حب لحد الجنون 🤤💘

بارت ١٤

#حب_جنوني

بارت 14

حجي ضياء: رحنه لمدرسه لبنيه هم محد يعرف شي عنهم بادي الدوام ولبنيه ناجحه ودرجاتهه عاليه هيه لمديره تريد تعرف وينهه لااحد جاي ناقل اوراقهه ولا احد يعرف شي عنهم كالو امهه معلمه رحنه نفس الشي يكولون متغيبه ومحد يعرف شي عنهم وهاي صار شهر اني وابوك مخلينه احد هسه كالو ع اساس عدهه خال ناس تكول يشتغل بوزاره الكهرباءناس تكول يشتغل بصحه وبس اريد نعرف خبر عنه اروحله بلكن نسمع شي
وهم اخذتنه لسوالف وخلصت الزياره هاي امك جابت الطريق كله تبجي بالكوه ابوك خلاها تجيك
امير: يمه سامحوني وكولي لاابويه ايسامحني غصبا عني ومعترف بغلطي والله ردت اموت روحي ويايه رجال كال حرام واجهه احسن متموت كافر واني معترف بغلطي وطالب السماح منكم
بوستني امي وراحو الاكل الي جايبيه اطيته للسجناء بس الجكاير اخذت وجكاره وره جكاره تكه و7باكيتات جايبين خلصن بيومين نزار جان اجازه نازل وذوله حته بفلوس كامو ميقبلون يطون التلفونات اريد بس خبر يوصلني شيخ محمود ايخفف عني ويصبرني اهله جايبيله قرأن يطينياه اقره بيه ومن اكمل هوه ياخذه يقره بيه بزياره الثانيه جان موصيهم ع واحد ثاني اطانيه وكلي خليه هوه صديقك وسرك وصبرك كله بيه محد ايريحك غيره كمت اكضي وقتي اقره قرأن واصلي واطلب من الله ايسامحني ويحميهه وين متكون ويقدرني عله تصحيح غلطي فاتت 10ايام والتحق نزار وهم مقبل يطيني لتلفون لان مشددين المراقبه كاشفين واحد وصايره هوسه وذابين الحارس بسجن والحرس كلهه بايكه هوه قبل نزول نزار بيوم اجه خلاني اخابر مفتهمت شي من الحجي كال بعد يومين واحنه يمك مومال تلفون موعد الزياره بعد بعيد شلون همه يمي عدن يومين وصاحوني طلعت بس مااخذوني لساحه مال الزياره اخذوني لغرفه الضابط مال السجن جان كاعد حجي ضياءووياه زلم ثنين من ضمنهم الي اجاني اول مره طلع اصلا صادر حكم بحقي 4ارهاب لان حايز سلاح وع اساس جنت اخطط لضرب ثكله عسكريه امريكيه
-سيدي الله يخليك اضرب رتل بمسدس شلون اعبي طلقات خلب لوابو الصجم هوه كله 9طلقات شكتل بيهه هاي وثانيا السلاح مرخص وعندي اجازه بحمله
الضابط: صحيح هذي اجازه حمل السلاح مرفوقه مع اوراقك بس شنو سبب خروجك بوقت حضر التجول
حجي ضياء: سيدي موفهمتك اني جان سهران ويه شباب ومامنتبه
الضابط: اذا سمحت لتقاطع ولاتجاوب من مكانك اني قبلت استجوبه كدامكم لخاطر عقيد محمد والمحامي الي وياه فرجاء هوه مسؤل عن الاجابه فقط
امير: عرفت ان الحجي ضياءميريدني احجي بموضوع رغد عاد السؤال
سيدي جنت اني وصديقي يعني تعذرني نفتر بسياره ونشرب فماانتبهنه عله الوقت وحته من لزموني جنت بحاله خمور ودخلت لغرفه التمريض يومين بالقاعده
-مذكور انك جنت متعاطي حبوب كبسله اوهلوسه مثل ميسموهه وتحليل يثبت وجود خمور بالدم صديقك وين هسه
امير: والله سيدي ماعرف اخر مره شفته بالقاعده
-اسمه شنو
امير: اوراس ايوب............
-استاذ الحكم ماله بيه استئناف وتكدر تطعن بالحكم واكو ادله. هواي ممكن تبريه من التهمه السلاح مرخص وهوه بحاله سكر هذا كل الي اكدر اساعدكم بيه
امير: تشكرو منه وطلب منه حجي ضياء يحاجيني اطانه ربع ساعه بس
حجي ضياء: وقت ماكو اسمع رحنه لخالهه ميعرف شي عنهم كل الي يعرفه خالهه الي رباهه هذا الي اجه بلغنه فاروق مهزمهه لان عمامهه رايدين يذبحوها واطانه عناوين عمامهه ثنين مموجودين بهذا العنوان والثالث كالو رايح عمره ننتضره يجي بلكن يعرفون شي
امير: يعني هسه همه وينهم
حجي ضياء: همه محد يعرف بس لبنيه مهزم...
امير: دخل الضابط وطلع حجي ضياء ورجعوني اني للعنبر مفهمت غير مهزمهه خالهه لان عمامهه رايدين يذبحوهه الله يذبحني عله الي سويته بيج زين هيه وين هسه وشصار بحالهه
عده شهر كامل وحجي ضياء مامنه خبر ومااكدر اخابره وبالزياره اجه ابن عمي وزوج اختي جاب فلوس واكل وجكاير وميعرف اي شي عن تطورات لموضوع كل الي كاله ده يدورون عليهم
وراها كالو صاعده اوراقي محكمه الي ويايه كلهه حسدوني ان بهل سرعه صعدت محكمه اوراقي حضرت محكمه واوراس جان بسجن ثاني غير سجن بوكه شاهد اني جنت وياه وحاجي نفس الحجي سقطت عني تهمه 4ارهاب ونحكمت سنتين لان طالع بوقت منع تجول وحالت خمور سجن الحق العام يعني قضه اخف من قضه رجعت للسجن وسولفت لشيخ محمود واطيته اسم لمحامي
بزياره اجاني حجي ضياء
امير: بشر حجي
حجي ضياء: قابلنه عمهه وفد انسان سخيف الى درجه بعدنه محاجين حط ورقه كدامنه متبرين من عدهه وميعرفون عنهه اي شي ومهدور دمهه اذا نفتحت قضيه لان يخافون عله مناصبهم واحد عميد كليه وشايف روحه فدشوفه والثاني ماعرف شنو كلهه ناس موضفه عاديه مسوين روحهم اضرب من الوزراء رجعنه لخالهه ماعنده غير ماعرف عنهم شي اني معليه لاتورطوني يمعود احنه جايك اريدك تساعدنه نصحح الصار شنورطك يصيح ماعرف عنهم شي اخويه هزمهه هيه وامهه ومن رحنه اني وعمامهه لكيناهن ماكو وقع ع تعهد انه ميبلغ وعمامهه تبرو منهاا واني متبري منهه هم ومن راحلكم اخويه انتو تاهميه بقتل ابنكم وهوه فص ملح وذاب ماعرف شي عنهم بعد
امير: يعني هيه وين هسه
حجي ضياء: احجي كردي ولك محديعرف خالهه فاروق ماعرف شسمه ماخذهم ومهزوم وهذا ابوك مخله احد ايعض اصابيعه عله طرده خالهه وتهيمته حته جنه كاتبين ع بيت مطلوب دم مسحناه وراح ابوك جابه قفاله وزنجيل قفل البيت
امير: يعني عايشه هيه
حجي ضياء: اي وتعشيت وياهه البارحه تسلم. عليك وتكول نعلعلا شيب لخلفك ولك شمدريني مهزمه خاله وهذا كل الي اعرفه ادري ابتليت بيك اني خلفتك ونسيتك كل يوم داك. هل درب
امير: والله وكفتك متنسي حجي
حجي ضياء: هههه لك انت ابني تربيتو عله ايدي زلم سباع تواجه الموت بس حسافه وكعك واحد نذل وانت سلمت روحك اله فضل ماعندي عليك ماانسه لو ماانت وجواد الله يرحمه جان اني ميت من زمان مانسه من تصوبت وركضتو شلتوني وماخفتو الامريكان ممكن تضربكم ومعفتوني اله واني بااحسن حال ذاك خسرناه الله يرحمه وبقيت انت ماعوفك لانك ابني وابوك تره كذاب كدام الناس مسوي روحهه ممهتم بس عيونه من تشوفني راجع تنتضر مني الكلمه الي جايبهه منك وره ميسمع
اخبارك ويطمن يكولي وشعليه بيه هههههههههههه
امير: كوله ايسامحني ويدعيلي الكاها
يتبع