وسط الجحيم
البارت الخامس
نزلت من السياره كلي توتر خوف لهفه مشاعري تلفاني دكيت الباب مره مرتين فتحتلي مره يطلع عمرها بلاربعين اكثر
ميس بتوتر مرحبا
ام ميس اهلا مين
ميس انتي سحر
ام ميس اي اني
ميس حاولت احبس دمعتي بعيني بس خانتي ونزلت وصارت دموعي تتسابق
اني بتج يووم اني ميس الي عفتيها ٢٠ سنه لايوم فكرتي تسألي عنها اني الي ما يوم مر والا دمعتي ع خدي اتمنى اشمج لو مره اني الي ولا يوم شافتج او سمعت صوتج بس مع ذالك عمري ما دعيت عليج او كرهتج يوم تعرفين اني بويه جوزني لواحد حقير وخاين تعرفين ابويه باعني الى بفلوس حتى بس يخلص مني سألتي روحج فد يوم اذا اني ميته عايشه مريضه تعبانه
ام ميس خلصتي
ميس بنضره استغراب
ام ميس يله روحي منين مأجيتي
ميس بخذلان يوم تعرفين اني حامل
ام ميس كتلج روحي منا لييجي رجلي ويشوفج
ميس يوم اني بتج معقوله طرديني يوم تره تعبت عشرين سنه من عمري ما شفت بيها الفرحه اخذيني بحضنج لو مره وحده
ام ميس كتلج ولي منها ولي عاد سدت الباب بوجهي واني مصدومه رحت اركض للسياره واني ميته بجي
ثكلان حتى النفس مو جدمي بس #ثكلان و تعبان مو من حمل من الوكت #تعبان
بعيوني لمعه دمع منين ما #التفت
الكه العمر ذبلان والحيره ما #تنوصف
ولا جرحي طاب #وتفض
ولا ميت #وخلصان
العم ابو ادهم بويه ميس شبيج
ميس بتقطيع بلكلام طردتني عمي وسدت الباب بوجهي عمي ارد اموت وخلص تعبت والله تعبت ارد امموووووت عمي ليش عايشه منا ابويه معذبني وباعني ومنا زوجي يخوني ويه بت عمه وعفراشي ومنا امي الي طردتني عشان زوجها ومنا بيبيتي متكدر تصرف عليا لو ع طفل لبطني تعبت عموو كلي شسوي احس ايام عمري صارت معدوده كلبي يوجعني والله ولله كلببي يوجعني حسو بيه شوي
العم ابو ادهم كافي بويه لا تبجين والله كطعتي كلبي بعد منا ورايح تعيشين بيتي وها مو بس قراري لا قرارنا كلنا واني من انتي وصغيره جنت اريد بقيج بيتي ويه بناتي وانتي كلش زين تعرفين انو مرتي ترديج من زمان تعيشين ويانه انسي ابوج وبيبيتج واني من زمن جنت الح ع بيبيتج حتى تبقين ويايه بس جانت متقبل
ميس بصوت مبحوح شكرآ شكرآ عمو
العم ابو ادهم بويه بس نوصل حتى اتفاهم وياج بموضوع زوجج
ميس عمي طلكني منه اني فكرت وتخذت قراري من البارحه بليل
ادهم بابتسامه اي بويه خلي انطلكها منه ميستاهلها
العم ابو ادهم الله كريم
وصلنا للبيت ستقبلتنا مرت عمي ها بشرو يمه سوده عليا ليش هيج وجهج احمر دخلي يمه ارتاحي ارتاحي فتت للغرفه وهيه راحت تسأل عمي شصار اول محطيت راسي ع المخده بجيت من القهر ونمت ع روحي من البجي
اصحيت العصر بدلت ونزلت
أنت تقرأ
وسط الجحيم
Romanceيتيمه الاب بوجوده💔 يتيمه الام بحضورها🌿 لا اقدر ان اشتكي همي💔 لهم لانهم سبب الامي🌿 حقيقيه
