زياد : غمض عيونه بعدها حس حاجه تتنقز فوق السرير فتح عيونه وبحت في حنين شن اديري؟؟
حنين : تحط امخاد فالنص بينها وبين زيا.. نفصل فالسرير انا مانبش نرقد على الصالون مزلت نبي ضهري
زياد : ضحك اي عادي مرحبتين
حنين : طفت الضي وخشت للسرير وياريت ماتجغرش وانت راقد
زياد : تقلب ورقد على جنبه على اساس مش انتي الي امس قلتيلي ارقد معايه
حنين : وجها انحمر.. خلاص زيااد سكنت راك.. انقولك وقتها ماكنتش واعيه وانا نحكي
زياد : اي اي معناها تحلمي بيا
حنين : زياااد
زياد : ههههههه
حنين : اتأفأف ورقدت على جنبها مبردك
زياد : شكرا
وبعد فتره سكوت او هدوء 😂
حنين : كل سنه وانت طيب
زياد : فتح عيونه شن قلتي؟
حنين : كل سنه وانت طيب قلت
زياد : ضحك بشويه شن عرفك أن اليوم عيد ميلادي.
حنين : سررر
زياد : باهي كان جبتي هديه على الاقل
حنين : ضحكت ما البركه فيك مطلعنا من الصبح
.............
الساعه 10:30 ص
الزعيم : ها مصطفى شن صار
مصطفى : مشينا لغادي مالقينا حد
الزعيم : هرب المسخ
مصطفى : متخافش توه نجيبهم لك هم الاتنين
منير : خش وفي يده بنت..
الزعيم: من الي جايبها ي منير
منير : هدى اخت ناصر الي طلبتها
الزعيم : تمام حطها فالدار متاعي وسكر وعطيني المفتاح توه شويه ونمشيلها
البنت :تبكي الله يربحكم سيبوني
منير : خداها وخششها لدار الزعيم وسكر عليها
..............
زياد : فتح عيونه لقا حنين حاطه راسها على بطنه وراقده... ضحك على جنب مش على اساس تقسمي فالسرير ومتجيش شوري وجو وبعدها هزها.. حنين حنين حنييين
حنين : هممم 😴
زياد : نوضي خلي نمشي للحمام
حنين : فتحت عيونها وقعدت تبحت لين ما استوعبت هي وين قاعده حولت راسها وقعمزت... بسم الله شن جيبني هنا
زياد : يلبس في صباطه مش على اساس تقسمي فالسرير انوض نلقاك فوقي
حنين : وجهت احممر احمم اسفه والله مش قصدي
زياد : خش للحمام وماردش
حنين : تنفخ استغفر الله ي ربي عليك مواقف انحطيت فيهن وصبت شافت أوراق وفاه ومش عارفه شنو المهم قعدت نتفرج عليهن بعدها طاحت من وسطهن صوره كانت لزياد ولمراه أخرى كانت حلوه الحق بس ماعرفتهش من وبعدها زياد طلع ولقاني نتفرج على أوراقه
زياد : تعقد وخداهن مني شن اديري بأوراقي
حنين : انا انا م مش قق قصدي بس كسدت شويه
زياد : دسهن باهي باهي خلاص اسكتي بس
حنين : سكتت وخشت للحمام توضت وطلعت صلت
زياد : يبخ في عطره هي البسي بيش ننزلو نفطرو
حنين : هزت راسها بمعنى به وخدت دبشها وخشت
للحمام لبست وطلعت بعدها نزلو ويقعدو يفطرو
حنين : تاكل بشويه.. زياد. انت زعلان مني
زياد : بدون مايبحت فيها ي حنين حصل خير
حنين : يعني مش زعلان
زياد : لالا
حنين : باهي بنسألك
زياد : شنو
حنين : بين اوراقك شفت صوره لك ولبنت أخرى يعني قصدي من هيا
زياد :
