رؤى دقت ع باب اهل فارس فتحتلها امه وانصدمت
رؤى بابتسامه مزيفه : هلا
ام فارس : تهلهت اعضامك يابنت الكلب (حشاكم*😓)
رؤى مدت شواربها : تؤتؤتؤ ليش الغلط ياعمتي
ام فارس : اتخسي انكون عمتك (وجت بتصكر الباب رؤى دفاته بقوه' ع فكره ام فارس كانت صديقة ام رؤى هلبااا وتحكيلها ف كل شي يعني تعرف انه رؤى مش مزبوطه وتعرف نظام شغلها عشان هكي تكرهها)
رؤى : مش اني الي اتصكري الباب في وجهي (تخطتها وخشت اتنادي) فااارس حبيبي وينكك
بات فارس : حباتك العقرب وموتك يقرب😡
رؤى شبحتلها بطرف عينها وخشت دار فارس
بات فارس : الحرايميه هذي شن جابهاا
ام فارس : والله مانعرف لكن شكله هالمغضوب امناديها
بات فارس : الله لا اتربحه دنيا واخره
ام فارس : ربي يجيب احسونه بسرعه (احسان خو فارس)
بات فارس تنهد بضيق : والله طول علينا رايفنا عليه
ام فارس قعدت تبكي : اي والله وهالمرزي مابا يعطينا انكلموه
خشت عليهم رؤى : وووه حتى انتي كيف صاحبتك ديما ابكي
ام فارس صبت وتمت اتهزب : مستحييللل اتكوني بنت صالحه (ام رؤى) مستحييلل صالحه نعرفها اكوييس من لما كنا اصغار وكانت اسم على مسمى وماشاءالله عليها كله منك انتي الله لا اتربحك واطيتي راسها وجلطتيها وخليتيها معاد تقدر توقف علي رجليها كله منك الله لا اتسامحك
رؤى قعمزت وقعدت تضحك وام فارس اتهزب فاها وترعش
___
في نفس الوقت عند ساره
ساره كانت ف السياره متكيه ع الروشن وسارحه بخيالها واتفكر لما بتتلاقى مع اهل فارس كيف بتتصرف وكيف بدير🤦🏻♀️ قاطع خيالها صوت تليفونها يرن : ياهلا بولد الخاله كيف حالك
خالد مبتسم : الحمدلله اكويس وانتي كيف حالك يابنت الخاله
ساره ضحكت ع الكلمه : ان شاء الله دووم ، تمام الحمدلله
خالد : شنو في صوت سياره! امالا طالعه؟
ساره حطت ايدها ع رقبتها بتوتر : ايي ماشيه مع ماما والفريق بنوزعو مساعدات
خالد لقاها فرصه : ويين
ساره حساته بيلحقهم : في
وسمعت ساره صوت بوها ع التليفون : خااالد تعاال هياا ورانا شغل
ساره : هدا بابا؟؟
خالد فخاطره "امنورين ياعيت خالتي ديما مخربين عليا مواعيدي😭" : حاضر يا استاد علي هاني جاي ، ايه بوك ، ههي وراي شغل مره تانيه ان شاء الله انساعدكم
ساره حست بنوع من الضيق بس مش عارفه اعلاش : ان شاء الله هي سلام ما انعطلكش (وصكرت)
امل : منو
ساره : خالد ولد خالتي امال كان يبي يجي يساعدنا ف التوزيع لكن بابا مخلاشي عندهم شغل هلبا شكله
امل : اهاا ، انتي شن رايك فيه خالد؟؟
ساره مافهمتش قصد امها : شن شن رايي فيه؟؟
السواق : مدام امل وصلنا
ساره حست قلبها بيطلع من مكانه وفاتت سؤال امها الغريب ونزلت بكل نشاط وحيويه من سيارتهم
___
وام فارس تهزب وترعش : انتي يافرخه ياخامره (حشاكم) اخر مره انقولك اخطي ولدي ما اتخليه يفسد زياده تباعدي عن طريقه عل وعسى ربي يهديه
رؤى وقفت ضحك وفنصت فاها : ولدك حبيبي ومستحيل نتخلى عليه فاهمه وبطلي وساويس خيرلك من مبكري وانتي اتهزبي وساكتتلك خلاص عااد
ام فارس ترعش وخايفه لكن تبي اتكون قويه : انتي وحده فا$$ اني مش ح نخليك تتزوجي ولدي وتباعدي عنه خيرله بالك ربي يهديه بعدك
رؤى عصبت وشدتها من رقبتها بقوه : اسمعيني جاي ياعزوز النحس انتي ، ولدك ح نتزوجه سواء رضيتي ولاغصبن عنك وتوا تقعمزي واتصكري فمك فااااهمه (ودفتها بقوه نين طاحت وخش فارس)
فارس مبتسم : اووو الحب جت (وسلم عليها وطلعو للدار لاخرى وما انتبهش لامه الي قاعده طايحه ع الارض وتبكي)
___
امل : سارونه انتي خوذي الصفه هذي واني ناخذ الصفه هذي تمام؟؟
ساره زفرت بضيق لانها مش عارفه حوش فارس اما واحد : تمام
امل انتبهتلها : خيرك
ساره رفعت الصندوق : خيرني
امل : خلاص فوتي وهيا وزعي بسرعه نبو انتمو قبل المغرب
ساره ابتسمت : حاضر
امل باستلها راسها : يحضرلك الخير ابنيتي
وقعدو يوزعو
__
رؤى دروحها زعلانه : اهاا هزبتني وماعقبت ماقالتلي وجعتني بككل يابيبي (+دموع التماسيح💦)
فارس عصب : والله نوريها (وطلع للصاله الي مقابله الباب لقي امه مقعمزه جنب باته ويحكو جي شدها من حناكها بقوووه وصباها) خيرككك انتي ااه خييررككك
ام فارس تتوجع وتحاول تفك يديه وتبعده عنها بس مش قادره قعدت تبكي : اطلقني يا ولدي وجعتنيي
بات فارس : اطلق امكك لعنة الله عليك اطلقهههاا
رؤى شاده ضحكتها وعاجبها الموقف 💦💔
فارس : رؤؤؤؤى هذي بتووولي كنتتكك كنتككك تسمعي ولا لا سواء رضيتي ولا مارضيتي فاااهمه (وطلقها)
ام فارس : حسبي الله فيك انت وياها حسييبييي ربي
رؤى قربت منها : تتحسبي ع من انتي ااه ع من
ام فارس ترعش : عليك انتي ياصايعه يارقـ (كانت ح تكشف رؤى قدام فارس واتقول انها رقاصه بس رؤى صكرتلها فمها وفنصت فاها وهمست)
رؤى : وربي ياعزوز النحس تفضحيني قدام فارس انخليه يقتلك وهو ماهو داري بروحه
ام فارس سكتت وخافت ، مافكرتش في روحها لكن فكرت في راجلها من بيعانيه لو ماتت
فارس : شن قلتيلها
رؤى : قلتلها تحترم نفسها وهدتتها
فارس : بشن هددتيها
رؤى : مبكري شفتها تاخذ في فلوس من تحت سريرك😏
فارس : فلوووسي اني😳؟؟؟
رؤى : اها ياحبيبي🥺
فارس عصب : شن قللت عليييههنن فلووسي انيي شن قلللت
ام فارس كشت في بعضها وحضنت رجلين راجلها وخايفه : والله كذاابه والله ماقربت حاجه واللهِ الله
بات فارس حاط يديه ع راسها ويهزب في فارس : تحشم على وجك اشبحها كيف خايفه منك وترعش
فارس بصوت عالي : تي فلوووسي هذيينا بنجوووز بييهههن اني بنجوزز بيههنن معش حد يقربهههنن
بات فارس :ومن الهبل الي بيعطي بنته لواحد فاسد ونصاب ومدمن مخدرات ومتاع وجيج وبنات ااه؟؟؟ راهو بنت مدير الجمعيه مستحيل باتها يرضى يعطيها لواحد زيككك
أنت تقرأ
عدالة الله أجمل🥀
Короткий рассказقال الله تعالى : "ووصّينا الإنسان بوالديه حَملته أمه وَهْناً على وهن". "و بالوالدين إحسانا". "ووصينا الإنسان بوالديه إحساناً حملته أمه كُرهاً ووضعته كُرها وحملُه وفصاله ثلاثون شهراً". "وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَال...
