غرور2
بابا توا تكبر وتعرف إنها دير ف شي غلط مانقدرش نضغط عليها
ماما لا انا مايساعدنيش بنبعتها للمغرب عند جدودها
بابا تبي تفرقيها ع خوتها
ماما مستحيل نخلي بنتي زي الراجل شوف منظرها والله حرام تتعارك مع خوتها ع لبس الولاد وشعرها مشوكاته ومشيتها بروحها قصة تي حتى من صلاتها من غير لبس الصلاة
بابا شاوريها كان رضت أبعتيها
ماما لا نكلموها نحنا الزوز ونقنعوها
بابا الصباح رباح
انا صباح الخير
ماما صباح النور تعالي أفطري
انا جايني منير بنمشو نلعبو بلاستيشن مش ماشية المدرسة
ماما نعم تمشي غصبآ عنك
بابا شاده الضحك ويدس ف الضحكة لايابنتي كل شي الا مدرستك
انا معاش بنقرا طلعوني منها توا نخدم ف الورشة مع أيهم
بابا مات بالضحك
ماما نحنا بنمشو للمغرب جداك مريضة وتبغا تشوفك
انا مانحبهمش نبي نقعد مع خوتي
ماما تمشي بالسيف عليك
بابا قعد جنبي ردبالك تقطعي صلة الرحم يابنتي كل شي الا أهلك واقاربك وبعدين هما يومين وتروحي
انا نمشي بشرط لكن خلوني نمشي مع منير
بابا تمام بري وماترجعي لليل
انا هيا باي منير يتصل
ماما احجزلنا ف طيارة غدوة معاش قادة نتحمل الوضع
عزيزة وائل وين منير
وائل طلع توا يجي
عزيزة مشى عند بنت المغربية
وائل يام هدي أخته شن فيها كان مشالها القصه قداش ليها وانتي ماتبيش تنسي
عزيزة شن بنسى بدلني بوحدة مغربية انا الى قمته نضت وطحت وصبرت ع همه قبل فرحه بس مايحس بالنار الا الى طايح فيها
وائل بس غرور مادنبها شي
عزيزة انا الى غالطة وانا الى نتحمل الدنب كله
وائل اسفة يايام حقك عليا
بعد يومين جاء موعد السفر وودعت خوتي الشباب ومشينا للمغرب إستقبلونا جدودي ماما عندها خو واحد بس وماعندها خوات وخالي عايش ف فرنسا
انا ماما امك مابيها شي هيا نروحو
ماما غدوة نروحو
وائل تصل بماما ودرت معاهم مكالمة فيديو
فى الليل
انا ماما ليش فرشتيلي حداك
ماما بنرقد جنبك وقعدت تحضن فيا وتبكي وتقولي سامحيني
انا ليش يماما تقولي هكي
ماما هكا وخلاص بنتي
انا ارقدي غدوة ورانا سفر
فى الصبح نضت ومالقيت ماما
انا ماما ماما ماما
جديدا معاش ضبحي يماك رجعت لليبيا
انا كدابة ماما قاعدة
جدي مسكني من ودني أنتي تبي الترباية من جديد
كانو صعبين معايا ويضربو فيا بس ماكنت نخاف منهم
وائل ليش يابوي درتو هكي وكان معصب
بابا تعالا أضربني وخلاص أختكم ضيعتوها ماتفكروش لقدام ويجيها نصيبها كيف بنديرو
أيهم يتبعغرور3
أيهم غرور مازال صغيرة ع الزواج
بابا ماحد يناقشني
جداي حرقتلي دبشي وشرتلي دبش بنات
انا ليش حرقتيلي دبشي ليش إنتي هكي عزوز شمطاء
جدي ضربني
انا كلمت وائل
وائل أهلين بطة
انا تعالا روح بيا يضربو فيا
وائل وربي الما نجيك غدوة ونهارهم أحرف
انا حرقولي ملابسي ويبو يردوني بنت
وائل جايك متخافيش
عزيزة تعالا لولدك بيمشي للمغرب
بابا الو وائل والله كان تمشي ماني مسامحك
تسريع الأحدات بعد سنتين
جديدة يابنتي مش عيب تكوني بنت وقوية ودافعي عن الحق لكن العيب تكوني زي الولد لان هدا منهي عليه حتى ف القرأن
جدي يابنتي نحنا مانكرهوك بالعكس كنا نبو مصلحتك
انا أسفة لأني زعلتكم وحتى انى تعودت عليكم وفهمت إنى نكون بنت مش عيب
جدي هيا نوصلوك للمطار
فى الطيارة
كان فى جنبي شاب طويل وعريض وعنده غضالات لحيته سودة هلبة وشعره من قدام هلبه ومن خلف والجنب داير لحسة
الشاب ممكن تخليني جنب الروشن لأني نرتاح هلبة ف جيهة الروشن
انا أوكي تفضل
الشاب شكرآ ممكن نتعرفو انا إسمي يزن
انا بعدم لامبالاة باه وسكتت
يزن مافيش بنت تجرأت وعاملتني بالأسلوب هدا بس لو ماعنديش شغل كنت ندمتها ع عيشتها
كنت لابسة سروال أسود وقميص كريمي وكعب عالي
وائل أختكم عطلت
ماما وينها البنت
بابا اسكتو توا توصل
أيهم شوف البنت الطرف الى لابسة كريمي
منير قريب نخطفها
.انابابا ماما وحضنتهم طبعآ الكل مستغربين من التغيير الى صار معايا
وائل لامستحيل إنتي مني
انا تبي نبوكسك ع وجهك
منير كيف صار هكي
وسلمو عليا وروحنا تعشينا مع بعض وكلمت جدودي وطمنتهم عليا
ماما كيف صار ورضيتي تغيري حياتك
انا ليش ماخبرتوني ان جديدة فيها السرطان هيا بعد مافقدت مني الأمل جتني وقاتلي إن هيا مريضة ومارضتش تضرب الكيماوي وامنيتها تشوفني زي البنات
بابا وإنتي حنونة نعرفك أنى خديتي بخاطرها
ماما طالعة لبوها
وائل تعودنا عليك برو وبالتريس
أنا حتى توا برو وبالتريس ماتغير شي غير شكلي
بابا مش تعبو برأسها البنت خلوها ف حالها
منير بصوت واطي نلعبو بلاستيشن
انا ايه عادي لكن مش توا خليها الخميس
منير والله معاش فيكي جو
ماما شن قال بوكم
بابا انى بنسافر مع شيماء عندي شغل
وائل وغرور
بابا اقعدو معاها إنتو ولانكلم خالد يرفعها
أيهم ترفعها لحوش صاحبك ونحنا موجودين
بابا صاحبي وخوي وماعنده صغار وعياله تحب غرور عادي
وائل نحنا نقعدو معاها
ف الصبح ودعتهم ورقدت
يتبع
