بارت ..سادس
للفجر رجعت البيتي دخلت غرفتي
شو كاعده
انتظرك
شعندج تنتظريني
اريد افض سالفه العصر
ازهار انه تعبان
انت دومك تعبان من اريد احاجيك
شرايده الخاطر الله
رهف هم رجعنه ع طاري رهف
بويه انتي ماتملين انتي شني من بشر ماينفع وياج كتل ولا اهانه ولا طرد ماتكوليلي شتردين سمعي يازهار كلامي هذ ماعيده بعد
البنيه غريبه جتي فتره و راحت واني ماحبيتها ولا جنت خالها في بالي واذا اريدها ماتصعب عليه هسه اروح وجيبها انه
وخلي في بالج ماجنت امفكر بيج زواج
بس ازوجت الخاطر امي واختي رباب ما ردتها تتعب
ردت اجيب وياها اليساعدها وانتي جنتي اختيار الوالده فلا كل يوم اسويلج طبل
وجيبين طاري البنيه احترمي حالج وسكتي اذا عاجبج اتعيشين وياي
انه مالي خلكج انتي همات زين يابنت قحطان
.وليش اجيب اسم ابوي ع السانك الله يرحمه
.
ليش ضجتي ....انه اكلج ليش جبته لان هو الورطني بيج وامي ما صدكت اخوها هداج الي لزكتلي خوش لزكه حتى ماشفت دربي بعد بيها
.ف خليني لاعن ابليسي وساكت ولا اطككين روحي عليه يله نامي
.............................
.ها يمه شكلتي فدوه اروحلج
والله البنيه ماطلعت من بالي ابد من يوم الراحت عنه ورجعت بغداد وانه بس افكر بيها
.
والله ياايوب انه هم اتمناها الك هي خوش ابنيه واحد يحجيها لله مؤدبه وحبابه وماشفنه منه العيبه
.فدوه يوم احجي وي جراح وي ابوي خل نمشيلهم والله طكت روحي عليها انه رايدها يايمه صدكي ما نايم اليل من راحت لو بس طريق بغداد زين اله اكايلهم واكعد اباب بيتهم
.بسك لاتون راح احجي وي ابوك ونشوف رده
.جراح اووووووف شبساع صار سنه ونص من عفتينه يارهف جا هم امر ع بالج انه لو نسيتيني هم تذكرين ايام طيبه مني
اكيد نسيتي جراح ونسيتي شكله
هسه شلون شكلج صار وهم كلبج سكنه واحد
ااااخ يا الله ليش انه دوم افكر بيج وتخيلج وليش ماطحتي عن بالي ولو لحظه
معقوله انه كدام كلبج وحسنج وحبج اضعفت انه جراح حتى الصخر تاخذلي نوبه تنكسر من افوت اكبالها
اووف يارهف تعبتي اعصابي وفكري وكلبي بس بعد كافي كل ما اكول نسيتج ترجعين تظهرين اكبالي
رحت للبستان دخلت ع احصاني الكاسر اني كل ما اضوج وضايق اخذ الحصان ونروح المكان بعيد وحجيله البكلبي لان هو اليسمعني وما ينطي بسري
تعرف يكاسر اني حبيت اي انه
انه جراح يكاسر
انه الماتهزه الريح كلبي هزته بغداديه بس ياكاسر هي ماتحبني تأذيت بحبي الها
ليش مكدرت انساها سنه ونص عايش ع ذكراها متعششه كلبي وعقلي
بس لا كافي بعد كافي هجر خلي اجيبج يمي ورتاح
لازم اجيج البغداد وشوفج بعد كافي صبر لازم اتكونين حلالي جنتي صغيره وستخطيتج بس هسه صار عمرج ١٨ يعني كبرتي وحلويتي لازم اخذج الي قبل لا احد يخطفج مني
