بارت...٣٢
انين الرووح
صبحنه الصبح صح ماكو احد متأذي بينه احنه النسوان
سمعنه اكو زلم مجروحه بس الحمدلله جرح ولا موت
لان الموت صعب بالاخص زلم عدهم عوائل
طلعنه من المخزن للحوش ونشفه مليان طلق بالكاع مطشر ومحفر بالحايط
منظره جدا مرعب
يعني صدك الله حفظنه البارحه
شي مينوصف من البارود مرمي بالكاع
اخذنه الجهال بالديوانيه كلهم كعدناهم حتى محد يوصل للطلق ويلزمه
واني والبنات سوينه همه عالبيت كله من السطح حد باب دخول البيت
جلف وغسل بالمي والمعقمات حتى نخلص من البارود
طبعا كل الزلم ماكو بالبيت ومنعرف شي عنهم
ندك عليهم محد يجاوب ظل بالنه يمهم
لظهر انتهينه من البيت وطبخنه غده
انتظرناهم للساعه ٣ الظهر ومحد
اجه ولا واحد ظهر منهم
تغدينه وغدينه الجهال
لساعه خمسه اجوي جراح والشباب وياه محد يحجي ومحد يكول وين جانوا
بس دخلوا والكل هدوء
صاحلي جراح ..تعاي حضري الحمام
فتت حضرته وطلعت شفته كاعد عالجربايه وخال ايده ع راسه ويفرك براسه
اتقربت اله بشنو حاس
رفع نظره الي وبتسم خفيف والله يارهف حيل دايخ وتعبان
تريد افرك راسك
ياريت
كعدت عالجربايه وخليته راسه ع رجلي وبديت افرك بكصته واقره ايات ع راسه شفته غفه خطيه باين التعب بوجهه
واكيد مو بس تعب شايل
لا شايل هم البيت والنسوان والجهال
لان الي فهمته عشيره يعكوب مناويه اجيبها للبر
اوووف ياربي شلون راح اتفض هاي السالفه يوميه طالعنه نزاع ومعارك
ام حسين جنتي بوحده صرتي بثنين
ظليت كاعده متحركت وهو نايم ع رجلي اني هم حسيت بالنعاس بس مديت راسي عالمخده اليمي وغفيت
وبعد نومه ما اعرف اشكد حسيت بشي يمشي ع جسمي ورجلي افتحت اعيوني بثكل
هاااا جراح بيك شي
لا مبيه رجعي نامي عاجبني اشوفج هيج وانتي نايمه
اضحكت 😊😊😊😊 انت فلا تكعد راحه
حتى وانت تعبان ادوراتحضن وتبوس
ليش هو اكو احلى منهن انتي في رأيج
الله خلقنه نعبده صح بس ما كال انسه نفسك وحرمها من ملذات زوجتك
وانتي حلالي واني مشتهي ملذاتي
انطيني حقي وروحي ارتاحي
جراح والله مالي خلك تعبانه
اكلج انه شايل التعب كله فوك راسي وانه البارحه ماغمضت عيني حتى احميج انتي وغيرج وتنامين مرتاحه
وانه جيت ادور راحتي يمج انه المتعوب
بالاخير تكليلي مالج خلك الي
جا ليش ازوجت خو اظل عالمحرمات افضل
شو وحدتجن بس اصير بعمر ال ١٥ سنه اتكوم ادور زواج
ومن تزوجن اتكوم تتنعوصن وتكولن تعبانات
عسبالجن الزواج بس بدله بيضه وهلاهل
يمعود والنبي اكلتني بكشوري ما انطيتني مجال احجي او ادافع عن نفسي
ما انطيج ولا راح انطيج مجال خلي اكوم اروح اشوف هاي ايمان وين
نكعد اشويه نسولف افضل من وجودي وياج بدون شي يابسه عالتمن
