١١)طبيب القرية الكاتبة صفاء حسنى

الخاتمة التانى

بسم الله الرحمن الرحيم
وبه نستعين
الخاتمة التانى
بقلمى صفاء حسنى الطيب

في إسكندرية في نفس الوقت  إلذي كانت نهر تنفذ الخطة فيه مالك سافر  ينفذ هو خطته 
يصل مالك إلي المكان إلي فيه زبيدة ويرن الجرس...

زبيدة :ايوه  انى جاية يا سعاد اصبري

مالك في الخارج يرتدي  بدلة سوداء وقميص ابيض تحته والنظارة وطلع وسيم ابن 30 عام ليس  48 اطلاقنا ويستند علي عكازه..

زبيدة تلبس اسدال لونه اسود في ابيض  وتلف الحجاب علي رأسها  وتفتح الباب

مالك : زبدتي كنت فاكرة انك هتهربي مني تانى...

زبيدة : يابوى انت جيت اهنه كيف..

مالك :هههه جيت بالاتوبيس وسعى أكده عايز ادخل بيت مرتي...

زبيدة :مرتك مين اوعي أكده مينفعش.

مالك :لا ينفع  وانتى مرتي من زمان قوى ...

زبيدة :دا في حلمك يا ابن النايب ..

مالك :بقى اكدة مش انى حلمك واني الراجل إللي بعدي حلفتي ما غيره يلمسك او يقرب منك صح...

زبيدة :عيب الحديت ديه هو انت لسه زى ما انت يا راجل انت عندك وادين طولك...

مالك :لا قولي 3 اولاد لانى نويت اربي فرحه كمان ...

زبيدة :بت شاهين ونعمة صح يبقي عليك العين ربنا يقويك ...

مالك :يقوينا إحنا التنين انى وانتي والمرة ديه  مفيش اي اعتراض لانى جاهز بكل حاجه ...

زبيدة :مش فاهمه كل حاجة ازاى...

مالك :اسمحي لينا ندخل طيب ...

زبيدة :آسفة جدا اتفضلوا ...

مالك : اتفضل ياشيخنا  ...

يدخل مأذون ومعه اثنين شهود وسعاد وزوجها...

زبيدة :بقى اكديه يا سعاد  متفقه معاه.

سعاد :لا والله انا اتفاجئت أنه يعرف كل حاجه عني وعن جوزي وراح ليه واتفق معاه علي كل حاجة انا مقلتش آي  حاجة...

زوج سعاد : فعلا يا أستاذة زبيدة وهو إنسان كويس لأنه اعتبرني أخوكي وجيه طلب إيدك منى ولو انتى مش معتبرانى كده يبقى سامحينى  ....

زبيدة :عيب عليك يا منصور  انت عارف انك اكده وأكتر مكنتش جيت ولا فكرت أجي علي اسكندرية لو انت وسعاد مش موجودين بس فكرة الجواز  دلوقتي فكرة مش زينة واصل ..

سعاد : ليه مش فكرة زينه  يا زبيدة....

زبيدة :علشان  سليم انتى ناسيه لما أتقدم لي واحد في القاهرة وسليم كان في الاعدادية حصل ايه

سعاد :اه فاكرة لانه وقتها كان فاكرك أمه بس دلوقتي بقى كبير وانا شايفه أكبر علاج ليه انك تتجوزى  بقى لأنك للاسف من كتر تعلقك بيه خليتيه هو كمان اتعلق بيكى بطريقة سلبيه...