بارت ..ثالث
انين الرووح
حتفوت وتعرفيها .
صباحكم خير بنات عمتي
هاااا هاي البارحه شفتها حيل رعنه
اي بعدج مشايفه شي ...شوفي وتفرجي عدل
رشا هي شصير منج
مصير مني شي بس مره عمي جبار ابو جراح هاي خالتها
هاااا عرفت الواكه منين صارت
هله تفضلي
.لا اريد اروح الجراح
.وين عيوني جراح طلع من البيت قبل نص ساعه
.لاصدك زينب تحجين
.اي صدك قابل كاذبه عليج اني قبل
.لازنوبه بس استغربت طالع من وكت
اي عنده شغل ولازم يلحك عليه
.قصدج اكو ازعاجات ولازم يطلع علمود محد يضوجه
.رهف سمعتها بس مارديت عرفت تقصدني اني لان من تحجي تباوع عليه
.زينب شتقصدين بكلامج ازهار منو الغثه
.لا حبيبتي زنوبه مقصدت احد بس اكول يمكن هو ضايج من ناس او هيج شي
.زينب لا لتخافين ميضوج من ناس بالعكس صبح وضحك وتونس وطلع وتعرفين جراح ابو مضيف يرحب برايح والجاي
اعرف عمري اتعلميني بخطيبي
منين صار جراح خطيبج بله
يصير حبي يصير بس خل يهدء الجو وكلشي يصير وع مرامي
زينب . اي ليش لا
.تعاي رشا عندي حجي وياج خلي نطلع لربعه
.اي جايه
.زينب ...رهف لضوجين من اسوالف ازهار
.رهف لا ع شنو اضوج اصلا ما مفكره بيها من اساسها اني كم يوم باقيه بس تخلص الحرب نرجع وارجع الحياتي زينب اني حياتي غير عن حياتكم وما اهتم للحجي العاطل من امثال ازهار او غيرها هيج نماذج تشوفيها ميته غيره منج بدون سبب بس لانهم يشعرون بالنقص بداخلهم ويحاولون يغطون هالنقص بالحجي ع الناس الي هي اصلا تحلم تكون مثلهم
والله صدكتي رهوفه كلامج ذهب والله
. ان شالله ترجعون البيتكم والحياتكم رهف بس خلي اكمل شغلي ونطلع اني وياج للبستان اشوفج حلالنه
كمت ساعدت البنات اشويه بس زينب مقبلت اسوي شي بس طلبوا مني اثرم زلاطه ناعمه والنوب بيها بصل
واني اتخبل من البصل ريحته تلزك باليد وعيوني تظل اتصب دمع
رقيه ..الله شكد حلوه عيونج من تبجين هي ملونه وتصير حمره تطلع تخبل
اشكرج من ذوقج والله البصل صدك عماني وعمه عيوني
وانتي شدعواك هيج مايعه من كشر بصل تبجين مو مثلج احنه جاي نثرم ونطبخ شو مصار بينه الصار بعيونج لو هاي عياره منج
زينب ..كافي تره حيل طوختيها ازهار احترمي حالج بعد لاتخليني اردج المكانج
.يله رهف وينج كومينه
اجيت زنوبه بس اغسل وبدل
انتظرج
ولج هاي شنو شلابسه
غير بنطرون وقميص
.عيني احنه وين يمشي هذا البس ويانه روح بدلي ولبسي دشداشه وشال
