حنين: مشتله نعمم
زياد : ابتسم ومدلها ورقه هضا رقمي امتى ما احتجتي شي قوليلي
حنين : ابتسمت تسلم والله تعبتك معايه واجد
زياد : يعني مافش بيناتنا الجو هضا
حنين : كان قعدت شربت قهوه
زياد : ضحك مره اخرى ان شاء الله وغمزلها وفتح الباب سلام توه
حنين : مع السلامه
ومشا زياد وخشت حنين تهدرز مع امها وأخواتها على خشت بوها
رجب : خش الصاله السلام عليكم
حنين : صبت وابتسمت وعليكم السلام
رجب : انصدم تي شن اديري هنا انتي وجاي بضربها سالمه صبت قدامها
سالمه : راجي ي رجب بنتك ماهربتش بنتك خذاها احمد وشالها لأصحابه يعني الي صاااار كله سببه احممد
رجب : كيف يعني
قعمزت معاهم وقعدنا نهدرزو وشرحت لبابا كل شي وتعشينا وغيرنا جونا وكنت اسعد انسانه وبعدها ركبت لداري بيش نكلم منصور واخيرا حبيبي ليا وين عليه اقريب شهر
وفتحت تليفوني خشيتله عالواتس لقيته حاظرني خشيت عالفيس برضو حاضرني والانستا نفس شي استغربت ونزلت لماما
حنين: ماميي
سالمه : يا عيون امكك
حنين : كيف حال منصور
سالمه : هو ي ي بنتي 😟
حنين : شنوو
سالمه : بعد صارت القصه والجيران قالو ان انتي هربتي وهكي هو قال معش في نصيب
حنين : انصدمت كك كيف؟؟ تعرفن ي بنات اول ماسمعتها حاجه جوايه هكي ولعت كيف النار
سالمه : ماتزعلش روحك ي امي انتي تستاهلي حد احسن منه هو سيبك في أول موقف صارلك
حنين : تنهدت ماما ممكن تليفونك
سالمه : خوديه قاعد فوق الكرسي
حنين : مشت خدت تليفون امها وركبت لدارها سجلت رقم منصور و رنت عليه طوووووط طوووووط
منصور : الو ايوه
حنين : الو
منصور : من معايه
حنين : حنين ي منصور
منصور : خير شن تبي
حنين : تبكي ودموعها شلااال ليش سيبتني ي منصور مش وعدنا بعضنا ماحد يسيب الاخر لو شن صار صح ولالا مش وعدتني تكون راجلي وأب صغاري صاح ولالا مش وعدتني انك حتحبني العمر كله مش وعدتني ان انا الي حنركب معاك فالسياره ويقولو هذي مراته؟؟ هاا جاااااوبني ماتقعدش ساااكت
منصور : في حاله انك ماتهربش وتجيبي العار لك ولعيلتك وليا ساعتها حندير الي قلتيه كلله
حنين : تعيط وتبكي يعنييي اتصدقهههم واتسييبني يعنني اتخلييني ويجيي الغريييييب يساعدنييي بداال ماتمشييي واتقوول للنااس لااا حنيين مستحيييل اديرهاااا؟؟ هااا قوول هياا
منصور : انا راسي يوجع فيا توه سلام وانسيني وربي يفتحلك معش اترني وسكر
حنين : وقتها انهارت ومعش عرفت ما أدير اترن على منصور مره واتنين وعشره بس مقفلل 💔 خدت الورقه الي عطاها لها زياد ولقت مكتوب فيها
" حنونتي.. حنرايفلك ي شينه وحنرايف على تقليبك وكلامك وانتي راقده حنرايف على صورك وانتي اتنوضي فيا وحنرايف على كل شي صار معانا... مرات تضحكي عليا وعلى كلامي ومرات تضحكي عليا كان قتلك نحبك.. اي اي محلك ونعشقك أخرى بس انا عارف انك تحبي خطيبك وخطيبك يحبك وحتتزوجو وتعيشو مع بعضكم بس انا حبيتك ي حنين وحبيت كل التفاصيل الي فيك.. ربي يوفقك معاه يا حنونتي.. وامتى ماتضايقي رني عليا وصدقيني مش حنفتحلك الموضوع هضا بككل مع ان خاطري تكوني مراتي وأم صغاري بس هضا هو النصيب ومكتوب هكي.. هذا عاد طولت عليك.. نراجي في اتصالك.. سلاام ♥️ "
