بسم الله الرحمن الرحيم وبه نستعين
طبيب القرية الحلقة 2
الكاتبة صفاء حسني الطيب
صباح بغضب :
إنتي يا بت بتتحدتي مع إبن العمدة من ميتا يا بت
ردت زبيدة بجلجى:
لاع وربنا مش بتحدت إمعاه هي أول مرة يحدتني النهاردة واني حتى استغربت
نفخت صباح بضيق ووضحت:
يا بتي أني واثجة في أخلاجك لكن الواد ده كل يوم مع بنت شكل ربنا يكفينا شر الفضايح، يارب يهديه يارب أهالي كتير لموا حالهم ومحتالهم وسابوا الكفر بسبته، لأنه كل إجازة لازم يضحك على بنته من بنات الكفر بكلامه المعسول تقوم البت تصدقه و تقع في شباكه وبعد اكده التراب يتاويها أو يهربوا هي وأهلها من الكفر شايلين معاهم الخزي والعار
نزلت دمعة من زبيدة :
لا ياما ماتخافيش أني بتكم اللي ربيتوها أحسن تربيه
قطع عثمان حديتهم :
إنتي يا بتي متعلمه وبتفكي الخط وهتكوني تمرجيه كد الدينيه وأني بفتخر فيكي
ضمها عثمان لصدره بحب روحي يا بتي حطي الورد في الفازة ووديه الأوضة بتاعت البيه وتعالي فوريره
صباح برفض :
لاع أني اللى هوديها على أوضته وإنتي إياكي تهوبي ناحيه الأوضة دي واصل
زبيدة هزت رأسها:
حاضر ياما مش هاهوب نواحيها واصل
قطع عثمان حديت صباح بحدة :
لاع إحنا بنخدم البيه عايزاه يقول إن إحنا بنكسر كلامه
نظرت صباح له بغيظ :
ما أني اللي هاعمل كل حاجة يا أبو زبيدة
عثمان ماهتمش بحديتها :
روحي يا بتي وما تعوجيش سامعه وأكيد البيه لسه في الإسطبل
نفخت صباح وسابتهم وهي بتجول:
اللي تشوفه يا عثمان أني عوجت على تحضير الفطار وزمان الهانم هتصحي ما تعوجيش عليا يا بتي علشان تساعديني في تحضير الوكل
هزت زبيدة راسها: فوريره ياما
....
راح كل واحد من العيلة الصغيرة يشوف اللي وراه من تحضير الوكل وتنظيف الجنينه والبيت
أما عند مالك ذالك الشاب المستهتر كان أخذ متعته من نعمة وعطاها فلوس وجالها :
اشتري ليك بيها حاجات يا جمر
ابتسمت نعمة وقبلت يده :
كتر خيرك يا بيه منحرمش منك واصل بس كنت عاوزة أجولك على حاجه كده
مالك وهو عاري الصدر ونعمه جوا حضنه سألها :
هي إيه الحاجة داي يا جمر إنتي
إبتسمت نعمة بخجل:
إنت كنت حدتني عن إنك لما جلتلي زوجتك نفسي وأني رديت عليك و جولتلك زوجتك نفسي إن كده اتجوزنا على شرع الله صوح الحديت ده
مالك بتوتر :
صوح لكن إيه اللي فكرك بيه الحديت ديه دلوكيت.
بلعت نعمة ريقها وقالت :
أصل أني سمعت الشيخ على الشاشة الكبيرة اللي حداكم في الريسبشن وأني بنظف الدار مع زبيدة وموهجه الشيخ جال
إن مش ديه اللي بيوحصل ولازمن يكون فيه اللي إسمه ايه ديه إيوه إيوه إشهار وإعلام....
أنت تقرأ
١١)طبيب القرية الكاتبة صفاء حسنى
Romanceصعيدي المقدمة طبيب الكفر هذا الكفر الذي لم أراه في يوم في حياتي الآن ذهبت عليه وانا طبيب لكي آراء من جرح وكسر امي ب اسم الحب في البداية عندم أرسلوا لي جواب التعين في مستشفى في كفر غريبة كنت متحمسا أن أعالج الفقير وادواء المحتاج لكن لم أعلم أن...
