نصيبي❤(بلهہ‏‏ج‏‏هہ آلليبي‏‏هہ)

الحلقة 3

من وحي الخيال
للكاتبة جمانة

اني:علاش
عمر:هكي
اني:به
عمر:مرتبطة?
اني:لا
عمر:والسبب
اني:هكي لن ربي يجيب ولد الحلال
عمر:اي انشاءالله ربي يعيطك ولد الحلال
اني: انشاءالله
وبدينا نهدرزو لن صكرت لان منمشو للخمس
وبعدها مشيت ماشيين للبحر و بل المرة منباتو عندنا استراحة ع المهم ماشية اني وخوتي الزوز وماما وبابا مشو ل يفرن بابا عنده شغل غادي ف قلنا خن نمشو اني من القدام وعزو يسوق ومحمد من اللتالي لاني قتله اني نبي نقعمز من القدام ✌✌✌ع المهم ف الطريق جونا مليح وامورنا مستفة فجأة تجي سيارة تجريييي ف جري اني بروحي قعدت نشوفلها وحايرة بعدها معدلتش قلت هادا واحد مختش بعدها سيارته وقفت قدامنا بزبط اول مشفتله نصدمت كان يلي يسوق بدر لان مداير صورته ف الانستا جتني صدمة بعدها قلت لالا هوا ميعرفش وجهي مشي عزو بدي يبيب مش يحول لان الدنيا فاضية مفيش حد وهوا واقف بعدها يجي يوخر ويجينا يجرييي عزو نصدم معش عرف شن يدير واني نصدمت ومحمد نصدم عزو بدي يوخر ف السيارة ولعوص فجأة تخش السيارة فينا ومن جيهة الباب يلي لني مقعمزة بحداه مقدرتش نشوف شي يلي نتفكر فيه ان نسمع ف حد ينادي ع اسمي بصوت عالي منعرفش مني مميزتش صوت مني حطيت يدي ع راسي وحولتها شبحتلها كلللها دم ومعش قدرت نفتح عيوني اكتر
رفعوني للمستشفى وبعدها بنص ساعة
الدكتور:اهلا انت خوها
عزو:اي كيف حالها طمني يا دكتور
الدكتور:الحمدلله بنعمة ربي نجت كانت بتموت لان يلي صارلها خطر جدا عندها كسر ف يدها اليسار ودمها ناقص تبي دم
عزو:اني نتبرعلها
الدكتور:فصيلتك B-?
عزو:لا عيلتنا كلها O+
الدكتور:شوف من فصيلته هكي وبسرعة
عزو:هي لحظة
مشي عزو يجري لمحمد وقاله محمد عندي صاحبي فصيلته هكي تو نكلمه كلم صاحبه وجي صاحبه
الدكتور:شن فصيلتك عبدو?
عبدو:B-
الدكتور:خش للحجرة هيا
عبدو:تمام
تبرع وطلع وقال للدكتور
عبدو:شن اسمها ونقدر نشوفها
الدكتور:بإي حق انت خوها
عبدو:لا غر نبي نشوفها
الدكتور:اسأل خوها قبل
عبدو:به
سأل محمد وقاله به لان واتق فيه
خش عبدو

عبدو:نرمين
نرمين:.....
عبدو:اني عبدو يلي كنت نكلم ف شيماء
نرمين:.....
عبدو:نوضي بالله عليك منبيش نشوفك هكي لانك ديما توقفي معاي دييما تساعدي فيا بالله نوضي نرمين
نرمين:.....
عبدو:انشاءالله تبري ياارب نتمنالك الشفاء العاجل😢

عزو:يادكتور كيف حالها توا?
الدكتور:تقدر تخشلها حالتها استقرت
عزو:بارك الله فيك
الدكتور:هادا واجبي
اني منسمعش ف شي الا صوت الاجهزة ونبضات قلبي فتحت عيوني لقيت عزو ومحمد مقعمزين قدامي عزو شاد يد ومحمد يد
عزو:نرمين حبيبتي شن تحسي كيف حالك
نرمين:اني نحلم ولا شني انت مني😨
عزو:خيرك شن في😰
نرمين:انت عزو يلي نعرفه😨هادا مش اسلوبك😨
عزو:😒مصح وجه وجهك هي اني ماشي منكلم امك تجي هيا وبوك
نرمين:لالا عادي كلمهم لاكن مش لازم يجو
محمد:اي عادي احني معاها
عزو:به
محمد:شن تحسي توا
نرمين:باهي...عزو ترا اطلع نبي نكلم محمد😇
عزو:شن في😑
نرمين:نبي نكلمه برا اطلع😇
عزو:اصلا ماشي عندي مندير مش ميت عليك😒😒
نرمين:محمد
محمد:نعم
نرمين:نبي نقولك حاجة لاكن متقولش كيف ومكيفش انت خوي الاقرب ليا اقرب من عزو كان نقول ل عزو ممكن يشلحني😐
محمد:به ادوي
حكيتله كلللل شي لاكن محكيتلاش ع عمر وحكيتله انه هوا نفسه يلي شفته شفت بدر مش حنكدب عيوني
محمد:به وانتي متاكدة انه بدر
نرمين:اي متاكدة
محمد:به اسكتي متقوليش لحد لا ل امي لا ل بوي ولا عزو
نرمين:به
محمد:وتو نشوفه اني انتي غر عطيني ايميله بعدها نعرف كيف نمشيله لان مفيش ناس شاهدة ع الحادت كلهم كلهم سيارتين وجو بعد الحادت ف منقدرش نعرف وين هرب
نرمين:به ع المهم شوفه
محمد:به هي شوية نمشي نشوف تطلعي ولالا
نرمين:لالا منطلع معندي مندير هني
محمد:به به هي شوية ونجي
نرمين:استنى من تبرعلي بدم كان انتم كلكم O+
محمد:صاحبي عبدو
نرمين:عبدو?
محمد:اي هي شوية ونجي
اني طوول خطر ف بالي عبدو يلي يكلم ف شيماء بعدها قلت لالا مستحيل اصلا صاحب محمد اكيد مش هوا صاحبه

روحنا للخمس طول لان الحادت صار ف قصر الخيار علاش نروحو ومسافة الطريق ع المهم وصلنا واول موصلنا فتحت وحكيت لعمر

اني:وهادا يلي صار
عمر:متاكدة شفتي بدر
اني:اي متاكدددة
عمر:انتي وين توا
اني:ف الخمس
عمر:كيف حالك توا
اني:تمام
وبدينا نهدرزو وهوا طوول الوقت يسأل فيا كيف حالي
جي الليل قلت خن نفتح فيس قدااش ليا معش فتحته كله مسنجر انستا واني نتصفح لقيت الصورة بتع البنت يلي بعتها ل بدر ومكتوب عليها يلي يعرفها من هيا يقول (والكلام يلي قريته ف قروب من القروبات) بعدها شفت يلي منزلها خشيت عليه ولقيت انه بدر صوره قلت مدخنيش بيه وخلي يدير يلي يبيه طز فيه

يتبع.....