حنين : باهي وانت
زياد؛ : وخر على الكرسي.. امي وباتي ماتو من حوالي تلات سنين وعندي اخ عزابي واخت متزوجه
حنين : وانت
زياد : كني
حنين : ارتبكت لا قصدي يعني متزوج أو..
زياد : يعني برأيك لو متزوج نسيب مراتي ونجي نقعد هنا
حنين : ضحكت بشويه وبعدها صبت.. باهي انا بنرقد توه
زياد :تمام بس طلعيلي فراش نرقد فالصاله
حنين : باهي ومشيت جبتله الفراش وحطيتله بطانيته وانا خشيت لداري وسكرت بالمفتاح وخشيت لفراشي وانا نفكر في حياتي ومستقبلي وكل شي صار معايه لين رقدت
زياد : خش لفراشه وهو مستغرب كيف الخو ايسلم في اخته بهالسهوله ويفكر هو ليش خذاها معاه وبسببها حياته مهدده.. ممكن طريقه كلامها عو الي خلاني ناخدها معايه ونحميها او ممكن نظره الخوف الي في عيونها ابتسم بعد قال عيونها لان عيونها كانن ايهبلن بكل كان لونهن اسود وكبار ورموشها طوال.. ياحظ خطيبها فيها... تي كنك ي زياد من امتى وانت تشوف للبنات بعد الي صار في هدكاهي الليل كرهت جنس حواء وانا خذيت حنين عشان نحميها فتره وبعدها نردها لحوش هلها وتتزوج راجلها وانا حنعيش باقي حياتي بدون زواج أخرى 😴
..................
الساعه 10:30 ص
سالمه ( ام حنين) : خشت لدارها تعيط نوووض ي رجب نوووض
رجب : ناض مفجوع تي كنك ي وليه
سالمه : قعمزت على الوطا وتبكي بنتي مش قاعده ي رجب بنتي ياناعليا ناا
رجب : تي شن تخرف انتي
سالمه : والله العظيم مانخرف والله ماهي قاعده فالحوش
رجب : باهي رني عليها
سالمه : تبكي وتهز في رأسها تليفونها في دارها يا نعلي المركزي انظر شن داير في اخته يا نعلي ي ربي
رجب : ناض لبس وطلع بسرعه من الحوش مش عارف كيف يدير ولا من كيف يبدأ
سالمه : صبت خدت تليفون حنين ورنت على خطيبها طوووووط طوووووط طوووووط
منصور : ايوه حنين
سالمه : امها ي منصور
منصور : خير ي عمتي شن حالك
سالمه : تبكي مش بخير مش بخير
منصور : كنك ان شاء الله خير
سالمه : بنتي ي منصور حنين مش قاعده فالحوش مش قاعده
منصور : شن قصدك
سالمه : خايفه نقول انخطفت يا نعلي
منصور : هع نعم.. وامتى وكيف نخطفت وهي في حوشكم
سالمه : والله ماني عارفه سلم وليدي عاونا
منصور : بنتك الواضح هاربه ي حاجه
سالمه : معقوله هالكلام ي منصور
منصور : خلاص ي عمتي سكري وانا بنتكم مع نبيها طوط طوط طوط
سالمه : قعدت تندب ي نعلي ي بنيتي شن صاير فييك
.................
حنين : ناضت خشت للحمام توضت وصلت وشافت لزياد كيف راقد على بطنه ومضبط المخده ضحكت على شكله طول وعرض ويضبط مخده!!!! وخشت للمطبخ أدير فالفطور
زياد : يحك في شعره من لاوره صباح الخير
حنين : ابتسمت صباح النور تعال افطر
زياد : قعمز
حنين : مدتله القهوه
زياد : حنين اليوم بنمشي نشري حاجات ناقصه تجي معايه تشري لروحك دبش؟؟
حنين : لا مافش داعي
زياد : ضحك امتلأ بتقعدي لابسه سروالي ومتبتيه بحبل؟؟
حنين : بحتت في روحها وضحكت
زياد : ابتسم
.................
رجب : خش للحوش لقا بناته ميسون وابرار قاعدات مع امهن
سالمه؛ ها ي رجب الله يربحك شن صار
رجب : قعمز وحط يديه على راسه وسكت
سالمه : شن في
رجب : والله شن نقولك
سالمه :؟؟؟
رجب :
