حب لحد الجنون 🤤💘

البارت ١١

#حب_جنوني

بارت 11

رغد: طفرت عليه امي وحطت ايدهه ثنينهن حوالين ركبتي وخنكتني تدفع بيهه امي هدى وتصيح عله خالي فاروق الي كام من الهول وعافنه حسيت روحي طلعت ركبتي كانما حاجز بيهه حجز التنفس عني حسيت عيوني طلعن من مكانهن اذني كاانما قبط بيهه الهوه منضر امي وهيه مغمضه عيونهه ودموعهه تنزل وايدهه مثبته بركبتي وامي هدى الى تضرب بيهه وتدفع شفت خالي فاروق جر امي حيل شهكت النفس كمت اكح كل قوتي حراره بعيوني وراسي احسه مو بمكانه اكو ضغط عله اذني امي هدى الي الي تفرك بصدري احس دموع 😿 تنزل عله خدي بس مودموع بجي لا من قوه لخنكه عيوني احسهن انقلعن امي كامت تلطم وتصيح ع خالي فاروق خلوني اكتلهه واكتل نفسي وك فاروق عوفني يااكتلني واكتلهه خالي حاضنهه ويبجي وياها واني امي هدى محاوطتني وتبجي بالكوه كومتني طببتني للغرفه وقفلت لباب نيمتني ع جربايه احس النفس بده ينتضم بس اكو حركه بزردومي عبالك جروح بي بالكوه ابلع ريكي بصعوبه بس نعسانه كلش اريد بس انام بحيث اول محطيت راسي ع مخده بديت اغفي حسيت باايد امي هدى عله بطني وغفيت محسيت باي شي بعد عدن يومين اني محبوسه بالغرفه حته اذا احتاج حمام اظل انتضر اينامون وتجي اطلعني امي هدى وركض اركض وكاتلني لخوف وره يومين سمعت صياح وامي هدى تكول لخالي فاروق الله احرك نفسي اذا وصلتولها متخافون الله فوك ضليمتهه انتو ولج غاده كلبج شنو ولج تموت
غاده: ولج اذا جابته لهل طفل تموت وين انوديه اذا كلنه نغطي عل فضيحه هاي شلون نغطيهه
هدى: ومنو كلكم يطلع عايش يجوز بعد هل كتل ولتخنك يموت
غاده: واذا مامات شلون
هدى: منا لوقتهه الف حلال ينحل اهم شي لبنيه عود نذبه ننطيه بس نضمن بتنه تكوم مو اروح انسلمهه للموت بفكره الاجهاض الي اصلا فات وقته
رغد: عدت عليه ايام اسود من السواد منبوذه من الكل محبوسه بغرفه من اربع حيطان لباب نفتح ومحد كال حبسوهه بس صعبه من تحس اهلك حته ع سفره ميردوك وياهم امي احس بيهه بين فتره وفتره بليل تجي للغرفه تباوع من بعيد عليه وتروح وخالي فاروق حته صوتي ميريد يسمعه امي هدى تجيبلي الاكل للغرفه بطني كامت تكبر اليوم واكفه بالمطبخ يم. امي هدى خالي مموجود وامي هدى كعدتني بالمطبخ اطتني حليب وهيه ده تركب امي رايحه لسوك كمت وكفت يمهه اشوفهه شلون تركب دخلت امي بيدهه علاليك مسواك شافتني ودارت وجهه كعدت ع كرسي اني ضليت واكفه بمكاني حسيت شي ضرب ابطني جفلني عطت ركضت امي وامي هدى
غاده: لج شبيج
رغد: ماما ماما مادري اخ ماما شي يضرب ابطني
حطت ايدهه ع بطني وحسيت بضربه ثالثه غطت وجهه كامت تبجي رفعت راسهه عليه شافتني ابجي وامي هدى تمسح خدي تكولي هذا يتحرك شفتهه تقدمت خفت منهه بس فتحت ايدهه وحضنتني وتبجي واني كاانو كل البجي الي بجيته موكافي من صرت بحضن امي دموعي كامت تنزل بلاتوقف
غاده: هدى مولازم نوديهه لدكتوره شوصايره عضم وجلد بس بطن منفوخه
هدى: والله هيه لازم تروح اني بكيفي رحت جبتلهه مقويات وده اخليهه تشرب ادويه
غاده: مشتهيتي شي
رغد: لا
هدى: اوف ليش هيه شمت نفس لمسكينه حته تشتهي شي لو تاكل شي
رغد: اتفقن يكولن لخالي اروح لدكتوره هوه كام يشتغل ويه ولد بعلوه مخضر يدزون مسواك لبغداد سيارات ثلاجات يعني
سمعت صوت خالي اضاهر كالوله ع الدكتوره

يتبع....