حب لحد الجنون 🤤💘

بارت١٧

#حب_جنوني

بارت17

رغد: بالفعل كان. ابن امي هدى هيه حايره بيه بغسله وبلبسه وبنومه حته الرضاعه مني انقطعت لان هوه يتعذب واني ابجي كام من اريد ارضعه يبجي يرضع ويبجي عكس الممه الي جان ياخذهه بسلاسه هيه تسولف اليوم انكلب طلع ايده من الكماط سوه اغو امي بهل فتره كامت تروح تشيله تلبسه اني ماعرف اخاف اشيله شلته مره وضل يبجي كالو انمتن وره ست شهور من ولادتي شبه رجعت العلاقه جيده والامور طبيعيه بيوم جتي امي هدى عليه هدى: رغوده اليوم اخذت عمر اخذتله صوره يم المصور الي بركن يم قاسم ابو الكص وبرجعه شغت قطعه عله عماره دورات تدريب حلاقه نسائيه فكرت اسجلج بيهه
رغد: وشسوي بيهه
هدى: ولج تتعلمين مهنه بيدج ذهب شكولين واحسن مماكاعده مكابله لحياطين
رغد: وامي وبابا يرضون
هدى; معليج بيهم عليه
رغد: وره 3ايام كالت كومي اروح انسجل قنع خالج اخذتني وسجلت وبديت اداوم حبيت الشغله حلوه كمت بسرعه اتعلم تعلمت اول مره الكص والشسوارهمه ماعدهم حف بالخيط اتعلمت من امي احف بالخيط وراها تعلمت شمره الحاجب والمكياج بعدهه التسريحه واصباغ الشعر والميش واخر شي كان دك التاتو خلال 6شهور اني ام صالون كلشي تعلمت اكو صالون حلاقه تابع لااهل الدوره التدريبيه اشتغلت وياهم وكيفو عليه لان احف خيط اكثر شي العراقيات كامن يجن عليه استمريت سنه اشتغل وياهم وبال 2009كالو دوره انفتحت بدوار اليرموك ايعلمون الفلر وضرب حقن بوتوكس احنه جنه نسكن جرمانه فموبعيده عليه داومت بيه وهم ست شهور استمريت احترفت كلشي واشتغلت بصالون تجميل التهيت عملي خلاني انسه الضروف الي مرت عليه لكن كل مااوكف ع المرايه اكو شي ايذكرني باامير شعري الي اول مره سئلني عليه واثر الضربه الي بكصتي بيوم لزمت المكص وكصيت شعري لحد كتفي صار قصير جدا واكانو انتقم من شعري كل الي بصالون لاموني شعري كان تحت ضهري لغخذي نازلي كصيته وبصراحه اكو قهره بداخلي حطيته بجيس وديتهه لاامي الي الصبح ذكرتني بالي احاول انساه وهيه تكولي
اخذتي راحتج انطلقتي بسوريا لاحجاب ولاابد شادين الشعر ضفيره ونفتر الحجاب منذكر يعد شوفي شصار بيج وبعدج تتباهين بهل شعر متغاويه بطوله
طبيت للبيت امي هدى صارت بوجهي شهكت من شافتني
هدى: ولج شمسويه
رغد: دخلت للهول عمر يمشي ومتعلم اي واحد يجي يركض عليه عود يتلكاه امي كاعده كدام التلفزيون اطيتهه الجيس
غاده: لج شمسويه بخلقتج شنو هل جيس شمرتيه
رغد: فتحيه بي الي تكولين متغاويه بطوله وكل الي صار من وراه كصيته وجبته الج ويمكن لوما البنات منبهاتني جان جريته صفر وخلصت وها حجاب مااتحجب عفتهه وطبيت لغرفتي هذا لموضوع صار اشبه بقنبله موقوته بداخلي بس تلمس تنفجر الفتره الفاتت نسيت بيهه الصار التهيت ببشغلي كمت احاول اشتغل اكثر واتعب واتعلم اي شي حته من اريد انام مااذكر الصار حته عمر ابتعدت عنه اشتاقله واحن اله بس اقنعت نفسي انه موابني ابن خالي فاروق وهدى ضليت كم يوم متوتره مطايقه نفسي وشويه شويه تناسيت لموضوع بال2009بدت شغله سوريا لكن جانت قليل جدا نسمع بشي مستمره بعملي ارجع للبيت بين ضحك وسوالف الي هدى تكون محضره لافته بيهه هيج سوه عمر هيج حجه هيه لعب خالي ايظا من كام يمشي عمر ويتلكاه ويجلب بيه اتعلق بيه خالي وكام ياخذه وياه ويطلعه بال2010كامت تزيد شغله سوريا وصلو لدرعا بس كان محافضات بدمشق ماكو شي شغل خالي وكف بهل فتره وسوريا مهدده صديقه رجع للعراق كان يسكن اربيل كال لخالي تعال اسكن هنا يمنه واكو شغل بمطبعه مال اقاربه نشتغل بيه كان صديق خالي اصلا كردي اقتنع خالي وباع الشقه وحول لفلوس لصديقه الي كان كايله ع مشتمل سعره مناسب وبنفس فرعهم رجعنه وناس عرفتنه اقارب ابو ايڤان اللغه كانت ببعض الاوقات مشكله اكو يفتهمون ويجاوبون عربي واكو يفتهمون بس ميعرفون ايجاوبنون عربي مرت اخو ابو ايفان عرفت اني اعرف لشغلات التجميل وعندي شهاده وحته شهاده لتسريح الشعر والبوتكس والتاتو كالت بنت خالتهه عدهه مركز تجميل وع اساس تحاجيهه عليه وبالفعل حاجتهه والمره رحبت بيه بعد ماشافت الدورات والشهايد الي عندي اشتغلت وياهه واذا مفهمت هيه تشرحلي شيريدون صارو الزبائن يطلبوني بالاسم الي يشوفني ميكول عمري18سنه ع نعومتي ايقدرني اصغر بس ع حركتي وشغلي ومنطقي ويه العالم ايقدروني اكبر جبت كتاب بي كلمات كردي عربي كمت اتعلم منه شويه شويه وبيت ابو ايفان مقصرو ويايه ايساعدوني يعلموني اللغه وبالصالون ام الصالون اسمهه روناك انسانه جدا محترمه صارت تتواصل ويايه بالكردي حته تجبرني اتعلم حياتي ماشيه لكن تمثيلي دور بنت عمه عمر واخته لجبيره جان زارف كلبي صعبه ابني كدامي ميعرف اني امه جنت اشبكه كل قوتي افرح من يريد ينام يمي بس تفشل فرحتي من يجي ووره شويه يكولي اروح انام يم ماما جنت اخفي دموعي وابين اني قويه لكن داخلي منهار من يوم الي شفت امير ابيتنه واني داخلي متحطم
حياتي طبيعيه زباين صارو عندي وعرايس ميقبلن وحده تلزمهن غيري كلام امي هدى ابالي مهنه تعلمتهه والله مكتبلهه تعيش احساس الامومه والولاده الي تعيشه النساء واليوم اني مهنه تعلمتهه حته ابذل كل جهدي واتفنن بشعر ومكياج عروس تلبس الابيض وتنزف من صالون اشتغل بيه واسمع ايكولولي يوم الالج مهنه تعلمته حته اساعدهه تضهر اميره بثوب ابيض بحياتي مراح البسه اتقدملي اكثر من واحد بعضهم من اقارب ابو ايڤان او من اقارب روناك الي رادتني لااخوها كان ردي ماأجله موضوع الزواج
يتبع