أحبتت الشخص الخطأ15
رنيم لا مستحيل الى نشوف فيه وبدت تقرا نبارك لحبيبنا وخونا مهند...... بمناسبة الخطوبة ربي يهنيك ويسعدك
مهند ف نفس الوقت فتح النت وخش للفيس يتصفح وقعد يقرا ف المنشور عصب مهند وخطرت على باله رنيم
رنيم بصدمة مش قادرة تعبر عن الغصة الى فداخلها الشي هدا كان أصعب عليها من الموت بدت تبكي وتقول ليش يامهند ليش صار هكي
مهند وهويحاول يتصل برنيم الى كانت تشوف لتلفونها وتشوف لكلمة راحتي النفسية يتصل وهيا تبكي مسكت مخدتها وحطت عليها وجها وهيا تبكي وتعض ف الوسادة وتحاول تخفى ف صوت أنينها ووجعها
مهند عصب وحدف التلفون وشد شعره وبدا يعيط ليش ليش ليش وركب لسيارة وقعد يلف ويلف وهوا يفكر لعند وقف جنب حوش ريم وخاناته دمعته وبدا يبكي
فى الليل
مهند رنيم لو مارديتي عليا توا بندير شي ف روحي
رنيم وهيا تبكي ليش يامهند ليش نفس الوجع نفس الجرح ضربتيني ع الراس يوجعو شن دنبي ليش انا حظي هكي
مهند والله غصبآ عني جبروني عليها وليا فترة مارجعت للحوش بس بوي دار ديرة راسه
رنيم حرام عليكم كل شي نتحمله الا إنك تكون لغيري صح انا حبيت مهند لكن حبيتك أكثر منه ورسمت مستقبلي معاك أنت صح إنت مافتحتلي موضوع الزواج لأنك مش جاهز بس أنا رسمت حياتي معاك
مهند نوعدك ندير جهدي باش مانخدها
رنيم أنا مانبيكش تعارض أهلك عشاني وبوك بما أنه دار الى ف راسه مستحيل يوافق عليا مش حانوقف فى طريقك ربي يسعدك يامهند
مهند لامستحيل تتخلى عني انا نبيك تقويني باش نحارب عشان حبنا لايارنيم ماتخليني
رنيم باي يامهند نحبك وحانقعد نحبك لأخر يوم ف عمري وسكرت
مهند عاود عليها طلع الرقم مقفل رجع لحوشهم
مهند وهوا معصب يابوي انا مانبيش نتزوج افهمو عليا غير بنظلم بنت الناس معايا
بومهند انت غير سلم قبل ماتقوليش وين كنت وبعدين ليش تظلمها
مهند يابوي انا مانبيهاش قلبي مع غيرها
بو مهند لامعلق مع غيرها لاشي بتاخد بنت عمك والحب والتفاهم يجي مع العشرة والعرس بعد شهر ياأما لاانت ولدي ولاأنا بوك
مهند حرام عليكم خافو ربي وطلع كان ضايع ومشوش كان محتاج يسمع صوت رنيم ويحكي معاها بس تلفونها كان مقفل
قرب موعد العرس رنيم وقفت قيدها لانها معاش تبي شي من الدنيا
مهند وضعه مش أحسن من وضعها
سارة رنيم نوضي يابنتي سادك نوم مغرب رنيم رنيم رنيم وووك عليا بنتي خيرها محمد ياأدم
محمد خيرك البنت شكلها ماتت ماتردش عليا
أدم هيا نرفعوها للمستشفى يتبعأحبتت الشخص الخطأ16والأخيرة
رفعوها للمستشفى ودخلوها للقسم الطورائ
الدكتور المريضة عندها إنهيار عصبي وسوء تغدية ماتقدروش طلعوها لعند غدوة
سارة قريب مشت من بين أيدينا يامحمد
مسرة ألو مهند رنيم ف المستشفى
مهند ناض زي المجنون خيرها شن صار معاها
مسرة انهيار عصبي واليوم بايتة ف المستشفى
مهند وووواك ياربي ليش هكي كله منى أنا السبب نبي نشوفها لازم ديرلي راي بالله عليك
مسرة توا بنمشيلها ونشوف شن يصير
سارة شن جاك يابنتي خيرك
رنيم متخافيش ياماما حالى باهي وخشت علينا مسرة
مسرة سلامتك ياقلبي ان شاء الله لاباس
رنيم سلمك
مسرة ياخالتي بري روحي انا نقعد معاها توا وإنتى أرجعي ف الليل
سارة تمام نديرلهم عشاهم ونجيبلها دبشها بالك ماتطلع غدوة ورفعها أدم
مسرة بعتت مسج لمهند ورد عليها أسمعي حبي توا نجيك باهي
رنيم تمام
الباب خبط
رنيم تفضل وكان مهند وقعد يقرب منها بخطوات متسارعة وحضنها بقووووة وهوا ساكت وكأنه يبيها تحس بمشاعره ف قوة حضنه ليها
رنيم تبكي وتقول ليش يامهند ليش
مهند مسكلها وجهه ااااس معاش تبكي نحنا لبعض ومستحيل حد يفرقنا غير الموت
رنيم معاش تتكلم ع الموت حبيبي
مهند يمسحلها ف دموعها خلاص حبيبي أنا ليك وإنتى ليا وباسها ع راسها وحضنها توا نرجعلك حبي
رنيم ماتخليني
مهند راجع ووعد بنقعد معاك بعدها للموت
رنيم حطت إيدها ع فمه معاش تجيب سيرة الموت نزعل
مهند نحبك ونموت فيك وقعد يشوفلها ف عيونها خاطري يقف بيا الزمان وانا نشوف لعيونك
رنيم تحشمت وضحكت خلاص معاش تشوفلي وغمضت عيونها
مهند باسها من عيونها ومشى
بومهند انت شن تقول تبي تحشمني
مهند الى سمعتوها مش حانتزوج غير رنيم أرحمني يابوي بالله عليك
بومهند وعمك ياولد
مهند عمي خوك والظفر مايطلع من اللحم وكان ماجاها نصيبها وعد نتزوجها ونجيبهاوضرة ع مسرة
بومهند خلاص ياولدي تمام
مهند باس ع راس بوه وطلع جري بالسيارة وهو طاير بالفرحة وتصل برنيم جايك ياحبي وبنقعد معاك ديما
رنيم شن درت
مهند مفجأة
فاتت نص ساعة ومهند عطل رنيم تصلت بيه ورد عليها واحد كان صوته يبكي رنيم بخوف مهند
الشاب أنا خوه مهند مات دار حادت ومات وهوا يبكي
رنيم فقدت الوعي
محره وجعها فراق الأحبة صعب عانت هلبة وف النهاية النصيب لعب لعبته
بعد سنه
رنيم مهند تعالا بنمشو لحوش عمتك مسرة
تزوجت رنيم وجابت ولد سماته مهند صح تزوجت بس مازال مانست مهند
النهاية ويارب يجمع كل تنين يحبو بعض
