعة بحالك ماطلباتش نصيبها من الورث ديالي
ليلى: اخر حاجا نفكر فيها هي ناخد منك شي سانتيم 
 مشات ليلى هازا راسها وتوجهات لدارهم تمنات كون شافت امين وإتيقها ولكن ماعندها مادير *** عند امين لي كاان فرحان بزااف وتوقعاتو كانت فمحلها حتا هاد الدورة كان الربح من نصيب عائلة الجودي عيط لباباه لي كان جاي فالطريق 
امين: الو بابا فينك 
احمد: انا كنت عند واحد صاحبي هاني جاي علاش اش كااين 
 امين: انا بغيت نبارك ليك ابابا صااف حنا سدينا سوق البورصة