وسط الجحيم

وسط الجحيم 3

رفقآ بقلوب البشر ف الانسان له طاقه محدده اذا نفذت فأعلم بأن اي تصرف سيتصرفه سيكون بدون مقدمات
#رفقآ بقلوب البشر

وسط الجحيم
البارت الثالث

.....
في مكان اخر

شبيج حشورتي والله احبج ما عندي غيرج

طيب ذيج الي انت خاطبها

هذيج هيج جايبها  تطبخ وتنضف وتهتم بلبيت

طيب واني

انتي الحب يعمري اصلآ وره زواجي منها راح ازوجج

........
ميس  بيوم العرس جان يوم ٢٠١٨ ٨/١

جنت لابسه فستان ابيض مديل جدآ بسيط
وتسريحه بسيطه بس الطرحه جدآ طويله وطالعه حلوه بس رغم كل هذا جنت حاسه اكو شي راح يصير

جنت كاعد بلكوشه ما اشوف الا قاسم وحده سحبته من يمي وكومته يركص معها كل هذا واني صافنه تركص وتخزر بيه بس مبينه مو راحه

بعدين اجتي ام قاسم وكومتني عشان اركص وياهم لو مكايمه احسلي اشو البنيه ستلمتني دفعات وخزرات تكول زوجها مو زوجي

وراها بساعات زفونه للبيت

في الصباحي

كعدنه ع صوت الباب
مين

انا ريم

فتحت الباب طلعت نفس البنيه الي جانت تركص مع قاسم
اشو هاي دفعتني وطب للغرفه

ريم قسوم كوم اكعد

قاسم هلا هلا ريم شجابج

ريم شنو اجابني ابن عمي جيت اطمن عليي

قاسم ها اي انتضريني ب صالهہ‏‏

اوك

ميس منو هاي

قاسم هاي بت عمي

ميس اي زين

طبعآ ايامي ماشيه عادي بس الي منغص عليه عيشتي بت عمه ريم

يوميه تجي وتنط فد يوم كلت اروح اشوف بيت جدي حتى بعرسي محضرو كلت القاسم بسررعه وافق وكل ساعه جاي يله شوكت ترحين وترحين الى ان وصلني

اول مفتت عند بيت جدي حضنت جدو وبيبيتي كلش مشتاقه الهم صرت اعاتبهم لان محضرو العرس مالي بس انصدمت من كلولي منعرف انج اتزوجتي

بيبي اني صارلي اسبوع متزوجه

ميس تحجين صدك اشو ابوج الي هوه ابن بطني ما اجه ولا حتى سأل عني من يوم ما انطوني اياج عمره ما اجه ولا حتى زارني
الله شاهد يمكن مره لو مرتين الي جايي وسال عنا اني وجدج

ضليت ابجي بحضن بيبي بس ما سولفتلها ع باجي الى ان اجه قاسم من طلعت جانت عيوني حمر حتى ما كلف نفسه يسأل ولا يكول شبي

قاسم اذا تردين يوميه روحي لبيبيتج

ميس اي والله ياريت

وفعلا يوميه صار يوديني عند بيبيتي الى ان فديوم تخربط عند بيبيتي واني جنت قبل كل ساع ادوخ لو نفسي تكلب  وبيبي يا حرام ودتني ع المستشفى وطلعت حامل

طرت من الفرحه حسيت ان خلص ماكو بعد شي ينغص علي فرحتي كلت لبيبيتي وديني للبيت كالتلي اي يله وجنت اني وبيبي فرحانات بلخبر الى ان وصلت ونكلبت حياتي فوك تحت

رحت للبييت اسمع صوت احد بلغرفه طبعآ جمدت دمي لان الاصوات لثنين الي دا اسمعها مو غريبه اول موصلت بغرفتي بودي يطلع احساسي غلط
لازمه يدت الباب بيدي والايد الثانيه ع بطني فتحت الباب عكيف وجان اشوف..................😱😱

ملاحضه(ميس كاعده بيت وحد يعني عازله عن بيت عيالها)
...........

تتوقعون ميس شافت شنو داخل الغرفه وهل ياترى شلون راح تتصرف بس تعرف بلمخطط مال باجي الحقيره😭
لو انتو مكان ميس  وكشفتوا الخيانه شراح تتصرفون😱😭