١١)طبيب القرية الكاتبة صفاء حسنى

الحلقة 29

بسم الله الرحمن الرحيم
وبيه نستعين والصلاة والسلام علي اشراف المرسلين سيدنا محمد عليه افضل الصلاة والسلام

الحلقة التاسعة والعشرون
بقلمى صفاء حسنى الطيب

تعمل نهر إتصال ل زبيده......

زبيدة ترد بلهفة :خير يا بنتي كل تمام سليم بخير طمنينى ...

نهر :مش عارفة اقولك إيه بس في أحداث حصلت غريبة وإحنا في الكفر ده .....

زبيدة :أحداث ايه طمنيني يا دكتورة سليم كويس اتحسن....

نهر :مش عارفه اشرحلك دلوقتى اي حاجة إلا أني عرفت أن سليم مكتبش عقد عرفى ولا انتي مضيتي علي اي حاجه زي كدا .. بس طلب مني طلب ..

زبيدة :انا عارفة أنه مكتبش حاجة لأن الوقت إللي قال عليه أنا كنت في عملية مهمه مع دكتور نور وبعد ما خلصت وهو اصر علي اخد الورق وسبته من غير ما امضي روحت نمت علي طول وقتها :

نهر :طب ليه مش قلت الكلام دا وقتها
زبيدة :علشان قلت انتهيز الفرصة واسيبهم ،بس ايه الطلب ديه...

نهر :هو طلب يكتب كتابه عليا فاكر ان لو عمل كدا هيثبتلك ويثبت للكل أنه معملش كدة وانتي عارفة ده معناه ايه....

زبيدة :اكيد أن الشخصية الحقيقة بتتغلب على الشخصية الوهميه....

نهر :صح طيب انا جايه انا وهو عندك علي اسكندرية انا شايفة الجو هناك هيكون مناسب للعلاج ونشوف دكتور نفسي كويس يساعدنا...

زبيدة :تمام يا بتى وشكرا انك وصلتي معاه لحد كدة وافقي يا بتي علي زوجه
مهتلاقيش أحن من سليم وصدقيني مهينساشي وقفتك معاه أنا خابره أنها خطوة صعبة عليكي بس انتي بتساعدى ولد خالك في العلاج وده ثواب كبير...

نهر :يارب اقدر يا عمتوا ومش فارق معايا اي حاجه ابدا كفاية أرد واجب خالي مالك عليا ...

زبيدة :هو أخباره ايه....

نهر :الحمد الله كويس بس حزين وانا ببلغه لما بوصل لأي مكان إنك مش موجودة بيحزن اكتر ...

زبيدة :سليم طيب وقوة ويكون بخير ووقتها كل حاجة حتنحل يا بتي ...

نهر :إن شاء الله يا عمتوا سلام ..

زبيدة :سلام ...

في كفر غريبة يأتي شخص لمالك ...

مالك :نورت يا باشا اتفضل ...

الباشا : الفضل من خيرك انا جيتلك مخصوص ومبعتش حد من عندى علشان عندى ليك أخبار حلوه قوي ..

مالك:تعبك فوقي رأسي يا باشا واتمني تكون وصلت ل حاجة ...

ويتذكر مالك لما أحمد اتكلم معاه وتراجع في السفر مع سليم ...