هذا جزء بسيط عن حقيقه بعض مو كل
دا اكول بعض الشيوخ
الي نشوفهن بالسلف اشخاص ماكو منهم بالحديث وفي حل اعقد المشاكل وكلامهم ذهب عالكل
وبين حياتهم الزوجيه فرق شاسع من السمه للكاع
تشوفه بالديوان رجل حكيم
وبيته رجل متسلط قاسي اناني
بالديوان رجل مذهل بالفكر
وبالبيت الاعصاب تكون سيد الموقف
بالديوان يحل اعقد الامور
وبالبيت اول كلمه تخطر ع لسانه هي الطلاك
بالديوان اتكون العادات والتقاليد هي الحكم
بالبيت تنسي كل العادات والتقاليد
اكيد قصتي حجت جزء عن بعض مو الكل
بعض فقط عن حياه الشيخ وطباعه داخل وخارج البيت
اني وانتوا وجميع القراء منعرف حياه الشيوخ بس نسمع بيهم من خلال السلف والدواوين
واليوم نكتشف حقيقه هذا الشيخ العجيب الغريب اي ايده ولسانه يسبقوه بالضرب والغلط والشتيمه ع اقرب الناس اله والي هي زوجته
.
عجبي ع هذا الزمان وع كلشي يصير بي شكد بعد راح انعيش ونشوف وشكد بعد راح ننصدم من ناس ماكنه انفكر بيوم تطلع منهم الغلطه
عجبي ع شيخ ....ظالم وقاسي
عجبي ع ام .......ترمي ابنها حديث الولاده
عجبي ع اخ ......يبيع اخته
عجبي ع قرأن ...ينحلف بي بالكذب
عجبي ع حرامي..يبوك تعبنه كدام عيونه واحنه نصفكله
عجبي وعجبي وعجبي
هاي الامور كلها دنشوفها اكبال اعيونه بس مدنسوي شي الها صرنه مجرد
مشاهدين بدون ضمير ...ضميرنه بده يموت ابداخلنه واحنه مجاي انحس بي
واكيد ارجع واكول مو كل الناس سواسيه
لو خليت ..قلبت
وان شالله نرجع افضل من قبل
والامل بلله بعده موجود بكلوبنه
اعتذر عن كله كلمه بيها غلط وع كل مشهد مؤلم وع كل مشهد بي احداث احنه نفسنه عشناها وما نتمنى اتعود النه
اعتذر من كل شخص فهم قصتي بالغلط
بس هاي جزء من حقيقه كانت مخفيه عن الناس
لان اكثير من الناس تخفي وره ابتسامتها انياب ذيب
وارجع وكل مو الكل.... مو الكل
اكو ناس تستاهل المديح
واكو ناس تستاهل الذم
ما اعرف ليش محسسيني من خلال تعليقاتكم بأن احنه عايشين بالغرب اوربا
والرجل العراقي
ميضرب ولا يشتم ولا يغلط ولا يخون ولا عنده تصرفات غلط في غلط
تره القصه مال البنيه اكثر نساء العراق عايشاتها والكل اتعاني من اعيالها ومن اهمال رجلها الها وضربه واهانته
غرم اكثر الرجال عدهم شهايد بس اسلوبهم مع المرءه غلط في غلط
وما اثني بس الرجال لا
حت النساء شكد متعلمات ودارسات بس اكثر الامور تجاهلها او اتغلس عنها ومن خلال هالتجاهل اكيد راح تتكون المشاكل
تره احنه بشر وسبحان الي ميخطاء
كلنه معرضين للخطاء
وان كان شيخ او ابن اشيوخ قابل هو نبي لو تربيته تختلف
وان كان متعلم اغلب المتعلمين ماعدهم اسلوب الحوار والتفهم
تره كل الي كتبته اغلبنه احنه عايشي بالحقيقه
عايشين ع الخيانه الزوجيه وعايشين ع الضرب وعايشين عالاهانه
لحد يكون نبي او ملاك ويسوي حاله مستغرب لان شيخ ضرب او غلط او خان
وان كان عالضيف.........؟ ف اكيد اله احترامه وتقديره ببيوتنه بس لازم الضيف هو ايضا يكون محترم اهل البيت ومقدس عاداتهم
يعني هي جايه البيت متعرف طبعهم فاتحه الشعر والبس الضيك البنطرون والبدي واكفه وتباوع عالشباب
شلون الواحد يتصرف وياها
هو بغيرته ك رجل دخل ضرلها حتى ينبها ع وكفتها وشعرها المطاير امام الكل
والرجل مكان يعرف هاي ضيفه كل باله وحده من بنات عمامه
بس انتوا بيكم طبع انعوف اساس القصه ونجلب بالفروووع
هي من كتبت قصتها شنو قابل حياتها حلوه وجاي تفتخر بيها
هي غير من ظيم كلبها رادت اتبين لناس
انه الرجل خارج البيت شكل
وبالبيت شكل ثاني
يعني بالسلف رجل حكيم
وبالبيت يده والضربه السانه والغلط
هذا مفهوم القصه واتمنى وصل شرحي للجميع شكرا الكم
ولتنسون احنه مو اجانب وننصدم من نسمع مره انضربت
تره احنه عرب يعني الضربه عدنه لاكامت ولا كعدت شي عادي والكل مجربها ما اثني ولا واحد
شكري لجميع احبكم ياورود كلبي
