أحبتت الشخص الخطأ11
رنيم حرقتلي قلبي يامازن مش حانسامحك حسبي الله ونعم الوكيل فيك نكرهك نكرهك نكرهك وصكرت
مازن عاود رن عليها لقاها حطاته ف الحظر
رنيم رقدت ع السرير وقعدت تبكي بحرقة
لدرجة سمعوها أمها وبوها
سارة خيرك يابنتي شن فيك وحضنتها رنيم وقعدت تبكي
محمد خيرك شن بيك أحكيلنا فجعتينا رنيم تبكي وبس
سارة أطلع يامحمد خليني معاها
محمد تمام وطلع
رنيم خدوه مني ياماما الخميس دخلته بنموت مش مصدقة
سارة معاش تبكي خلاص هوا الى خسرك مش إنتى يجيه يوم ويندم
رنيم شن الفايدة ياماما مخنوقة بنموت وقعدت تبكي لين رقدت فى حضن أمها
سارة غطتها وطلعت
محمد خيرها البنت شن بيها
سارة صاحبتها ماتت
محمد الله يرحمها
مهند بعد تفكير رن على رنيم بس مافيش رد مهند بخوف يارب ماتكون سمعت الخبر وعاود رن
رنيم مهند ياريتني خديت بكلامك وسيبته طعني ف ظهري كسرلي قلبي قتلني وانا عايشة
مهند اس خلاص والله مايستاهل منك دمعة يارنيم والله مايستاهل دموعك
رنيم تبكي ومخنوقة وصوتها متغير حبيته من كل قلبي يامهند
مهند والله عارف والله عارف خلاص معاش تبكي ورغم انه حاول يغيرلها جوها بس ماقدر
ف الصبح
مسرة رنيم ياقلبي معاش تبكي خلاص
رنيم ليش دار هكي فيا ليش
مسرة انتى حبيتيه أكثر من الازم
رنيم مسحت دموعها غدوة دخلته لازم نشوفه
مسرة انت هبلتي ولاشن
رنيم أنا توا عقلت يامسرة نبي نشوفه نبي نحط عيني فى عينه نبيه يندم يامسرة
مسرة بس كيف بديري
رنيم بنمشي لحوشكم وقولى لعمي بنمشي لعرس صاحبتي
مسرة وأدم
أدم خليه عليا توا نقول لماما تساعدني
الخميس محمد حط رنيم ف حوش مسرة
مسرة نورتي
رنيم تسلمي جبت دبش ومكياج
مسرة مهند وين
رنيم ماسيبني ولاتانية كل شوي يتصل يطمن عليا
مسرة خبرتيه شن بديري
رنيم لا لأنه مش حايخليني
مسرة هو الحوش وين باه وكيف بنعرفوه
رنيم أنا نعرفه مرة عطاني النعتة متاعه
مسرة طلعتي خطيرة يابنت
رنيم لبست قفطان أزرق كحلي فوق الركبة ودارت شعرها فوق ونزلت شوي خصلات ودارات مكياج وطلعت تهبل
مسرة لبست جينز وقميص كريمي ودارت شوية مكياج ولبسو عبايتهم وطلعو بس مسرة قبل ماتطلع خدت تلفون رنيم ع اساس بتصور بيه وخدت رقم مهند وبعتتله رسالة
مهند وصله مسج السلام عليكم خوي مهند انا مسرة رنيم بتمشي لفرح مازن ومانعرفش شن ف دماغها مهند بصدمة غير شن تبي ديري يابنت ليش هكي تحرقي ف قلبك وفز لسيارة وطار بيها لحوش مازن
مهند الو مازن يتبعأحبتت الشخص الخطأ12
مهند ألو مازن رنيم جاية للفرح
مازن كيف هكي ناض وقف جنب الخيمة
مهند يتصل برنيم مقفل
رنيم عمي وقف خلاص اهو الحوش توا نكملو مشي نزلو
مسرة انى خايفة
رنيم من شن خايفة إنتى
مسرة منك إنتى ليش جاية بس
مازن رنيم شن جاية ديري هنا وكان لابس بدلة رسمية سودة وطالع حلو
رنيم جاية لعرس حبيبي عندك مانع
مازن رنيم بري روحي وفكينا من المشاكل كل شي بينا تم خلاص شن جاية تبي
رنيم انت الى بديتها العلاقة بس أنا الى بننهيها
مازن بخوف انتى شن تبي منى
رنيم توا تخش الداخل وتعرف
مهند رنيم شن ديري بري روحي
رنيم حتى مهند هنا
مسرة انا كلمته يجي
رنيم انتو ليش خايفين مني خيركم جاية بننهي العلاقة الى طيحت بكرامتي وخلتنى نزعل اعز الناس ع قلبي
مهند عشان خاطري يارنيم تعالي نروح بيك
رنيم نروح ومانحضر عرس حبيبي
مهند خلاص معاش تقوليها الكلمة هدي هوا مش ليك أفهمي يابنت انتى ليش هكي
مازن انا نحب وحدة تانية وانتى ماضي وفات
رنيم طاحت ع الأرض وقعدت تضحك ف ضحك غريب وبعدها بدت تبكي
مازن خيرها أهيا هبلت شكلها أرفعوها دارتلنا العار
مهند قعد جنبها وشدلها إيدها أنا معاك يارنيم مش حانسيبك لأخر يوم ف عمري
رنيم كلكم كدابين ماتحبوني كلكم بتسيبوني
مهند طاحت دمعته ع يد رنيم
رنيم شافت لمهند ولقاته يبكي ليش تبكي إنت
مهند لأنى متوجع يارنيم
رنيم خيرك متوجع
مهند لأني نحبك ولله نفرح لما تفرحي ونزعل لما تزعلي وتوا متوجع لأنك متوجعة
مازن بصدمة يشوفلهم انت شن تقول
مهند وقف الليلة انت خسرت ياصاحبي لأنك ماعرفت قيمتها
مهند مد يده لرنيم لو تبي تعطي لحبي فرصة أمسكي يدي ولو ماتبيش انى معاك ومش حانسيبك
رنيم مسحت دموعها ومسكت يد مهند
مازن صحيت ياصاحبي طعنتنى ف ظهري
مهند أنا عشانك قعدت صابر سنتين عشانك كل ليلة نسمع فيها تحكي ع حبها ليك وساكت لكن توا خلاص إنت خسرت وأنا ربحت وحاتندم لأنك درت فيها هكي
مهند يمسح ف دموع رنيم وحضنها لاشعوريآ انا معاك متخافيش وحانسيك فيه وعد
مسرة إحم إحم بنبكي حتى أنا
رنيم عليك حسد فيك
مهند تعالي نحضنك حتى انتي
رنيم ههههههه عينك
مسرة وأخيرآ ضحكتي
مهند خلاص بنفتحو صفحة جديدة
رنيم أكيد
مسرة بجد بنبكي
رنيم خيرك
مسرة لبسنا ومكياجنا مشى ع الفاضي
مهند هههههه روحو والعبو عريس وعروسة
رنيم مسرة العريس ههههه
مسرة شن قصدك تبي نضربك توا
مهند تضربيها قلتي صار وقطع عليهم صوت السيارات يتبع
