نصيبي❤(بلهہ‏‏ج‏‏هہ آلليبي‏‏هہ)

الحلقة 2

من وحي الخيال
للكاتبة جمانة

اني:hi wats up(قلت مداما هوا يوري ف فلاحته خن نسايره)
بدر:ههههه
اني:واااو تدوي عربي طلعت😒
بدر:اي ندوي عربي
اني:ليبي انت?
بدر:اي
اني:اها به كويس
بدر:اي...عندك انستا?
اني:اي علاش
بدر:لا ماهو نتكلمو انستا خير
اني:ممم به
بدر:شن اسمك فيه
اني:**** وتلقا صورتي بنت وشادة قطوسة
بدر:تمام...القيتك هي تعالي انستا
اني:به
(ع الانستا)
بدر:اي عرفيني بنفسك
اني:نرمين م 2002 من الخمس
بدر:تشرفت بمعرفتك
اني:تسلم...وانت عرفني بيك
بدر:بدر م 2000 من زليتن
اني:ع الاسامي وبطول العمر
بدر: تعيشي وتسمي...وعمرك
اني:تسلم💓
بدر:مرتبطة?
اني:لا علاش
بدر:لا نسال بس لان مرات الصداقة تتطور متعرفيش
اني:اي لاكن وقت نبدا منبيش نرتبط متتطورش
بدر: متبيش ترتبطي انتي?
اني:اي
بدر:تعرفي عندك علم اني شايفك
اني:كيف
بدر:شايفك وخلاص
اني:به(ماكناش عندي خلوق اناقش)
بدر: به تقدري تبعتيلي صورتك عندي نية نشوفك
اني:لا الحركات هيا متمشيش معاي بتع جو الصور وهكي وبعدين مش شايفني و
بدر:لا غر عندي نية نشوفك
اني:به تو نبعتلك مش حنخليها ف خاطرك(طبعا اني مش مهبولة مش نبعت صورتي لشخص منعرفاش وعرفت من البداية انه خبتي فالدالك بعتله صورت بنت مش اني)
بدر:طرففف طلعتي
اني:الله
بدر:اي تهبلي
اني:شكرا كلك دوق(ف خاطري مشروكة ضحك)
بدر:تعرفي حبيتك هلبا
اني:هاها اي اني صديقتك اصلا
بدر:اي صديقتي
اني:اي
بدر:عندك علم لقيت رقمك ف جهات الاتصال
اني:لا هادي هلبا
بدر:ورب العزة هي باهي ستني نديرلك سكرين
وصوره وفعلا طلع رقمي
اني:كيف عرفته ومن عطاهولك ومن انت نعرفك قبل
بدر:انتي كأني نعرفك
اني:كيف شن تخرط
بدر:لا منخرطش هدا الحق
اني:برا احلم بعيد سلم ولدي اني معمريش شفتك ولا نعرف حتى صوتك
بدر:اي هلبااا
اني:خيرك انت
بدر:لا شي
اني:جو عواويل هوا ره
بدر:خيرك انتي مش اني..قتلك كأني نعرفك وانتي تعرفيني
اني:به به
طبعا شيماء كان عندها باس بتاعي بتع الانستا لان مرات نبدا منفتحش هلبا فهيا تفتح وتنزل وهكي فجأة خشتلي شيماء قتلي
شيماء:كيف عرفتي بدر كيف
اني:خيرك بشوية عرفته ع السناب وكلمته ع الانستا شن في?
شيماء:تعرفي هادا مكلم هدى كان يكلم فيها وفاتها بعد محباته بقلبها ووعدها انهم مش حيسيبو بعض لن يموت حد منهم
اني:غباارة وهوا خاشلي الكلب
شيماء:غر اساليه
اني:به

طبعا هادي هدى صاحبتنا هلبا هلبا تقوول اختي ديما تجيني لحوشي كلل يوم وني نمشيلها من وحني صغار من كان عمري 8 سنين واني نحبها لن كبرنا مع بعض وقرينا مع بعض وتعرفنا ع شيماء وبدينا صاحبات روح بروووح لن هدى سافرت لبريطانيا بوها عنده شغل لاكن قعدين نتواصلو معاها

نرجعو لبدر
خشيت عليه طوول قتله
اني:بدر حق يلي سمعته?
بدر:شنو
اني:هدى
بدر:اصلا عرفتك تعرفيني عرفتك من الاول هادا علاش خشيتلك لان لقيت رقمك ف جهات الاتصال انتي هدى ولا?
ووقتها تفكرت ان اني فاتحة برقم هدى
اني:لا اني مش هدى هدى اختي(بلعاني كدبت)
بدر:شن ضمني انها مش انتي
اني:ل شن تبي توصل
بدر:اني خاش عليك نحسابك هدى كنت نبي نجري بيك مرة تانية
اني:تبي تجري ب اختي??
بدر: اي لان اختك*#*#* وتستاهل اكتر من هكي
اني:حي ع الوقاحة من انت مش تقول ع اختي هكي يا زمزاك
بدر:نكون بدر عبدالله وبري *#*# يا*#*
اني وقتها طوول كلمت عمر قتله
اني:عمر
عمر:نعم
اني:عندك انستا?
عمر:اي
اني:عطيني ايميلك
عمر:به ولا نقولك انتي عطيني ايميلك
اني:به (وعطيته اسم ايميلي)
عمر:لحظة بس تو نبعتلك مسج
اني:به
خشلي وشرحتله كل شي
عمر:لحظة تو نخشله
اني:منور بلهلبا
عمر:مدوري شي
نرجعو لبدر
بدر:سامحيني فيها اختك*#*#
اني:لا مش حنسامحك فيها كنت محل تقة توا محل كنادر
بدر:تي بري روحي
اني:نقولك حاجة انت وهدى تعاركتو مدخنيش بيكم مشاكلكم حلوها بروحكم
بدر:اني مريت منك شي لاكن اختك يلي ريت منها
اني:اه تقصد وقت خنتها وهيا حباتك بقلبها يا خاين والله ماك راجل نعرف الراجل كلمته مطيحش لو صار ماصار عطيتها كلمة ويخي وعدتها انكم مش حتسيبو بعض لن يموت حد منكم لاكن الله غالب هادي كلمتك مطاحتش الوطا ابدا
بدر:بري#*# مش ميت ع حد ولا خنت ولا شي
اني:به استمر ع الوضع هوا...البلوك كف تكلونوجي محترم خود البلوك
ودرتله بلوك
خشلي عمر وقال
عمر:خيره هوا علاش كلمتيه
اني:لا مكلمتاش هوا خشلي
عمر:وعلاش تكلمي فيه علاااش
اني:هكي عادي كنت نحسابه مش هكي كنت نحسابه كويس
عمر:مفروض مكلمتيشي بكللل
اني:ع اساس صداقة بس
عمر:لا حتى صداقة لا

يتبع.....