عدالة الله أجمل🥀

🥀الحلقه الرابعه🥀

-
أسوأ ما في الخِيانة أنها لا تأتي أبدا من الأعداء 💔!.
-

باته ابتسم : الله يرضى عليك ياولدي الله يرضى عليك ويربحك وين ماتعطي بوجهك ، وحاول اتعوض امك ع فارس
احسان : ح نعوضك انت وامي ما اتقولش هكي
باته : اني خلاص
مه تبكي : ما اتقولش هكي ياحاج المن بتخلينا
باته : ربي معاكم
و قعد يحكي بصعوبه : اشهد ان لا اله الا الله واشهد ان محمدا عبــ...ده ورســ.. ـو... (وسكت)
احسان يهز فيه : بوووي بووووي
امه : ياحاااااج😨
-نطق الشهاده وغمض عيونه للابد💔ابكي وعياط احسان وامه أثر ف كل الي شافوهم ف المستشفى💔الله يرحمه الحاج ويسكنه فسيح جناته-
___
كمال : اهلين فارس😁 كيف حالك وحال الحب😉
فارس يحاول يمسك اعصابه : الحمدلله
كمال : دووم وينها ليها ايام مش مبينه ولا نين نتعارك معاك بيش اتبين ارويحتها😉
فارس عصب : كماااال
كمال باستفزاز : اعيونه😙
فارس : اني مش متصل بيش انتعارك امعاك ، اني اتصلت نبي نسألك لو تعرف شقة صغيره ورخيصه للبيع يعني لو اتكون اقل شي ب80 ألف
كمال من دون مايفكر : نعمم؟؟ ومن وين بنجيبهالك اني
فارس بغباء : ماهو نبي نجوز ونبي نستقر بعيد عن هلي وانت عندك معارف هلبا يعني لو تتوسطلي او شي
كمال فكر وجت فباله فكره جهنميه : باهي باهي ساهل تو نشوف ونكلمك
فارس : صحيت ياغالي امنور (وصكر الخط)
كمال ابتسم بخبث : فارس غبي وهالرقاصه ماهي هينه وعرفت تضحك عليه واتجيبه للطريق بس من وين بتمشي مني
-عرف انه فارس ورؤى ح يتزوجو عن قريب وقرر انه يسلب من رؤى فلوس مابين تزوجت-
____
الساعه 10:34م
امل : سارونه بوك يسئل عليك
ساره : قوليله راقده
امل : مايصيرش منه هالكلام
ساره : منبيش انشوف حد نبي نقعد بروحي بسس
امل : بس بوك بيسافر بكرا
ساره : ويسافر شن بنديرله
امل بصدمه : سااره!! معقوله انتي اتقولي ع بوك هكي
ساره قعدت اتعيط : يماما خلاااص خلاااص خلووني ابرووحي بسس
امل : خلاص ياروحي ماتبكيش ح نخليك بروحك وتو نحكو بكرا تمتام؟ (وباستلها راسها وطلعت )
ساره قعدت تبكي نين خداها النوم
___
احسان جي بيطلع كلماته امه : وين ماشي
احسان : ماشي بندور فارس
امه تبكي : فكنه منه الله يربحك يا اوليدي فكنا منه
احسان : لازم يجي يشوف روحه شن دار ف بوه ، بالك يتوب
امه : هوا يخاف منك مستحيل ايكون قاعد ف الحوش
احسان : مرات نلقاه فيه ماعنداش وين يمشي
امه : عنده ، مرات يمشي لي هالملعونه رؤى ولا صاحبه
احسان : منو صاحبه
امه : كمال الفولاني الله لا اتربحه ولا اتوجهله الخير ، هوا الي دخل خوك لهلطريق
احسان : تو انجي (وباس راسها وطلع من المستسفى ركب سيارته وعدا لحوشهم ونزل وقعد يدق ع الباب وينادي بعصبيه) فااااارسسس فااااارسس وربي ماني مخليك عايش دقيقه فاااااارررسسس
وقعد ينادي بعياط ويحلف ويتوعد نين طلعو الجيران وقالوله انه طلع هوا والبنت الي معاه ومعاهم شنطة حوايج ، عرف انه خاف و هرب وقعد يفكر ان ممكن يكون كمال وسأل عليه ودلوه ناس ومشاله ف حوشه مالقاشي طلعتله وحده قالتله ع الاستراحه متاعه ومشالها : كمااااااالل كمااااااالل (وخش للاستراحه جوا لقي كمال مداير حفله تانيه وبنات وسكير غمض عيونه واستغفر ربه وعدا للدي جي خلاه يطفي الاغاني
كمال بعصبيه : هيه انت من سمحلك اتخش هنا
احسان : وين كمال الفولاني
كمال : اني هوا
احسان شده من حوايجه وطلعه برا ، صح كمال طويل وعريض بس احسان كانت بنية جسمه اقوى من كمال
كمال ماقدرش يفك روحه : هي هي انت ، حسن معاملتك وانت اتكركر فيا اتقول ذبيحه
احسان : ح اتكون زيها بعد اشويه
كمال بلع ريقه : شنووو😨😳
احسان وقف : الفاسد وينه (حشاكم)
كمال : الفاسدين هلبا من منهم😂
احسان : قصدي ع فارس
كمال : من فارس يراجل ، راهم هلبا
احسان مسكه من ياقته : نحكي ع فاارس رجب ، فاارس خووي الي سافرت وخليته ولقيتك مدخله لهلطريق الوسخه ياوسخ
كمال خاف منه : مانندريش عليه وين😨
احسان رفع يده بيضربه بس بعدها نزلها : استغفرالله العظيم (وبعد عنه) لما يجيك قوله بكرا الظهر جنازة باتك الي قتلته
كمال فنص : ان شاء الله قتل باته التيس هذا😨😳 (أعتذر على الالفاظ*)
احسان : حسّن ملافظك يرا شن هذا ، وقوله امك وبوك مش راضيين عليك وبعد يبرم بيك الزمان ويردلك الي درته فيهم رد بالك اتجيني
كمال : وعديله قوله هالكلام شن تحسابني حمام زاجل يوصل ف الرسايل ولا صندوق بريد
احسان مسكه من رقبته : تسهوك انت!!!
كمال : لااا حشا ، حاااضر انقوله الي تبيه أؤمر
احسان طلقه : وانت تباعد عنه الفرخ بالك ربي يهديه (وطلع)
كمال شد رقبته قعد يمسح عليها بيده : نهار اسود معقوله هذا خو المسمار الاسود هذاك (قصده ع فارس لانه ارقيق واسمر)لااا وطلع قاتل بوه الحرايمي ، ثاريته كارثه هالفار هذا (قعد شويه وخش جوا كمل حفلته)
____
خالد يرن ع ساره يلقى فاها مقفل اتصل بخالته : الو مرحباا
امل كانت راقده : اهلين خالد كيف حالك
خالد : شنو راقده مالا
امل : ترا شوف الساعه كم
خالد : الساعه 12 توا
امل : في انسان طبيعي يتصل بخالته فهالوقت؟؟ ، سلم اوليد اختي ، ف الوقت هذا برا اتصل بحبيبتك مش بيا
خالد فخاطره "حبيبتي مقفل تليفونها🤦🏻‍♀️" : معنديش حبيبه كان عندي را متصل باهامش بيك😂
امل : عدي ارقد
خالد : مفيش نوم
امل : عطك دمدوم ياولد اختي اندفس وخطاني
خالد : كساادد نبي نهدرز مع حد
امل : اخلوده... سلم اوليد اختي ... برا ارقد
خالد : اصلا كنت عارفك راقده تو نتصل بساره ديما تسهر
امل نطت : لاااا
خالد استغرب : خيرك بسم الله
امل : شي شي ، ساره تعبت معايا هلبا ف التوزيع ورقدت من مبكري
خالد : اهاا
امل : اي وسلم اخلوده عدي ارقد را انخبر فيك امك
خالد ضحك : خلاص خلاص تصبحي ع خير😂