နေကိုးစင်းနတ်ဘုရင်

စိတ်ဓာတ်ကျနေသော မင်းသားငယ်

Nine Sun God King

Author = The Lonely Thief

Chapter (1) : စိတ်ဓါတ်ကျနေသောမင်းသားငယ်

ကမ္ဘာဦးအစဖြစ်တည်ပြီးချိန်၌ မှောင်မိုက်ခြင်းနှင့် အေးစက်ခြင်း များသာ လွှမ်းမိုးခဲ့သည်။ နှစ်အနည်းငယ်ကြာမြင့်ပြီးနောက် မြင့်မားသောမိုးကောင်းကင်၌ တောက်ပသောနေကိုးစင်းမွေးဖွား လာခဲ့သည်။ သူတို့၏တောက်ပသောအလင်းရောင်များနှင့် ဆက်နွယ်၍ ကမ္ဘာမြေကြီးပေါ်တွင်ဝိဥာဉ်စွမ်းအင်များ ပေါ်ထွက် လာခဲ့သည်။ မိုးကောင်းကင်နှင့် ကမ္ဘာမြေကြီးအား နှစ်သန်းပေါင်းများစွာ ဝိဥာဉ်စွမ်းအင်များပြည့်ဝစေခဲ့ပြီး နေကိုးစင်းကမ္ဘာ၏ ဆန်းကျယ်သောကုန်းမြေဒေသကြီးတွင် သက်ရှိများရှင်သန်ကြီးထွားလာခဲ့သည်။

နေကိုးစင်းကုန်းမြေဒေသကြီးတွင် လူသားမျိုးနွယ်များမွေးဖွား ပေါ်ပေါက်လာခဲ့သည်။ သူတို့သည် မိုးကောင်းကင်တာအိုကို စူးစမ်းလေ့လာ၍ ပညာရပ်များကိုတီထွင်ဖန်တီးခဲ့ကြသည်။ သူတို့၏ခန္ဓာကိုယ်နှင့် စိတ်ဝိဥာဉ်များသန်မာလာစေရန် နေကိုးစင်း၏ဝိဥာဉ်စွမ်းအင်များကိုစုပ်ယူအားဖြည့်ကာ ကောင်းကင်ဘုံ၏စွမ်းအားများကိုအံတုခဲ့ကြပြီး ကျွမ်းကျင်သော စိတ်ဝိဥာဉ်ထိန်းချုပ်သူဆရာများအဖြစ် ထင်ရှားလာခဲ့ကြသည်။

ကောင်းကင်ဘုံ ချင်အင်ပါယာ၏ ဧကရာဇ်နန်းတော်...

ညဥ့်အချိန်... ဧကရာဇ်နန်းတော်၌ ဝတ်ပြုဆုတောင်းသံများ ပေါ်ထွက်နေသည်။ အခိုးအငွေ့များနှင့် ပန်းပွင့်ပန်းဖူးများ၏ တောက်ပသောအရောင်များသည် စင်မြင့်တစ်ခုလုံးအား လွှမ်းခြုံထားသောလေထုအတွင်းပျံ့နှံ့နေသည်။ ဒီနေရာသည် အိမ်ရှေ့စံမင်းသားအဖြစ်ဆက်ခံခြင်း အထိမ်းအမှတ်အောင်ပွဲ ကျင်းပနေခြင်းဖြစ်သည်။

အဆောက်အဦးငယ်တစ်ခုအပေါ်မှ လူငယ်လေးတစ်ဦးသည် မျက်မှောင်ကျုတ်၍ ညကောင်းကင်ယံ၌လှပစွာပစ်လွှတ်နေ သည့် မီးရှူးမီးပန်းများကိုကြည့်ရှုနေသည်။ စိတ်ဓါတ်ခိုင်မာဟန် ရှိသောမျက်လုံးများမှ အရောင်တလက်လက်တောက်ပနေပြီး အတိတ်မှအကြောင်းအရာများကို ပြန်လည်အမှတ်ရနေပေ၏။
အသက်ဆယ့်ငါးနှစ်အရွယ်လူငယ်လေး၏အမည်မှာ ချင်ယန် ဖြစ်ပြီး ဖခင်ဖြစ်သူမှာ ကောင်းကင်ဘုံချင်အင်ပါယာ၏ ဧကရာဇ်ဖြစ်၍ မိခင်ဖြစ်သူမှာလွန်ခဲ့သောနှစ်ပေါင်းများစွာကပင် သေဆုံးသွားခဲ့ပြီးဖြစ်သည်။ သူသည် အိမ်ရှေ့စံမင်းသား ဖြစ်ခဲ့သော်လည်း လွန်ခဲ့သောငါးနှစ်က ဂုဏ်သိက္ခာကျဆင်းကာ နာမည်ပျက်ခဲ့မှုကြောင့် အိမ်ရှေ့စံနေရာရုတ်သိမ်းခံခဲ့ရသည်။