بعد مرور 25 سنه...
رؤى ولت خدامه لولدها وراجلها ومرته وصغارهم🙂وكانو يعاملو فاها اسوأ معامله حتى من ولدها يكرهها لانه بوه رباه علي كرهها ، وكان سور الحوش كبير ومدايرين في نهايته دار وحمام حشاكم لرؤى باش تعيش فيهم.
ساره كسبت رضى ربي ورضى والديها وعاشت احلى حياه ، مع عيلتها كان خالد معيشها هيا واولادها احلى حياه ، ولأن الحاجات الحلوه ما ادومش.. خالد توفى🤷🏻♀️💔تقبلت ساره هالخبر بصعووبه لانه صغارها قعدو بلا سند كان لازم هيا تكون ليهم السند و الام والاب فنفس الوقت وبعد سنين صارو هما سندها💗.
اما فارس ... واااه علي فارس الي دار حادث قبل 3 سنين وتوفت
مرته وانشل ولده فيه🤦🏻♀️وولده وبنته كرهوه من هذاك اليوم وقعدو ديما يهزبو فيه ويهينو فيه لانهم معتبريه هوا السبب في موت امهم ، وبعد فتره جي دكتور شاطر لي ليبيا وقدر يعالج ولده وصار يمشي شوي شوي.
_____
رؤى تبكي وشاده في يد ولدها : ياوليدي اعلااش ادير فيا هكي امك اني
معتصم (ولدها) دفها ويحكي بصوت عالي : انتِ مشش اممي مشش اميي ، مستحيل وحده كيفك اتكوون امي ، اني عندي ام وحده بسس والي هيا سحرر سحررر وبسس
سحر (زوجة احمد التانيه) : عصوومه تعاال خش وسيبهاا هادي شن تبي فيها
معتصم : جايك يمي ، وتباعدي عني انتِ ، انتِ مكانك المطبخ والدار هذك ، انتِ قاعده هنا لانه امي شافقه عليك ومخليتك تخدمي عندنا مش اكثر ،وعندك حدود ماتتخطيهمش
و
مشي وسيبها خلاها طايحه ف الوطا وتبكي
______
فارس فرحان : يعني خلاص توا معش في علاج يقدر يمشي بروحه؟؟
الدكتور : قول الحمدلله
فارس : الحمد والشكر ليك يارب الحمد والشكر ليك يااااارب ، هياا وليدي نروحو هي
مراد (ولده) : ترا اسكت بلا جو قدام الناس ع اساس تحبني وفرحان لمشيتي ما انت السبب(وطلع وسيبه وتنهد فارس وطلع وراه وركبو السياره)
فارس يسوق : تو لما بنروحو بندير عشي كبيييرر وبنعزم عليه ناسنا و الجيران كلهم
مراد : ت فكني من جو التبوديع متاعك ، لا تعزم الجيران لا سحنتي منبيش حد ولا نبي اي شي منك ماتنساش انه انت السبب ف اللي كنت فيه
فارس تنهدت وتلفتله وما انتبهش انه قطع اشارة المرور الحمرا🤦🏻♀️🤷🏻♀️ : مراااد ياولدي كم مره بنقولك ان الي صار هداك اليوم ....
مراد فنص عيونه وعيط : لاالااالااااااااااا
فارس مالحقش يتلفت ع يساره الا وشاحنة نقل البضائع خاشه فيه وماكانوش الا دقايق والتمو الناس وجو سيارات الاسعاف
______
ساره تشتغل ع اللابتوب : ماتعرفيش تسكتي انتِ وتخليني نشتغل ف هدوء؟؟
اسيل ضحكت : منعرفشش الله غالب جبتيني ثرثاره منعرفش نسكت
ساره ابتسمت : وين خوك؟؟
اسيل : مشي للجامع قال بيصلي وبيجي يرفعنا لجمعية اميمه
وماكملت كلمتها الا ومحمد خاش خليهن : السلام عليكم
اسيل وساره : وعليكم السلام
محمد : هيا وتو رواحكم خلي نوصلكم بسرعه
ساره : وعلاش مستعجل شن وراك
محمد حك راسه : مستعجللل
اسيل فهماته وقعدت تضحك وهو خاف تفضحه قدام امه حدف فاها مفتاح السياره😂لكن ساره مايفوتنش عليها الطروح هذينا 🌚
ساره سكرت اللابتوب وناضت لبست عبايتها وطلعت : نوضي يا اسيل اركبي قدامي بسررعه خوك وراه موعد😉مايبيش يفوته
محمد تحشم وطلع واسيل تضحك : اما انتي ياماماا ههههههه
أنت تقرأ
عدالة الله أجمل🥀
Nouvellesقال الله تعالى : "ووصّينا الإنسان بوالديه حَملته أمه وَهْناً على وهن". "و بالوالدين إحسانا". "ووصينا الإنسان بوالديه إحساناً حملته أمه كُرهاً ووضعته كُرها وحملُه وفصاله ثلاثون شهراً". "وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَال...
