ساره : بابي نبي فلوس
بوها اعطاها المفتاح : هدا مفتاح الخزنه خوذي قد ماتبي
ساره فرحت وباست راسه : ربي يخليك ليا يا احلا اب
___
رؤى : بنمشي للشغل مش معطله تو انجي قبل المغرب وبنرد ف الليل
امها ب ترجي : يابنيتي سيبي هالشغل الله يهديك
رؤى عصبت : ما تبديليش في هالاسطوانه حفظتها صم ، وشغلي هدا يجيبلي ف اليوم 200 ويالله ايسد حق ايكالنا ودواكم
امها : اتجيبيلنا فيه بفلوس حرام يا ابنيتي
رؤى : تي خلاااااص ما اتخلينيش نمد يدي عليك توا (وطلعت قربعت الباب وراها)
امها قعدت تبكي : الله يهديك الله يهديك💔
___
ساره تتصل بي رؤى مرتين تفتح وتصكر وف التالته ثبتت : هاي رورو
رؤى : هلا سارونه
-وخشت سلمى (بنت خدامتهم وهي بعمر ساره) المهم وجايبه معاها عصير وبريوش لساره وكانت ساره مقعمزه تقصص في اظافرها و فاتحه السبيكر-
ساره : خيرك تفتحي واتصكري
رؤى تكذب : هدا تليفوني المسطول معش ينفع كل ما نفتح يصكر بروحه وتوا ثبت
ساره : العفو امتى لحق يخرب
رؤى : طاح مني في المطبخ واني انسيق قعد يستاكه معش ينفع
ساره ٠ تبيلك واحد جديد
رؤى : اي والله وخاطري في ايفون لكن منين ياحسره ، اني حتى ربع ماعندي
ساره : تم ياعيوني بكرا يكون عندك
رؤى بفرحه مصطنعه : نجكليااا😏
سلمى حطت السفره وطلعت مشت لامها ف المطبخ
سلمى : تعرفي ياامي
ام سلمى : شنو
سلمى : معرفتش ساره طيبه ولا غبيه
ام سلمى فنصت فاها : نقصي حسك رايسمعوك
سلمى : نحكي جديات يما ، تو اني نقرا معاها وفي مرات نبدا قريبه منها ونسمع في هدرزتها مع صحبتها كيف انها عاقه وتكره هلها وديما تطلب من ساره في فلوس ولبس وتوا كذبت عليها قالتلها أني تليفوني يستاكه وهي ساره قبل اسبوعين شاريته ليها التليفون وتوا طلبت منها ايفوون وساره قالتلها بكرا يوصلك
ام سلمى : باهي البنت كريمه وين المشكله ورؤى فقيره مسكينه الفقر باين في دبشها مش غلط لو ساره ساعدتها ، وشن انتي حاسدتيها كان ساعدتها ساره؟؟ تي اهو ماشاءالله كل ماتطلع للسوق ترفعك معاها تشريلك وهذا كله مش عاجبك؟؟
سلظى " يما فهمتيني غلط ساره ع عيني وراسي ومش قصة حاسدتها ، اني الي نبي نوصله انه ساره منعميه بحبهم لدرجة ولت غبيه ووماتفكرش بعقلها وماتلاحظش انه رؤى وفارس يضحكو علاها وياخدو منها ففلوس وخلاص تبيلها من يفتحلها عيونها عليهم
ام سلمى : اسس نقصي حسك ، ومهما كان انتي مادخلكشش فحياتها واصحابها انا وانتي هنا عشان نخدموهم ونكسبو لقمة عيشنا بالحلال وبعدين مش ساد انه يقرو فيك مع بنتهم في مدرسه خاصه ومعروفه زي هدي ويصرفو عليك زي بنتهم
سلمى : باهي يما اني ماقلت شي غير انه مفروض حد يفتحلها عيونها ع الي اتسمي فيهم اصحاب بسس
ام سلمى اتقرض ف الخضره : وبررضو سكري فمك وما تدخليش ف حد ، وتعالي قرضي معايا بلا هاللـكـلـك الزايد
وبين ماهما كانو يحكو ع ساره كان في حد يسمع فيهم وهالكلام ضرب في عقله
_____
وصكرت ساره من رؤى وكلت الي جاباته ليها سلمى واتصلت بي فارس : حبيبي❤
ام فارس : الو منو انتي
ساره انحرجت : مش هذا رقم فارس؟؟
ام فارس : منو انتي
ساره : معلش اسفه شكلي غالطه ف الرقم (وجت بتصكر)
ام فارس : استني استني اني ام فارس ، اسمعي
ساره : نعم
ام فارس بعصبيه : انتي الفرخه رؤى ولا؟؟
ساره استغربت : لا انا ساره
ام فارس استغربت : من ساره؟؟
ساره : ساره صديقة فارس
ام فارس : بنت من انتي
ساره : بنت علي ال///
ام فارس : انتي بنت امل مديرة الجمعيه؟؟
ساره : ايه اني بنتها
ام فارس : انتم اغنياء شن خلطكم علينا
ساره : في حد قالك الاغنياء ما يصاحبوش جماعة الطبقه المتدنيه؟؟
ام فارس : هذا الي نعرفه
ساره : لا يا اعميمه مش الكل ، عندك اني انصاحب ف الفقيرين اكتر من الغنيين لانه الفقراء مش متاعين مصالح ونفاق وكذب عكس الاغنياء
ام فارس بخيبة : انتي تعرفيه اكويس فارس؟؟
ساره : ايي لينا سنه ونص نعرفو بعض ، وهو ماشاءالله عليه الحق خلوق ومؤدب ولعند اليوم ماريت منه شي غلط
ام فارس فخاطرها "مستحيل اتكوني تعرفيه " : اممم
ساره : ممكن نعرف هوا وينه توا
ام فارس بخوف : راقد ، ويابنيتي الله يربحك بعد يكلمك ما اتقوليلاش انه اتصلتي ورديت عليك باهي
ساره استغربت : ان شاء الله
ام فارس : وكلمي امك اتجي لشارع ### راهو الامدادات متاعها ما وصلنش فينا
ساره : ان شاء الله ولا يهمك نهاية الاسبوع يوصلكم تموين وفلوس وملابس ان شاء الله
ام فارس فرحت : ربي يحفظك ويخليك لهلك ويربحك دنيا واخره ويجعل طريقك بيضه ويباعد عنك ولاد وبنات الحرام
ساره ابتسمت : تسملي يا اعميمه ع الدعوات الحلوهه ، هي سلام ماما جت بنمشي نكلمها
ام فارس : بالسلامه ابنيتي
فارس : من كنتي اتكلمي؟؟
ام فارس جمد الدم ف عروقها من الخوف ومن رعشتها طاح التليفون
____
رؤى : كيمووو
كمال ابتسم : اهلييين بنور العين
رؤى ابتسمت : اهلين بيك حبي شنوو انشوف ف الاستراحه فاضيه؟؟
كمال : فضيتها عشانك قلتلهم ايجو ف الليل وتوا اطلعو بنوتي للحفله براحتي
رؤى قربت منه : قصدك مداير حفله ف الليل؟؟
كمال قريب ياكلها بعيونه : ايي حصلنا دفعه باهيه اليوم ، بندير حفله وجبت بضاعه اليوم وصاحبي بيجيب بنات اجنبيات يغيرن جو الشباب
رؤى بدلع : وانيي؟؟
كمال حاوطها بيديه : انتي مش شورك الغرف ، شورك المسرح
رؤى : مش ح نرقص بروحي
كمال : لالا مش بروحك ح يكون معاك بنات تانيات
رؤى زادت قربت منه : جد؟ وباهي وتوا؟؟
كمال رفعها : توا اششش
أنت تقرأ
عدالة الله أجمل🥀
Contoقال الله تعالى : "ووصّينا الإنسان بوالديه حَملته أمه وَهْناً على وهن". "و بالوالدين إحسانا". "ووصينا الإنسان بوالديه إحساناً حملته أمه كُرهاً ووضعته كُرها وحملُه وفصاله ثلاثون شهراً". "وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَال...
