#بارت٧
ﺣﻴﺎﺓ : ﻇﻠﻴﺖ ﻭﺍﻛﻔﻪ ﻭﺑﻜﻠﺒﻲ ﺍﻛﻮﻝ ﺷﺒﻲ ﻫﺬﺍ ﻧﻈﺮﺍﺗﻪ ﻏﺮﻳﺒﻪ ﺍﻟﻴﻮﻡ
ﻛﻌﺪﺕ ﻋﺎﻟﻔﺮﺍﺵ ﻭﻇﻠﻴﺖ ﺍﻟﻌﺐ ﺑﺎﻟﻤﻮﺑﺎﻳﻞ ﺍﻧﺘﻈﺮﻩ ﻳﺮﻭﺡ ﻳﻨﺎﻡ ﺍﺭﻳﺪ ﺍﻧﺎﻡ ﺍﻧﻲ ﻫﻢ
ﺧﺎﻟﺪ : ﻇﻠﻴﺖ ﻛﺎﻋﺪ ﻛﺒﺎﻟﻬﺎ ﻣﺴﻮﻱ ﻧﻔﺴﻲ ﺍﻟﻌﺐ ﺑﺘﻠﻴﻔﻮﻥ ﺑﺲ ﺍﻧﻲ ﻛﻠﺴﻊ ﺍﺑﺎﻉ ﻋﻠﻴﻬﺎ ﺣﺴﻴﺘﻬﺎ ﻧﻌﺴﺎﻧﻪ ﺑﺲ ﺗﺴﺘﺤﻲ ﺗﻨﺎﻡ ﻻﻥ ﻛﺎﻋﺪ ﻳﻤﻬﺎ ﺑﻌﺪﻳﻦ ﺍﺳﺘﺨﻄﻴﺘﻬﺎ ﻻﻥ ﺷﻔﺘﻬﺎ ﻛﻠﺴﻊ ﺗﺜﺎﻭﺏ ﻋﺎﺩ ﺭﺣﺖ ﻟﻔﺮﺍﺷﻲ ﻭﻧﻤﺖ
ﺣﻴﺎﺓ : ﻣﺮ ﺟﻢ ﺍﺳﺒﻮﻉ ﻭﺧﺎﻟﺪ ﻣﻌﺎﻣﻠﺘﻪ ﺍﻟﻲ ﻣﻮ ﻣﺜﻞ ﻗﺒﻞ ﺻﺎﺭ ﻳﺴﻮﻟﻒ ﻭﻳﺎﻳﻪ ﻭﻳﻄﻠﺐ ﻣﻨﻲ ﺷﻐﻼﺕ ﺍﺳﻮﻳﻬﺎ ﺍﻟﻪ ﻗﺒﻞ ﺟﺎﻥ ﻛﻠﻪ ﻳﻄﻠﺐ ﻣﻦ ﺍﻣﻞ ﺍﻣﺎ ﺧﺎﻟﺘﻲ ﻓﻜﺎﻣﺖ ﻛﻞ ﻣﺸﻮﻓﻨﻲ ﻛﺎﻋﺪﻩ ﺗﻔﺎﺗﺤﻨﻲ ﺑﻤﻮﺿﻮﻉ ﺧﺎﻟﺪ ﻟﻮ ﺗﺤﺎﻭﻝ ﺗﻘﺮﺑﻨﻲ ﻣﻨﻪ ﺑﺎﻟﻜﻮﻩ
ﻛﻌﺪﺕ ﺻﺒﺢ ﻛﻤﺖ ﻏﺴﻠﺖ ﺟﺎﻥ ﺧﺎﻟﺪ ﻣﺎﻛﻮ ﻛﻠﺖ ﻳﺠﻮﺯ ﻛﺎﻋﺪ ﻋﺪﻟﺖ ﺣﺠﺎﺑﻲ ﻭﻃﻠﻌﺖ ﺭﺣﺖ ﻟﻠﻤﻄﺒﺦ ﻟﻜﻴﺖ ﺑﺲ ﺳﺎﺭﻩ ﻛﺘﻠﻬﺎ ﺻﺒﺎﺡ ﺍﻟﺨﻴﺮ
ﺳﺎﺭﻩ : ﺻﺒﺎﺡ ﻧﻮﺭ
ﺣﻴﺎﺓ : ﺷﻮ ﻣﺎﻛﻮ ﺍﺣﺪ
ﺳﺎﺭﻩ : ﺍﻱ ﺷﻴﺦ ﺑﺮ ﻛﺎﻋﺪ ﻫﻮ ﻭﺍﻟﺤﺠﻴﻪ ﺑﺎﻟﺤﺪﻳﻘﻪ
ﺣﻴﺎﺓ : ﻃﻠﻌﺖ ﻋﻠﻴﻬﻢ ﺑﺎﻟﺤﺪﻳﻘﻪ ﺻﺒﺎﺡ ﺍﻟﺨﻴﺮ
ﺧﺎﻟﺪ . ﺧﺎﻟﺔ . ﺻﺒﺎﺡ ﺍﻟﻨﻮﺭ
ﺧﺎﻟﺔ : ﺗﻌﺎﻟﻲ ﻛﻌﺪﻱ ﺍﻟﻴﻮﻡ ﻃﻠﻌﻨﺎ ﺑﺮﻩ ﺍﻟﻬﻮﻯ ﻳﺮﺩ ﺍﻟﺮﻭﺡ
ﺣﻴﺎﺓ : ﺍﻱ ﺟﻮ ﺣﻠﻮ
ﺧﺎﻟﺔ : ﺗﺮﻳﻜﺘﻲ
ﺣﻴﺎﺓ : ﻻ ﺧﺎﻟﻪ ﻫﺴﻪ ﻛﻌﺪﺕ
ﺧﺎﻟﺔ : ﻟﻌﺪ ﺍﺣﻨﺎ ﺳﺒﻘﻨﺎﺝ ﻣﻦ ﻭﻛﺖ
ﺣﻴﺎﺓ : ﺑﺎﻟﻌﺎﻓﻴﻪ
ﺧﺎﻟﺔ : ﺍﻟﻠﻪ ﻳﻌﺎﻓﻲ ﺑﺪﻧﺞ .. ﺍﻟﻴﻮﻡ ﺗﺠﻲ ﺍﻡ ﻛﻤﺎﻝ ﻭﺑﻨﺎﺗﻬﺎ ﻋﺎﻟﻐﺪﻩ
ﺣﻴﺎﺓ : ﺑﻜﻠﺒﻲ ﻛﻠﺖ ﺍﻫﻮﻭﻭ ﺷﻮﻥ ﺍﻛﺮﻫﻪ .. ﻛﺘﻠﻬﺎ ﻫﺎﺻﺪﻙ
ﺧﺎﻟﺔ : ﺍﻱ ﺧﺎﺑﺮﺗﻨﻲ ﺻﺒﺢ ﻭﻛﻠﺘﻠﻲ
ﺣﻴﺎﺓ : ﺳﺎﺭﻩ ﺻﺎﺣﺖ ﺧﺎﻟﺘﻲ ﺗﺮﻳﺪﻫﺎ ﺷﻮﻑ ﺍﻟﻄﺒﺨﻪ ﻛﺎﻣﺖ ﺑﻘﻴﺖ ﻛﺎﻋﺪﻩ ﺑﺲ ﺍﻧﻲ ﻭﺧﺎﻟﺪ ﺑﺲ ﺿﺠﺖ ﻻﻥ ﺍﻡ ﻛﻤﺎﻝ ﺣﺘﺠﻲ ﻭﺑﺘﻬﺎ ﺍﻟﺠﺒﻴﺮﻩ ﻇﻞ ﺑﺲ ﺗﺘﻠﻮﻙ ﻟﺨﺎﻟﺪ ﻛﻞ ﻣﺘﺠﻲ
ﺧﺎﻟﺪ : ﺷﺒﻴﺞ ﺷﻮ ﺿﺎﻳﺠﻪ
ﺣﻴﺎﺓ : ﻻ ﻣﻀﺎﻳﺠﻪ .. ﺍﻟﻴﻮﻡ ﻣﺎﻋﺪﻙ ﻃﻠﻌﻪ
ﺧﺎﻟﺪ : ﻻ ﺍﻟﻌﺼﺮ ﺍﻃﻠﻊ ﻟﻴﺶ ﺭﺍﻳﺪﻩ ﺷﻲ
ﺣﻴﺎﺓ : ﻫﺎ ﻣﺤﺪ ﺣﻴﺠﻲ ﻋﻠﻴﻚ .. ﺭﺩﺗﻪ ﺑﺲ ﻳﻄﻠﻊ ﺍﻭ ﺍﺣﺪ ﻳﺠﻲ ﻋﻠﻴﻪ ﺣﺘﻰ ﻣﻴﺪﺧﻞ ﺟﻮﻩ ﻣﻦ ﺗﺠﻲ ﻋﻤﺘﻪ ﻭﺑﻨﺎﺗﻬﺎ
ﺧﺎﻟﺪ : ﻻ ﻣﺤﺪ ﻳﺠﻲ . ﺑﻌﺪﻳﻦ ﻋﻤﺘﻲ ﺩﺭﻳﺪ ﺍﺷﻮﻓﻬﺎ
ﺣﻴﺎﺓ : ﻻﺍﻳﺮﺍﺩﻳﺎ ﺣﺠﻴﺖ ﺍﻱ ﺍﻛﻴﺪ ﻻﺯﻡ ﺷﻮﻑ ﺑﺖ ﻋﻤﻚ
ﺧﺎﻟﺪ : ﺷﻨﻮ ﺷﻜﻠﺘﻲ
ﺣﻴﺎﺓ : ﻻ ﺍﺣﺎﺟﻲ ﻧﻔﺴﻲ
ﺧﺎﻟﺪ : ﻫﺎ ﻟﻴﺶ ﻣﺨﺒﻠﻪ ﺗﺤﺎﺟﻴﻦ ﻧﻔﺴﺞ
ﺣﻴﺎﺓ : ﺑﺎﻭﻋﺖ ﻋﻠﻴﻪ ﻛﺘﻠﻪ ﺍﻱ ﻣﺨﺒﻠﻪ
ﺧﺎﻟﺪ : ﻫﻬﻬﻬﻪ ﺍﻟﻠﻪ ﻳﺸﺎﻓﻴﺞ
ﺣﻴﺎﺓ : ﻇﻠﻴﺖ ﺍﺑﺎﻉ ﻋﻠﻴﻪ ﻭﺑﻜﻠﺒﻲ ﺍﻛﻮﻝ ﺍﻱ ﺍﻧﺖ ﻫﻢ ﺗﻜﻴﻒ ﻋﻠﻰ ﺑﺖ ﻋﻤﻚ ﻣﻦ ﻇﻞ ﺗﻌﻮﺝ ﺑﺎﻟﺴﺎﻧﻬﺎ
ﺧﺎﻟﺪ : ﺷﺒﻴﺞ ﺗﺒﺎﻋﻴﻦ ﻫﻴﺞ ﻋﺒﺎﻟﻚ ﻃﻠﺒﻴﻨﻲ ﺛﺎﺭ
ﺣﻴﺎﺓ : ﻣﻤﺒﺎﻭﻋﻪ ﻋﻠﻴﻚ ﺍﻛﻮﻡ ﺍﺩﺧﻞ ﺟﻮﻩ ﺍﺣﺴﻦ
ﺧﺎﻟﺪ : ﺍﺳﺘﻐﺮﺑﺖ ﻫﺎﻱ ﺷﺒﻴﻬﺎ ﺍﻟﻴﻮﻡ ﻣﻄﻨﻜﺮﻩ ﻭﻣﺘﺘﺤﺠﻰ ﻇﻠﻴﺖ ﺍﺿﺤﻚ ﻋﻠﻴﻬﺎ ﺷﻮﻥ ﻛﺎﻣﺖ ﻭﻫﻲ ﺿﺎﻳﺠﻪ
ﺣﻴﺎﺓ : ﺩﺧﻠﺖ ﺟﻮﻩ ﻇﻠﻴﺖ ﺍﻓﺘﺮ ﺳﺎﺭﻩ ﺟﺎﻧﺖ ﻣﻨﻈﻔﻪ ﺍﻟﺒﻴﺖ ﻭﺍﻣﻞ ﺑﻌﺪ ﻣﻜﺎﻋﺪﻩ ﻇﻠﻴﺖ ﺍﻓﺘﺮ ﺑﺎﻻﺧﻴﺮ ﺩﺧﻠﺖ ﻟﻐﺮﻓﺘﻲ ﺷﻠﺖ ﻓﺮﺍﺷﻲ ﻭﻋﺪﻟﺖ ﺟﺮﺑﺎﻳﻪ ﻭﻓﺘﺤﺖ ﺷﺒﺎﻙ ﺑﺲ ﻣﺪﺭﻱ ﺷﺒﻴﻪ ﺍﺻﺮﻑ ﺑﻌﺼﺒﻴﻪ ﺳﻤﻌﺖ ﻭﺍﺣﺪ ﻳﻜﻠﻲ
ﻋﻠﻰ ﻛﻴﻔﺞ ﻭﻳﻪ ﺍﻟﺒﺮﺩﻩ ﺣﺘﻨﺸﻠﻊ ﺍﻟﺘﺎﻓﻴﺖ ﻋﻠﻴﻪ ﻟﻜﻴﺘﻪ ﺧﺎﻟﺪ
. ﺑﺎﻭﻋﺖ ﻋﻠﻴﻪ ﻭﺭﺟﻌﺖ ﻛﻤﻠﺖ ﺷﻐﻠﻲ .. ﻋﻨﺪﻱ ﻫﺪﻭﻡ ﻣﻐﺴﻮﻟﻪ ﻛﻌﺪﺕ ﺍﻋﺰﻝ ﺍﻟﻜﻮﻱ ﻋﻦ ﺍﻟﻲ ﺍﺻﻔﻄﻬﻦ
بيج قصص عراقيه حقيقيه من واقعنا.روعه الطائي
ﺧﺎﻟﺪ : ﺷﺒﻴﺞ ﺗﺘﻌﺎﺭﻛﻴﻦ ﻭﻳﻪ ﺫﺑﺎﻥ ﻭﺟﻬﺞ
ﺣﻴﺎﺓ : ﻣﺎﺑﻴﻪ
ﺧﺎﻟﺪ : ﺍﻧﻲ ﺣﺮﻭﺡ ﺍﺳﺒﺢ ﻋﻮﺩ ﺣﻀﺮﻳﻠﻲ ﻫﺪﻭﻡ
ﺣﻴﺎﺓ : ﺍﻱ ﻋﻴﻨﻲ ﺍﺳﺒﺢ ﺣﺘﺠﻲ ﺳﺖ ﺍﻟﺤﺴﻦ
ﺧﺎﻟﺪ : ﺷﻨﻮ
ﺣﻴﺎﺓ : ﺩﺍﻛﻠﻚ ﻓﻮﺕ ﻭﺍﻧﻲ ﺍﺣﻀﺮﻟﻚ ﻫﺪﻭﻣﻚ ﻭﺍﺧﻠﻴﻬﻦ ﺑﺎﻟﻤﻨﺰﻉ .. ﻃﺒﻌﺎ ﺍﻟﺤﻤﺎﻡ ﺑﻲ ﻣﻨﺰﻉ ﺑﺲ ﺑﻲ ﺑﺎﺏ ﻳﻠﻪ ﺍﻟﺤﻤﺎﻡ
ﺧﺎﻟﺪ : ﺩﺧﻠﺖ ﻟﻠﺤﻤﺎﻡ ﺑﺲ ﺍﻧﻲ ﺑﺲ ﺍﺿﺤﻚ ﻋﻠﻰ ﺗﺼﺮﻓﺎﺗﻬﺎ ﻭﺷﻮﻥ ﺫﺏ ﺍﻟﺤﺠﺎﻳﻪ ﺍﻟﻲ ﺑﻜﻠﺒﻬﺎ ﻭﺗﺮﺟﻊ ﺗﺤﺠﻲ ﺷﻜﻞ ﺑﺲ ﻋﺮﻓﺖ ﻫﻲ ﺿﺎﻳﺠﻪ ﻻﻥ ﻋﻤﺘﻲ ﻭﺑﻨﺎﺗﻬﺎ ﻳﺠﻦ
ﻛﻤﻠﺖ ﺳﺒﺢ ﻭﻃﻠﻌﺖ ﻟﻜﻴﺘﻬﺎ ﺧﺎﻟﻪ ﺍﻟﻤﻴﺰ ﺍﻟﻮﺗﻲ ﻭﺗﻜﻮﻱ ﻛﻠﺖ ﺧﻞ ﺍﺿﻮﺟﻬﺎ ﺷﻮﻳﻪ
ﺭﺣﺖ ﻟﻠﻤﻴﺰ ﺗﻌﻄﺮﺕ ﻭﻣﺸﻄﺖ ﺷﻌﺮﻱ ﻭﻇﻠﻴﺖ ﺍﺑﺎﻉ ﻋﻠﻰ ﻧﻔﺴﻲ ﻭﺍﺳﻮﻱ ﻧﻔﺴﻲ ﺍﺗﻌﺪﻝ
ﺣﻴﺎﺓ : ﻫﺬﺍ ﺷﺒﻲ ﺻﺎﻟﻪ ﺳﺎﻋﻪ ﻳﻌﺪﻝ ﺑﻨﻔﺴﻪ ﻇﻠﻴﺖ ﺍﻛﻮﻱ ﻭﺍﺑﺎﻉ ﻋﻠﻴﻪ ﺑﻄﺎﺭﻑ ﻋﻴﻨﻲ
ﺧﺎﻟﺪ : ﺍﻛﻠﺞ ﺍﺑﻘﻰ ﺑﻬﺬﺍ ﺍﻟﺘﺮﺍﻙ ﻟﻮ ﺍﻟﻠﺒﺲ ﺍﻟﺘﺮﺍﻙ ﺍﻟﺒﻲ ﺍﺣﻤﺮ ﺷﺪﻛﻮﻟﻴﻦ
ﺣﻴﺎﺓ : ﺑﺎﻭﻋﺖ ﻋﻠﻴﻪ ﻓﻜﺮﺕ ﺫﺍﻙ ﺍﻟﺘﺮﺍﻙ ﻳﻄﻠﻊ ﺿﺎﻭﻱ ﺑﻲ ﻛﺘﻠﻪ ﻻ ﻫﺬﺍ ﺣﻠﻮ
ﺧﺎﻟﺪ : ﻫﺎ ﻣﺎﺩﺭﻱ ﺷﻮ ﻣﻤﻘﺘﻨﻊ ﺑﻨﻔﺴﻲ
ﺣﻴﺎﺓ : ﻭﺷﻌﺪﻙ ﻫﻮ ﺍﻧﺖ ﻛﺎﻋﺪ ﺑﺎﻟﺒﻴﺖ ﻗﺎﺑﻞ ﺗﺮﻳﺪ ﺗﻄﻠﻊ
ﺧﺎﻟﺪ : ﻻ ﺑﺲ ﺣﺘﺠﻲ ﻋﻤﺘﻲ ﻭﺑﻨﺎﺗﻬﺎ ﻋﻴﺐ ﻳﺸﻮﻓﻮﻧﻲ ﻣﺒﻬﺬﻝ
ﺣﻴﺎﺓ : ﺑﻜﻠﺒﻲ ﺍﻛﻠﻪ ﺍﺭﻳﺪ ﻳﻮﻡ ﺍﺷﻮﻓﻚ ﻣﺘﺒﻬﺬﻝ 24 ﺳﺎﻋﻪ ﻣﺘﻌﺪﻝ ﻭﻣﺘﻌﻄﺮ
.. ﻛﺘﻠﻪ ﻭﺷﺒﻴﻚ ﺻﺎﻟﻚ ﺳﺎﻋﻪ ﺗﻌﺪﻝ ﺑﻨﻔﺴﻚ ﻋﺒﺎﻟﻚ ﺣﻴﺠﻮﻥ ﺿﻴﻮﻑ ﻣﻬﻤﻴﻦ ﻫﻲ ﺧﻠﻚ ﻋﻤﺘﻚ ﻭﺑﻨﺎﺗﻬﻦ
ﺧﺎﻟﺪ : ﺑﺎﻭﻋﺖ ﻋﻠﻴﻬﺎ ﻭﺍﻧﻲ ﺣﺎﺻﺮ ﺿﺤﻜﻪ . ﻛﺘﻠﻬﺎ ﻟﺴﺎﻧﺞ ﻃﻮﻻﻥ
ﺣﻴﺎﺓ : ﻇﻠﻴﺖ ﺳﺎﻛﺘﻪ ﻭﺍﻛﻤﻞ ﻛﻮﻱ ﺷﻮﻳﻪ ﻭﻃﻠﻊ ﻫﻮ ﻛﻤﻠﺖ ﺷﻐﻠﻲ ﻛﻠﺖ ﺍﻓﻮﺕ ﺍﺳﺒﺢ ﻓﺘﺖ ﺳﺒﺤﺖ ﻭﻃﻠﻌﺖ ﻣﺸﻄﺖ ﻭﺟﻔﻔﺖ ﺷﻌﺮﻱ ﻃﻠﻌﺖ ﻛﻼﺑﻴﻪ ﻫﻲ ﺑﺴﻴﻄﻪ ﻣﺎﺑﻴﻬﺎ ﺷﻲ ﺑﺲ ﻻﻥ ﺷﻮﻳﻪ ﺿﻴﻜﻪ ﺭﺩﺕ ﺍﺿﻮﺟﻪ ﻣﺜﻞ ﻣﻀﻮﺟﻨﻲ ﻻﺑﺴﺘﻬﺎ ﻟﻮﻧﻬﺎ ﺑﻨﻔﺴﺠﻲ ﻏﺎﻣﻖ ﻃﻠﻌﺘﻨﻲ ﺿﺎﻭﻳﻪ ﺧﻠﻴﺖ ﺣﻤﺮﻩ ﻭﺭﺩﻱ ﻓﺎﺗﺤﻪ ﻭﻛﺤﻠﻪ ﻭﻣﺎﺳﻜﺎﺭﻩ ﻭﺗﻌﻄﺮﺕ ﻧﺪﻛﺖ ﺑﺎﺏ ﻓﺎﺗﺖ ﺍﻣﻞ
ﺍﻣﻞ : ﻳﻤﻪ ﻫﺎﻱ ﻣﻨﻮ . ﺣﻀﺮﺗﺞ ﺣﻴﺎﺓ
ﺣﻴﺎﺓ : ﺑﺘﺴﻤﺖ ﻛﺘﻠﻬﺎ ﻭﻟﻲ
ﺍﻣﻞ : ﻫﻬﻬﻬﻪ ﺧﺮﺏ ﻃﺎﻟﻌﻪ ﻓﺪﺷﻲ
ﺣﻴﺎﺓ : ﺍﻗﻞ ﻣﺎﻋﻨﺪﻱ ﻫﺬﺍ
ﺍﻣﻞ : ﺍﻱ ﺳﻤﻌﺖ ﻋﻤﺘﻲ ﺍﻡ ﻛﻤﺎﻝ ﺣﺘﺠﻲ ﻫﻨﺎ ﻭﺣﻴﺎﺗﻬﺎ ﻭﻳﺎﻫﺎ
ﺣﻴﺎﺓ : ﺍﻱ ﺑﻴﺒﻴﺘﺞ ﻏﺜﺘﻨﻲ ﺑﻬﺬﺍ ﺍﻟﺨﺒﺮ
ﺍﻣﻞ : ﻫﺎ ﻭﺍﻧﺘﻲ ﺣﻀﺮﺗﻲ ﻧﻔﺴﺞ ﻋﻠﻤﻮﺩ ﺣﻴﺠﻦ
ﺣﻴﺎﺓ : ﻻ ﺷﻌﻠﻴﻪ ﺑﻴﻬﻢ ﺍﻧﻲ ﺣﺒﻴﺖ ﺍﺑﺪﻝ
ﺍﻣﻞ : ﻫﺎﺍﺍﺍ ﺻﺪﻛﺘﺞ ﺍﻧﻲ
ﺣﻴﺎﺓ : ﺍﻣﻞ ﻫﺎﻱ ﺑﺘﻬﺎ ﺣﻴﻪ ﺍﻟﺠﺒﻴﺮﻩ ﺗﺠﻲ ﺗﺘﻠﺰﻙ ﺑﺨﺎﻟﺪ ﻭﻇﻞ ﺑﺲ ﺳﻮﻟﻒ ﻭﻳﺎﻩ ﻭﺍﻧﻲ ﻣﺮﺗﻪ ﻣﻤﺴﻮﻟﻔﻪ ﻭﻳﺎﻩ ﻫﻠﻜﺪ
ﺍﻣﻞ : ﻣﻤﻤﻢ ﻛﺎﺑﻪ ﺍﻟﻐﻴﺮﻩ ﻋﺪﺝ ﻫﻬﻬﻬﻬﻬﻪ
ﺣﻴﺎﺓ : ﻻ ﻋﻠﻰ ﻣﻨﻮ ﺍﻏﺎﺭ ﺑﺲ ﺍﻧﻲ ﺍﺿﻮﺝ ﻣﻦ ﺍﻟﺒﻨﻴﻪ ﺍﻟﺨﻔﻴﻔﻪ
ﺍﻣﻞ : ﻫﻬﻬﻬﻬﻬﻪ ﺍﻱ ﺍﻱ .. ﻧﺰﻋﻲ ﺣﺠﺎﺑﺞ ﻟﻌﺪ ﺗﺮﻯ ﻣﺎﻛﻮ ﺍﺣﺪ ﺧﺒﻠﺘﻴﻨﻲ 24 ﺳﺎﻋﻪ ﻻﺑﺴﺘﻪ ﺧﻞ ﻳﺸﻮﻓﻮﻥ ﺷﻌﺮﺝ ﻋﻴﻨﻲ ﻋﺒﺎﻟﻬﻢ ﻛﺮﻋﻪ
ﺣﻴﺎﺓ : ﻻ ﻳﻮﻟﻲ ﺧﺎﻑ ﻋﻴﺐ .. ﺟﺮﺕ ﻣﻨﻲ ﺍﻟﺸﺎﻝ ﻛﺎﻟﺖ ﻳﻠﻪ ﻫﻴﺞ ﺍﺣﻼ ﺑﻌﺪﻳﻢ ﻋﻤﺎﻣﻲ ﻣﻮ ﺑﺎﻟﺒﻴﺖ ﻭﺍﻟﻠﻪ ﺣﺘﺨﻠﻴﻦ ﺍﺑﻮﻳﻪ ﻳﻜﻮﻡ ﻳﻤﺸﻲ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻃﻠﻌﺖ ﻭﺭﺣﺖ ﻟﻠﻬﻮﻝ ﺍﻟﺼﻐﻴﺮ ﻟﻜﻴﺖ ﺑﺲ ﺧﺎﻟﺘﻲ ﺩﺻﻠﻲ ﻓﺘﺖ ﻛﻌﺪﺕ ﻳﻤﻬﺎ ﻛﻤﻠﺖ ﻧﺪﺍﺭﺕ ﻋﻠﻴﻪ
ﺧﺎﻟﺔ : ﺍﻱ ﻳﻤﻪ ﻫﻴﺞ ﺍﺭﻳﺪﺝ ﺩﺍﻳﻤﺎ
ﺣﻴﺎﺓ : ﻇﻠﻴﺖ ﻣﺒﺘﺴﻤﻪ ﻣﺎﻋﺮﻑ ﺷﺤﺠﻲ ﻭﻣﺎﻋﺮﻑ ﻟﻴﺶ ﻫﻴﺞ ﺑﺪﻟﺖ ﻭﺳﻮﻳﺖ ﻣﻌﻘﻮﻟﻪ ﺍﻏﺎﺭ ﻋﻠﻰ ﺧﺎﻟﺪ
ﺧﺎﻟﺔ : ﺩﺭﻭﺣﻲ ﻟﻠﻬﻮﻝ ﺟﺒﻴﺮ ﺧﺎﻟﺪ ﻫﻨﺎﻙ ﺩﻳﺘﻔﺮﺝ ﺗﻠﻔﺰﻳﻮﻥ ﺭﻭﺣﻲ ﻳﻤﻪ ﺧﻞ ﻳﺸﻮﻑ ﻫﺎﻟﺠﻤﺎﻝ
ﺣﻴﺎﺓ : ﻻ ﺧﺎﻟﻪ ﺍﺳﺘﺤﻲ
ﺧﺎﻟﺔ : ﺩﻣﺸﻲ ﻭﻟﺞ ﺍﺧﺬﻳﻠﻪ ﻓﻮﺍﻛﻪ ﻭﺭﻭﺣﻲ ﻳﻤﻪ ﺑﺤﺠﻪ ﺩﻛﺸﺮﻳﻠﻪ
ﺣﻴﺎﺓ : ﺑﺎﻭﻋﺖ ﺧﺮﺏ ﺧﺎﻟﺘﻲ ﻋﺪﻫﺎﺍﻓﻜﺎﺭ ﻛﻤﺖ ﺭﺣﺖ ﻟﻠﻤﻄﺒﺦ ﺧﻠﻴﺖ ﻓﻮﺍﻛﻪ ﺑﺎﻟﻤﺎﻋﻮﻥ ﻭﺍﺧﺬﺕ ﺍﻟﺼﻴﻨﻴﻪ ﺭﺣﺖ ﻟﻠﻬﻮﻝ ﺑﺲ ﺍﻧﻲ ﻛﻠﺶ ﻣﺴﺘﺤﻴﻪ ﺑﺲ ﺭﺩﺕ ﻳﺸﻮﻓﻨﻲ ﺣﺘﻰ ﺍﺿﻮﺟﻪ ﻣﺜﻞ ﻣﻀﻮﺟﻨﻲ ﻓﺘﺖ ﻫﻮ ﺟﺎﻥ ﻣﻤﻨﺘﺒﻪ ﻋﻠﻴﻪ ﻛﻌﺪﺕ ﻋﺎﻟﺘﺨﻢ ﺍﻟﻲ ﺑﺼﻔﻪ ﻛﺮﺳﻲ ﻣﺎﻟﺘﻪ ﺳﻮﻳﺖ ﻧﻔﺴﻲ ﺍﻛﺸﺮ ﺑﺎﻟﺒﺮﺗﻘﺎﻟﻪ ﺻﻌﺪﺕ ﺭﺍﺳﻲ ﻟﻜﻴﺘﻪ ﺻﺎﻓﻦ ﻋﻠﻴﻪ
ﺧﺎﻟﺪ : ﻓﺎﺗﺖ ﻋﻠﻴﻪ ﺣﻴﺎﺓ ﺑﺲ ﺳﻮﻳﺖ ﻧﻔﺴﻲ ﻣﻤﻨﺘﺒﻪ ﻭﻣﺮﻛﺰ ﻋﻠﻰ ﺗﻠﻔﺰﻳﻮﻥ ﺑﺲ ﻋﻄﺮﻫﺎ ﺑﺖ ﺍﻻﻭﺍﺩﻡ ﻳﺠﺬﺏ ﺍﻛﺒﺮ ﻭﺍﺣﺪ ﻟﺘﺎﻓﻴﺖ ﻋﻠﻴﻪ ﻟﻜﻴﺘﻬﺎ ﺑﺪﻭﻥ ﺣﺠﺎﺏ ﻭﺧﺎﻟﻪ ﻣﻜﻴﺎﺝ ﺧﻔﻴﻒ ﻭﻻﺑﺴﻪ ﺛﻮﺏ ﻃﺎﻟﻌﻪ ﻟﻌﺎﺑﻪ ﻇﻠﻴﺖ ﺻﺎﻓﻦ ﻋﻠﻴﻬﺎ ﺍﻭﻝ ﻣﺮﻩ ﺍﺷﻮﻓﻬﺎ ﻫﻴﺞ ﻣﻦ ﻳﻮﻡ ﺍﻟﺠﺘﻲ ﻟﺒﻴﺘﻨﺎ
ﺣﻴﺎﺓ : ﻣﻦ ﺍﻟﺨﺠﻞ ﻣﺎﻋﺮﻑ ﺷﺴﻮﻱ ﺑﺲ ﺍﻇﺎﻫﺮﺕ ﻣﺎﻛﻮ ﺷﻲ ﻭﻣﺴﺌﻠﻪ ﻋﺎﺩﻱ ﻧﻄﻴﺘﻪ ﺍﻟﺒﺮﺗﻘﺎﻟﺔ ﻫﻮ ﺍﺧﺬﻫﺎ ﺑﺪﻭﻥ ﻣﻴﺤﺠﻲ ﺷﻲ ﻭﻇﻞ ﻳﺒﺎﻉ ﻋﻠﻴﻪ
ﺧﺎﻟﺪ : ﺍﻧﺘﺒﻬﺖ ﻋﻠﻰ ﻧﻔﺴﻲ ﺻﺎﻓﻦ ﻋﻠﻴﻬﺎ ﻭﻫﻲ ﺍﺣﺴﻬﺎ ﻛﺎﻣﺖ ﺗﺘﻮﺗﺮ ﻣﻦ ﻧﻈﺮﺍﺗﻲ ﺭﺟﻌﺖ ﺍﺑﺎﻉ ﻋﺎﻟﺘﻠﻔﺰﻳﻮﻥ ﺑﺲ ﻛﻠﺴﻊ ﺍﺑﺎﻭﻉ ﻋﻠﻴﻬﺎ
ﺣﻴﺎﺓ : ﻛﺸﺮﺕ ﺗﻔﺎﺣﻪ ﻭﻗﺴﻤﺘﻬﺎ ﻭﺧﻠﻴﺘﻬﺎ ﺑﺎﻟﻤﺎﻋﻮﻥ ﻭﻧﻄﻴﺘﻬﺎ ﺍﻟﻪ
ﻫﻮ ﺍﺧﺬﻫﺎ ﻭﻳﺒﺎﻉ ﻋﻠﻴﻪ ﺍﻧﻲ ﺑﻜﻠﺒﻲ ﻋﺰﻩ ﻣﻴﺘﻪ ﻓﺮﺡ ﻣﻦ ﻧﻈﺮﺍﺗﻪ ﺣﺴﻴﺖ ﻧﻔﺴﻲ ﺍﻛﺪﺭ ﺍﺟﺬﺑﻪ
ﻛﻤﻞ ﺍﻛﻞ ﺍﻧﻲ ﻛﻤﺖ ﺍﻭﺩﻱ ﺻﻴﻨﻴﻪ ﻣﺎﻝ ﻓﻮﺍﻛﻪ ﻭﺗﻘﺼﺪﺕ ﺍﻓﻮﺕ ﻣﻦ ﻛﺪﺍﻣﻪ ﻣﻮ ﻣﻦ ﻭﺭﺍﻩ ﺣﺘﻰ ﻳﺸﻮﻓﻨﻲ
ﺧﺎﻟﺪ : ﻇﻠﺖ ﻛﺎﻋﺪﻩ ﻛﻤﻠﺖ ﻛﺎﻣﺖ ﺍﺧﺬﺕ ﺍﻟﻤﺎﻋﻮﻥ ﻭﺻﻴﻨﻴﻪ ﻭﻛﺎﻣﺖ ﺗﺮﻳﺪ ﺗﺮﻭﺡ ﺑﺲ ﺑﺖ ﺍﻟﻮﺍﺩﻡ ﻻﺑﺴﻪ ﺛﻮﺏ ﺣﺼﺮ ﻋﻠﻴﻬﺎ ﻭﻣﻘﺴﻢ ﺟﺴﻤﻬﺎ ﺗﻘﺴﻴﻢ ﻳﺠﺬﺏ ﺍﻟﻮﺍﺣﺪ ﻇﻠﻴﺖ ﺍﺑﺎﻭﻉ ﻋﻠﻰ ﺟﺴﻤﻬﺎ ﻟﺤﺪ ﻣﻄﻠﻌﺖ
ﺣﻴﺎﺓ : ﻃﻠﻌﺖ ﻣﻦ ﺍﻟﻬﻮﻝ ﻭﺍﻧﻲ ﺍﺑﺘﺴﺎﻣﺘﻲ ﺷﻜﺒﺮﻫﺎ ﺷﺎﻓﺘﻨﻲ ﺧﺎﻟﻪ ﺑﺎﻭﻋﺖ ﻋﻠﻴﻪ ﻭﺿﺤﻜﺖ
ﺭﺣﺖ ﻭﺩﻳﺖ ﺻﻴﻨﻴﻪ ﺑﺎﻟﻤﻄﺒﺦ ﻭﻏﺴﻠﺘﻬﻦ ﺟﺘﻲ ﺍﻣﻞ ﻛﺎﻟﺖ ﺑﺎﺑﺎ ﻳﺮﻳﺪﺝ
ﺍﻧﻲ ﺻﺮﺍﺣﻪ ﻓﺮﺣﺖ ﻛﺘﻠﻬﺎ ﺍﻱ ﺭﺣﺖ ﻟﻠﻬﻮﻝ ﻛﺎﻟﺘﻠﻲ ﺑﺎﺑﺎ ﺭﺍﺡ ﻟﻠﻐﺮﻓﻪ
ﺑﺎﻭﻋﺖ ﻋﻠﻴﻬﺎ
ﺍﻣﻞ : ﻫﻬﻬﻬﻬﻬﻪ ﻭﺟﻬﺞ ﺻﺎﺭ ﺍﺻﻔﺮ ﺷﺴﻮﻳﺘﻲ
ﺣﻴﺎﺓ : ﻭﺍﻟﻠﻪ ﻣﺴﻮﻳﺖ ﺑﺲ ﻧﻄﻴﺘﻪ ﻓﻮﺍﻛﻪ
ﺍﻣﻞ : ﻫﻬﻬﻬﻬﻬﻪ ﺍﻟﻬﺎ ﺗﺎﺛﻴﺮ ﻟﻌﺪ ﺭﻭﺣﻲ ﻳﻠﻪ
ﺣﻴﺎﺓ : ﺩﺧﻠﺖ ﻟﻠﻐﺮﻓﻪ ﻻﻥ ﻟﻜﻴﺘﻪ ﻣﻔﺘﻮﺣﻪ ﺷﻮﻳﻪ ﻫﻮ ﺟﺎﻥ ﺑﺎﻟﺤﻤﺎﻡ ﺷﻮﻳﻪ ﻭﻃﻠﻊ ﺑﺎﻭﻉ ﻋﻠﻴﻪ ﻣﻦ ﻓﻮﻙ ﻟﺠﻮﻩ ﻛﻠﻲ
ﺧﺎﻟﺪ : ﻫﺬﺍ ﺍﻟﻠﺒﺲ ﺑﻌﺪ ﻣﻴﻠﺒﺲ ﻭﺍﻟﺨﺮﺑﻄﻪ ﺍﻟﻲ ﺑﻮﺟﻬﺞ ﻫﺴﻪ ﺗﻔﻮﺗﻴﻦ ﺗﻐﺴﻠﻴﻬﺎ ﻭﻣﺎﻛﻮ ﻃﻠﻌﻪ ﻣﻦ ﺍﻟﻐﺮﻓﻪ ﺑﺪﻭﻥ ﺣﺠﺎﺏ ﺍﻓﺘﻬﻤﺘﻲ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻇﻠﻴﺖ ﺍﺑﺎﻉ ﻋﻠﻴﻪ ﻫﺬﺍ ﺷﺒﻲ ﻭﺩﻳﺤﺠﻲ ﺑﻄﺮﻳﻘﻪ ﻣﺴﺘﻔﺰﻩ ﻭﻋﺎﻓﻨﻲ ﻭﻃﻠﻊ ﻇﻠﻴﺖ ﺣﺎﺻﺮﻩ ﺩﻣﻮﻋﻲ ﺑﺎﻟﻜﻮﻩ
ﺧﺎﻟﺪ : ﺣﺠﻴﺖ ﻭﻳﺎﻫﺎ ﺑﻄﺮﻳﻘﻪ ﻛﻠﺶ ﺣﻘﻴﺮﻩ ﻣﺎﻋﺮﻑ ﻟﻴﺶ ﺭﺩﺕ ﺑﺲ ﺍﻗﻬﺮﻫﺎ ﺍﺫﻟﻬﺎ ﻣﺎﻋﺮﻑ ﻟﻴﺶ ﻣﻊ ﺍﻟﻌﻠﻢ ﺍﻧﻲ ﻣﺸﻔﺖ ﻣﻨﻬﺎ ﺍﻱ ﺷﻲ
ﺣﻴﺎﺓ : ﻇﻠﻴﺖ ﻛﺎﻋﺪﻩ ﺑﺎﻟﻐﺮﻓﻪ ﺑﺲ ﺍﺣﺲ ﻧﻔﺴﻲ ﺍﺭﻳﺪ ﺍﻧﻔﺠﺮ ﻣﻦ ﺍﻟﺒﺠﻲ ﺑﺲ ﻣﺒﺠﻴﺖ ﻃﻠﻌﺖ ﺗﻠﻴﻔﻮﻥ ﺧﺎﺑﺮﺕ ﺍﺑﻮﻳﻪ ﻭﻇﻠﻴﺖ ﺍﺣﺠﻲ ﻭﻳﺎﻩ ﻭﻫﻮ ﺣﺲ ﺍﻧﻲ ﺿﺎﻳﺠﻪ ﻭﻇﻞ ﻳﺴﻮﻟﻒ ﻭﻳﺮﻳﺪ ﻳﻐﻴﺮ ﻧﻔﺴﻴﺘﻲ ﺷﻮﻳﻪ ﻭﺩﺧﻞ ﺧﺎﻟﺪ ﻣﺮﻩ ﺛﺎﻧﻴﻪ ﺍﻧﻲ ﺟﻨﺖ ﻣﺨﻠﺼﻪ ﻣﻜﺎﻟﻤﻪ ﺩﺍﻛﻠﻪ ﻳﻠﻪ ﻣﻊ ﺍﻟﺴﻼﻣﻪ ﺑﺎﻟﻔﻮﺗﻪ ﻣﺎﻟﺘﻪ ﻛﻠﺖ ﻣﻊ ﺍﻟﺴﻼﻣﻪ ﻭﻧﺰﻟﺖ ﺗﻠﻴﻔﻮﻥ ﻫﻮ ﻋﺒﺎﻟﻪ ﻻﻥ ﺩﺧﻞ ﺳﺪﻳﺖ ﺗﻠﻴﻔﻮﻥ ﺍﺟﻪ ﻋﻠﻴﻪ ﻭﺟﻬﻪ ﻣﻴﺘﻔﺴﺮ
ﺧﺎﻟﺪ : ﺭﺟﻌﺖ ﻟﻠﻐﺮﻓﻪ ﻭﺭﺩﺕ ﺍﺻﻠﺢ ﺍﻟﻲ ﺳﻮﻳﺘﻪ ﺑﺲ ﺩﺧﻠﺖ ﻫﻲ ﺳﺪﺕ ﺍﻟﺘﻠﻴﻔﻮﻥ ﺣﺴﻴﺘﻬﺎ ﻣﺘﺮﻳﺪﻧﻲ ﺍﺳﻤﻊ ﻭﻳﺎﻣﻦ ﺗﺤﺠﻲ
ﺭﺣﺖ ﻳﻤﻬﺎ ﻛﺘﻠﻬﺎ ﻭﻳﻪ ﻣﻨﻮ ﺗﺤﺠﻴﻦ
ﺣﻴﺎﺓ : ﻭﻳﻪ ﺍﺑﻮﻳﻪ
ﺧﺎﻟﺪ : ﻧﻄﻴﻨﻲ ﺗﻠﻴﻔﻮﻧﺞ
ﺣﻴﺎﺓ : ﺷﻨﻮ ﻣﻤﺼﺪﻛﻨﻲ
ﺧﺎﻟﺪ : ﺩﺍﻛﻠﺞ ﻧﻄﻴﻨﻲ ﺗﻠﻴﻔﻮﻥ
ﺣﻴﺎﺓ : ﻻ ﻣﺎﻧﻄﻲ ﻫﺬﺍ ﺷﻲ ﻣﻴﺨﺼﻚ
ﺧﺎﻟﺪ : ﻟﺰﻣﺖ ﺍﻳﺪﻫﺎ ﻭﻋﺼﺮﺗﻬﺎ ﻛﺘﻠﻬﺎ ﻟﺸﻮﻓﻴﻨﻲ ﻛﺎﻋﺪ ﺑﻬﺬﺍ ﺍﻟﻜﺮﺳﻲ ﻳﻌﻨﻲ ﻣﺎﻛﺪﺩﺭ ﺍﻛﺴﺮ ﺭﺍﺳﺞ
ﺣﻴﺎﺓ : ﻫﺪ ﺍﻳﺪﻱ ﻛﺎﻣﺖ ﺗﻮﺟﻌﻨﻲ
ﺧﺎﻟﺪ : ﻭﻳﺎﻣﻦ ﺟﻨﺘﻲ ﺗﺤﺠﻴﻦ ﺍﺣﺠﻲ
ﺣﻴﺎﺓ : ﻭﺍﻟﻠﻪ ﻭﻳﻪ ﺍﺑﻮﻳﻪ
ﺧﺎﻟﺪ : ﺟﺮﻳﺖ ﺗﻠﻴﻔﻮﻥ ﻣﻦ ﺍﻳﺪﻫﺎ ﺭﺣﺖ ﻋﺎﻟﻤﻜﺎﻟﻤﺎﺕ ﻟﻜﻴﺘﻬﺎ ﺻﺪﻙ ﺩﺍﻛﻪ ﻋﻠﻰ ﺍﺑﻮﻫﺎ ﺑﺲ ﺑﻮﻛﺘﻬﺎ ﻛﻠﺶ ﻓﺸﻠﺖ ﻣﻨﻬﺎ ﻫﺪﻳﺖ ﺍﻳﺪﻫﺎ ﺑﺲ ﻫﻲ ﻋﻴﻮﻧﻬﺎ ﻛﻠﻬﺎ ﺩﻣﻮﻉ ﻋﺎﻓﺘﻨﻲ ﺭﺍﺣﺖ ﻟﻠﺤﻤﺎﻡ ﺩﺧﻠﺖ ﻇﻠﻴﺖ ﻭﺍﻛﻒ ﺍﺭﻳﺪﻫﺎ ﺗﻄﻠﻊ ﺩﺍﺣﺠﻲ ﻭﻳﺎﻫﺎ ﻻﻥ ﺑﺪﺍﻝ ﻣﺪﺍﻛﺤﻠﻬﺎ ﻋﻤﻴﺘﻬﺎ
ﺣﻴﺎﺓ : ﺩﺧﻠﺖ ﻟﻠﺤﻤﺎﻡ ﻇﻠﻴﺖ ﺍﺑﺠﻲ ﺷﻮﻳﻪ ﻧﺪﻛﺖ ﺍﻟﺒﺎﺏ ﻋﺒﺎﻟﻲ ﻫﻮ
ﺳﻤﻌﺖ ﺻﻮﺕ ﺍﻣﻞ ﺩﻛﻠﻲ ﺣﻴﺎﺓ ﻋﻤﺘﻲ ﺍﻡ ﻛﻤﺎﻝ ﺟﺘﻲ
ﻛﺘﻠﻬﺎ ﺍﻱ ﻃﻠﻌﺖ ﻫﻲ ﺷﺎﻓﺘﻨﻲ ﻋﻴﻮﻧﻲ ﺣﻤﺮ
ﺍﻣﻞ : ﺷﺒﻴﺞ ﺩﺗﺒﺠﻴﻦ
ﺣﻴﺎﺓ : ﻣﺎﺑﻴﻪ ﺷﻲ ﺑﺲ .. ﻓﺠﺎﻩ ﻟﺰﻣﺖ ﺟﻒ ﺍﻳﺪﻱ ﻫﺎﻱ ﺷﺒﻴﻬﺎ ﺍﻳﺪﺝ ﺣﻤﺮﻩ
ﺍﻧﻲ ﺭﻛﺾ ﻧﺰﻟﺖ ﺩﻣﻮﻋﻲ ﻛﺪﺍﻣﻬﺎ ﻭﻛﻤﺖ ﺍﺑﺠﻲ
ﺍﻣﻞ : ﻻ ﻟﺘﺒﺠﻴﻦ ﺷﺒﻴﺞ ﺍﺑﻮﻳﻪ ﺳﻮﺍﻟﺞ ﺷﻲ ﺍﺣﺠﻲ ﺷﺒﻴﺞ
ﺣﻴﺎﺓ : ﻇﻠﻴﺖ ﺍﺑﺠﻲ ﻛﺘﻠﻬﺎ ﺻﻮﺟﻲ ﺍﻧﻲ ﺍﻟﺒﺲ ﻫﻴﺞ ﻋﻠﻤﻮﺩﻩ ﺑﺲ ﻫﻮ ﻛﻠﺸﻲ ﻣﻴﺴﺘﺎﻫﻞ ﺍﺳﻮﻳﻠﻪ ﻣﺴﺤﺖ ﺩﻣﻮﻋﻲ ﻭﺍﻣﻞ ﺻﺎﻓﻨﻪ ﻋﻠﻴﻪ
ﺍﻣﻞ : ﺍﺑﻮﻳﻪ ﺣﺠﻪ ﻋﻠﻴﺞ ﻻﻥ ﻻﺑﺴﻪ ﻫﻴﺞ
ﺣﻴﺎﺓ : ﻇﻠﻴﺖ ﺳﺎﻛﺘﻪ ﺑﺲ ﻫﺰﻳﺖ ﺭﺍﺳﻲ
ﺍﻣﻞ : ﻫﻬﻬﻬﻪ ﻭﺍﻧﺘﻲ ﺑﺠﻴﺘﻲ ﻻﻥ ﺣﺠﻪ ﻟﺞ ﻭﺍﻟﻠﻪ ﺗﻠﻜﻲ ﻏﺎﺭ ﻋﻠﻴﺞ ﻭﻫﻴﺞ ﺣﺠﻪ
ﺣﻴﺎﺓ : ﺷﻴﻐﺎﺭ ﻳﻤﻌﻮﺩﻩ ﻋﺒﺎﻟﻬﺎ ﺩﺍﺑﺠﻲ ﻻﻥ ﺣﺠﻪ ﻋﻠﻰ ﻫﺪﻭﻣﻲ ﻣﺤﺒﻴﺖ ﺍﻛﻠﻠﻬﺎ ﻋﻠﻰ ﺳﺎﻟﻔﻪ ﺗﻠﻴﻔﻮﻥ
ﺍﻣﻞ : ﺩﻣﺸﻲ ﻏﺴﻠﻲ ﻭﻋﺪﻟﻲ ﻣﻜﻴﺎﺟﺞ ﻭﺗﻌﺎﻟﻲ ﻧﻄﻠﻊ ﺫﻳﺞ ﺍﻟﺤﻴﻪ ﺭﻛﺾ ﻟﺰﻛﺖ ﺑﺎﺍﺑﻮﻳﻪ ﻭﺩﻛﻠﻪ ﻭﺍﻟﻠﻪ ﺷﻴﺦ ﻣﺸﺘﺎﻗﻴﻠﻚ
ﺣﻴﺎﺓ : ﻣﻌﻠﻴﻪ ﺑﻴﻬﺎ ﺷﺴﻮﻱ ﺳﻮﻱ ﻣﺎﻟﻲ ﺩﺧﻞ ﺑﻲ ﺑﻌﺪ
ﺍﻣﻞ : ﻭﻟﺞ ﺷﺒﻴﺞ ﺍﻧﺘﻲ ﺍﻧﻲ ﻟﻮ ﻣﻨﺞ ﻭﺍﻟﻠﻪ ﻭﺍﻃﻠﻊ ﺍﻏﻮﺭ ﺑﻴﻬﻢ
ﺣﻴﺎﺓ : ﻣﺎﺭﻳﺪ
ﺍﻣﻞ : ﺩﻛﻮﻣﻲ ﻳﻠﻪ ﻫﺴﻪ ﺗﺠﻲ ﺑﻴﺒﻲ ﻳﻠﻪ ﻛﻮﻣﻲ
ﺣﻴﺎﺓ : ﺧﻞ ﺍﺑﺪﻝ ﺍﻭﻛﻔﻲ
ﺍﻣﻞ : ﻭﻟﺞ ﺍﺑﻘﻲ ﺑﻴﻬﺎ
ﺣﻴﺎﺓ : ﻣﺎﺭﻳﺪ ﻳﺮﻭﺡ ﻳﺤﺠﻲ ﻛﺪﺍﻣﻬﻢ
ﺍﻣﻞ : ﺟﺒﺎﻧﻪ
ﺣﻴﺎﺓ : ﺩﻭﻛﻔﻲ ﺣﻠﺒﺲ ﺍﺿﺮﺏ ﻣﻨﻪ ﻫﺎﻱ ﺭﺣﺖ ﻃﻠﻌﺖ ﻛﻼﺑﻴﻪ ﻟﻮﻧﻬﺎ ﺑﺼﻠﻲ ﺍﻟﺼﺪﺭ ﻛﻠﻬﺎ ﺷﻐﻞ ﻛﺮﺳﺘﺎﻝ ﻭﺑﻴﻬﺎ ﺩﻟﻌﻪ ﺷﻮﻳﻪ ﻭﻓﺘﺤﺎﺕ ﻣﻨﺎ ﻭﻣﻨﺎ
ﻭﺧﻠﻴﺖ ﺷﺎﻝ ﺑﺲ ﻫﻴﺞ ﺣﺘﻰ ﻣﺸﺪﻳﺘﻪ ﻭﻧﺰﻟﺘﻪ ﺷﻮﻳﻪ ﻋﺎﻟﺪﻟﻌﻪ ﻋﺪﻟﺖ ﻣﻜﻴﺎﺟﻲ ﻭﺗﻌﻄﺮﺕ
بيج قصص عراقيه حقيقيه من واقعنا.روعه الطائي
ﺍﻣﻞ : ﺧﺮﺏ ﻳﻮﻣﺞ ﻃﻠﻌﺘﻲ ﺍﺣﻼ ﻣﻦ ﺫﻳﺞ ﺍﻣﺸﻲ ﻳﻠﻪ
ﺣﻴﺎﺓ : ﻫﻬﻬﻬﻪ ﺣﺘﻰ ﻳﻌﺮﻑ ﻣﻨﻮ ﺣﻴﺎﺓ .. ﻃﻠﻌﻨﺎ ﺭﺣﻨﺎ ﻟﻠﻬﻮﻝ ﻓﺘﺖ ﺷﻔﺘﻬﻢ ﻛﺎﻋﺪﻳﻦ ﺭﺣﺖ ﺳﻠﻤﺖ ﻋﻠﻴﻬﻢ ﻭﺧﺎﻟﺪ ﻭﺍﻧﻲ ﺍﺳﻠﻢ ﻋﻠﻴﻪ ﻫﻮ ﻣﻨﺰﻝ ﻋﻴﻨﻪ ﻣﻦ ﻋﻠﻴﻪ ﺑﺲ ﻣﺪﺭﺗﻠﻪ ﺑﺎﻝ ﻭﺣﺘﻰ ﻣﺒﺎﻭﻋﺖ ﻋﻠﻴﻪ ﺭﺣﺖ ﻛﻌﺪﺕ ﻋﻠﻰ ﺻﻔﺤﻪ ﺻﻴﺮ ﻭﺭﻩ ﺧﺎﻟﺪ ﻳﻌﻨﻲ ﺑﻌﺪ ﻣﻴﻜﺪﺭ ﻳﺒﺎﻉ ﻋﻠﻴﻪ ﺍﻻ ﻳﻠﻮﻑ ﻛﺮﺳﻲ ﻣﺎﻟﺘﻪ
ﻛﻌﺪﺕ ﺍﻡ ﻛﻤﺎﻝ ﺟﺎﻧﺖ ﺳﻮﻟﻒ ﻭﻳﻪ ﻋﻤﺘﻲ ﻭﺧﺎﻟﺪ ﺍﻳﺎﺕ ﻻﺯﻛﻪ ﺑﺲ ﺗﺴﻮﻟﻒ ﻭﻳﺎﻩ ﻭﺳﻮﺍﻟﻒ ﻛﻠﺶ ﺳﺨﻴﻔﻪ ﺍﻧﻲ ﻇﻠﻴﺖ ﻛﺎﻋﺪﻩ ﺍﺳﺘﻐﺮﺏ ﻣﻦ ﺗﺼﺮﻓﺎﺕ ﻫﺎﻱ ﺍﻟﺒﻨﻴﻪ ﻣﺎﻛﻮ ﻫﻴﺞ ﻟﺰﻛﻪ ﻭﻃﺒﻌﺎ ﺧﺎﻟﺪ ﻛﻠﺶ ﻣﺠﺎﻣﻞ ﻭﺍﻱ ﺗﺤﺠﻴﻪ ﺿﺤﻚ ﺷﻜﺪ ﻛﺮﻫﺘﻬﻢ
ﺧﺎﻟﺪ : ﻃﻠﻌﺖ ﻣﻦ ﺍﻟﻐﺮﻓﻪ ﻻﻥ ﺳﻤﻌﺖ ﺍﻟﺠﺮﺱ ﺍﻧﺪﻙ ﻃﻠﻌﺖ ﻭﺷﻔﺖ ﻋﻤﺘﻲ ﺟﺎﻳﻪ ﺭﺣﺖ ﺳﻠﻤﺖ ﻋﻠﻴﻬﻢ ﻭﺷﻮﻳﻪ ﻭﻓﺎﺗﺖ ﺣﻴﺎﺓ ﻻﺑﺴﻪ ﻻﺑﺲ ﻃﺎﻟﻌﻪ ﺑﻲ ﺍﺣﻼ ﻣﻦ ﺫﺍﻙ ﺍﻟﺠﺎﻧﺖ ﻻﺑﺴﺘﻪ ﻭﻧﻮﺏ ﻛﻠﺸﻲ ﺑﻴﻬﺎ ﻃﺎﻟﻊ ﺣﻠﻮ ﺷﺪﺕ ﺷﺎﻟﻬﺎ ﻣﺸﻴﺘﻬﺎ ﺣﺮﻛﺘﻬﺎ ﺭﺩﺕ ﺑﺲ ﺗﺒﺎﻉ ﻋﻠﻴﻪ ﺑﺲ ﻣﺸﺖ ﻛﻌﺪﺕ ﻭﺭﺍﻳﻪ ﺣﺴﻴﺘﻬﺎ ﺗﻘﺼﺪﺕ ﺗﻜﻌﺪ ﻭﺭﺍﻳﻪ ﺣﺘﻰ ﻣﺎﺑﺎﻭﻉ ﻋﻠﻴﻬﺎ
ﺷﻮﻳﻪ ﻭﺟﺘﻲ ﺍﻣﻞ ﺣﻴﺎﺓ ﺗﻌﺎﻟﻲ ﺍﺭﻳﺪﺝ
ﻛﻤﺖ ﻭﺗﻘﺼﺪﺕ ﺍﻣﺸﻲ ﻋﻠﻰ ﻛﻴﻔﻲ ﻣﻦ ﻛﺪﺍﻣﻪ ﻫﻴﺞ ﺍﺭﻳﺪ ﺍﺿﻮﺟﻪ ﺭﺣﺖ ﻟﻠﻤﻄﺒﺦ ﻛﻌﺪﻧﺎ ﻧﺤﻀﺮ ﺍﻟﻐﺪﻩ ﻭﺟﺘﻲ ﺑﻨﺎﺕ ﺍﻡ ﻛﻤﺎﻝ 2 ﻭﻛﻔﻦ ﻳﻌﺎﻭﻧﻮﻥ ﻭﻳﺎﻧﻪ ﺑﺲ ﺍﻳﺎﺕ ﺑﻘﺖ ﺑﺎﻟﻬﻮﻝ ﺍﻛﻴﺪ ﺟﺎﻧﺖ ﺳﻮﻟﻒ ﻭﻳﻪ ﺧﺎﻟﺪ ﻛﻤﻠﻨﺎ ﺍﻛﻞ ﻭﺍﺟﻪ ﻋﻠﻲ ﻭﺣﺴﻴﻦ ﻭﺍﺟﻪ ﻭﻳﺎﻫﻢ ﺣﻤﻴﺪ ﺍﺧﻮﻫﻢ ﺍﻟﻲ ﺑﺼﻒ ﺍﻟﺒﻴﺖ ﻛﺎﻋﺪ ﻓﺎﺗﻮ ﺳﻠﻤﻮ ﻭﺭﺍﺣﻮ ﻟﻠﻬﻮﻝ ﺍﻧﻲ ﺍﺧﺬﺕ ﺳﻔﺮﻩ ﻭﺭﺣﺖ ﻟﻠﻬﻮﻝ ﺍﻓﺮﺷﻬﺎ ﻧﺰﻟﺖ ﻟﻠﻜﺎﻉ ﺍﻓﺮﺷﻬﺎ ﺧﺎﻟﺪ ﺻﺎﺡ ﺍﻣﻞ ﺑﺼﻮﺕ ﻋﺎﻟﻲ
ﺍﺟﺘﻲ ﺍﻣﻞ ﺭﻛﺾ
ﺍﻣﻞ : ﻫﺎ ﺑﺎﺑﺎ
ﺧﺎﻟﺪ : ﺍﺧﺬﻱ ﻓﺮﺷﻲ ﺳﻔﺮﻩ ﺑﺪﺍﻝ ﺣﻴﺎﺓ
ﺍﻣﻞ : ﺍﺳﺘﻐﺮﺏ ﻣﻦ ﺍﺑﻮﻳﻪ ﺑﺲ ﻋﺎﺩﻱ ﺍﺧﺬﺗﻬﺎ ﻣﻨﻬﺎ ﻭﻛﺘﻠﻬﺎ ﺑﺼﻮﺕ ﻧﺎﺻﻲ ﺍﺑﻮﻳﻪ ﺣﻴﻜﻮﻡ ﻳﻬﺠﻢ ﻋﻠﻴﺞ
ﺣﻴﺎﺓ : ﺷﺒﻲ ﻣﻮ ﺍﻧﻲ ﻛﺎﻋﺪﻩ ﺍﻓﺮﺵ
ﺍﻣﻞ : ﻳﻠﻪ ﻣﻴﺨﺎﻟﻒ ﻳﺠﻮﺯ ﻣﻴﺮﻳﺪ ﺩﻧﺠﻴﻦ ﻭﻋﻤﺎﻣﻲ ﻛﺎﻋﺪﻳﻦ
ﺣﻴﺎﺓ : ﺭﺣﺖ ﻟﻠﻤﻄﺒﺦ ﺳﺎﺭﻩ ﺻﺐ ﺍﻻﻛﻞ ﻭﺍﻧﻲ ﺑﺪﻳﺖ ﺍﻧﻘﻞ ﺍﻟﻤﺎﻋﻴﻦ ﻟﻠﻬﻮﻝ ﻟﺤﺪ ﻣﻜﻤﻠﻨﺎ ﺍﻣﻞ ﺍﺧﺬﺕ ﺻﻴﻨﻴﻪ ﻣﺎﻝ ﺍﺑﻮﻫﺎ ﻭﺭﺍﺣﺖ ﻭﺭﺟﻌﺘﻬﺎ ﻟﻠﻤﻄﺒﺦ ﻛﺘﻠﻬﺎ ﺷﻮ ﺭﺟﻌﺘﻴﻬﺎ
ﺍﻣﻞ : ﺍﻱ ﺑﺎﺑﺎ ﻳﻜﻮﻝ ﺍﺗﻌﺐ ﻣﻦ ﺍﻛﻞ ﻋﺎﻟﻄﺒﻠﻪ ﻳﺮﻳﺪ ﻳﺎﻛﻞ ﻋﺎﻟﻤﻴﺰ
ﺣﻴﺎﺓ : ﺩﻭﻛﻔﻲ ﺧﻞ ﺍﻭﺧﺮ ﺫﻧﻲ ﺍﻟﻐﺮﺍﺽ ﻣﻨﺎ ﻭﺧﺮﺕ ﺍﻟﻐﺮﺍﺽ ﻭﺧﻠﻴﺘﻬﻦ ﻋﺎﻟﺴﻨﻚ ﻫﻲ ﺻﻔﻄﺖ ﺍﻻﻛﻞ ﻋﺎﻟﻤﻴﺰ ﺷﻮﻳﻪ ﻭﺍﺟﻪ ﺧﺎﻟﺪ ﻟﻠﻤﻄﺒﺦ ﻛﻠﻬﺎ ﻻﻣﻞ ﺭﻭﺣﻲ ﺍﻛﻠﻲ
ﺍﻧﻲ ﻇﻠﻴﺖ ﻭﺍﻛﻔﻪ ﻋﺎﻟﺴﻨﻚ ﺍﻏﺴﻞ ﺑﺎﻟﻐﺮﺍﺽ ﻻﻥ ﻫﻮﺍﻳﻪ ﺟﺎﻧﻦ ﻭﻧﺎﻃﻴﻪ ﻇﻬﺮﻱ ﺍﻟﻪ
ﺧﺎﻟﺪ : ﻣﺤﺘﺠﻴﻦ ﺗﺎﻛﻠﻴﻦ
ﺣﻴﺎﺓ : ﻟﺘﺎﻓﻴﺖ ﻋﻠﻴﻪ ﻛﺘﻠﻪ ﻣﺎﺷﺘﻬﻲ ﻭﺭﺟﻌﺖ ﻧﺪﺍﺭﻳﺖ ﺍﻛﻤﻞ ﻏﺴﻞ ﺟﺎﻥ ﺳﻤﻌﺖ ﺍﻟﺨﺎﺷﻮﻛﻪ ﺭﻛﻌﺖ ﺣﻴﻞ ﺑﺎﻟﻤﺎﻋﻮﻥ ﻟﺘﺎﻓﻴﺖ ﻟﻜﻴﺘﻪ ﺧﺎﺯﺭﻧﻲ
ﺧﺎﻟﺪ : ﺫﺑﻲ ﺍﻟﻲ ﺑﻴﺪﺝ ﻭﺗﻌﺎﻟﻲ ﺍﻛﻠﻲ
ﺣﺒﺎﺓ : ﺍﻭﻑ ﻳﺮﺑﻲ ﺑﺲ ﻳﺎﻣﺮ ﺑﻴﻪ ﻏﺴﻠﺖ ﺍﻳﺪﻱ ﻭﺭﺣﺖ ﺟﺮﻳﺖ ﺍﻟﻜﺮﺳﻲ ﻭﻛﻌﺪﺕ ﻭﻃﺒﻌﺎ ﻣﺮﻓﻌﺖ ﻋﻴﻨﻲ ﻋﻠﻴﻪ ﻇﻠﻴﺖ ﺑﺲ ﺍﺑﺎﻉ ﻋﺎﻻﻛﻞ ﻇﻠﻴﺖ ﺍﻏﻤﺲ ﺧﺒﺰ ﺑﺎﻟﻤﺮﻛﻪ ﻭﺍﻛﻞ ﻭﺍﺻﻼ ﺟﻨﺖ ﻣﺎﺷﺘﻬﻲ ﻣﻊ ﺍﻟﻌﻠﻢ ﻣﻤﺘﺮﻳﻜﻪ ﺑﺲ ﻳﻤﻜﻦ ﻻﻥ ﺣﺎﺭﻩ ﺟﺎﻧﺖ
ﺧﺎﻟﺪ : ﻟﻮ ﻇﺎﻟﻪ ﺑﺬﺍﻙ ﺍﻟﺜﻮﺏ ﺍﺣﺴﻦ
ﺣﻴﺎﺓ : ﻧﻌﻢ
ﺧﺎﻟﺪ : ﻣﺎﻋﺪﺝ ﻏﻴﺮ ﻫﺬﺍ ﺛﻮﺏ ﺗﻠﺒﺴﻴﻪ
ﺣﻴﺎﺓ : ﻟﻴﺶ ﺷﺒﻲ ﻃﻮﻳﻞ ﻭﺍﻳﺪﻱ ﻣﻀﻤﻮﻣﻪ ﻳﻌﻨﻲ ﺷﻠﺒﺲ ﺑﻌﺪ
ﺧﺎﻟﺪ : ﺗﻨﻬﺪ ﻭﻟﺞ ﺷﻮ ﻟﺴﺎﻧﺞ ﻃﻮﻻﻥ .
ﺣﻴﺎﺓ : ﻇﻠﻴﺖ ﺳﺎﻛﺘﻪ ﻻﻥ ﺑﺪﻳﺖ ﺍﺿﻮﺝ ﻣﻦ ﺗﺼﺮﻓﺎﺗﻪ
ﺧﺎﻟﺪ : ﺷﻮ ﺳﻜﺘﻲ ﻻﺯﻡ ﻣﻌﺠﺒﺞ ﻛﻼﻣﻲ
ﺣﻴﺎﺓ : ﺑﺎﻭﻋﺖ ﻋﻠﻴﻪ ﻛﺘﻠﻪ ﺗﺮﻳﺪﻱ ﺍﻏﻴﺮ ﺍﻟﺜﻮﺏ .. ﻫﺴﻪ ﺍﺭﻭﺡ ﺍﻏﻴﺮﻩ ﻭﺟﺮﻳﺖ ﺍﻟﻜﺮﺳﻲ ﻭﻛﻤﺖ ﺟﺎﻥ ﻳﻠﺰﻡ ﺍﻳﺪﻱ
ﺧﺎﻟﺪ : ﻭﻳﻦ
ﺣﻴﺎﺓ : ﺍﺭﻭﺡ ﺍﺑﺪﻝ ﻏﻴﺮ ﺷﻲ ﻣﻮ ﻣﻌﺎﺟﺒﻚ ﻫﺬﺍ
ﺧﺎﻟﺪ : ﺍﻱ ﻣﻌﺎﺟﺒﻨﻲ ﺑﺲ ﻛﻤﻠﻲ ﺍﻛﻠﺞ ﻭﺭﺣﻲ ﻏﻴﺮﻳﻪ ﺑﻌﺪﻳﻦ
ﺣﻴﺎﺓ : ﻧﺴﺪﺕ ﻧﻔﺴﻲ ﻣﺎﺭﻳﺪ ﺑﻌﺪ ﻭﻋﻔﺘﻪ ﻭﺭﺣﺖ ﻟﻠﻐﺮﻓﻪ ﺳﺪﻳﺖ ﺍﻟﺒﺎﺏ ﻭﺭﺣﺖ ﻟﻠﻜﻨﺘﻮﺭ ﻓﺘﺤﺘﻪ ﻃﻠﻌﺖ ﺩﺷﺪﺍﺷﻪ ﻋﺎﺩﻳﻪ ﺟﺎﻥ ﻳﻔﻮﺕ ﻋﻠﻴﻪ ﺣﺘﻰ ﻣﺪﻙ ﺍﻟﺒﺎﺏ
ﺧﺎﻟﺪ : ﻛﻠﺶ ﻋﺼﺒﺖ ﻣﻦ ﺗﺼﺮﻓﻬﺎ ﻭﺭﺩﺕ ﺍﻟﺰﻣﻬﺎ ﺍﻛﺴﺮﻫﺎ ﺗﻜﺴﺮ ﺷﻨﻮ ﻫﺎﻟﻠﺴﺎﻥ ﺍﻟﺼﺎﻳﺮ ﻋﺪﻫﺎ ﺍﻧﻲ ﻧﻄﻴﺘﻬﺎ ﻣﺠﺎﻝ ﻫﻮﺍﻱ ﺭﺣﺖ ﻟﻠﻐﺮﻓﻪ ﻭﺭﺍﻫﺎ ﺩﻓﻌﺖ ﺍﻟﺒﺎﺏ ﺷﻔﺘﻬﺎ ﻣﻄﻠﻌﻪ ﻫﺪﻭﻡ ﻳﻤﻜﻦ ﺗﺮﻳﺪ ﺗﺒﺪﻝ ﻇﻠﺖ ﺗﺒﺎﻉ ﻋﻠﻴﻪ
ﺣﻴﺎﺓ : ﺩﺧﻞ ﻋﻠﻴﻪ ﻭﺣﻮﺍﺟﺒﻪ ﻋﺎﻗﺪﻫﻦ ﻭﻣﺒﻴﻦ ﺻﺎﻳﺮ ﻋﺼﺒﻲ ﺍﻧﻲ ﺧﻔﺖ ﻣﻨﻪ ﺑﺲ ﻣﺒﻴﻨﻪ ﻫﺎﻟﺸﻲ ﻇﻠﻴﺖ ﻭﺍﻛﻔﻪ ﺍﺷﻮﻓﻪ ﺷﻴﺮﻳﺪ
ﺧﺎﻟﺪ : ﺷﻮﻓﻲ ﻣﺎﻋﻨﺪﻱ ﻣﺮﻩ ﻃﻮﻝ ﻟﺴﺎﻧﻬﺎ ﻋﻠﻴﻪ ﻭﺻﺎﺭ ﺟﻢ ﻣﺮﻩ ﻃﻮﻟﻲ ﻭﺍﻋﺪﻳﻬﺎ ﺑﻤﺰﺍﺟﻲ ﺑﺲ ﺍﻗﺴﻢ ﺑﺎﻟﻠﻪ ﺍﺫﺍ ﻃﻮﻟﺘﻲ ﻟﺴﺎﻧﺞ ﻣﺮﻩ ﻟﺦ ﻣﺘﻠﻮﻣﻴﻦ ﺍﻻ ﻧﻔﺴﺞ
ﺣﻴﺎﺓ : ﺍﻧﻲ ﻣﺎﻛﺪﺭ ﺍﺫﺍ ﻣﺎﺣﺠﻲ .. ﻛﺘﻠﻪ ﺍﻧﻲ ﻣﻤﻄﻮﻟﻪ ﻟﺴﺎﻧﻲ ﻛﻠﺘﻠﻲ ﻣﻌﺠﺒﻨﻲ ﻫﺬﺍ ﺛﻮﺏ ﻛﻤﺖ ﺍﻏﻴﺮﻩ ﺷﻨﻮ ﺍﻟﺸﻲ ﺳﻮﻳﺘﻪ ﻏﻠﻂ
ﺧﺎﻟﺪ : ﺗﻘﺮﺑﺖ ﻣﻨﻬﺎ ﻭﻫﻲ ﺑﺪﺕ ﺗﺮﺟﻊ ﻋﺎﻟﻜﻨﺘﻮﺭ ﻛﺘﻠﻬﺎ ﺑﺎﻋﻲ ﺣﻤﺪﻱ ﺍﻟﻠﻪ ﻋﺪﻧﺎ ﺧﻄﺎﺭ ﺑﺮﻩ ﻟﺠﺎﻥ ﻛﺴﺮﺕ ﺭﺍﺳﺞ
ﺣﻴﺎﺓ : ﻇﻠﻴﺖ ﺍﺑﺎﻉ ﻋﻠﻴﻪ ﻭﺍﻧﻲ ﺧﺎﻳﻔﻪ ﻣﻨﻪ ﻇﻠﻴﺖ ﺑﺲ ﺍﺑﻠﻊ ﺑﺮﻳﻜﻲ ﻭﺧﺮﺕ ﻣﻨﻪ ﺍﺭﻭﺡ ﻟﻠﺤﻤﺎﻡ ﻟﺰﻡ ﺍﻳﺪﻱ ﺑﺲ ﺭﺍﺩﺕ ﺗﻨﻜﺴﺮ ﺑﻴﺪﻩ ﺑﺲ ﻣﻜﻠﺖ ﺷﻲ ﺣﺘﻰ ﻣﺼﺤﺖ ﻣﻦ ﺍﻟﻮﺟﻊ ﻇﻠﻴﺖ ﺍﺑﺎﻉ ﻋﻠﻴﻪ ﻻﻥ ﺍﺣﺴﻪ ﺩﻳﺘﻘﺼﺪ ﻳﺎﺫﻳﻨﻲ ﺑﺲ ﺍﻧﻲ ﺳﻮﻳﺖ ﻧﻔﺴﻲ ﻣﻤﺘﺎﺫﺍﻳﻪ ﻭﺍﻧﻲ ﺑﻜﻠﺒﻲ ﺍﺻﺮﺥ ﻣﻦ ﺍﻟﻌﺼﺮﻩ ﻣﺎﻝ ﺍﻳﺪﻩ
ﺧﺎﻟﺪ : ﻣﺎﻋﺮﻑ ﻟﻴﺶ ﺗﺼﺮﻓﺎﺗﻬﺎ ﺗﻨﺮﻓﺰﻧﻲ ﻭﺗﺨﻠﻴﻨﻲ ﺍﻓﻘﺪ ﺍﻋﺼﺎﺑﻲ ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﻋﺼﺮﺗﻬﺎ ﻭﺭﺩﺕ ﺍﺫﻳﻬﺎ ﺣﺘﻰ ﺑﻌﺪ ﻣﻄﻮﻝ ﻟﺴﺎﻧﻬﺎ ﺑﺲ ﻫﻲ ﻇﻠﺖ ﺗﺒﺎﻉ ﻋﻠﻴﻪ ﻭﻻ ﺟﻨﻲ ﺩﺍﻋﺼﺮ ﺑﻴﺪﻫﺎ
ﻛﺘﻠﻬﺎ ﺑﻌﺪﻧﻲ ﻣﻤﻜﻤﻞ ﻛﻼﻣﻲ ﻭﻳﺎﺝ ﺣﺘﻰ ﺗﻌﻮﻓﻴﻨﻲ ﻭﺗﺮﻭﺣﻴﻦ ﻣﻦ ﺍﻛﻤﻞ ﻋﻮﺩ ﻭﻟﻲ
ﺣﻴﺎﺓ : ﻇﻠﻴﺖ ﻭﺍﻛﻔﻪ ﺍﺑﺎﻉ ﻋﻠﻴﻪ ﻟﻴﺶ ﻫﻴﺞ ﺩﻳﺘﺼﺮﻑ ﺣﻴﺨﺒﻠﻨﻲ ﻭﺍﻟﻠﻪ
ﺧﺎﻟﺪ : ﻫﺪﻳﺖ ﺍﻳﺪﻫﺎ ﺑﺪﻓﻌﻪ ﻛﺘﻠﻬﺎ ﻭﻟﻲ ﻣﻦ ﻛﺪﺍﻣﻲ ﻫﻲ ﺭﺍﺣﺖ ﺩﺧﻠﺖ ﻟﻠﺤﻤﺎﻡ
ﺣﻴﺎﺓ : ﺩﺧﻠﺖ ﻟﻠﺤﻤﺎﻡ ﻭﺍﻧﻲ ﻛﺎﺗﻤﻪ ﺍﻟﺒﺠﻴﻪ ﺑﺎﻟﻜﻮﻩ ﺑﺲ ﺩﺧﻠﺖ ﻟﻠﺤﻤﺎﻡ ﻧﺰﻟﺖ ﺩﻣﻮﻋﻲ ﻭﻛﻤﺖ ﺍﺑﺠﻲ ﺑﺪﻭﻥ ﺻﻮﺕ ﺣﺘﻰ ﻟﻴﺴﻤﻌﻨﻲ ﺩﺍﺑﺠﻲ ﻭﻳﺤﺲ ﻧﻔﺴﻪ ﻛﺪﺭ ﻳﻘﻬﺮﻧﻲ ﻭﺭﺍﻫﺎ ﻛﻠﺖ ﻣﻮ ﻫﻮ ﺍﻟﻲ ﻳﺴﻮﻱ ﺑﻴﻪ ﻫﻴﺞ ﻇﻠﻴﺖ ﺍﻧﻄﻲ ﺍﻋﺬﺍﺭ ﻻﻥ ﻫﻮﻣﺮﻳﺾ ﻭﺗﻌﺒﺎﺍﻥ ﻭﻛﻠﺖ ﺑﺲ ﻳﺼﻴﺮ ﺯﻳﻦ ﺍﻧﻲ ﻣﺎﺑﻘﻰ ﺑﻌﺪ ﻭﻳﺎﻩ ﻫﻮ ﻛﻠﻲ ﺍﺭﺟﻌﺞ ﻻﺑﻮﺝ ﺧﻠﺺ ﺧﻞ ﻳﺮﺟﻌﻨﻲ
بيج قصص عراقيه حقيقيه من واقعنا.روعه الطائي
ﻏﺴﻠﺖ ﻭﺟﻬﻲ ﻭﺑﺪﻟﺖ ﻣﻼﺑﺴﻲ ﻭﻃﻠﻌﺖ ﺷﻔﺘﻪ ﻣﺎﻛﻮ ﻟﻔﻴﺖ ﺷﺎﻟﻲ ﻭﻃﻠﻌﺖ ﻟﻠﻤﻄﺒﺦ ﻟﻜﻴﺖ ﺳﺎﺭﻩ ﻭﺍﻣﻞ ﺩﻳﻨﻘﻠﻮﻥ ﺑﺎﻟﻤﺎﻋﻴﻦ
ﺍﻣﻞ : ﻫﺎﻱ ﻟﻴﺶ ﺑﺪﻟﺘﻲ
ﺣﻴﺎﺓ : ﻣﻮ ﻛﻠﺖ ﺍﻏﺴﻞ ﺍﻟﻤﺎﻋﻴﻦ ﻭﺧﺎﻑ ﺗﺘﻮﺻﺦ
ﺍﻣﻞ : ﻫﺎ ﺷﺒﻲ ﻭﺟﻬﺞ ﺑﺎﺟﻴﻪ
ﺣﻴﺎﺓ : ﻻ ﻣﺎﺑﻴﻪ ﺷﻲ .. ﻋﻔﺘﻬﺎ ﻭﺭﺣﺖ ﻟﻠﺴﻨﻚ ﺑﺪﻳﺖ ﺍﻏﺴﻞ ﺍﻣﺎﻋﻴﻦ ﻭﺟﺘﻲ ﺍﻣﻞ ﺗﺴﺎﻋﺪﻧﻲ ﺍﻧﻲ ﺍﺟﻠﻒ ﻭﻫﻲ ﺗﻐﺴﻞ ﻟﺤﺪ ﻣﻜﻤﻠﻨﺎ ﻭﺳﺎﺭﻩ ﺻﺒﺖ ﺟﺎﻱ ﻭﺭﺍﺣﺖ ﻭﺩﺗﻪ ﺍﻟﻬﻢ ﻛﻤﻠﻨﺎ ﺍﻣﺎﻋﻴﻦ ﻭﺭﺗﺒﻨﺎ ﺍﻟﻤﻄﺒﺦ ﻭﻋﺪﻟﻨﺎ ﻭﺭﺣﻨﺎ ﺍﻧﻲ ﻭﺍﻣﻞ ﻛﻌﺪﻧﺎ ﺑﺎﻟﻬﻮﻝ ﺟﺎﻥ ﺧﺎﻟﺪ ﻣﺎﻛﻮ
ﻇﻠﻴﺖ ﻛﺎﻋﺪﻩ ﺍﺟﺘﻲ ﺳﺎﺭﻩ ﻛﺎﻟﺖ ﺍﻣﻞ ﺍﺑﻮﺝ ﻳﺮﻳﺪﺝ
ﺍﻣﻞ : ﺭﺣﺖ ﻋﻠﻰ ﺍﺑﻮﻩ ﺟﺎﻥ ﺑﺎﻟﻐﺮﻓﻪ ﻭﺩﻳﺪﺧﻦ ﻛﺘﻠﻪ ﻫﺎ ﺑﺎﺑﺎ ﺻﺤﺘﻨﻲ
ﺧﺎﻟﺪ : ﺍﻱ ﺗﻌﺎﻟﻲ ﻃﻠﻌﻴﻠﻲ ﻫﺪﻭﻡ ﺩﺍﻃﻠﻊ
ﺍﻣﻞ : ﺍﺳﺘﻐﺮﺑﺖ ﺍﺑﻮﻳﻪ ﺻﺎﻟﻪ ﻓﺘﺮﻩ ﻣﻴﻄﻠﺐ ﺷﻲ ﻣﻨﻲ ﺣﺘﻰ ﻣﺎﻱ ﻳﺼﻴﺢ ﺣﻴﺎﺓ ﺟﻴﺒﻪ ﻃﺨﺖ ﺑﻌﻘﻠﻲ ﻣﻦ ﺷﻔﺖ ﺣﻴﺎﺓ ﻭﺟﻬﻪ ﻋﺒﺎﻟﻚ ﺑﺎﺟﻴﻪ ﻋﺮﻓﺖ ﻭﻛﺘﻬﺎ ﻣﺘﻌﺎﺭﻛﻴﻦ ﻃﻠﻌﺖ ﻫﺪﻭﻣﻪ ﻭﺣﻀﺮﺗﻬﻦ ﻭﻃﻠﻌﺖ
ﺭﺟﻌﺖ ﻟﻠﻬﻮﻝ ﻛﻌﺪﺕ ﻳﻢ ﺣﻴﺎﺓ ﻛﺘﻠﻬﺎ ﻣﺘﻌﺎﺭﻛﻴﻦ ﺍﻧﺘﻲ ﻭﺍﺑﻮﻳﻪ
ﺣﻴﺎﺓ : ﺗﻨﻬﺪﺕ ﻭﻛﺘﻠﻬﺎ ﻛﺎﻟﻌﺎﺩﻩ
ﺍﻣﻞ : ﺷﻜﻮ ﺻﺎﻳﺮ ﺍﻟﻴﻮﻡ
ﺣﻴﺎﺓ : ﺳﺪﻱ ﺍﻟﻤﻮﺿﻮﻉ ﻻﻥ ﻫﺴﻪ ﺍﻛﻮﻡ ﺍﺑﺠﻲ ﺑﻜﻮﻩ ﻻﺯﻣﻪ ﺩﻣﻮﻋﻲ
ﺍﻣﻞ : ﻳﻠﻪ ﻛﺎﻓﻲ ﺑﻌﺪ ﻣﺎﺣﺠﻲ
ﺣﻴﺎﺓ : ﺍﺟﻪ ﺧﺎﻟﺪ ﻣﺒﺪﻝ ﻭﻛﺎﺷﺦ ﻭﻛﺎﻝ ﻋﻤﺘﻲ ﺍﻧﻲ ﺍﺗﺮﺧﺺ ﻋﻨﺪﻱ ﻛﻌﺪﻩ ﻻﺯﻡ ﺍﺭﻭﺡ ﻋﻤﺘﻪ ﻛﻠﺘﻠﻪ ﺭﻭﺣﻲ ﺣﺒﻴﺒﻲ ﺑﺴﻼﻣﻪ
ﻃﻠﻌﻮ ﻫﻮ ﻭﻋﻠﻲ ﻭﺣﻤﻴﺪ ﻭﻇﻠﻮ ﺑﻴﺖ ﺍﻡ ﻛﻤﺎﻝ ﻭﺭﻩ ﺧﺎﻟﺪ ﺑﺸﻮﻳﻪ ﺍﻳﺎﺕ ﻛﺎﻟﺖ ﻻﻣﻬﺎ ﻳﻠﻪ ﺧﻞ ﺭﻭﺡ
ﺷﺎﻭﺭﺗﻨﻲ ﺍﻣﻞ : ﺑﺎﻋﻲ ﺧﻠﺼﺖ ﻣﺼﻠﺤﺘﻬﺎ
ﺣﻴﺎﺓ : ﻭﺍﻟﻠﻪ ﻟﻮ ﺍﺑﻮﺝ ﻳﺎﺧﺬﻫﺎ ﺗﻔﻴﺪﻩ ﻫﻴﺞ ﻣﺮﻩ
ﺍﻣﻞ : ﻳﻤﻪ ﺍﺳﻢ ﺍﻟﻠﻪ ﺍﻟﻠﻪ ﻻﻳﻜﻮﻟﻬﺎﺍ ﻏﻴﺮ ﺍﻧﺠﻠﻂ
ﺷﻮﻳﻪ ﻭﻃﻠﻌﻮ ﺍﻡ ﻛﻤﺎﻝ ﻭﺑﻨﺎﺗﻬﺎ ﺣﺴﻴﻦ ﺭﺍﺡ ﻳﻮﺻﻠﻬﻢ ﻭﺍﻧﻲ ﻭﺍﻣﻞ ﻋﺪﻟﻨﺎ ﺍﻟﻬﻮﻝ ﻭﺭﺍﻫﺎ ﺭﺣﺖ ﻟﻠﻐﺮﻓﻪ ﻛﻠﺖ ﺧﻞ ﺍﻓﺮﺵ ﺑﻌﺪﻳﻦ ﻛﻠﺖ ﺩﺧﻞ ﺍﻣﺪﺩ ﻋﺎﻟﺠﺮﺑﺎﻳﻪ ﻫﻮ ﻣﻤﻮﺟﻮﺩ ﻫﺴﻪ
ﻣﺪﺩﺕ ﻋﺠﺮﺑﺎﻳﻪ ﻣﺤﺴﻴﺖ ﺑﻌﺪ ﺑﺎﻟﻌﺎﻟﻢ ﻏﻔﻴﺖ
ﺧﺎﻟﺪ : ﺭﺣﺖ ﻭﻳﻪ ﺍﻟﻮﻟﺪ ﺟﺎﻥ ﺍﻛﻮ ﻛﻌﺪﻩ ﻣﺎﻝ ﻓﺼﻞ ﺍﻧﻲ ﺑﻌﺪ ﺍﻟﺤﺎﺩﺙ ﺳﻠﻤﺖ ﻛﻠﺸﻲ ﻟﻌﻠﻲ ﺑﻴﻦ ﻣﺎﺻﻴﺮ ﺯﻳﻦ ﺑﺲ ﻫﺎﻟﻤﺮﻩ ﺟﺎﻥ ﻻﺯﻡ ﺍﺭﻭﺡ ﻻﻥ ﻋﻠﻲ ﻣﺎﻛﺎﺩﺭ ﻳﺤﻞ ﺍﻟﺴﺎﻟﻔﻪ ﻭﺍﻟﻠﻪ ﺍﻟﻜﺎﻋﺪﻳﻦ ﻛﻠﻬﺎ ﺍﺳﺘﻘﺒﻠﺘﻨﻲ ﻭﻣﻤﺼﺪﻛﻴﻦ ﺍﻧﻲ ﺟﺎﻳﻬﻢ ﻛﻌﺪﺕ ﺍﺣﺠﻲ ﻭﻳﺎﻫﻢ ﻣﻨﺎ ﻛﻠﻤﻪ ﻭﻣﻨﺎ ﻛﻠﻤﻪ ﻟﺤﺪ ﻣﻔﻀﻴﺘﻬﺎ ﺑﺸﻠﻌﺎﻥ ﺍﻟﻜﻠﺐ ﻭﺭﺍﻩ ﻛﺘﻠﻬﻢ ﻳﻠﻪ ﺍﻧﻲ ﺍﺗﺮﺧﺺ ﻣﺎﻗﺒﻠﻮ ﺍﻃﻠﻊ ﺍﻻ ﺍﺗﻌﺸﻪ ﺑﺎﻟﻜﻮﻩ ﺧﻠﻮﻧﻲ ﺍﺭﻭﺡ ﻛﺘﻠﻬﻢ ﻋﻨﺪﻱ ﻋﻼﺝ ﻻﺯﻡ ﺍﺧﺬﻩ ﻭﺭﺟﻌﻨﺎ ﻗﺒﻞ ﻣﻨﻮﺻﻞ ﺍﻟﺒﻴﺖ ﻛﺘﻠﻪ ﻟﻌﻠﻲ ﺍﻭﻛﻒ ﻳﻢ ﺍﻻﺳﻮﺍﻕ ﻫﺎﻱ ﻭﺗﻌﺎﻝ ﻧﺰﻟﻨﻲ
ﻋﻠﻲ : ﻟﻴﺶ ﺧﻮﻳﻲ ﻛﻠﻲ ﺷﺘﺮﻳﺪ ﺍﻧﻲ ﺍﺟﻴﺒﻪ ﺍﻟﻚ
ﺧﺎﻟﺪ : ﻻ ﺧﻞ ﺍﻧﻲ ﺍﻧﺰﻝ ﻋﺎﺟﺒﻨﻲ ﺟﻢ ﺷﻐﻠﻪ ﺍﺧﺬﻫﺎ ﻻﻣﻞ ﺻﺎﺭ ﻫﻮﺍﻱ ﻣﻤﺎﺧﺬﻟﻬﺎ
ﻧﺰﻟﻨﻲ ﻋﻠﻲ ﻭﺩﺧﻠﺖ ﻟﻼﺳﻮﺍﻕ ﺍﺟﻪ ﺍﺑﻮ ﺍﻻﺳﻮﺍﻕ ﻳﺴﻠﻢ ﻋﻠﻴﻪ ﻭﻣﻤﺼﺪﻙ ﻻﻥ ﺻﺎﺭ ﻓﺘﺮﻩ ﻣﺪﺍﺧﻠﻪ ﺍﻟﻤﻬﻢ ﺍﺧﺬﺕ ﺟﻢ ﺷﻐﻠﻪ ﻻﻣﻞ ﻭﻟﺤﻴﺎﺓ ﻭﺭﺟﻌﻨﺎ ﻟﻠﺒﻴﺖ ﻃﺒﻴﺖ ﻟﻜﻴﺖ ﺍﻟﺒﻴﺖ ﻫﺪﻭﺀ ﺍﻣﻲ ﻛﺎﻋﺪﻩ ﺗﻘﺮﺍ ﻗﺮﺍﻥ ﺩﺧﻠﺖ ﻋﻠﻴﻪ ﺻﺪﻗﺖ
بيج قصص عراقيه حقيقيه من واقعنا.روعه الطائي
ﺧﺎﻟﺔ : ﻫﻼ ﻳﻤﻪ ﺷﻮ ﺗﺎﺧﺮﺕ
ﺧﺎﻟﺪ : ﻭﺍﻟﻠﻪ ﻳﻤﻪ ﺑﺎﻟﻜﻮﻩ ﻓﻀﻴﻨﺎﻫﺎ
ﺧﺎﻟﺔ : ﺟﺎ ﺷﻤﺎﻟﻬﻢ ﺫﻭﻟﻪ ﻳﻮﻣﻴﺎ ﻣﺴﻮﻳﻦ ﻃﻼﺑﻪ ﻟﻮﺍﺣﺪ
ﺧﺎﻟﺪ : ﻻ ﺳﺎﻟﻔﻪ ﻫﺎﻟﻤﺮﻩ ﻣﻮ ﻫﻴﻨﻪ ﺟﺎﻳﺪﺍ ﺑﺲ ﺭﺑﺞ ﺣﻠﻬﺎ .. ﻭﻳﻦ ﺍﻟﺒﻨﺎﺕ ﻣﺎﻛﻮ ﺣﺴﻬﻢ
ﺧﺎﻟﺔ : ﻭﺍﻟﻠﻪ ﻳﻤﻪ ﺍﻣﻞ ﺑﻐﺮﻓﺘﻬﺎ ﺻﻌﺪﺕ ﻭﺣﻴﺎﺓ ﻣﻦ ﺍﻟﻌﺼﺮ ﺑﺎﻟﻐﺮﻓﺘﻬﺎ ﻣﺎﻃﻠﻌﺖ ﺟﻨﻬﺎ ﻧﺎﻳﻤﻪ
ﺧﺎﻟﺪ : ﻳﻠﻪ ﻳﻤﻪ ﺍﺭﻭﺡ ﺍﻧﺰﻉ ﺍﻧﻪ
ﺭﺣﺖ ﻟﻠﻐﺮﻓﻪ ﺩﺧﻠﺖ ﻇﻠﻤﻪ ﺟﺎﻧﺖ ﻓﺘﺤﺖ ﺿﻮﻩ ﺍﺷﻮﻑ ﺣﻴﺎﺓ ﻧﺎﻳﻤﻪ ﻋﺎﻟﺠﺮﺑﺎﻳﻪ ﻣﺘﻌﻜﻔﻪ ﻣﻤﺘﻐﻄﺎﻳﻪ ﺭﺣﺖ ﻳﻤﻬﺎ ﻓﺘﺤﺖ ﺍﻟﻐﻄﻪ ﻭﻏﻄﻴﺘﻬﺎ ﻭﻇﻠﻴﺖ ﺍﺑﺎﻉ ﻋﻠﻴﻪ ﻳﺎﺭﺑﻲ ﺷﻮﻥ ﻭﺟﻬﻪ ﺑﺮﻳﺊ ﻋﺪﻫﺎ ﻣﺎﻋﺮﻑ ﺷﻮﻥ ﻋﺼﺮﺕ ﺍﻳﺪﻫﺎ ﺣﺴﻴﺘﻬﺎ ﺗﺎﻟﻤﺖ ﺑﺲ ﻣﺤﺠﺖ ﺷﻲ
ﻇﻠﻴﺖ ﺻﺎﻓﻦ ﻋﻠﻴﻬﺎ ﺑﻌﺪﻳﻦ ﺩﻙ ﺗﻠﻴﻔﻮﻥ ﺑﺴﺮﻋﻪ ﻃﻠﻌﺘﻪ ﻣﻦ ﺟﻴﺒﻲ ﺍﺭﻳﺪ ﺍﺳﺪﻩ ﻗﺒﻞ ﻣﺘﻜﻌﺪ
ﺣﻴﺎﺓ : ﺣﺴﻴﺖ ﻋﻠﻰ ﺻﻮﺕ ﻣﻮﺑﺎﻳﻞ ﻓﺘﺤﺖ ﻋﻴﻮﻧﻲ ﻋﺒﺎﻟﻲ ﺗﻠﻴﻔﻮﻧﻲ ﻭﺍﻧﻲ ﺑﻴﻦ ﺍﻟﻨﺎﻳﻤﻪ ﻭﺑﻴﻦ ﺍﻟﻜﺎﻋﺪﻩ ﻣﻄﻴﺖ ﻧﻔﺴﻲ ﻭﺣﺠﻴﺖ ﺍﻭﻭ ﻣﺎﺭﻳﺪ ﺍﻛﻮﻡ ﺳﻤﻌﺖ ﺻﻮﺕ ﻳﺤﺠﻲ
ﻟﺪﻛﻮﻣﻴﻦ ﻇﻠﻲ ﻧﺎﻳﻤﻪ ﺍﻧﻲ ﻓﺰﻳﺖ ﻣﻦ ﻧﻮﻣﻲ ﻭﺑﺎﻭﻋﺖ ﻟﻜﻴﺘﻪ ﺧﺎﻟﺪ ﻇﻠﻴﺖ ﻣﺎﻋﺮﻑ ﺷﺤﺠﻲ ﺑﺲ ﺣﺎﻭﻟﺖ ﺭﻛﺾ ﺍﻭﺧﺮ ﺍﻟﻐﻄﻪ ﻭﺍﻛﻮﻡ ﺑﺲ ﻫﻮ ﻛﻠﻲ
ﺧﺎﻟﺪ : ﺷﺒﻴﺞ ﺑﻮﻳﻪ ﺷﻔﺘﻲ ﻋﻔﺮﻳﺖ ﻛﻤﺰﺗﻲ
ﺣﻴﺎﺓ : ﻛﻤﺖ ﻭﺍﻧﻲ ﺍﻋﺪﻝ ﺑﻨﻔﺴﻲ ﻭﺍﻧﺰﻝ ﺑﺪﺷﺪﺍﺷﺘﻲ ﻭﺍﺩﻭﺭ ﻋﻠﻰ ﺷﺎﻟﻲ ﺑﺲ ﻣﺎﻋﺮﻑ ﻭﻳﻨﻪ ﻳﻤﻜﻦ ﺟﺮﻩ ﺍﻟﻐﻄﻪ ﺻﺎﺭ
ﺧﺎﻟﺪ : ﻫﺪﻱ ﻫﺪﻱ ﺗﺮﻯ ﻣﺤﺴﻮﻳﻠﺞ ﺷﻲ
ﺣﻴﺎﺓ : ﺍﻧﻲ ﻣﺎﺩﺭﻱ ﺷﻮﻥ ﻧﻤﺖ ﻭ ... ﻗﺎﻃﻌﻨﻲ
ﺧﺎﻟﺪ : ﺍﻱ ﻧﻮﻡ ﺍﻟﻌﺮﺍﻓﻲ . ﻇﻠﺖ ﻫﻲ ﻭﺍﻛﻔﻪ ﻻﻥ ﻣﺘﻜﺪﺭ ﺗﻄﻠﻊ ﻛﺮﺳﻲ ﺳﺎﺩ ﺍﻟﻄﺮﻳﻖ ﻛﺘﻠﻬﺎ ﻫﺎﻱ ﺍﻟﺞ
ﺣﻴﺎﺓ : ﻇﻠﻴﺖ ﻣﺴﺘﺤﻴﻪ ﻣﻨﻪ ﻫﺴﻪ ﺷﻴﻜﻮﻝ ﻋﻠﻴﻪ ﻧﺎﻳﻤﻪ ﺑﻤﻜﺎﻧﻪ ﻭﺣﺎﻭﻟﺖ ﺍﻃﻠﻊ ﺑﺲ ﻛﺮﺳﻲ ﻣﻨﻌﻨﻲ ﻣﻜﺪﺭﺕ ﻭﺗﻔﺎﺟﺌﺖ ﺑﻲ ﻣﺪ ﻋﻼﻛﻪ ﻛﻠﻲ ﻫﺎﻱ ﺍﻟﺞ
ﻛﺘﻠﻬﺎ ﺷﻨﻮ ﻫﺎﻱ ﻛﻠﻲ ﻣﺮﻳﺖ ﻟﻼﺳﻮﺍﻕ ﻭﺟﺒﺖ ﺟﻢ ﺷﻐﻠﻪ ﺍﻟﺞ ﻭﻻﻣﻞ
ﻛﺘﻠﻪ ﻻﺷﻜﺮﺍ ﻣﺎﺭﻳﺪ ﺷﻲ
ﺧﺎﻟﺪ : ﺩﺍﻛﻠﺞ ﺍﺧﺬﻱ ﺷﻨﻮ ﻣﺎﺭﻳﺪ
ﺣﻴﺎﺓ : ﺍﺧﺬﺕ ﺍﻟﻌﻼﻛﻪ ﻣﻨﻪ ﻭﺍﻧﻲ ﺍﺣﺎﻭﻝ ﻣﺎﺑﻴﻦ ﺍﻻﺑﺘﺴﺎﻣﻪ ﻛﺘﻠﻪ ﺷﻜﺮﺍ
ﺧﺎﻟﺪ : ﻣﺮﻩ ﺛﺎﻧﻴﻪ ﺗﺎﺧﺬﻳﻬﺎ ﻣﻦ ﺍﻭﻝ ﻛﻠﻤﻪ
ﺣﻴﺎﺓ : ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ ﻫﺰﻳﺖ ﺭﺍﺳﻲ ﺍﻱ
ﺧﺎﻟﺪ : ﺑﺲ ﺗﺮﻯ ﻣﻴﺖ ﺟﻮﻉ ﺟﻨﺎ ﻣﺎﻛﻮ ﻋﺸﻪ
ﺣﻴﺎﺓ : ﻧﺘﺒﻬﺖ ﻋﺎﻟﺴﺎﻋﻪ ﺑﺘﺴﻌﻪ ﻋﺰﻩ ﻛﻞ ﻫﺎﻟﻮﻗﺖ ﻧﺎﻳﻤﻪ ﺍﻭﻳﻠﻲ ﺷﻮﻥ ﺣﻨﺎﻡ ﺑﺎﻟﻠﻴﻞ ﻛﺘﻠﻪ ﻫﺴﻪ ﺍﺭﻭﺡ ﺍﺳﻮﻱ ﻫﻮ ﺑﻌﺪ ﻛﺮﺳﻲ ﻭﺳﻮﺍﻟﻲ ﻣﺠﺎﻝ ﺍﻧﻲ ﺭﻛﺾ ﺍﺭﻳﺪ ﺍﻃﻠﻊ ﻣﻦ ﺍﻟﻐﺮﻑ ﺻﺎﺍﺡ
ﺧﺎﻟﺪ : ﻭﻳﻦ
ﺣﻴﺎﺓ : ﺍﺭﻭﺡ ﺍﺳﻮﻱ ﻋﺸﻪ
ﺧﺎﻟﺪ : ﺑﻮﻳﻪ ﺧﻠﻲ ﺷﻲ ﻋﻠﻰ ﺭﺍﺳﺞ ﺍﻟﻮﻟﺪ ﺑﺮﻩ ﻛﺎﻋﺪﻳﻦ
ﺣﻴﺎﺓ : ﻋﺰﻩ ﺫﻛﺮﺕ ﺍﻧﻲ ﺑﺪﻭﻥ ﺣﺠﺎﺏ ﺭﺣﺖ ﻟﻠﻜﻨﺘﻮﺭ ﻃﻠﻌﺖ ﺣﺠﺎﺏ ﻭﻟﺒﺴﺘﻪ ﻭﻃﻠﻌﺖ ﻟﻠﻤﻄﺒﺦ ﻟﻜﻴﺖ ﻣﺎﻛﻮ ﺍﺣﺪ ﻃﻠﻌﺖ ﻟﺤﻢ ﻣﺴﻠﻮﻙ ﺑﺜﻼﺟﻪ ﻛﻠﺖ ﺍﺳﻮﻱ ﻣﺜﻞ ﺗﻜﻪ ﺑﺎﻟﻔﺮﻥ ﻭﻛﺸﺮﺕ ﺑﺘﻴﺘﻪ ﺍﻛﻠﻴﻪ ﻭﻃﻠﻌﺖ ﻛﺒﻪ ﻫﻢ ﻭﺯﻻﻃﻪ ﻭﻭﻛﻤﻠﺖ ﻛﻠﺸﻲ ﺩﺧﻞ ﺧﺎﻟﺪ ﻋﻠﻴﻪ
ﺧﺎﻟﺪ : ﻧﺰﻋﺖ ﻫﺪﻭﻣﻲ ﺭﺣﺖ ﻏﺴﻠﺖ ﻭﺭﺣﺖ ﻳﻢ ﺍﻟﻮﻟﺪ ﺑﺎﻟﻬﻮﻝ ﻇﻠﻴﻨﺎ ﻧﺤﺠﻲ ﻭﻧﺴﻮﻟﻒ ﺑﻌﺪﻳﻦ ﺣﺴﻴﺖ ﺑﻄﻨﻲ ﻃﻠﻊ ﺍﺻﻮﺍﺕ ﻣﻦ ﺟﻮﻉ ﺭﺣﺖ ﻟﻠﻤﻄﺒﺦ ﺍﺷﻮﻑ ﺍﻟﻌﺸﻪ ﺻﺎﺭ ﻣﻨﻪ ﻟﻜﻴﺖ ﺣﻴﺎﻩ ﻣﺪﻧﺠﻪ ﻋﺎﻟﻔﺮﻥ ﻛﺘﻠﻪ ﻫﺎﺑﻮﻳﻪ ﻣﻜﻤﻞ ﺍﻟﻌﺸﻪ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻻ ﻛﻤﻞ ﺑﺲ ﺧﻤﺲ ﺩﻗﺎﻳﻖ ﺑﺲ ﺍﺣﻀﺮ ﺍﻟﻤﻴﺰ
ﺧﺎﻟﺪ : ﺩﻧﻄﻴﻨﻲ ﺗﺼﺒﻴﺮﻩ ﻣﻮ ﺑﻄﻨﻲ ﺧﻮﺕ
ﺣﻴﺎﺓ : ﻃﻠﻌﺖ ﻧﺺ ﺻﻤﻮﻥ ﺧﻠﻴﺖ ﺑﻴﻬﺎ ﺗﻜﻪ ﻭﺑﺘﻴﺘﻪ ﻭﺧﻠﻴﺖ ﺯﻻﻃﻪ ﺑﻴﻬﺎ ﻭﺭﺣﺖ ﻛﺘﻠﻪ ﺍﻛﻞ ﻫﺎﻱ ﺑﻴﻦ ﻣﻴﺼﻴﺮ ﺍﻻﻛﻞ
ﺧﺎﻟﺪ : ﺟﺎﺑﺘﻠﻲ ﻧﺺ ﻟﻔﻪ ﺣﺴﺴﺘﻨﻲ ﺍﻧﻲ ﻃﻔﻞ ﻭﺩﺗﺮﺍﺿﻴﻨﻲ ﻛﺘﻠﻬﺎ ﻳﻌﻨﻲ ﻛﻞ ﻫﺎﻟﺠﺴﻢ ﻫﺎﻱ ﺗﺼﺒﻴﺮﺗﻪ
ﺣﻴﺎﺓ : ﻫﻬﻬﻬﻬﻪ ﺷﺴﻮﻱ ﻣﻮ ﻛﻤﻞ ﺍﻻﻛﻞ ﺑﺲ ﺧﻞ ﺍﺟﻬﺰ ﺍﻟﻤﻴﺰ
ﺧﺎﻟﺪ : ﻣﺎﺷﻲ ﻳﺎﺑﻪ ﺟﻴﺒﻴﻬﺎ ﻣﻨﻜﻮﻝ ﻻ .. ﻟﻌﺪ ﻭﻳﻦ ﺑﻨﺎﺕ ﻣﺎﺷﻮﻑ ﺍﺣﺪ ﻭﻳﺎﺝ
ﺣﻴﺎﺓ : ﻭﺍﻟﻠﻪ ﻣﺎﻋﺮﻑ ﺍﻣﻞ ﻳﻤﻜﻦ ﺑﻐﺮﻓﺘﻬﺎ ﻭﺳﺎﺭﻩ ﺗﻠﻜﻴﻬﺎ ﺩﺭﺱ ﺑﺠﻬﺎﻟﻬﺎ
ﺧﺎﻟﺪ : ﺟﺎﻥ ﺻﺤﺘﻲ ﻋﻠﻰ ﺍﻣﻞ ﺗﻌﺎﻭﻧﺞ
ﺣﻴﺎﺓ : ﻻ ﻣﻴﺤﺘﺎﺝ ﻛﻤﻠﺖ ﻳﻠﻪ ﺗﻌﺎﻝ ﺍﻛﻌﺪ ﺧﻞ ﺍﺭﻭﺡ ﺍﺻﻴﺤﻬﻢ ﻳﺠﻮﻥ ﺭﺣﺖ ﺻﺤﺖ ﺧﺎﻟﺘﻲ ﻭﺣﺴﻴﻦ ﻭﺧﺎﻟﺘﻲ ﺻﺎﺣﺖ ﻋﻠﻰ ﻋﻠﻲ ﻻﻥ ﺟﺎﻥ ﻓﻮﻙ ﻧﺰﻝ ﻫﻮ ﻭﺳﺎﺭﻩ ﻭﺷﻮﻳﻪ ﻭﻧﺰﻟﺖ ﺍﻣﻞ
ﺧﺎﻟﺪ : ﻭﻳﻦ ﺟﻬﺎﻟﻚ ﻣﻴﻨﺰﻟﻮﻥ ﻳﺎﻛﻠﻮﻥ
ﻋﻠﻲ : ﻣﺘﻌﺸﻴﻦ
ﺗﻌﺸﻴﻨﺎ ﻭﺍﻣﻞ ﻭﺳﺎﺭﻩ ﻛﻠﻮﻟﻲ ﺭﻭﺣﻲ ﻛﻌﺪﻱ ﺍﻧﺘﻲ ﺳﻮﻳﺘﻲ ﺍﻟﻌﺸﻪ ﺍﺣﻨﺎ ﻭﺣﺪﻩ ﺣﺘﻐﺴﻞ ﺍﻣﺎﻋﻴﻦ ﻭﺣﺪﻩ ﺣﺼﺐ ﺍﻟﺠﺎﻱ
ﻛﺘﻠﻬﻢ ﺍﻭﻛﻲ ﺭﺣﺖ ﻟﻠﻐﺮﻓﻪ ﺷﻔﺖ ﺍﻟﻌﻼﻛﻪ ﻓﺘﺤﺘﻬﺎ ﻟﻜﻴﺘﻪ ﺣﺎﻳﺐ ﺟﺒﺎﺳﻪ ﻭﻧﺴﺎﺗﻞ ﻭﻛﺮﺯﺍﺕ ﻭﻋﺼﺎﻳﺮ ﻭﺟﺎﻳﺒﻠﻲ ﺣﻠﻴﺐ ﺑﻄﻌﻢ ﺍﻟﻜﺎﻛﻮ ﻣﺘﺖ ﺿﺤﻚ ﻛﻠﺖ ﺧﺮﺏ ﻋﺒﺎﻟﻪ ﻃﻔﻠﻪ ﺟﺎﻳﺒﻠﻲ ﺣﻠﻴﺐ ﺍﻟﻤﻬﻢ ﺍﺧﺬﺕ ﺟﺒﺲ ﻭﻧﺴﺘﻠﻪ ﻭﺍﻟﻜﺮﺯﺍﺕ ﻭﻃﻠﻌﺖ ﻟﻠﺤﺪﻳﻘﻪ ﺍﻟﺠﻮ ﺟﺎﻥ ﺑﻲ ﻫﻮﻯ ﺑﺎﺭﺩ ﺧﺎﺻﻪ ﺍﻟﺤﺪﻳﻘﻪ ﺟﺒﻴﺮﻩ ﻭﺭﺍﺷﻴﻬﺎ ﻣﺎﻱ ﺍﻟﻬﻮﻯ ﻳﺠﻲ ﺑﺎﺭﺩ
ﺷﻮﻳﻪ ﻭﻃﻠﻌﺖ ﺍﻣﻞ ﻛﺎﻟﺖ ﻳﺎﺧﺎﻳﻨﻪ ﻣﻦ ﻭﺭﺍﻳﻪ ﺩﺗﺎﻛﻠﻴﻦ
ﺣﻴﺎﺓ : ﻫﻬﻬﻬﻬﻪ ﺍﻧﺘﻲ ﺗﺠﻴﻦ ﻋﺎﻟﺮﻳﺤﻪ
ﺍﻣﻞ : ﻣﻨﻮ ﺟﺎﺑﻠﺞ ﺫﻧﻲ ﺷﻨﻮ ﻫﺎﻱ ﺍﻟﺨﻴﺎﻧﺎﺕ
ﺣﻴﺎﺓ : ﺍﺑﻮﺝ ﺟﺎﺑﻠﻴﺎﻫﺎ
ﺍﻣﻞ : ﺍﻳﻮﺍ ﺍﻳﻮﺍ ﺍﺑﻮﻳﻪ ﻣﻤﻤﻢ ﺧﻞ ﺍﺭﻭﺡ ﺍﺩﺍﻫﻤﻪ ﻟﻌﺪ ﻟﻴﺶ ﻣﺠﺎﻳﺒﻠﻲ
ﺣﻴﺎﺓ : ﻣﺨﺒﻠﻪ ﺟﺎﻳﺒﻠﺞ ﻫﻮ ﻛﻠﻲ ﺟﺒﺘﻠﺞ ﺍﻟﺞ ﻭﻻﻣﻞ
ﺍﻣﻞ : ﻓﺪﻳﺖ ﺑﺎﺑﺎ ﺧﻞ ﺍﺭﻭﺡ ﺍﺟﻴﺐ ﻏﺮﺍﺿﻲ ﻣﻨﻪ ﻟﻌﺪ
ﺭﺣﺖ ﻋﻠﻰ ﺍﺑﻮﻳﻪ ﻛﺘﻠﻪ ﺑﺎﺑﺎ ﻭﻳﻦ ﻏﺮﺍﺿﻲ ﺍﻟﺠﺒﺘﻬﻦ ﺍﻟﻲ
ﺧﺎﻟﺪ : ﻳﺎﻏﺮﺍﺽ ﻣﺠﺎﻳﺒﻠﺞ ﺷﻲ
ﺍﻣﻞ : ﺣﻴﺎﺓ ﻛﻠﺘﻠﻲ
ﺧﺎﻟﺪ : ﻫﺎ ﻻ ﺟﺒﺖ ﺑﺲ ﻟﺤﻴﺎﺓ ﻋﺒﺎﻟﻲ ﻣﺘﺮﺩﻳﻦ
ﺍﻣﻞ : ﺑﺎﻭﻋﺖ ﻋﻠﻴﻪ ﺍﻻ ﺷﻮﻳﻪ ﻭﺍﺑﺠﻲ
ﺧﺎﻟﺪ : ﻫﻬﻬﻬﻪ ﺑﻮﻳﻪ ﻋﻼﻛﺘﺞ ﺑﻐﺮﻓﻪ ﺭﻭﺣﻲ ﺍﺧﺬﻳﻬﺎ ﺣﺘﻨﺰﻝ ﺍﻟﺪﻣﻌﻪ
ﺣﺴﻴﻦ : ﻟﻮ ﻋﺎﻳﻔﻪ ﺷﻮﻳﻪ ﺟﺎﻥ ﺑﺠﺖ ﻭﺿﺤﻜﻨﺎ ﻋﻠﻴﻬﺎ
ﺍﻣﻞ : ﺑﺎﺑﺎ ﺻﻴﺢ ﺑﻲ
ﺧﺎﻟﺪ : ﺭﻭﺣﻲ ﺍﺧﺬﻳﻬﺎ ﻟﻠﻌﻼﻛﻪ ﻋﺎﻟﺠﺮﺑﺎﻳﻪ
ﺍﻣﻞ : ﺭﺣﺖ ﺍﺧﺬﺕ ﺍﻟﻌﻼﻛﻪ ﻭﻃﻠﻌﺖ ﻋﻠﻰ ﺣﻴﺎﺓ ﺍﻏﻮﺭ ﺑﻴﻬﺎ ﺑﺎﻋﻲ ﻋﻴﻨﻲ ﺍﻟﻲ ﻫﻢ ﺟﺎﻳﺒﻠﻲ
ﺣﻴﺎﺓ : ﻫﻬﻬﻬﻬﻪ ﺷﻮﻥ ﺣﺮﻛﺎﺕ
ﻛﻌﺪﺕ ﺍﻣﻞ ﻳﻤﻲ ﻛﻤﻨﺎ ﻧﺴﻮﻟﻒ ﻭﺿﺤﻚ ﻭﺟﺎﻧﺖ ﺗﺤﺠﻴﻠﻲ ﻋﻠﻰ ﺳﻮﺍﻟﻒ ﺍﺑﻮﻫﺎ ﻗﺒﻞ ﻭﺷﻮﻥ ﻣﻦ ﻭﺍﺣﺪ ﻳﺠﻲ ﻣﺤﺘﺎﺝ ﻳﻔﺰﻋﻠﻪ ﻭﺳﻮﺍﻟﻒ ﺗﻤﻮﺕ ﺿﺤﻚ ﻇﻠﻴﺖ ﺑﺲ ﺍﺿﺤﻚ
ﺍﻣﻞ : ﺍﻛﻠﺞ ﺍﻧﻲ ﺣﺼﻌﺪ ﻓﻮﻙ ﺍﺗﻔﺮﺝ ﻋﺎﻟﺘﻠﻔﺰﻳﻮﻥ ﺗﺠﻴﻦ
ﺣﻴﺎﺓ : ﻣﺎﺩﺭﻱ ﻣﺎﻟﻲ ﻭﺍﻫﺲ ﺍﺗﻔﺮﺝ ﺗﻠﻔﺰﻳﻮﻥ ﺭﻭﺣﻲ ﺍﻧﺘﻲ
ﺍﻣﻞ : ﺍﻭﻛﻲ ﻟﻌﺪ ﺍﻧﻲ ﻓﻮﻙ
ﺣﻴﺎﺓ : ﻇﻠﻴﺖ ﻛﺎﻋﺪﻩ ﺑﺎﻟﺤﺪﻳﻘﻪ ﺷﻮﻳﻪ ﺳﻤﻌﺖ ﻭﺍﺣﺪ ﻳﻜﻠﻲ
ﺍﻟﺼﻔﻨﻪ ﻣﻮ ﺯﻳﻨﻪ
ﺑﺎﻭﻋﺖ ﺷﻔﺘﻪ ﺣﺴﻴﻦ
ﻛﺘﻠﻪ ﻻ ﻭﺍﻟﻠﻪ ﻣﺼﺎﻓﻨﻪ
ﺍﺟﻪ ﺟﺮ ﻛﺮﺳﻲ ﻭﻛﻌﺪ ﻛﻠﻲ ﻟﻴﺶ ﻛﺎﻋﺪﻩ ﻭﺣﺪﺝ ﺫﻳﺞ ﺍﻟﻘﺰﻣﻪ ﻭﻳﻦ
- ﺻﻌﺪﺕ ﻓﻮﻙ ﺗﺘﻔﺮﺝ ﺗﻠﻔﺰﻳﻮﻥ
- ﻫﺎﺍﺍ ... ﻭﺍﻟﻠﻪ ﺟﻮ ﺣﻠﻮ ﺍﻟﻴﻮﻡ ﻣﺎﻝ ﻭﺍﺣﺪ ﻳﺘﻤﺸﻰ
- ﺍﻱ ﻭﺍﻟﻠﻪ .. ﺍﻛﻠﻚ ﺣﺴﻴﻦ ﺗﻌﺮﻑ ﺍﻧﻲ ﻣﺸﺎﻳﻔﻪ ﺧﻄﻴﺒﺘﻚ ﻟﺤﺪ ﻫﺴﻪ
- ﺷﻌﺠﺐ ﺍﻣﻞ ﻣﺸﻮﻓﺘﺞ . ﺛﻮﺍﻧﻲ ﺍﺷﻮﻓﺞ ﺻﻮﺭﺗﻬﺎ
ﺣﻴﺎﺓ : ﻃﻠﻊ ﺗﻠﻴﻔﻮﻥ ﻭﻧﻄﺎﻧﻴﺎ ﻛﻠﻲ ﺷﻮﻓﻴﻪ ﺑﺎﻭﻋﺘﻬﺎ ﺑﻨﻴﻪ ﺣﻠﻮﻩ ﻭﻧﺎﻋﻤﻪ ﻫﻲ ﺻﻴﺮ ﺑﺖ ﻋﻤﻪ
ﻛﺘﻠﻪ ﺣﻠﻮﻩ ﺷﻌﺠﺐ ﻣﺠﺎﻳﻪ ﻫﻨﺎ
- ﻣﻮ ﻋﺪﻫﺎ ﺩﻭﺍﻡ ﻭﺍﻣﺘﺤﺎﻧﺎﺕ ﺑﺲ ﻫﻲ ﻣﺸﻮﻗﻪ ﺗﺮﻳﺪ ﺷﻮﻑ ﻣﺮﺕ ﺷﻴﺦ
- ﺍﺑﺘﺴﻤﺖ ﻛﺘﻠﻪ ﺷﻮﻛﺖ ﺗﺰﻭﺟﻮﻥ
- ﺍﻭﻭﻭﻑ ﻭﺍﻟﻠﻪ ﻣﺎﺩﺭﻱ ﺗﺎﺟﻠﺖ ﻭﺑﻌﺪ ﻣﺤﺪ ﺣﺠﻪ ﺑﺴﺎﻟﻔﻪ
- ﺑﺲ ﺍﺣﺲ ﺍﻟﺨﻄﻮﺑﻪ ﺍﺣﻼ ﻣﻦ ﺯﻭﺍﺝ ﻳﻌﻨﻲ ﺗﻮﻧﺴﻮﺍ ﺑﻴﻬﺎ
- ﺍﻱ ﺻﺢ ﺑﺲ ﺍﻧﻲ ﻭﻳﺎﻫﺎ ﻣﻦ ﺟﻨﺎ ﺻﻐﺎﺭ ﻭﺍﺣﺪ ﻳﻌﺮﻑ ﺛﺎﻧﻲ ﻳﻌﻨﻲ ﻛﻠﺸﻲ ﺍﻋﺮﻑ ﻋﻨﻬﺎ ﻭﻫﻲ ﻣﺜﻠﻲ
- ﺑﺎﻭﻋﺖ ﻋﻠﻴﻪ ﻭﻇﻠﻴﺖ ﺍﻓﻜﺮ ﻭﺍﻛﻮ ﺍﻧﻴﺎﻟﻬﻢ ﻣﻮ ﺣﺴﺪ ﺑﺲ ﻳﻤﻜﻦ ﺣﺴﻴﺖ ﻧﻔﺴﻲ ﻣﻮ ﻣﺜﻠﻬﺎ ﺍﻧﻲ ﺣﺘﻰ ﻓﺴﺘﺎﻥ ﻋﺮﺱ ﻣﻠﺒﺴﺖ
- ﺷﺒﻴﺞ ﺷﻮ ﺭﺟﻌﺘﻲ ﻟﻠﺼﻔﻨﻪ
- ﻻ ﺑﺲ ﺣﻠﻮ ﺍﻟﻮﺍﺣﺪ ﻳﺰﻭﺝ ﺍﻟﻲ ﻳﺤﺒﻪ
- ﺍﻱ ﻃﺒﻌﺎ ﺻﺢ ﻣﺮﺍﺕ ﺍﺗﻌﺬﺏ ﻣﻦ ﻭﺭﻩ ﻫﺎﻟﺤﺐ ﺑﺲ ﻛﻠﺸﻲ ﻳﻬﻮﻥ ﻟﻌﻴﻮﻧﻬﺎ
- ﺍﻟﻠﻪ ﻳﺨﻠﻴﻜﻢ ﻟﺒﻌﺾ
- ﻣﺸﻜﻮﺭﻩ ﺧﻴﺘﻲ
ﺧﺎﻟﺪ : ﻃﻠﻌﺖ ﺍﺩﻭﺭ ﺣﻴﺎﺓ ﻣﺎﻟﻬﺎ ﺣﺲ ﻟﻜﻴﺘﻬﺎ ﻛﺎﻋﺪﻩ ﺑﺎﻟﺤﺪﻳﻘﻪ ﻭﺳﻮﺍﻟﻒ ﻭﻳﻪ ﺣﺴﻴﻦ ﺷﻔﺘﻬﻢ ﻭﺍﺣﺲ ﺩﻡ ﺻﻌﺪ ﺭﺍﺳﻲ ﺻﺤﺖ ﻋﻠﻴﻬﺎ ﺑﺼﻮﺕ ﺧﻠﻴﺘﻬﻢ ﺍﺛﻨﻴﻨﻬﻢ ﻳﻔﺰﻭﻥ ﺍﺟﺘﻲ ﺭﻛﺾ ﻋﻠﻴﻪ
ﺣﻴﺎﺓ : ﻧﻌﻢ ﺻﺤﺘﻨﻲ
ﺧﺎﻟﺪ : ﺍﻱ ﺗﻌﺎﻟﻲ ﻭﺭﺍﻳﻪ
ﺣﻴﺎﺓ : ﺷﺒﻲ ﻫﺬﺍ ﺭﺣﺖ ﻭﻳﻪ ﻟﻠﻐﺮﻓﻪ ﻓﺘﺖ ﻭﺳﺪﻳﺖ ﺑﺎﺏ
ﺧﺎﻟﺪ : ﺟﻨﺘﻲ ﺳﻮﻳﻦ ﺑﺮﻩ
ﺣﻴﺎﺓ : ﻣﺎﺳﻮﻱ ﺑﺲ ﻫﻮﻯ ﻃﻴﺐ ﻭﻇﻠﻴﺖ ﺑﺮﻩ
ﺧﺎﻟﺪ : ﺟﻨﺘﻮﺍ ﺗﺤﺠﻮﻥ ﺍﻧﺘﻲ ﻭﺣﺴﻴﻦ
ﺣﻴﺎﺓ : ﺳﻮﺍﻟﻒ ﻋﺎﺩﻳﻪ
ﺧﺎﻟﺪ : ﺷﻨﻨﻪ ﻫﺎﻟﺴﻮﺍﻟﻒ
ﺣﻴﺎﺓ : ﻳﺎﺭﺑﻲ ﺷﺒﻲ ﻫﺬﺍ ﺟﻨﺎ ﻳﺮﻳﺪ ﻳﺘﻌﺎﺭﻙ ﺷﻨﻮ ﻋﺎﻟﻴﻮﻡ ﻛﻠﻪ ﻋﺮﻛﺎﺕ
.. ﻳﻌﻨﻲ ﺟﺎﻥ ﻳﺤﺠﻴﻠﻲ ﻋﻠﻰ ﺧﻄﻴﺒﺘﻪ
ﺧﺎﻟﺪ : ﻭﺍﻧﺘﻲ ﺷﻜﻮ ﺣﺘﻰ ﻳﺤﺠﻴﻠﺞ
ﺣﻴﺎﺓ : ﻇﻠﻴﺖ ﺍﺑﺎﻉ ﻋﻠﻴﻪ . ﻛﺘﻠﻪ ﺍﻛﻮ ﺷﻲ ﺗﺮﻳﺪﻧﻲ ﺍﺳﻮﻱ
ﺧﺎﻟﺪ : ﻭﻳﻦ ﺭﺍﻳﺤﻪ
ﺣﻴﺎﺓ : ﺣﺼﻌﺪ ﺑﻢ ﺍﻣﻞ ﺍﺗﻔﺮﺝ ﺗﻠﻔﺰﻳﻮﻥ ﻭﻳﺎﻫﺎ
ﺧﺎﻟﺪ : ﺑﻌﺪﻧﻲ ﻣﻤﺨﻠﺺ ﻛﻼﻣﻲ ﺣﺘﻰ ﺗﺮﻭﺣﻴﻦ
ﺣﻴﺎﺓ : ﺑﺎﻭﻋﺖ ﻋﻠﻴﻪ ﺑﻤﻌﻨﻰ ﻳﻠﻪ ﻛﻤﻞ
ﺧﺎﻟﺪ : ﺑﻌﺪ ﻣﺎﻛﻮ ﻛﻌﺪﻩ ﺑﺎﻟﺤﺪﻳﻘﻪ ﺑﺎﻟﻠﻴﻞ ﺍﻓﺘﻬﻤﺘﻲ
ﺣﻴﺎﺓ : ﻟﻴﺶ ﻋﻮﺩ
ﺧﺎﻟﺪ : ﺍﺣﺠﻲ ﻭﺗﻨﻔﺬﻳﻦ ﺍﻟﻲ ﺍﻛﻮﻟﻪ ﺑﺪﻭﻥ ﻧﻘﺎﺵ
ﺣﻴﺎﺓ : ﻣﺎﻛﻮ ﻫﻴﺞ ﺷﻲ ﻳﻌﻨﻲ ﺷﺴﻮﻳﺖ ﺣﺘﻰ ﺩﻛﻠﻲ ﻣﺘﻜﻌﺪﻳﻦ ﺑﻌﺪ ﺑﺎﻟﺤﺪﻳﻘﻪ
ﺧﺎﻟﺪ : ﻣﻌﺮﻓﺖ ﺷﺠﺎﻭﺑﻬﺎ ﻭﻣﺎﻋﺮﻑ ﻟﻴﺶ ﻫﻴﺞ ﺩﺍﺻﺮﻑ ﺑﺲ ﻣﻦ ﺍﺣﺲ ﺍﺣﺪ ﻗﺮﻳﺐ ﻣﻦ ﻳﻤﻬﺎ ﺑﻮﺩﻱ ﺍﺧﺬﻫﺎ ﻭﺍﺿﻤﻬﺎ ﺑﺲ ﻣﺎﺭﻳﺪ ﺍﺻﺪﻙ ﻫﺎﻟﺤﺴﺎﺱ ﺍﻟﻌﻨﺪﻱ
ﻛﺘﻠﺞ ﻛﻌﺪﻩ ﺑﺎﻟﺤﺪﻳﻘﻪ ﺑﺎﻟﻠﻴﻞ ﻣﺎﻛﻮ ﻭﺍﻧﺘﻬﻰ
ﺣﻴﺎﺓ : ﻋﻔﺘﻪ ﻭﻃﻠﻌﺖ ﻣﻦ ﺍﻟﻐﺮﻓﻪ ﻭﻇﻞ ﻳﺼﻴﺢ ﻭﻳﻦ ﺭﺍﻳﺤﻪ ﺑﺲ ﻣﺠﺎﻭﺑﺘﻪ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻇﻠﻴﺖ ﻣﺎﻋﺮﻑ ﺷﺴﻮﻱ ﺻﻌﺪﺕ ﻻﻣﻞ ﻟﻐﺮﻓﺘﻬﺎ
ﺍﻣﻞ : ﻳﻤﻪ ﺟﻔﻠﺘﻴﻨﻲ ﻋﺒﺎﻟﻲ ﻋﻤﻮ ﺣﺴﻴﻦ
ﺣﻴﺎﺓ : ﻭﻟﻴﺶ ﻓﺰﻳﺘﻲ
ﺍﻣﻞ : ﻻ ﻣﻮ ﻣﺤﺪ ﻳﺪﻙ ﺍﻟﺒﺎﺏ ﻫﻴﺞ ﻭﻛﺖ
ﺣﻴﺎﺓ : ﻣﻤﻤﻤﻢ ﺣﺤﺎﻭﻝ ﺍﺻﺪﻛﺞ
ﺍﻣﻞ : ﺟﺎﺑﺞ ﻫﻨﺎ ﻣﺘﺮﻭﺣﻴﻦ ﺗﻨﺎﻣﻴﻦ
ﺣﻴﺎﺓ : ﺍﺭﻳﺪ ﺍﻧﺎﻡ ﻳﻤﺞ ﺍﻟﻴﻮﻡ
ﺍﻣﻞ : ﻟﻴﺶ ﺻﺎﻳﺮ ﺷﻲ
ﺣﻴﺎﺓ : ﺍﻣﻞ ﺣﻄﻚ ﻣﻦ ﺍﻟﻘﻬﺮ ﺍﻟﻲ ﺑﻴﻪ
ﺍﻣﻞ : ﻭﺝ ﺍﺣﺠﻲ ﺷﻜﻮ
ﺣﻴﺎﺓ : ﻳﻌﻨﻲ ﺑﻴﻬﺎ ﺷﻲ ﺍﺫﺍ ﻛﻌﺪﺕ ﺑﺎﻟﺤﺪﻳﻘﻪ ﺑﺎﻟﻠﻴﻞ
ﺍﻣﻞ : ﻻ ﺷﻜﻮ ﺑﻴﻬﺎ
ﺣﻴﺎﺓ : ﻟﻌﺪ ﺷﺒﻲ ﺍﺑﻮﺝ . ﻳﻜﻠﻲ ﺑﻌﺪ ﻛﻌﺪﻩ ﺑﺎﻟﺤﺪﻳﻘﻪ ﻣﻤﻨﻮﻉ ﺑﺎﻟﻠﻴﻞ
ﺍﻣﻞ : ﻫﻬﻬﻬﻬﻪ ﺍﺑﻮﻳﻪ ﻛﻠﺴﻊ ﻋﻨﺪﻩ ﻗﺮﺍﺭ ﺟﺪﻳﺪ
ﻇﻠﻴﻨﺎ ﻛﺎﻋﺪﻳﻦ ﻧﺴﻮﻟﻒ ﺳﻤﻌﺖ ﺻﻮﺕ ﺑﺎﺑﺎ ﻳﺼﻴﺢ ﻋﻠﻴﻪ ﺭﻛﻀﺖ ﻟﻠﺪﺭﺝ ﻛﺘﻠﻪ ﻫﺎ ﺑﺎﺑﺎ
ﺧﺎﻟﺪ : ﻃﻠﻌﺖ ﻣﻦ ﺍﻟﻐﺮﻓﻪ ﻃﻠﻌﺖ ﻭﺭﺍﻫﺎ ﺍﺷﻮﻓﻬﺎ ﻭﻳﻦ ﺩﻭﺭﺕ ﻋﻠﻴﻬﺎ ﻣﺎﻛﻮ ﺟﻮﻩ ﻛﻠﺖ ﻳﺠﻮﺯ ﻓﻮﻙ ﺻﺤﺖ ﺍﻣﻞ
ﺍﻛﻠﺞ ﺣﻴﺎﺓ ﻳﻤﺞ
ﺍﻣﻞ : ﺍﻱ ﻳﻤﻲ ﺍﺻﻴﺤﻠﻜﻴﺎﻫﺎ
ﺧﺎﻟﺪ : ﺍﻱ ﺻﻴﺤﻴﻬﺎ
ﺍﻣﻞ : ﺣﻴﺎﻩ ﺍﺑﻮﻳﻪ ﻳﺮﻳﺪﺝ
ﺣﻴﺎﺓ : ﺷﻴﺮﻳﺪ ﻣﻨﻲ ﻭﺍﻟﻠﻪ ﺍﻛﻮﻡ ﺍﺧﻠﻲ ﺳﺠﻴﻨﻪ ﺑﻄﻨﻲ ﻭﺍﺭﺗﺎﺡ ﻣﻨﻪ
ﺍﻣﻞ : ﻫﻬﻬﻬﻬﻬﻪ ﺧﺮﺏ ﺑﻴﺞ ﻭﺍﻟﻠﻪ ﺿﺤﻜﺘﻴﻨﻲ ﺩﻛﻮﻣﻲ ﺷﻮﻓﻲ ﺷﺒﻲ ﺧﻄﻴﻪ ﻭﺍﻛﻒ ﺟﻮﻩ ﻳﻢ ﺩﺭﺝ
ﺣﻴﺎﺓ : ﺍﻭﻭﻭﻑ ﻛﺎﻳﻤﻪ .. ﺭﺣﺖ ﻳﻢ ﺩﺭﺝ ﻧﻌﻢ
ﺧﺎﻟﺪ : ﺗﻌﺎﻟﻲ ﻧﺰﻟﻲ ﺷﻌﺪﺝ ﻓﻮﻙ
ﺣﻴﺎﺓ : ﺧﺮﺏ ﻭﺍﻧﺖ ﺷﻌﻠﻴﺞ ﺧﺮﺏ ﺣﻈﻲ .. ﻛﺎﻋﺪﻩ ﻳﻢ ﺍﻣﻞ ﺍﻛﻮ ﺷﻲ
ﺧﺎﻟﺪ : ﺍﻱ ﻳﻠﻪ ﺗﺎﺧﺮ ﺍﻟﻮﻛﺖ ﺗﻌﺎﻟﻲ ﻧﺎﻣﻲ
ﺣﻴﺎﺓ : ﺣﺘﻰ ﺑﻨﻮﻣﺘﻲ ﻳﺪﺧﻞ .. ﻻ ﺣﻨﺎﻡ ﻳﻢ ﺍﻣﻞ ﺍﻟﻴﻮﻡ
ﺧﺎﻟﺪ : ﺷﻌﻨﺪﺝ ﻧﺎﻳﻤﻪ ﻳﻢ ﺍﻣﻞ ﻣﺎﻋﻨﺪﺝ ﻏﺮﻓﻪ
ﺣﻴﺎﺓ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ .
ﺧﺎﻟﺪ : ﻳﻠﻪ ﺑﻮﻳﻪ ﻧﺰﻟﻲ ﻧﺎﻣﻲ ﺟﻮﻩ
ﺣﻴﺎﺓ : ﻛﺘﻠﻚ ﺣﻨﺎﻡ ﻳﻢ ﺍﻣﻞ ﺍﻟﻴﻮﻡ ﺗﺼﺒﺢ ﻋﻠﻰ ﺧﻴﺮ ﻋﻔﺘﻪ ﻭﺭﺟﻌﺖ ﻟﻐﺮﻓﻪ ﺍﻣﻞ
ﺧﺎﻟﺪ : ﺭﺩﺗﻬﺎ ﺑﺲ ﺗﻨﺰﻝ ﺣﺘﻰ ﺍﻋﺘﺬﺭ ﻣﻨﻬﺎ ﺍﻋﺮﻑ ﺍﻟﻴﻮﻡ ﻛﻠﺶ ﺿﻮﺟﺘﻬﺎ ﺑﺲ ﻫﻲ ﻋﺎﻧﺪﺕ ﺍﻻ ﺗﻨﺎﻡ ﻓﻮﻙ ﺳﻮﺗﻨﻲ ﺍﻋﺼﺎﺏ ﺑﺰﺍﻳﺪ ﻭﻋﺎﻓﺘﻨﻲ ﻭﺭﺍﺣﺖ ﺟﺎﻥ ﺑﻮﺩﻱ ﺍﺻﻌﺪﻟﻬﺎ ﺍﺟﺮﻫﺎ ﻣﻦ ﺷﻌﺮﻫﺎ ﺑﺲ ﻻﻭﻝ ﻣﺮﻩ ﺍﺣﺲ ﻧﻔﺴﻲ ﻋﺎﺟﺰ ﻭﻫﺬﺍ ﺍﻟﻜﺮﺳﻲ ﻣﻘﻴﺪﻧﻲ ﻛﻠﺶ ﺿﺠﺖ ﻣﻦ ﻧﻔﺴﻲ ﻭﻣﻦ ﻭﺿﻌﻲ ﻫﺬﺍ
ﺭﺟﻌﺖ ﻟﻠﻐﺮﻓﻪ ﻇﻠﻴﺖ ﺍﺩﺧﻦ ﻟﺤﺪ ﻣﺤﺴﻴﺖ ﺍﻟﺒﺎﻛﻴﺖ ﺧﻠﺺ ﻭﺭﺍﻫﺎ ﻏﻔﻴﺖ ﺑﺲ ﺍﺣﺲ ﻧﺎﺭ ﺑﺼﺪﺭﻱ
ﺣﻴﺎﺓ : ﻧﻤﺖ ﻳﻢ ﺍﻣﻞ ﻓﺮﺷﺖ ﺑﺎﻟﻜﺎﻉ ﻭﻫﻲ ﻫﻢ ﻓﺮﺷﺖ ﺑﺼﻔﻲ ﻣﻘﺒﻠﺖ ﺗﻨﺎﻡ ﻋﻠﻰ ﺟﺮﺑﺎﻳﺘﻬﺎ ﻇﻠﻴﻨﺎ ﻧﺴﻮﻟﻒ ﻭﺣﺠﺘﻠﻲ ﻋﻠﻰ ﺍﺣﻤﺪ ﻳﺼﻴﺮ ﺍﺑﻦ ﻋﻢ ﺍﺑﻮﻫﺎ ﻭﺷﻮﻥ ﻫﻲ ﻣﻌﺠﺒﻪ ﺑﻲ ﻭﻫﻮ ﻫﻢ ﻣﻌﺠﺐ ﺑﻴﻬﺎ ﻭﻣﺮﺍﺕ ﻳﺪﺯﻟﻬﺎ ﻣﺴﺠﺎﺕ ﻋﺎﻟﺘﻠﻴﻔﻮﻥ ﻭﻣﺘﻔﻘﻴﻦ ﺑﺲ ﻳﻨﻘﻞ ﻟﻠﻌﻤﺎﺭﻩ ﻳﺠﻲ ﻳﺘﻘﺪﻣﻠﻬﺎ ﻻﻥ ﻫﻮ ﻳﺸﺘﻐﻞ ﺑﺎﻟﺒﺼﺮﻩ
ﻇﻠﻴﺖ ﺍﺳﻤﻊ ﻟﺤﺠﻴﻬﺎ ﻭﺷﻮﻥ ﺗﺤﺒﻪ ﻭﻫﻮ ﺷﻮﻥ ﻳﺨﺎﻑ ﻋﻠﻴﻬﺎ ﻭﻣﻦ ﻳﺠﻲ ﻟﻠﻌﻤﺎﺭﻩ ﻳﻈﻞ ﻳﻮﻣﻴﺎ ﺳﻬﺮﺍﻥ ﻳﻤﻬﻢ ﻓﻲ ﺳﺒﻴﻞ ﺑﺲ ﻳﻠﻤﺤﻬﺎ
ﻣﺎﻋﺮﻑ ﻟﻴﺲ ﻓﺮﺣﺖ ﺍﻟﻬﺎ ﻭﺣﺒﻴﺖ ﻳﻜﻤﻞ ﻫﺬﺍ ﺍﻟﺤﺐ ﺑﺰﻭﺍﺝ
ﻇﻠﻴﻤﺎ ﻧﺴﻮﻟﻒ ﻟﺤﺪ ﻣﺸﻔﻨﺎ ﺳﺎﻋﻪ ﺏ 3 ﻋﺰﻩ ﺷﺒﺴﺮﻋﻪ ﻣﺮ ﺍﻟﻮﻛﺖ ﻳﻠﻪ ﺧﻞ ﻧﺎﻡ ﺑﺎﺟﺮ ﺷﻴﻜﻌﺪﻧﺎ
ﺍﻣﻞ : ﺑﺎﺟﺮ ﺑﻴﺒﻲ ﺩﻛﻨﺎ ﻃﺒﻞ ﻳﻠﻪ ﻧﻜﻌﺪ.بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻧﺎﻣﺖ ﺍﻣﻞ ﺑﺲ ﺍﻧﻲ ﻇﻠﻴﺖ ﺍﺣﻮﺹ ﻣﺎﻋﺮﻑ ﺷﺒﻴﻪ ﻭﺿﻤﻴﺮﻱ ﻣﺪﻳﺨﻠﻴﻨﻲ ﺍﻧﺎﻡ ﻭﺍﻛﻮﻝ ﻫﻮ ﺟﺎﻥ ﻳﺮﻳﺪﻧﻲ ﺍﻧﺰﻝ ﺑﺎﻟﻜﻲ ﻳﺮﻳﺪ ﺷﻲ ﻣﻨﻲ ﺷﻐﻠﻪ ﺍﺳﻮﻳﻬﺎ ﻟﻴﺶ ﻣﻨﺰﻟﺖ ﻭﻇﻠﻴﺖ ﺍﺗﻜﻠﺐ ﺑﺎﻻﺧﻴﺮ ﻛﻠﺖ ﺧﻞ ﺍﻧﺰﻝ ﺍﺷﻮﻓﻪ ﻧﺎﻡ ﺍﻭ ﺑﻌﺪ ﻩ
ﻛﻤﺖ ﻓﺘﺤﺖ ﺍﻟﺒﺎﺏ ﺍﻟﺒﻴﺖ ﻫﺪﻭﺀ ﻧﺰﻟﺖ ﺟﻮﻩ ﻓﺘﺤﺖ ﺍﻟﻐﺮﻓﻪ ﻟﻜﻴﺖ ﺿﻮﻩ ﻣﺸﺘﻌﻞ ﻫﻮ ﻧﺎﻳﻢ ﺑﺲ ﻣﻤﺘﻐﻄﻲ ﻛﻠﺶ ﻧﻘﻬﺮﺕ ﻋﻠﻴﻪ
ﺭﺣﺖ ﻳﻤﻪ ﻓﺘﺤﺘﻠﻪ ﺍﻟﻐﻄﻪ ﻏﻄﻴﺘﻬﺎ ﺷﻠﺖ ﺗﻠﻴﻔﻮﻥ ﺟﺎﻥ ﺧﺎﻟﻪ ﺑﺼﻔﻪ ﺧﻠﻴﺘﻪ ﻋﺎﻟﻤﻴﺰ ﻭﺍﺷﻮﻑ ﺍﻟﻨﻔﺎﺿﻪ ﻣﺎ ﺍﻟﺠﻜﺎﻳﺮ ﻣﻠﻴﺎﻧﻪ ﺭﺩﻳﺖ ﺑﺎﻭﻋﺖ ﻋﻠﻴﻪ ﻭﺑﻜﻠﺒﻲ ﺍﻛﻮﻝ ﻟﻴﺶ ﻫﻴﺞ ﺩﺳﻮﻱ ﺑﻨﻔﺴﻚ ﻣﺘﺖ ﻗﻬﺮ ﻋﻠﻴﻪ
ﻇﻠﻴﺖ ﺍﺑﺎﻉ ﻋﻠﻴﻪ ﺷﻮﻳﻪ ﻛﻠﺖ ﺧﻞ ﺍﻃﻠﻊ ﻟﻴﻜﻌﺪ ﻭﻳﺸﻮﻓﻨﻲ ﻃﻔﻴﺖ ﺍﻟﻀﻮﻩ ﻭﻃﻠﻌﺖ ﺻﻌﺪﺕ ﻟﻐﺮﻓﻪ ﺍﻣﻞ ﻇﻠﻴﺖ ﺍﺗﻜﻠﺐ ﺑﺎﻟﻔﺮﺍﺵ ﺑﺎﻟﺮﺑﻌﻪ ﻳﻠﻪ ﻏﻔﻴﺖ
ﻳﺘﺒﻊ ️❤..
