حنين : باهي ي قلبي ماتعبش روحك
منصور : لا خلاص ضروري نكمل الحوش بنطلع الفرح توه
حنين : ابتسمت مش مصدقه ان حنتزوجو قرييب
منصور : ولا نا يا قلبي
سالمه (ام حنين): حنييين حنيين تعالي حطي الغدا هيا سلم بنتي
حنين : هيا حاضر ي ماما.. خلاص حبيبي بعدين نحكو ماما تبيني
منصور : باهي بس اسمعي
حنين : ضحكت نعم
منصور : نحبك
حنين : وانا نموت فيك هيا بااي توهه وسكرت وصبت اتحط فالغدا
هلا انا حنين مخطوبه وخطيبي اسمه منصور نحبه ونموت فيه وفرحنا خلاص قرييب.. عندي اختين اكبر مني متزوجات وأخ واحد وانا اخر العنقود 😂.. خويا متاع سكير وحشيش بس بالساكت يعني ماحد يعرف غير ماما وبابا.. وبابا ياما دار فيه بيش يسيب الجو الي يدير فيه بس مافش فايده مرات يروح فاليل يقعد يضرب فيا ومرات يروح كويس.. بالنسبه له مش مداير مشاكل واجد حتى فالفلوس يدبر فيهن بروحه ومايجينش اي حد يشكي مننه
طبعا خويا اسمه احمد وماما سالمه وبابا رجب وخواتي ميسون وابرار
..................
مدير الافاريات او الي يجيب في بضاعه المخدرات ويبيع فيهن اي الراس الكبيره انسموه الزعيم او ااباشا 😂😂...
نائبه مصطفى : اسمع يا احمد را الباشا معش يقدر يعطيك شي انت كل مره تاخد في بضاعه بدون ماتدفع وتقول دين والدين كبر وامتى بتسدده انت تعرف ان مافش لعب فالموضوع
احمد : ي مصطفى راهي ضايقه وقاعد ندور فالفلوس
مصطفى : ضحك على جنب كنت عارف انك بتقول هكي
احمد : مالاخير اصبر هاليومين
مصطفى : الدين مش حتقدر اتسدده في هاليومين والباشا شاف اختك
احمد : شن قصدك
مصطفى : قصدي ان الباشا قالك لو ماجبتش المبلغ بكره حتمووت وانت مش حتقدر فا قالك مسامحك فالمبلغ لكن جيبلي اختك
احمد : هبل انت؟؟ اختي مخطوبه
مصطفى : والله عاد انت حر
احمد : سكت شويه.. خلاص تم اليوم تكون عندكم
مصطفى : ضحك باستهزاء تم
احمد: خدا مفاتيحه وطلع
..............
الساعه 1:30 ص
حنين : مقعمزه في دارها تهدرز مع منصور على الواتس ويفتح احمد الباب بالقوه
حنين : احمدد 😳😳
احمد : مسكها من مرفقها صبي
حنين : وين نصبي
احمد : فنص فيها صبيي قتلك
حنين : خافت وصبت معاه لين وصلو للجنان.. احمد وين واخدني را نعيط لبابا
احمد : مسكها من شعرها جربي قولي حرف والله مانك قاعده حيه
حنين : دموعها ينزلو احمدد حراام عليكك سيبني انا فرحي قريب وين واخدني باهي خليني نستر روحي
احمد : كرها بالقوه وحطها فالسياره وولعها وطلع بيها
حنين : تمسك في يده وتبكي وراس خيي حراام عليك اختك اناا شن يقولو عليا الناس عشان خاطري رد بيا للحوش عشان خاطري سلم خيي الله يربحك الله يربحك حرام عليك اتسلم في اختك
احمد : درس ونزل فتحلها الباب وقعد يكر فيها من يدها وهي تعيط وتوخر وتبكي
مصطفى : ضحك كنك تعيطي ي سمحه
احمد : وين الباشا؟؟
حنين : تبكي ومش فاهمه شي
مصطفى : اهو جا على خاطرك
احمد : تمام انا قاعد هنا
وخش مصطفى يكلم في الباشا وبعدها الباشا طلع وكان شاب يعني مش كبير فالعمر
الباشا : ضحك كنت عارف انك بتجيبها
احمد : خود وخلصني
حنين : تعيط لااااا وراس وخيي لااا وقعدو يكرو فيها لين خشوها لدار مافيهش روشن وسكرو عليها
زياد : نزل من سيارته.. شن الجو
احمد : بحت فيه ومشا
مصطفى : تمام انت شن جوك
زياد : الحمد الله والله
الباشا : سكر تليفونه وجاهم.. اووو زياد
زياد : شن الجو
الباشا : اهو حال الخدمه.. نبيك تخدمني
زياد : شن في
الباشا : توه كلموني وطلعتلي كم حاجه وضروري نمشي ومصطفى نبيه يجي معايه
زياد : رفع حاجبه وباهي
الباشا : نبيك تقعد مع البنيه الي جوا لين نروح
زياد : هز راسه تمام ميه ميه
الباشا : منور والله وهضا المفتاح.. وعطاه له
مصطفى : نتوكلو
الباشا : اها هي وسلمو على زياد ومشو
زياد : فتح الباب ولقاا قدامه حنين مقعمزه فالزاويه وتبكي وخاشه في روحها قرب منها و..
