غرور 4
ماما مازال الطريقة طويلة
بابا ههههه خيرك قلقتي
ماما هلبة
بابا نحبك يانوراة حياتي
ماما نموت فيك ردبالك قدامك وبوووووم
وائل وعليكم السلام وائل ايه شن فيه
أيهم خيره وجهك تغير
وائل بابا مات
عزيزة وخوتي بدو يبكو
انامنير ياغشاش العب كويس
منير خيرك معاش تعرفي تلعبي
أنا جعت نوض نديرو حاجة ناكلوها
عزيزة وشيماء شن صرالها
وائل ماتت حتى هيا
أيهم وغرور كيف بنخبروها
عزيزة أرفعوني ليها
أنا منير شوف الباب أكيدا وائل
منير ماما شن ديري هنا وكانت تبكي
عزيزة وين أختك
أنا مني يامنير وتفجاءت لما لقيتها عزيزة
عزيزة حضنتني وتبكي
أنا خيرك تبكي شن فيه
منير خيركم تبكو فهمونا
وائل بابا مات وقعد يبكي
انا كدابين إنتو لا بابا حي
عزيزة تبكي ادعولهم بالرحمة
انا وماما وين
كلهم سكتو
عزيزة خليك قوية يابنتي ربي يرحمهم ومن الصدمة معاش تكلمت ولانزلت مني دمعة
بعد ثلاتة أيام العزاء
ماما من اليوم غرور بتقعد معانا
خوتي عين العقل ياماما
وائل بنرفعها نعالجها
ماما إيه هيا من الصدمة صار معاها هكي
ف اليوم التاني
وائل يادكتور أختي ليها أربعة أيام ماتكلمتش
الدكتور شن صاير معاها متعرضة لصدمة
وائل بابا وامها ماتو ف حادت سيارة ومن لما خبرناها وهيا ساكتة
الدكتور الشي هدا مؤقت يعني قصة وقت بس
وائل شكرآ دكتور
فات شهر وانا على نفس الحال وخوتي زعلانين ع وضعي
ايهم افتحو الباب
السلام عليكم
منير وعليكم السلام تفضل
كان الى ع الباب راجل أنيق وشاد شنطه
انا عمار صديق الوالد وجاي عشان الورثة
منير وائل تعالا ودخلوه
عمار الحوش هدا بأسم أمكم والحوش التاني بأسم شيماء بس توا بينقل لبنتها
وفيه خمسة قطع ارض كل أتنين من الشباب يتقاسموها وفيه قطعة لغرور
عمار غرور والدك وصاني القطعة ماتتصرفيش فيها الا فى وقت الضيق
أنا قريت الوصية وبديت نبكي نبكي نبكي
عزيزة الحمد لله البنت دارت ردت فعل
طلعت عزيزة من العدة وزوجنا خوتي ودارو مشاريع وكانت حياتنا حلوة
منير امتى بتزوجوني
عزيزة حتى غدوة كان تبي
طبعآ نساوين خوتي هلبة كان بنقعد نسمي لكن حاتتعرفو عليهم ف الحلقات الجاية
الجمعة درنا العشاء وجو خوتي ونساوينهم
وكل وحدة تتجكتر ووتنفخ من جيهة ع عندي ودرنا وسافرنا وشرينا
بعد سنة بالزبط خوتي بدو يتغيرو علينا والفلوس عمو عيونهم ونساوينهم بدو يكبرو بروسهم على أمهم وعليا
يتبعغرور 5
وائل يام نبو نبيعو الحوش محتاجين الفلوس
عزيزة هدا حوشي ومش بايعة
وائل يام انتي خيرك ماتحسي حوشنا هدا ونبو الفلوس
انا خيركم العفو انكلبتو ع الفلوس
وائل انتي بالدات تصكري فمك الفلوس كلهم راقدة عليهم وتتكلمي كانت اول مرة يكلمني وائل بالطريقة هدي
انا الحوش مش بايعينه
وائل ضربني كف مش أنى الى تعلي صوتك عليا وطلع
عزيزة تبكي ليش ياربي ولادي هكي صار فيهم
انا من اللفاعات الى خدوهم
فاتو ايامات ونحنا فى المشاكل والهم والعاركات
عزيزة بنعطيهم الحوش وخلاص
انا لاغلط الى ديري فيه
عزيزة نبي نرتاح خلاص وأعطتهم الحوش ومشينا لحوش ماما
قعدو خوتي كل جمعة يجونا وياكلو ويشروبو وصغارهم يكسرو ويروحو
رحاب مرات وائل تعرف لولي حوش أختك كبير وواسع شن رايك تاخده منها
وائل وين بتعيش هيا وأمي
رحاب خودلهم شقة صغيرة وخلاص شن بيديرو بيه الحوش الكبير
وائل فكرة واتصل بأيهم وخوتي كلهم
طبعآ منير مسافر عنده عمل
جونا ف الصبح
وائل بدا ف الكلام انا شريتكلم شقة صغيرة انتي وأمي
عزيزة وليش
أيهم الصراحة يام نحنا عندنا صغار وعيلة ونبو نعيشوهم أحسن عيشة
انا بتعيشوهم على حسابنا
مندر إنتى أختنا والمفروض تقفي معانا
انا اسفة حوش ماما مستحيل نسلم فيه
وائل حاتندمي
كانو خوتي متجمعين هما والعقارب متاعينهم ف حوش وائل
رحاب هيا متقوية بعمتي ابعدوهم ع بعض
تنسيم مرات أيهم جبتيها ناخدو عمتي ونخلوها بروحها وهيا أكيد بتلحق عمتي
عماد غدوة نجيبوها أمي وكل يوم تقعد عند حد
وائل صباح الخير يام
عزيزة صباح النور
وائل يام ظمي دبشك بنرفعك معايا للحوش
عزيزة غرور هيا ظمي دبشك بنمشو عند وائل
انا لامش ماشية ومسيبة الحوش
وائل حوش خوك راه مش ف الشارع
عزيزة امالا مش ماشية ومسيبتها
وائل عصب هيا يام مافيش قعاد معاها أهيا البنت
عزيزة تبكي
انا معليش بري جيراني ناس كويسة ويردو بالهم مني
جاني عماد ومندر وأيهم
انا تفضلو
عماد ياتعطينا الحوش يانحرقوه الليلة
انا مستعدة ننحرق معاه ولاتأخدوه
فى الليل كنت راقدة لعند نشم ف ريحة الدخان فتحت عيوني ولقيت الحوش والعة فيه النار من حسن حظي قدرت نطلع من باب المطبخ والحوش كله نحرق كنت نشوفله ونسترجع ف شريط دكرياتي ونبكي قعدت عند الجيران وتصلت بعمي خالد
انا أهلين عمي كيف حالك وحكيتله
طبعآ جديدة وجدو مشو لفرنسا عند خالي ولأن جديده مريضه ماجوش للعزاء وماحكيتلهم شي مانبيش نشغلهم ونزيدهم على همهم
يتبع
