من وحي الخيال
للكاتبة جمانة
نرمين:به كويس...حي نسيت نكلم عمر
عبدو:من هوا
نرمين:عمر
عبدو:ومن وين تعرفيه
نرمين:تعرفت عليه قداش ليا وقالي اول متوصلي كلميني
عبدو:مممم به
عبدو زي يلي تعفلق متعرفش علاش لاكن تعفلق واضح عليه
اني بعتت مسج لعمر قتله وصلت وقلبي ينخس فيا نعرفش علاش
عبدو:هدرزي خيرك ساكتة
نرمين:نبي نحكيلك ع حاجة صارتلي ويطلع منك حرف لعزو نقتلك قتللل حي عليك حي محمد صاحبك يعرف لاكن عزو لا
عبدو:تي باهي وانتي تتحلفي😒
حكيتله كلل شي
عبدو:حي ع الجو هدا كله امتى صار
نرمين:بد بدر بددر عبدو بدر
عبدو:خيييره بدر
نرمين:قدامي قدامي بددر
عبدو:هدا يلي لابس احمر
نرمين:اي والله الا بدر حي عليا شن بدير وين محمد شن دار ف خوي اكيد دارله حاجة عبدو تصرف😭😭😭
عبدو:غر اسكتي متبكيش تو نمشيله اسسس
نرمين:لا متمشيلاش فكك😭
عبدو:امالا كيف منتصرف ياهمي اني غر اسكتي ماشيله تزيدي حرف نوريك وسادك بكي النمم
نرمين:دير بالك
عبدو:خير وخلاص اقعدي هني متتحركيش
نرمين:به
مشاله عبدو واني نتصل بعمر وميردش تصلت بمحمد ومردش
عبدو:السلام عليكم خونا
بدر:وعليكم السلام
عبدو:انت بدر?
بدر:اي تفضل?
عبدو:لا غر ف سوء تفاهم شوية نبيك تشرحلي خيرك مع البنت
بدر:اما بنت شن تقول
عبدو:قصدي خونا انت فاهم مليح نقصد نرمين
بدر:لا مخرنيش
عبدو:توا اني منبيش نطول الدوه معاك هما كلمتين واسمع كويس البنت مش حتجي فجيهتها ولا حتقربها بلكدب لان بعدين بيصير كلام تاني وقعد نتكلم معاك بأحترام ومدايرلك قدر وقيمة البنت معش تجي ف جيهتها تمام?
بدر:توا انت شن جابك ومن انت وشن تقربلها وبإي حق تدوي ولا ادافع تي برا سلم وخيي ومتنفخليش هوا(حط يده ع راصه)
عبدو:توا بتبدا تدوي هلبا خودها بتريس والناس لكبيرة بتقرب البنت مش حيصير خير
ومشي وخلاه وبدر واقف وحاير
نرمين:شن صاااار😶
عبدو:كلمته تو معش يجي ف جيهتك
نرمين:هههههههه اي حق😏
عبدو:والله اني حدرته وخليه يدير يلي يبيه وكان كلمك طوول كلميني
نرمين: به...وين محمد
عبدو:وين نندري ع بلاه وهوا زي ابليس يتبخر ف دقايق
نرمين: ياخوي وين مشيت
محمد:نرمييييين عبدووووووو
عبدو:اهو جي تتكلم ع القط يجيك ينط
محمد:وشن كنتو تقولو
نرمين:تي وين كنت وييين
محمد:نجيب ف سم مش نتسمسموه
نرمين:😂به
عبدو:شني توا
محمد:هي اني ماشي نعوم تعالى عبدو نرمين كان بتجي هيا
نرمين:لالا برو اني منصور
محمد:به هي عبدو
عبدو:هي هي
ومشو يعومو واني ع اساس نصور لاكن نبي نكلم عمر بعدين قلت علاش نكلم فيه وبعدين بدر كيف عرف مكاني تعرفي يانرمين ميكون الا......لالا مستحيل اخخخ راصي بيتفجر من التفكير
المهم عامو وكلينا وروحنا وامورنا تمام خطر ف بالي نكلم بنت خالتي استحشتها قداش ليا معش كلمتها
نرمين:عزوووووووووووووو
عزو:هااا شن في
نرمين:نبي رصيد😊
عزو:منعطيهولك من فلاحتك ولا حبك ليا
نرمين:ياولدي متكترش دوا نبي رصيد
عزو:امبه
بعتلي رصيد وكلمتها
اني:ايوا
اسيل:ها نونو
اني:ياخرا ليك وحشة تي ويييين
اسيل:والله مفضيت بكل حتى حوش جدي معش نمشيله هلبا
اني:عادي عادي المهم شنجو شن مدايرة
اسيل:اهو ماشيا الامور
اني:شجو نادر
اسيل:اهو تمام مستاحشك هلبا
اني:وربي حتا ني استحشته الفرخخ غر وقت نروحو طوول جايينكم
اسيل:انتو ويين?
اني:الخمس
اسيل:اها به المهم نتلاقو غر ماما تنادي
اني:ببه
طبعا خلي نعرفكم بأسيل
اسيل نديدتي طوييلة هلبا زي البالو😂يلي يخطم يقيم راصه مش يشبحلها😂لاكن جوها تمام معاي اقرب بنت خالة ليا نحكيلها ف كل شي شعرها اكحللل زي الليل واصل لي ركابها عيونها كحل نفس الشي وباهية مش سمينة ولا ضعيفة وبييييضة هلباااا عندها تلاتة خوت واخت خوها احمد م 87 متزوج وعنده تلاتة صغار ومرته اعود بالله منها المهم عندها خوها التاني ازر م 2000 طالع لي اخته طوويل وعيونه وشعره كحل زي الليل طبعا متقدملي واني رفضت لان منبيش نتزوج اي شخص يقربلي وكان تعرفو الاغنية (وحتى لو حفرولي قبري هيا نارحلو يا ماناخد واحد يقربلي هيا نارحلو) هادي الاغنية حاطتها قانون المهم هوا قعد يبيني بإي طريقة وعندهم خوهم الصغير اسمه نادر يلي نحبببه مووت عمره سنتين يقققتتل يههبل وعندها اختها اصغر مني بسنة م 2003 نفاااخة هلبا والمشكلة هيا كبيرة واي حاجة تسمعها تعاودها طالعة لي عماتها المهم هادم اققرب اشخاص لي قلبي ولاد خالتي جميلة
نرمين:وووه شن الكساد هوا
محمد:
يتبع...
زي مقتلكم التفااعل مش موجود بكلللل💔 انشطووو
أنت تقرأ
نصيبي❤(بلهہجهہ آلليبيهہ)
Misterio / Suspensoالقصة تدوي ع وحدة حبت من قلبها وخانها لاكن جي نصيبها يلي هيا مكانتش بكللل متوقعة انها بتحبه يعني جي نصيبها مهما كان بعيد لاكن النصيب نصيب❤
