#فصليه_ولكن
بقلم سوزان ليث
#بارت٢٢
ﺧﺎﻟﺪ : ﺭﺣﺖ ﻏﺴﻠﺖ ﻭﺻﻌﺪﺕ ﻓﻮﻙ ﻭﻛﻔﺖ ﻳﻢ ﺍﻟﺒﺎﺏ ﻭﺍﻧﻲ ﻣﺎﻛﺪﺭ ﺍﺩﺧﻞ ﻇﻠﻴﺖ ﻭﺍﻛﻒ ﻭﻻﺯﻡ ﻳﺪﻩ ﺍﻟﺒﺎﺏ ﺑﺲ ﻣﻔﺘﺤﺘﻬﺎ ﻇﻠﻴﺖ ﻟﺤﺪ ﻣﻜﻠﺖ ﻣﻴﺨﺎﻟﻒ ﻫﻲ ﻫﻢ ﻣﺎﻟﻬﺎ ﺫﻧﺐ ﻭﻇﻠﻴﺖ ﺍﻛﺬﺏ ﻋﻠﻰ ﻧﻔﺲ ﺣﺘﻰ ﺍﻗﺘﻨﻊ ﺍﺩﺧﻞ ﺑﺲ ﺍﻛﺬﺏ ﺍﺫﺍ ﻗﺘﻨﻌﺖ ﺑﻜﻠﻤﻪ ﻣﻦ ﺍﻟﻲ ﻛﻠﺘﻪ ﻓﺘﺤﺖ ﺍﻟﺒﺎﺏ ﺗﻔﺎﺟﺌﺖ ﺑﺎﻟﺒﻨﻴﻪ ﻧﺎﻳﻤﻪ ﻃﺒﻌﺎ ﺍﻳﺴﺖ ﻣﻦ ﺟﻴﺘﻲ ﻭﻧﺎﻣﺖ ﺍﻧﻲ ﻣﻦ ﺍﻟﺒﺎﺏ ﺷﻔﺘﻬﺎ ﻧﺎﻳﻤﻪ ﺳﺪﻳﺖ ﺍﻟﺒﺎﺏ ﻭﻧﺰﻟﺖ ﺟﻮﻩ ﻟﻠﻐﺮﻓﻪ ﺑﺪﻟﺖ ﻭﻣﺪﺩﺕ ﻇﻠﻴﺖ ﺍﺗﻜﻠﺐ ﺑﺎﻟﻜﻮﻩ ﻏﻔﻴﺖ
ﻛﻌﺪﺕ ﺻﺒﺢ ﻋﻠﻰ ﺍﻣﻲ ﺗﻜﻌﺪﻱ
ﺧﺎﻟﺔ : ﻳﻤﻪ ﻟﻴﺶ ﻧﺎﻳﻢ ﻫﻨﺎ ﻣﻮ ﻳﻢ ﻋﺮﻭﺳﺘﻚ
ﺧﺎﻟﺪ : ﺟﺎﻧﺖ ﻧﺎﻳﻤﻪ ﻣﻦ ﺻﻌﺪﺕ
ﺧﺎﻟﺔ : ﻳﺎ ﺳﻮﺩﻩ ﺑﻮﺟﻬﻲ ﺍﻫﻠﻬﺎ ﺣﻴﺠﻮﻥ ﺷﻜﻮﻝ ﻻﻣﻬﺎ
ﺧﺎﻟﺪ : ﻭﺷﻌﻠﻴﻬﻢ ﺍﻫﻠﻬﺎ ﺻﺪﻙ ﺟﺬﺏ ﺣﺘﻰ ﺑﻬﺎﻱ ﺣﻴﺪﺧﻠﻮﻥ
ﺧﺎﻟﺔ : ﻳﻤﻪ ﻟﻌﺪ ﺷﻮﻥ ﻏﻴﺮ ﻳﺮﻳﺪﻭﻥ ﻳﺸﻮﻓﻮﻥ ﺑﻴﺎﺿﻬﺎ
ﺧﺎﻟﺪ : ﺭﺣﻤﻪ ﻻﻫﻠﺞ ﻳﻤﻪ ﻋﻮﻓﻴﻨﻲ ﺑﺤﺎﻟﻲ
ﺧﺎﻟﺔ : ﺩﻛﻮﻡ ﺣﺒﻴﺐ ﺍﺻﻌﺪﻟﻬﺎ ﻫﺴﻪ ﻛﺎﻋﺪﻩ ﻟﺨﺎﻃﺮﻱ ﻳﻠﻪ ﻳﺎﻋﻴﻨﻲ
ﺧﺎﻟﺪ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻚ ﻳﺎﺭﺑﻲ ﺍﻏﺴﻞ ﻭﺍﺻﻌﺪﻟﻬﺎ
ﺍﺧﺬﺕ ﺗﻠﻴﻔﻮﻧﻲ ﺩﻛﻴﺖ ﻋﻠﻰ ﺣﻴﺎﺓ ﺑﻌﺪﻩ ﻣﻐﻠﻖ ﺍﻭﻭﻭﻑ ﻳﺠﻮﺯ ﺑﻌﺪﻫﺎ ﻧﺎﻳﻤﻪ
ﻛﻤﺖ ﻏﺴﻠﺖ ﻭﻃﻠﻌﺖ ﺻﻌﺪﺕ ﻟﻠﻐﺮﻓﻪ ﺩﻛﻴﺖ ﺍﻟﺒﺎﺏ ﻭﺩﺧﻠﺖ
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﺧﺎﻟﺪ : ﺭﺣﺖ ﻛﻌﺪﺕ ﻋﺎﻟﺠﺮﺑﺎﻳﻪ ﻭﻫﻲ ﺟﺎﻧﺖ ﻭﺍﻛﻔﻪ ﻳﻢ ﺍﻟﻜﻨﺘﻮﺭ ﺑﺎﻭﻋﺘﻬﺎ ﺷﻜﻠﻬﺎ ﺯﻳﻦ ﺣﻠﻮ ﻇﻠﻴﺖ ﻛﺎﻋﺪ ﻭﻣﺪﻧﺞ ﺭﺍﺳﻲ ﻣﺎﻋﺮﻑ ﺷﺮﻳﺪ ﺍﺳﻮﻱ ﺍﻭ ﺷﺪﺍﺳﻮﻱ ﻫﻨﺎ
ﺭﻏﺪ : ﺑﺎﺭﺣﻪ ﺍﻧﻪ ﻧﻤﺖ ﻣﺎﺣﺴﻴﺖ ﻋﻠﻴﻚ ﻋﻤﻪ ﻛﻠﺘﻠﻲ ﺻﻌﺪﺕ ﻭﻟﻜﻴﺘﻨﻲ ﻧﺎﻳﻤﻪ
ﺧﺎﻟﺪ : ﺍﻱ ﻋﺎﺩﻱ ﻣﺎﻛﻮ ﻣﺸﻜﻠﻪ ﻳﻠﻪ ﻧﻨﺰﻝ ﺣﺘﻰ ﻧﺘﺮﻳﻚ
ﺭﻏﺪ : ﻣﺎﺷﻲ
ﺧﺎﻟﺪ : ﻧﺰﻟﺖ ﺍﻧﻲ ﻭﻳﺎﻫﺎ ﺟﻮﻩ ﺍﻣﻲ ﺷﺎﻓﺘﻨﺎ ﻧﺰﻟﻨﺎ ﻛﺎﻣﺖ ﺗﻬﻠﻬﻞ ﻫﻲ ﻭﺍﺧﺘﻲ ﺳﻮﻧﺎ ﺭﻳﻮﻙ ﻛﻌﺪﻧﺎ ﻧﺎﻛﻞ ﺑﺲ ﺍﻟﻲ ﻻﺣﻈﺘﻬﺎ ﻫﺎﻱ ﻣﺎﺧﺬﻩ ﻋﺎﻟﻮﺿﻌﻴﻪ ﻳﻌﻨﻲ ﺣﺘﻰ ﻣﺎﺗﺴﺘﺤﻲ ﺍﺫﻛﺮ ﺣﻴﺎﺓ ﺍﻭﻝ ﻣﺮﻩ ﺟﻨﺎ ﻧﺎﻛﻞ ﻭﺣﺪﻧﺎ ﻇﻠﺖ ﺗﺴﺘﺤﻲ ﺗﺎﻛﻞ ﺍﺫﻛﺮﺕ ﻭﺍﺑﺘﺴﻤﺖ
ﺑﺴﻤﻪ : ﺩﺿﺤﻜﻨﺎ ﻭﻳﺎﻙ
ﺧﺎﻟﺪ : ﻻ ﻫﻴﺞ ﺫﻛﺮﺕ ﺳﺎﻟﻔﻪ
ﺑﺴﻤﻪ : ﺍﻟﻲ ﺑﺎﻟﻲ
ﺧﺎﻟﺪ : ﺑﺎﻭﻋﺖ ﻋﻠﻴﻬﺎ ﻛﺘﻠﻬﺎ ﺍﻛﻮ ﻏﻴﺮﻫﺎ
ﻫﻲ ﺍﻓﺘﻬﻤﺖ ﺍﻧﻲ ﺩﺍﻗﺼﺪ ﺣﻴﺎﺓ
ﺑﺴﻤﻪ : ﻟﻌﺪ ﺷﻮﻛﺖ ﺗﺠﻲ ﺍﻣﻞ
ﺭﻏﺪ : ﻟﻴﺶ ﺑﺴﻤﻪ ﻭﻳﻦ ﺍﻣﻞ ﺭﺍﻳﺤﻪ
ﺧﺎﻟﺪ : ﺍﻟﻌﺼﺮ ﺍﺭﻭﺡ ﺍﺟﻴﺒﻬﺎ
ﺑﺴﻤﻪ : ﺍﺟﻲ ﻭﻳﺎﻙ ﺧﻮﻱ ﺣﺘﻰ ﺍﺷﻮﻓﻬﺎ
ﺧﺎﻟﺪ : ﺍﻱ ﻫﻼ ﺑﻴﺞ ﻳﻠﻪ ﺍﻟﺤﻤﺪﻟﻠﻪ ﺷﺒﻌﺖ
ﻛﻤﺖ ﺍﺭﻭﺡ ﺍﻏﺴﻞ ﻓﺎﻟﻤﻐﺴﻠﻪ ﺑﺎﻟﻤﻤﺮﻩ ﻋﺎﻟﻤﻄﺒﺦ ﺳﻤﻌﺖ ﺭﻏﺪ ﺩﻛﻮﻝ ﻟﺒﺴﻤﻪ
ﺭﻏﺪ : ﻣﻜﻠﺘﻴﻠﻲ ﻭﻳﻦ ﺍﻣﻞ
ﺑﺴﻤﻪ : ﻳﻢ ﺣﻴﺎﺓ ﺑﺎﻳﺘﻪ
ﺭﻏﺪ : ﻣﺮﺗﻪ
ﺑﺴﻤﻪ : ﺍﻱ
ﺭﻏﺪ : ﻭﻟﻴﺶ ﻧﺎﻳﻤﻪ ﻳﻤﻬﺎ
ﺑﺴﻤﻪ : ﻫﻨﺎ ﻣﺘﻌﻠﻤﺎﺕ ﺩﺍﻳﻤﺎ ﺳﻮﻩ ﻓﺮﺍﺣﺖ ﺍﻣﻞ ﻧﺎﻣﺖ ﻳﻤﻬﺎ
ﺭﻏﺪ : ﺯﻳﻦ ﻫﻲ ﺷﻮﻛﺖ ﺗﺮﺟﻊ ﻣﺮﺗﻪ
ﺑﺴﻤﻪ : ﻣﻄﻮﻝ ﻫﺎﻟﻴﻮﻣﻴﻦ
ﺭﻏﺪ : ﺍﻧﻲ ﺍﻟﺤﻤﺪﻟﻠﻪ ﺷﺒﻌﺖ
ﺧﺎﻟﺪ : ﺑﺎﻭﻋﺖ ﻋﻠﻰ ﺑﺴﻤﻪ ﻫﻲ ﺍﻓﺘﻬﻤﺖ ﻧﻈﺮﺗﻲ ﻻﻥ ﺍﻧﻲ ﻣﺎﺣﺐ ﺍﺣﺪ ﻳﺪﺧﻞ ﻧﻔﺴﻪ ﻛﺎﻟﺘﻠﻲ
ﺑﺴﻤﻪ : ﺍﻧﺖ ﺗﻌﻠﻤﻬﺎ ﺑﻌﺪﻫﺎ ﺻﻐﻴﺮﻩ
ﺧﺎﻟﺪ : ﻋﻔﺘﻬﺎ ﻭﻃﻠﻌﺖ ﻟﻠﻜﺮﺍﺝ ﺩﻛﻴﺖ ﻋﻠﻰ ﺣﻴﺎﺓ ﻭﻫﻢ ﻣﻐﻠﻖ ﺳﺎﻋﻪ ﺏ 10 ﻭﻣﺎﻛﻮ ﻭﺍﻋﺮﻑ ﺣﻴﺎﺓ ﻣﺘﻨﺎﻡ ﻟﻬﺬﺍ ﺍﻟﻮﻗﺖ
ﺣﻴﺎﺓ : ﻇﻠﻴﺖ ﻛﺎﻋﺪﻩ ﻟﺤﺪ ﻣﺎﺫﻥ ﺍﻟﻔﺠﺮ ﺻﻠﻴﺖ ﻭﻧﻤﺖ ﺑﺲ ﺍﺣﺲ ﻧﺎﺭ ﺑﺼﺪﺭﻱ ﻛﻌﺪﺕ ﻋﻠﻰ ﺍﻣﻞ ﺗﻜﻌﺪﻧﻲ ﺏ 11
ﺍﻣﻞ : ﺣﻴﺎﺓ ﻳﻠﻪ ﻛﻮﻣﻲ ﻋﻔﻴﻪ ﺍﺭﻳﺪ ﺍﺭﻭﺡ ﻟﻠﺤﻤﺎﻡ ﻭﺍﺳﺘﺤﻲ ﻣﻦ ﻋﻤﻮ
ﺣﻴﺎﺓ : ﺍﻭﻭﻭ ﺟﺎﻥ ﻃﻠﻌﺘﻲ ﺍﺑﻮﻳﻪ ﻛﺎﻝ ﺍﻃﻠﻊ ﻣﻦ ﺻﺒﺢ ﺭﻭﺣﻲ ﺭﻭﺣﻲ ﻣﺎﻛﻮ ﺍﺣﺪ
ﺍﻣﻞ : ﺧﺮﺏ ﻭﺍﻧﻲ ﺣﺎﺻﺮﻩ ﻧﻔﺴﻲ ﻣﻦ ﺗﺴﻌﻪ ﻟﻬﺴﻪ ﺍﻧﺘﻈﺮﺝ ﺗﻜﻌﺪﻳﻦ
ﺣﻴﺎﺓ : ﻳﻠﻪ ﺭﻭﺣﻲ ﺑﺎﻭﻋﺖ ﻋﺎﻟﺴﺎﻋﻪ ﺣﻴﻞ ﺏ 11 ﺑﺲ ﺟﺴﻤﻲ ﻣﻜﺴﺮ ﻭﻣﺎﺑﻴﻪ ﺣﻴﻞ ﺍﻛﻮﻡ
ﺷﻮﻳﻪ ﻭﺭﺟﻌﺖ ﺍﻣﻞ
ﺍﻣﻞ : ﺣﻴﺎﺓ ﺍﺑﻮﻳﻪ ﺩﻙ ﻋﻠﻴﻪ ﻭﺳﺌﻠﻨﻲ ﻋﻠﻴﺞ ﻛﻠﺘﻠﻪ ﻧﺎﻳﻤﻪ ﻛﻠﻲ ﺧﻞ ﺗﻔﺘﺢ ﺟﻬﺎﺯﻫﺎ ﻣﻦ ﺗﻜﻌﺪ
ﺣﻴﺎﺓ : ﻫﺰﻳﺖ ﺭﺍﺳﻲ ﺍﻱ ﻇﻠﻴﺖ ﺑﺎﻟﻔﺮﺍﺵ ﻭﺍﻣﻞ ﻛﺎﻋﺪﻩ ﺻﻔﻂ ﺑﻔﺮﺍﺷﻬﺎ
ﺍﻣﻞ : ﻳﻠﻪ ﻛﻮﻣﻲ ﻋﺎﺩ ﻣﻮ ﻣﺘﺖ ﺟﻮﻉ ﺷﻨﻮ ﻣﺤﺘﺮﻳﻜﻴﻨﻲ
ﺣﻴﺎﺓ : ﺍﻱ ﻫﺴﻪ ﻛﻤﺖ ﺭﺣﺖ ﻟﻠﺤﻤﺎﻡ ﻭﺭﺣﺖ ﻟﻠﻤﻄﺒﺦ ﺍﻣﻞ ﻳﻤﻲ ﺳﻮﻳﻨﺎ ﺭﻳﻮﻙ ﻭﻛﻌﺪﻧﺎ ﻧﺎﻛﻞ ﺍﻧﻲ ﻣﺎﺷﺘﻬﻲ ﺍﻛﻞ
ﺍﻣﻞ : ﺑﺎﺑﺎ ﺣﻴﺠﻲ ﺍﻟﻌﺼﺮ ﻳﺎﺧﺬﻧﻲ ﻭﻛﺎﻝ ﻋﻤﻪ ﺑﺴﻤﻪ ﺗﺠﻲ ﺗﺮﻳﺪ ﺷﻮﻓﺞ
ﺣﻴﺎﺓ : ﻫﻼ ﺑﻴﻬﺎ ﺑﺲ ﻟﻴﺶ ﺣﺘﺮﻭﺣﻴﻦ ﺍﺑﻘﻲ ﻳﻤﻲ
ﺍﻣﻞ : ﻣﻮﺯﻳﻦ ﺍﺑﻮﻳﻪ ﺧﻼﻧﻲ ﺍﺑﺎﺕ ﻣﺎﻋﺮﻑ ﺷﻮﻥ ﺍﻭﻝ ﻣﻜﻠﺘﻠﻪ ﻗﻨﻊ ﻫﻮ ﻳﻢ ﺧﺎﻻﺗﻲ ﻣﻴﺨﻠﻴﻨﻲ ﺍﺑﺎﺕ
ﺣﻴﺎﺓ : ﻫﻬﻬﻪ ﺷﺘﺤﺒﻴﻦ ﺗﺘﻐﺪﻳﻦ
ﺍﻣﻞ : ﻣﻤﻤﻤﻢ ﺳﻮﻳﻠﻲ ﻫﺬﺍ ﺗﺒﺴﻲ ﺍﻟﻤﺮﻩ ﺳﻮﻳﺘﻴﻪ ﺑﺎﻟﺒﻴﺖ ﺍﺑﻮ ﺍﻟﺒﺘﻴﺘﻪ ﻭﺍﻟﻠﺤﻢ
ﺣﻴﺎﺓ : ﻫﺎ ﺍﻭﻛﻲ ﺗﺪﻟﻠﻴﻦ
ﺍﻣﻞ : ﺷﺒﻲ ﻭﺟﻬﺞ ﺍﺻﻔﺮ
ﺣﻴﺎﺓ : ﻣﺎﺩﺭﻱ ﻳﺠﻮﺯ ﻻﻥ ﻣﻨﺎﻳﻤﻪ ﺯﻳﻦ ﺑﺎﺭﺣﻪ
ﺍﻣﻞ : ﺣﺴﻴﺖ ﺑﺎﻟﻠﻴﻞ ﻣﻠﻜﻴﺘﺞ ﻳﻤﻲ ﻛﻠﺖ ﻳﺠﻮﺯ ﺑﺎﻟﺤﻤﺎﻡ
ﺣﻴﺎﺓ : ﻣﺎﻛﺪﺭﺕ ﺍﻧﺎﻡ ﻃﻠﻌﺖ ﺑﺮﻩ ﻛﻌﺪﺕ ﻭﺻﺎﺭ ﺍﻟﻔﺠﺮ ﺻﻠﻴﺖ ﻭﻧﻤﺖ
ﺍﻣﻞ : ﺟﺎﻥ ﻛﻌﺪﺗﻴﻨﻲ
ﺣﻴﺎﺓ : ﻻ ﺣﺒﻲ ﻗﺎﺑﻞ ﺷﻜﻮ
ﺍﻣﻞ : ﺷﻮﻛﺖ ﺗﺮﺟﻌﻴﻦ ﻟﻠﺒﻴﺖ
ﺣﻴﺎﺓ : ﺗﻨﺠﺖ ﺭﺍﺳﻲ ﻣﺎﻋﺮﻑ
ﺍﻣﻞ : ﻳﻌﻨﻲ ﺷﻨﻮ ﻣﺘﻌﺮﻓﻴﻦ
ﺣﻴﺎﺓ : ﻣﺎﻛﺪﺭ ﺍﺭﺟﻊ
ﺍﻣﻞ : ﻭﺑﺎﺑﺎ ﺣﻴﻘﺘﻨﻊ ﺑﻠﻪ
ﺣﻴﺎﺓ : ﻻﺯﻡ ﻳﻘﺘﻨﻊ ﻣﺎﻛﺪﺭ ﺍﺷﻮﻓﻪ ﻳﻢ ﻣﺮﻩ ﺛﺎﻧﻴﻪ ﻭﺍﺗﻘﺒﻞ ﺍﻧﻲ ﻃﻮﻝ ﻋﻤﺮﻱ ﺍﻟﻲ ﻳﺰﻭﺝ ﻋﻠﻰ ﻣﺮﺗﻪ ﺍﻛﻮﻝ ﻫﺎﻱ ﻣﺮﺗﻪ ﺍﻻﻭﻟﻰ ﺷﻮﻥ ﺗﺘﺤﻤﻞ ﺍﻧﻲ ﻟﻮ ﻣﻨﻬﺎ ﻭﺍﻟﻠﻪ ﻣﺎﺑﻘﻰ ﺩﻗﻴﻘﻪ ﺑﺲ ﺷﻮﻓﻲ ﺷﻮﻥ ﺩﺍﺭﺕ ﺑﻴﻪ ﺩﻧﻴﺎ ﻭﻧﺤﻄﻴﻦ ﺑﻨﻔﺲ ﺍﻟﻤﻜﺎﻥ
ﺍﻣﻞ : ﺣﻴﺎﺓ ﺍﺑﻮﻳﻪ ﺳﻮﻩ ﻫﺬﺍ ﺍﻟﺸﻲ ﻋﻠﻤﻮﺩﺝ
ﺣﻴﺎﺓ : ﻭﺍﻧﻲ ﻋﻠﻤﻮﺩ ﻧﻔﺴﻲ ﻣﺎﻛﺪﺭ ﺍﺭﺟﻊ ﻻﻥ ﺍﻋﺮﻑ ﺷﺤﻴﺼﻴﺮ ﺑﻴﻪ
ﺍﻣﻞ : ﺑﺎﺑﺎ ﻣﻴﺨﻠﻴﺞ ﻭﺍﻟﻠﻪ
ﺣﻴﺎﺓ : ﻳﺘﻌﻠﻢ
ﺍﻣﻞ : ﻭﺍﻧﻲ ﺷﻮﻥ ﺍﺗﻌﻠﻢ
ﺣﻴﺎﺓ : ﺍﻧﺘﻲ ﻫﻢ ﺍﻥ ﺷﺎﺀﺍﻟﻠﻪ ﺗﺰﻭﺟﻴﻦ ﺍﺣﻤﺪ ﻭﺗﺮﻭﺣﻴﻦ
ﺣﺮﻭﺡ ﺍﻓﺘﺢ ﺟﻬﺎﺯﻱ
ﺭﺣﺖ ﻓﺘﺤﺖ ﺟﻬﺎﺯﻱ ﺷﻮﻳﻪ ﺟﺘﻨﻲ ﺭﺳﺎﻟﻪ ﻫﺬﺍ ﺍﻟﺮﻗﻢ ﺍﺗﺼﺎﻝ ﻋﻠﻴﻚ ﻣﻦ ﺗﻠﻴﻔﻮﻧﻲ ﻣﻐﻠﻖ ﺩﻗﺎﻳﻖ ﻭﺩﻙ ﺧﺎﻟﺪ ﺍﻇﺎﻫﺮ ﺍﺟﺘﻪ ﺭﺳﺎﻟﻪ ﺍﻧﻲ ﻓﺘﺤﺖ ﺟﻬﺎﺯﻱ
ﺍﻟﻮ
ﻫﺎﻱ ﻭﻳﻦ ﻟﻴﺶ ﻏﺎﻟﻘﻪ ﺟﻬﺎﺯﺝ ( ﺑﻌﺼﺒﻴﻪ )
ﻧﻤﺖ ﻭﻧﺴﻴﺖ ﺍﻓﺘﺤﻪ
ﻭﻟﻴﺶ ﻏﺎﻟﻘﺘﻪ ﺍﺻﻼ
ﺟﺎﻥ ﻣﺎﺑﻲ ﺷﺤﻦ
ﻭﺣﻖ ﺭﺑﺞ ﺍﺫﺍ ﻏﻠﻘﺘﻲ ﻣﺮﻩ ﺛﺎﻧﻲ ﻭﺍﻟﻠﻪ ﺍﻣﻮﺗﺞ
....... ﺳﻜﻮﺕ
ﺣﻴﺎﺓ
ﻧﻌﻢ
ﺗﻌﺮﻓﻴﻦ ﺷﻮﻥ ﻇﻞ ﺑﺎﻟﻲ ﻋﻠﻴﺞ ﻻﻥ ﻏﺎﻟﻘﻪ ﺟﻬﺎﺯﺝ ﺍﻟﻠﻪ ﻳﺤﺒﻨﻲ ﺍﻣﻞ ﻳﻤﺞ ﻭﺍﻻ ﺟﺎﻥ ﺍﺟﻴﺘﺞ ﺑﺎﻟﻠﻴﻞ
ﺟﺮﻳﺖ ﺣﺴﺮﻩ ﺍﻱ ﺑﻌﺪ ﻣﺎﻏﻠﻘﻪ
ﺷﺒﻴﺞ
ﻣﺎﺑﻴﻪ
ﺍﻟﻌﺼﺮ ﺍﺟﻲ ﺍﺷﻮﻓﺞ ﻭﺍﺧﺬ ﺍﻣﻞ
ﻻ ﻟﺘﺠﻲ ﺍﻧﺖ ﺩﺯ ﺣﺴﻴﻦ
ﻟﻴﺶ ﻣﺎﺟﻲ
ﻻﺗﻨﺴﻰ ﻋﺮﻳﺲ ﻭﻻﺯﻡ ﺗﺒﻘﻰ ﻳﻢ ﻋﺮﻭﺳﺘﻚ
ﺷﻬﺎﻟﺤﺠﻲ ﻳﺎﻋﺮﻳﺲ ﻳﺎﺑﻄﻴﺦ ﻭﻟﺞ ﻟﻴﺶ ﺗﺤﺠﻴﻦ ﻭﻳﺎﻳﻪ ﻫﻴﺞ ﺑﻴﺞ ﺷﻲ
ﻣﺎﺑﻴﻪ ﺑﺲ ﻣﺎﺭﻳﺪ ﺍﺷﻮﻓﻚ ﻫﺎﻻﻳﺎﻡ
ﻭﻟﺞ ﺷﺪﻛﻮﻟﻴﻦ
ﺧﻞ ﻫﺎﻟﻴﻮﻣﻴﻦ ﻣﻨﺸﺎﻭﻑ
ﻣﺘﺮﺩﻳﻦ ﺷﻮﻓﻴﻨﻲ
ﺟﺮﻳﺖ ﻧﻔﺲ ﺍﻱ
ﻣﺎﺷﻲ ﺣﻴﺎﺓ ﺑﺮﺍﺣﺘﺞ ﻳﻠﻪ ﻣﻊ ﺍﻟﺴﻼﻣﻪ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻣﺎﺭﻳﺪ ﺍﺷﻮﻑ ﺧﺎﻟﺪ ﻻﻥ ﻣﺎﻛﺪﺭ ﺍﺗﺤﻤﻞ ﺍﺧﻠﻲ ﻳﺮﻭﺡ ﻣﺮﻩ ﺛﺎﻧﻴﻪ ﻭﺍﻋﺮﻑ ﻫﺎﻟﻤﺮﻩ ﺣﻴﺮﻭﺣﻠﻬﺎ ﻭﻫﻲ ﺑﺎﻟﺒﻴﺖ ﻣﺎﻛﺪﺭ ﻭﻻﺯﻡ ﻧﺘﻌﻠﻢ ﺍﺛﻨﻴﻨﺎ ﻋﻠﻰ ﻋﺪﻡ ﻭﺟﻮﺩﻧﺎ ﺑﺤﻴﺎﻩ ﺑﻌﺾ ﻻﻥ ﺍﻧﻲ ﻣﻦ ﻳﻮﻡ ﺍﻟﻄﻠﻌﺖ ﻭﺍﻧﻲ ﻗﺮﺭﺕ ﺑﻌﺪ ﻣﺎﺭﺟﻊ ﺻﺢ ﺣﺘﻌﺬﺏ ﺻﺢ ﺍﻇﻞ ﻳﺠﻮﺯ ﺍﺗﻨﺪﻡ ﻻﻥ ﻣﺮﺟﻌﺖ ﺑﺲ ﻣﺎﺭﻳﺪ ﺍﻛﺮﻩ ﻧﻔﺴﻲ ﺑﻌﺪﻳﻦ ﻭﻣﺎﺭﻳﺪ ﺍﺣﺪ ﻳﺸﻤﺖ ﺑﻴﻪ ﻻﺯﻡ ﺍﺗﺤﻤﻞ
ﻇﻠﻴﺖ ﺍﺣﺎﻭﻝ ﺍﺗﻨﺎﺳﻰ ﻭﺍﺷﺘﻐﻞ ﻭﺍﺳﻮﻟﻒ ﻭﻳﻪ ﺍﻣﻞ ﺑﺲ ﺟﺴﻤﻲ ﺟﺎﻥ ﻳﻮﺟﻌﻨﻲ ﻛﻠﺶ ﻭﺍﺣﺲ ﻧﻔﺴﻲ ﻣﻜﺴﺮﻩ ﻟﺤﺪ ﺍﻟﻈﻬﺮ ﺗﻐﺪﻳﻨﺎ ﻭﺭﺍﻫﺎ ﺑﻌﺪ ﻣﻜﺪﺭﺕ ﺍﻗﺎﻭﻡ ﻛﺘﻠﻬﺎ ﺍﻣﻞ ﺗﻌﺎﻟﻲ ﺭﻭﺡ ﻟﻠﻐﺮﻓﻪ ﺍﺭﻳﺪ ﺍﻣﺪﺩ ﺷﻮ ﺗﻌﺒﺎﻧﻪ ﻛﻠﺶ
ﺭﺣﺖ ﻣﺪﺩﺕ ﺍﻭﻝ ﻣﺨﻠﻴﺖ ﺭﺍﺳﻲ ﻧﻤﺖ ﻭﺟﺎﻧﺖ ﺑﺎﺭﺩﻩ ﻛﻠﺶ ﻭﺟﺴﻤﻲ ﻳﻮﺟﻌﻨﻲ
ﺧﺎﻟﺪ : ﺳﺪﻳﺖ ﺗﻠﻴﻔﻮﻥ ﻭﻳﻪ ﺣﻴﺎﺓ ﻭﺍﻧﻲ ﺩﻣﻲ ﻓﺎﺭ ﻻﻥ ﺣﺴﻴﺖ ﺣﻴﺎﺓ ﺗﺮﻳﺪ ﺗﺒﺘﻌﺪ ﻋﻨﻲ ﺷﻮﻳﻪ ﺷﻮﻳﻪ ﻭﺗﺨﻠﻴﻨﻲ ﺍﺗﻌﻠﻢ ﻋﻠﻰ ﻏﻴﺎﺑﻬﺎ ﻃﻠﻌﺖ ﻣﻦ ﺍﻟﺒﻴﺖ ﺭﺣﺖ ﺍﺣﻞ ﺟﻢ ﺷﻐﻠﻪ ﻋﻨﺪﻱ ﺟﻨﺖ ﻣﺎﺟﻠﻬﺎ
ﻇﻠﻴﺖ ﻟﻠﻈﻬﺮ ﺭﺟﻌﺖ ﺗﻐﺪﻳﺖ ﻭﺍﻣﻲ ﻻﺯﻣﺘﻨﻲ ﺍﺻﻌﺪ ﻟﻌﺮﻭﺳﺘﻚ ﻭﺍﺻﻌﺪ ﻟﻌﺮﻭﺳﺘﻚ ﻛﻤﻠﺖ ﻏﺪﻩ ﺭﺣﺖ ﻣﺪﺩﺕ ﺑﺎﻟﻐﺮﻓﻪ ﺧﺎﺑﺮﺕ ﺍﻣﻞ
ﺍﻟﻮ
ﻫﺎ ﺑﺎﺑﺎ ﺷﻮﻧﻚ
ﺍﻟﺤﻤﺪﻟﻠﻪ ﺍﻧﺖ ﺷﻮﻧﺞ
ﺍﻟﺤﻤﺪﻟﻠﻪ
ﻓﺪ ﺑﺎﻟﺨﻤﺴﻪ ﺍﺩﺯ ﻋﻤﺞ ﺣﺴﻴﻦ ﻳﺎﺧﺬﺝ
ﺑﺎﺑﺎ ﻣﻴﺨﺎﻟﻒ ﺍﺑﻘﻰ ﺍﻟﻴﻮﻡ ﺷﻮ ﺣﻴﺎﺓ ﻣﺪﺭﻱ ﺷﺒﻴﻬﺎ ﻳﻤﻜﻦ ﻣﺮﻳﻀﻪ
ﺷﺒﻴﻬﺎ ﺣﻴﺎﺓ ﺷﻨﻮ ﻣﺮﻳﻀﻪ
ﻣﺎﺩﺭﻱ ﺷﻮ ﻛﺎﻟﺖ ﻣﺎﺑﻴﻪ ﺣﻴﻞ ﺣﻤﺪﺩ ﻭﻧﺎﻣﺖ ﻫﺴﻪ ﺟﺴﻤﻬﺎ ﺣﺎﺭ ﻳﻤﻜﻦ ﻣﺮﻳﻀﻪ
ﻫﺴﻪ ﺟﺎﻳﺞ
ﻣﺎﺷﻲ ﺑﺎﺑﺎ ﺑﺎﻱ
ﺧﺎﻟﺪ : ﻛﻤﺖ ﺑﺴﺮﻋﻪ ﺑﺪﻟﺖ ﻭﻃﻠﻌﺖ
ﺧﺎﻟﺔ : ﻭﻳﻦ ﺭﺍﻳﺢ ﺷﻮ ﻫﻢ ﺑﺪﻟﺖ
ﺧﺎﻟﺪ : ﻋﻨﺪﻱ ﺷﻐﻞ ﻳﻠﻪ ﻣﻊ ﺳﻼﻣﻪ
ﺧﺎﻟﺪ : ﻃﻠﻌﺖ ﻭﺭﻛﺒﺖ ﺳﻴﺎﺭﻩ ﻭﺭﺣﺖ ﻋﺎﻟﺒﻴﺖ ﺍﺑﻮ ﺣﻴﺎﺓ ﺩﺍﺷﻮﻑ ﺣﻴﺎﺓ
ﻭﺻﻠﺖ ﺩﻛﻴﺖ ﻃﻠﻊ ﺍﺑﻮﺣﻴﺎﺓ ﺍﻟﺴﻼﻡ ﻋﻠﻴﻜﻢ
ﺍﺑﻮ ﺣﻴﺎﺓ : ﻭﻋﻠﻴﻜﻢ ﺍﻟﺴﻼﻡ ﻫﻼ ﺣﻴﺎﻙ ﺍﻟﻠﻪ ﺗﻔﻀﻞ
ﺧﺎﻟﺪ : ﻭﺍﻟﻠﻪ ﺳﻤﻌﺖ ﻣﻦ ﺍﻣﻞ ﺣﻴﺎﺓ ﻣﺎﻟﻬﺎ ﺧﻠﻚ ﺟﻴﺖ ﺍﺷﻮﻓﻬﺎ
ﺍﺑﻮﺣﻴﺎﺓ : ﺍﻱ ﻭﺍﻟﻠﻪ ﺷﻮ ﻣﺼﺨﻨﻪ ﺑﺲ ﺍﻣﻞ ﻣﺎﺗﺮﻛﺘﻬﺎ ﺍﻟﻤﺴﻜﻴﻨﻪ
ﺗﻔﻀﻞ ﻓﻮﺗﻠﻬﺎ ﺑﺎﻟﻐﺮﻓﻪ ﻛﺎﻋﺪﻳﻦ
ﺧﺎﻟﺪ : ﻓﺘﺖ ﺑﺴﺮﻋﻪ ﺭﺣﺖ ﻟﻐﺮﻓﻪ ﺣﻴﺎﺓ ﺩﻛﻴﺖ ﻓﺘﺤﺖ ﺍﻟﺒﺎﺏ ﻟﻜﻴﺖ ﺍﻣﻞ ﻭﺣﻴﺎﺓ ﻧﺎﻳﻤﻪ
ﺍﻣﻞ : ﻫﻠﻮ ﺑﺎﺑﺎ ﺷﺒﺴﺮﻋﻪ ﺟﻴﺖ
ﺧﺎﻟﺪ : ﺍﻱ ﻣﺎﻛﻮ ﺯﺩﺣﺎﻡ ﺷﻮﻥ ﺻﺎﺭﺕ ﺣﻴﺎﺓ .. ﺗﻘﺮﺑﺖ ﻋﻠﻴﻬﺎ ﻭﺧﻠﻴﺖ ﺍﻳﺪﻱ ﻋﻠﻰ ﻛﺼﺘﻬﺎ ﻟﻜﻴﺘﻬﺎ ﺣﺎﺭﻩ
ﺍﻣﻞ : ﺑﺎﺑﺎ ﺑﻌﺪﻫﺎ ﺻﺒﺢ ﺟﺎﻧﺖ ﻣﺎﺑﻴﻬﺎ ﺷﻲ ﻓﺠﺎﻩ ﻫﻴﺞ ﺻﺎﺭﺕ
ﺧﺎﻟﺪ : ﺣﻴﺎﺓ ﺣﺒﻴﺒﺘﻲ ﻛﻮﻣﻲ ﻏﺴﻠﻲ
ﺣﻴﺎﺓ : ﻣﺎﺭﻳﺪ ﺑﺎﺭﺩﻩ ﻣﺠﻨﺖ ﺍﻋﺮﻑ ﺧﺎﻟﺪ ﺍﺟﻪ ﻃﺒﻌﺎ ﻣﻤﻴﺰ ﺻﻮﺗﻪ ﻻﻥ ﺍﻟﺼﺨﻮﻧﻪ ﺩﻣﺮﺗﻨﻲ
ﺧﺎﻟﺪ : ﻛﻮﻣﻲ ﻳﻠﻪ ﺍﻧﻲ ﺍﺳﺎﻋﺪﺝ ﻣﻴﺼﻴﺮ ﺗﺒﻘﻴﻦ ﻫﻴﺞ .. ﻛﻮﻣﺘﻬﺎ ﺑﺎﻟﻜﻮﻩ
ﺣﻴﺎﺓ : ﻟﻴﺶ ﺟﻴﺖ
ﺧﺎﻟﺪ : ﺩﻛﻮﻣﻲ ﺷﻮﻥ ﺳﺎﻟﻔﻪ ﻳﻠﻪ ﺍﻣﻞ ﺍﺧﺬﻳﻬﺎ ﻟﻠﺤﻤﺎﻡ ﺧﻞ ﺗﻐﺴﻞ ﻭﺟﻬﺎ ﺍﻳﺪﻳﻬﺎ
ﺣﻴﺎﺓ : ﺟﻨﺖ ﺗﻌﺒﺎﻧﻪ ﻛﻠﺶ ﻭﻋﻈﺎﻣﻲ ﻳﻮﻧﻦ ﻋﻠﻴﻪ ﺑﺎﻟﻜﻮﻩ ﺭﺣﺖ ﻏﺴﻠﺖ ﻭﺭﺟﻌﺖ ﻟﻠﻔﺮﺍﺵ ﺍﺭﺟﻒ ﺑﺎﺭﺩﻩ
ﺧﺎﻟﺪ : ﻫﺴﻪ ﺍﺟﻴﺒﻠﺞ ﺩﻭﻩ ﻣﺎﺷﻲ
ﺭﺣﺖ ﻟﻠﺼﻴﺪﻟﻴﻪ ﺟﺒﺘﻠﻬﺎ ﺩﻭﻩ ﻭﺭﺟﻌﺖ
ﺧﺎﻟﺪ : ﻫﻲ ﻣﺘﻐﺪﺍﻳﻪ
ﺍﻣﻞ ﻱ ﺍﻱ ﺑﺎﺑﺎ ﺍﻛﻠﺖ ﺑﺲ ﻣﻮ ﻛﻠﺶ ﻫﻮﺍﻱ
ﺧﺎﻟﺪ : ﻣﻴﺨﺎﻟﻒ ﺍﻟﻤﻬﻢ ﻣﺎﻛﻠﻪ ﻳﻠﻪ ﻛﻮﻣﻲ ﺣﺒﻴﺒﺘﻲ ﺍﺧﺬﻱ ﺩﻭﻩ
ﺣﻴﺎﺓ : ﻣﺎﺭﻳﺪ ﺑﺲ ﻏﻄﻮﻧﻲ ﺑﺎﺭﺩﻩ
ﺧﺎﻟﺪ : ﺩﻛﻮﻣﻲ ﻋﺎﺩ ﺣﻜﺘﻠﺞ
ﺣﻴﺎﺓ : ﻛﻤﺖ ﺑﺎﻟﻜﻮﻩ ﺍﺧﺬﺕ ﻋﻼﺝ ﻭﺭﺩﻳﺖ ﻧﻤﺖ
ﻣﺤﺴﻴﺖ ﺑﻌﺪ
ﺧﺎﻟﺪ : ﻇﻠﻴﺖ ﻛﺎﻋﺪ ﺍﺑﺎﻉ ﻋﻠﻰ ﺣﻴﺎﺓ ﻭﺟﻨﺖ ﺍﺗﻤﻨﻰ ﺍﻧﺎﻡ ﻭﺍﻧﻴﻤﻬﺎ ﺑﺤﻈﻨﻲ
ﻃﻠﻌﺖ ﻳﻢ ﺍﺑﻮ ﺣﻴﺎﺓ ﻛﻌﺪﺕ ﺍﻟﻲ ﺧﻄﻴﻪ ﻧﺨﺒﺺ ﺍﻛﺜﺮ ﻣﻨﻲ ﻋﻠﻰ ﺣﻴﺎﺓ ﻭﻛﻠﺴﻊ ﻣﻄﻠﻌﻠﻲ ﺩﻭﻩ ﻣﻦ ﺍﺩﻭﻳﺘﻪ ﻳﻜﻠﻲ ﻫﺎﻱ ﺗﻔﻴﺪﻫﺎ ﻟﻠﻔﻼﻭﻧﺰﺍ
ﺣﻴﺎﺓ : ﻛﻌﺪﺕ ﺣﺴﻴﺖ ﻧﻔﺴﻲ ﻣﺤﺘﺮﻩ ﻛﻠﺶ ﻭﻋﺮﻛﺎﻧﻪ ﺷﻔﺖ ﺧﻄﻴﻪ ﺍﻣﻞ ﻛﺎﻋﺪﻩ ﻳﻤﻲ
ﻫﺎﻱ ﺻﺎﻳﺮ ﺑﻴﻪ ﺣﺎﺭﻩ
ﺍﻣﻞ : ﺍﻱ ﻫﺎﻱ ﻓﻜﺘﺞ ﺍﻟﺼﺨﻮﻧﻪ ﺧﻞ ﺍﺻﻴﺢ ﺑﺎﺑﺎ
ﺣﻴﺎﺓ : ﻟﻴﺶ ﺑﻌﺪﻩ ﻫﻨﺎ
ﺍﻣﻞ : ﺍﻱ ﺑﺮﻩ ﺣﺮﻭﺡ ﺍﺻﻴﺤﻪ
ﺧﺎﻟﺪ : ﺍﺟﺘﻲ ﺍﻣﻞ ﺻﺎﺣﺘﻨﻲ ﺭﺣﺖ ﻟﺤﻴﺎﺓ
ﻫﺎ ﺣﺒﻴﺒﺘﻲ ﺷﻮﻥ ﺻﺮﺗﻲ
ﺣﻴﺎﺓ : ﺍﻟﺤﻤﺪﻟﻠﻪ ﺷﻌﺪﻙ ﻟﻬﺴﻪ ﻫﻨﺎ
ﺧﺎﻟﺪ : ﻏﻴﺮ ﺑﺎﻗﻲ ﻋﻠﻤﻮﺩﺝ ﻭﻟﻮ ﺍﻧﻲ ﻣﺤﺎﺟﻲ ﻭﻳﺎﺝ ﺑﺲ ﻻﻥ ﻫﺴﻪ ﻣﺮﻳﻀﻪ
ﺣﻴﺎﺓ : ﺑﺎﻭﻋﺖ ﻋﻠﻰ ﺧﺎﻟﺪ 😒
ﺧﺎﻟﺪ : ﺟﻮﻋﺎﻧﻪ
ﺣﻴﺎﺓ : ﻻ ﺍﺭﻳﺪ ﻣﺎﻱ
ﺍﻣﻞ : ﻫﺴﻪ ﺍﺟﻴﺒﻠﺞ
ﺧﺎﻟﺪ : ﻛﻌﺪﺕ ﻳﻢ ﺣﻴﺎﺓ .. ﻫﻴﺞ ﺗﺨﻮﻓﻴﻨﻲ ﻋﻠﻴﺞ
ﺣﻴﺎﺓ : ﻣﺎﺩﺭﻱ ﻳﻤﻜﻦ ﻻﻥ ﻣﻨﻤﺖ ﺍﻟﺒﺎﺭﺣﻪ ﻣﺎﻋﺮﻑ ﺣﺠﻴﺘﻬﺎ ﻭﺑﺪﻭﻥ ﻣﺎﻧﺘﺒﻪ
ﺧﺎﻟﺪ : ﻟﻴﺶ ﺍﻟﺒﺎﺭﺣﻪ ﻣﻮ ﺧﺎﺑﺮﺕ ﺍﻣﻞ ﻭﻛﻠﺘﻠﻲ ﻧﺎﻳﻤﻪ
ﺣﻴﺎﺓ : ﺍﻱ ﻣﻮ ﻛﻌﺪﺕ ﻭﺭﺍﻫﺎ
ﺧﺎﻟﺪ : ﻛﻌﺪﺗﻲ ﻭﺭﺍﻫﺎ ﻭﻟﺞ ﻋﺒﺎﻟﺞ ﻣﺎﻋﺮﻓﺖ ﺑﺲ ﺍﻧﻲ ﺍﻋﻠﻤﺞ ﺑﻌﺪﻧﻲ ﻣﻤﺤﺎﺳﺒﺢ ﻋﻠﻰ ﻛﻼﻣﺞ ﺍﻟﻲ ﺻﺒﺢ ﺑﺲ ﻫﺴﻪ ﻣﺮﻳﻀﻪ ﺻﻴﺮﻱ ﺯﻳﻨﻪ ﻭﺍﻟﻠﻪ ﻛﺮﻳﻢ
ﺣﻴﺎﺓ 😒:
ﺍﻣﻞ : ﻫﺎﺝ ﻫﺬﺍ ﻣﺎﻱ
ﺣﻴﺎﺓ : ﺷﻜﺮﺍ
ﺍﺑﻮ ﺣﻴﺎﺓ : ﻫﺎ ﺑﺎﺑﺎ ﺷﻮﻥ ﺻﺮﺗﻲ
ﺣﻴﺎﺓ : ﺍﻟﺤﻤﺪﻟﻠﻪ ﺯﻳﻨﻪ
ﺍﺑﻮ ﺣﻴﺎﺓ : ﻃﺒﻌﺎ ﺗﺘﻤﺮﺿﻴﻦ ﺑﺎﺭﺣﻪ ﺍﻟﻠﻴﻞ ﻛﻠﻪ ﻛﺎﻋﺪﻩ ﺑﻠﻪ ﻧﻤﺘﻲ ﻭﺭﻩ ﻣﺼﻠﻴﺘﻲ
ﺣﻴﺎﺓ : ﺍﻱ ﻧﻤﺖ 😥
ﺧﺎﻟﺪ : ﺩﻧﺠﺖ ﻋﻠﻴﻬﺎ .. ﺑﺴﻴﻄﻪ
ﺣﻴﺎﺓ : ﺷﻮﻛﺖ ﺗﺮﻭﺡ
ﺧﺎﻟﺪ : ﺑﻌﺪ ﻳﺠﻮﺯ ﺍﺑﻘﻰ ﻳﻤﺞ
ﺣﻴﺎﺓ : ﻻ ﺭﻭﺡ ﺻﺮﺕ ﺯﻳﻨﻪ
ﺍﻣﻞ : ﺑﺎﺑﺎ ﺍﻧﻲ ﺑﺎﻗﻴﻪ ﻳﻤﻬﺎ
ﺣﻴﺎﺓ : ﻣﺎﺩﺭﻱ ﻟﻴﺶ ﺟﻨﺖ ﻣﻄﺎﻳﻘﻪ ﺧﺎﻟﺪ ﻛﻞ ﻣﻴﺤﺠﻲ ﻭﻳﺎﻳﻪ ﺍﺣﺲ ﻛﻼﻣﻪ ﻳﻨﺮﻓﺰﻧﻲ ﻳﻤﻜﻦ ﻻﻥ ﺑﺎﺭﺣﻪ ﺟﺎﻧﺖ ﺯﻓﺘﻪ ﻭﺟﻨﺖ ﺍﺗﺨﻴﻠﻪ ﻭﻳﻪ ﺫﻳﺞ
ﺧﺎﻟﺪ : ﻇﻠﻴﺖ ﻟﻠﻴﻞ ﻭﺭﺍﻫﺎ ﺣﻴﺎﺓ ﺧﻠﺘﻨﻲ ﺍﺭﻭﺡ ﺑﺎﻟﻜﻮﻩ ﻣﺪﺭﻱ ﺷﺒﻴﻬﺎ ﻭﻳﺎﻳﻪ
ﻛﻠﺶ ﺿﺠﺖ ﻣﻦ ﻫﺎﻱ ﺗﺼﺮﻓﺘﻬﺎ
ﺭﺟﻌﺖ ﻟﻠﺒﻴﺖ ﻭﻧﻤﺖ ﺑﺎﻟﻐﺮﻓﻪ ﻭﺣﺪﻱ ﻭﻣﺼﻌﺪﺕ ﻟﺮﻏﺪ ﺭﻏﻢ ﺍﺻﺮﺍﺭ ﺍﻣﻲ ﻋﻠﻴﻪ
ﻇﻠﻴﺖ ﻫﻴﺞ ﺗﻘﺮﻳﺒﺎ ﺍﺳﺒﻮﻉ ﻭﻛﻠﺸﻲ ﻣﺘﻐﻴﺮ ﺍﻭﻝ ﻣﺎﻛﻌﺪ ﺍﻃﻠﻊ ﻟﻠﺸﻐﻞ ﻭﺑﺎﻟﻠﻴﻞ ﺍﺭﺟﻊ ﻭﺣﺘﻰ ﺣﻴﺎﺓ ﺑﻬﺎﻱ ﺍﻻﻳﺎﻡ ﻛﻞ ﻣﺎﺭﻭﺣﻠﻬﺎ ﺣﺘﻰ ﺍﺭﺟﻌﻬﺎ ﻣﺘﻘﺒﻞ ﻭﺗﻨﻄﻴﻨﻲ ﻳﻮﻣﻴﺎ ﻋﺬﺭ ﻻﻥ ﺍﺧﺎﺑﺮﻫﺎ ﻣﺠﺎﻭﺏ ﻭﺍﻛﺜﺮﻭﺣﺘﻰ ﺍﻣﻞ ﺭﺟﻌﺖ ﻣﻦ ﻋﺪﻫﺎ ﻭﺍﻣﻲ ﻛﻈﺘﻬﺎ ﻭﺭﺍﻳﻪ ﻭﺭﺍﻳﻪ ﺣﺘﻰ ﺍﺧﺬ ﺭﻏﺪ ﺑﺲ ﻣﺠﺎﻥ ﺍﻛﺪﺭ ﺍﺑﺪ
ﺣﻴﺎﺓ : ﺍﻻﻳﺎﻡ ﺍﻟﻔﺎﺗﺖ ﻭﺍﻧﻲ ﺗﻐﻴﺮﺕ ﻛﻠﺶ ﻋﻠﻰ ﺧﺎﻟﺪ ﻣﺠﻨﺖ ﺍﻋﺮﻑ ﺷﺴﻮﻱ ﻳﻤﻜﻦ ﻻﻥ ﺟﺎﻥ ﺑﺎﻟﻲ ﻫﻮ ﻳﻢ ﻏﻴﺮ ﺍﻭ ﺟﻨﺖ ﺍﺭﻳﺪ ﺍﻋﻠﻤﻪ ﻋﻠﻰ ﻏﻴﺎﺑﻲ .. ﺍﺑﻮﻳﻪ ﻫﺎﻱ ﺍﻟﻔﺘﺮﻩ ﻛﻠﺶ ﺗﻌﺐ ﻭﺍﻛﺜﺮ ﻣﻦ ﻣﺮﻩ ﻛﺎﻡ ﻳﺘﺨﺮﺑﻂ ﻭﺿﻐﻄﻪ ﻳﺼﻌﺪ ﺍﻋﺮﻑ ﻫﻮ ﺟﺎﻥ ﻳﻨﻘﻬﺮ ﻋﻠﻴﻪ ﻻﻥ ﻳﺸﻮﻓﻨﻲ ﻣﻘﻬﻮﺭﻩ
ﺧﺎﻟﺪ : ﻣﺠﺎﻥ ﺍﻛﺪﺭ ﺍﺳﻮﻱ ﺷﻲ ﺿﻐﻂ ﺍﻣﻲ ﻋﻠﻴﻪ ﺧﺒﻠﻨﻲ ﺍﺿﻄﺮﻳﺖ ﺍﺧﺬ ﺭﻏﺪ ﺑﺲ ﺟﺎﻥ ﻣﺎﻋﻨﺪﻱ ﺍﻱ ﺍﺣﺴﺎﺱ ﻭﻣﺸﺎﻋﺮ ﺷﻜﺪ ﺣﺎﻭﻟﺖ ﺑﺲ ﻣﺎﻛﺪﺭﺕ
ﺑﻮﻛﺘﻬﺎ ﺍﻣﻲ ﻛﻠﺶ ﻓﺮﺣﺖ ﺑﺲ ﺍﻧﻲ ﺍﺧﺬﺗﻬﺎ ﻭﺑﺲ ﻭﻇﻠﻴﺖ ﺍﻧﺎﻡ ﺑﻐﺮﻓﺘﻲ ﺍﺧﺬﺗﻬﺎ ﺑﺲ ﺣﺘﻰ ﺍﺳﻜﺖ ﺍﻣﻲ
ﻣﻦ ﻳﻮﻡ ﺍﻟﻲ ﺍﺧﺬﺗﻬﺎ ﻭﺍﻧﻲ ﻣﺨﺎﺑﺮ ﺣﻴﺎﺓ ﻭﻻ ﺍﻣﺮ ﺍﺷﻮﻓﻬﺎ ﺍﺣﺲ ﻧﻔﺴﻲ ﺧﻨﺘﻬﺎ ﻭﻣﺎﻛﺪﺭ ﺍﺑﺎﻉ ﺑﻌﻴﻮﻧﻬﺎ ﺩﻣﺮﺕ ﻛﻠﺶ ﻫﺎﻱ ﺍﻻﻳﺎﻡ ﺟﻨﺖ ﺍﺳﻤﻊ ﺍﺧﺒﺎﺭﻫﺎ ﻣﻦ ﺍﻣﻞ
ﺭﺟﻌﺖ ﻟﻠﺸﻐﻞ ﻭﺣﺎﻭﻟﺖ ﺍﻟﺘﻬﻲ ﺑﻲ ﺍﺧﺬﺕ ﺍﻟﻜﻴﺎﻋﻴﻦ ﺍﻟﻲ ﺗﺤﺖ ﺗﺼﺮﻑ ﻋﻠﻲ ﻭﺣﺘﻰ ﺍﻓﻠﻮﺱ ﺍﻻﻳﺠﺎﺭﺍﺕ ﺍﻟﻲ ﻫﻮ ﻛﻞ ﺷﻬﺮ ﻳﺮﻭﺡ ﻳﻠﻤﻬﻦ ﻭﺍﺻﻼ ﺟﺎﻥ ﻳﺠﻴﺐ ﻧﺼﻬﻦ ﻛﻠﻔﺖ ﺣﺴﻴﻦ ﻳﻠﻤﻬﻦ ﻭﺭﺍﺩ ﻳﺮﺟﻊ ﻟﻠﺒﻴﺖ ﺑﺲ ﻣﺨﻠﻴﺘﻪ ﻳﺮﺟﻊ ﻭﻛﺘﻠﻬﻢ ﺍﺫﺍ ﺭﺟﻊ ﺍﻛﺴﺮ ﺭﺟﻠﻪ ﻣﺎﺩﺍﻡ ﻃﻠﻊ ﺑﺪﻭﻥ ﺳﺒﺐ ﻣﺎﻟﻪ ﺭﺟﻌﻪ
ﻟﻠﺒﻴﺖ
ﻭﺟﻨﺖ ﻣﻮﺍﻋﺪﻩ ﺍﻧﻲ ﺍﻟﻲ ﺍﻧﻄﻴﻪ ﻓﻠﻮﺱ ﺣﺘﻰ ﻳﺸﺘﺮﻱ ﺑﻴﺖ ﺍﻟﻪ ﺷﻠﺖ ﺍﻳﺪﻱ ﻣﻨﻪ ﺧﻠﻴﺘﻪ ﻳﻨﺪﻡ ﻋﻠﻰ ﺍﻟﻲ ﺳﻮﺍﻩ ﻭﺍﺟﺎﻧﻲ ﻳﺘﻮﺳﻞ ﺑﻴﻪ ﺣﺘﻰ ﺍﺳﺎﻣﺤﻪ ﻭﺍﺭﺟﻊ ﻛﻠﺸﻲ ﺍﻟﻪ ﺑﺲ ﻣﻬﺰﻧﻲ ﺷﻌﺮﺍﻳﻪ
ﻛﻠﺸﻲ ﺗﻐﻴﺮ ﺣﺘﻰ ﺍﻧﻲ ﻛﻠﺸﻲ .. ﻣﺎﻋﺪﻩ ﺷﻲ ﻭﺍﺣﺪ ﺣﺒﻲ ﻟﺤﻴﺎﺓ ﺻﺎﺭ ﻳﺰﻳﺪ ﻳﻮﻡ ﻋﻦ ﻳﻮﻡ ﻭﺍﺷﺘﻴﺎﻗﻲ ﺍﻟﻬﺎ ﻣﺎﻟﻪ ﺣﺪﻭﺩ ﺻﺎﺭ
ﺣﺘﻰ ﺣﻴﺎﺓ ﻣﺠﺎﻧﺖ ﺩﻙ ﻋﻠﻴﻪ ﻭﻻﺗﺴﺌﻞ ﻛﺎﻧﻤﺎ ﺩﺗﺒﺘﻌﺪ ﻳﻮﻡ ﻋﻦ ﻳﻮﻡ ﻋﻠﻴﻪ
بيج قصص عراقيه حقيقيه من واقعنا.روعه الطائي
ﺣﻴﺎﺓ : ﻳﻮﻡ ﺍﻟﻲ ﺍﻋﺘﺒﺮﻩ ﻳﻮﻡ ﺍﺳﻮﺩ ﺑﺤﻴﺎﺗﻲ ﻛﻠﻬﺎ ﻛﻌﺪﺕ ﺻﺒﺢ ﺳﻮﻳﺖ ﺭﻭﺗﻴﻨﻲ ﺍﻟﻴﻮﻣﻲ ﺗﻨﻈﻴﻒ ﻭﻃﺒﺦ ﺑﻬﺬﺍ ﺍﻟﻮﻛﺖ ﺍﺑﻮﻳﻪ ﺟﺎﻥ ﻛﻠﺶ ﻣﺮﻳﺾ ﻳﻌﻨﻲ ﺍﻧﺘﻜﺲ ﻛﻠﺶ ﻓﺘﻐﺪﻳﻨﺎ ﻭﺍﺑﻮﻳﻪ ﻛﻠﻲ ﺣﻨﺎﻡ ﻭﻛﻌﺪﻳﻨﻲ ﺑﺎﻟﺮﺑﻌﻪ
ﻓﻜﻤﻠﺖ ﺷﻐﻠﻲ ﻃﺒﻴﺖ ﺳﺒﺤﺖ ﻭﻃﻠﻌﺖ ﻣﺸﻄﺖ ﻭﻛﻌﺪﺕ ﺍﺗﻔﺮﺝ ﺗﻠﻔﺰﻳﻮﻥ ﺻﺎﺭﺕ ﺑﺎﻟﺮﺑﻌﻪ ﺭﺣﺖ ﺍﻛﻌﺪ ﺍﺑﻮﻳﻪ
ﻛﻌﺪﺗﻪ ﻭﺑﺎﻟﻜﻮﻩ ﻛﺎﻡ ﻭﺍﺣﺲ ﻣﻦ ﻛﻌﺪﺗﻪ ﻓﺰ ﻓﺰﻩ ﻋﻤﺮﻱ ﻣﺤﻨﺴﺎﻫﺎ ﺑﺎﺑﺎ ﺷﺒﻴﻚ ﺍﺳﻢ ﺷﻮﻥ ﻓﺰﻩ
ﺍﺑﻮ ﺣﻴﺎﺓ : ﺍﺭﻳﺪ ﻣﺎﻱ
ﺣﻴﺎﺓ : ﺍﻱ ﻫﺴﻪ ﺍﺟﻴﺒﻠﻚ .. ﺭﺣﺖ ﺍﺟﻴﺐ ﻣﺎﻱ ﻭﺍﺭﺟﻊ ﻟﻜﻴﺖ ﺍﺑﻮﻳﻪ ﺭﺍﺩ ﻧﺎﻳﻢ ﺭﺣﺖ ﻳﻤﻲ ﺍﻛﻌﺪ ﺑﻴﻪ ﺑﺎﺑﺎ ﺑﺎﺑﺎ ﺑﺎﻳﺎ ﻭﺍﺑﻮﻳﻪ ﻣﻴﻜﻌﺪ ﻇﻠﻴﺖ ﺍﻛﻌﺪ ﺑﻲ ﻭﺍﻫﺰ ﺑﻲ ﻭﺍﺑﻮﻳﻪ ﻣﺎﻛﻌﺪ ﺍﻧﻲ ﻛﻤﺖ ﺍﻋﻴﻂ ﺑﺎﺑﺎ ﺑﻜﻞ ﻗﻮﺗﻲ ﺑﺴﺮﻋﻪ ﻟﺰﻣﺖ ﺗﻠﻴﻔﻮﻥ ﺭﺳﺘﺎ ﺍﺟﻪ ﺑﺎﻟﻲ ﺧﺎﻟﺪ ﺍﻭﻝ ﻭﺍﺣﺪ
ﺧﺎﻟﺪ : ﺟﻨﺖ ﺑﺴﻴﺎﺭﻩ ﺭﺍﺟﻊ ﻟﻠﺒﻴﺖ ﺩﻙ ﺗﻠﻴﻔﻮﻥ ﺷﻔﺘﻪ ﺣﻴﺎﺓ ﻣﺎﺻﺪﻙ ﻋﻴﻨﻲ ﺣﻴﺎﺓ ﺗﺨﺎﺑﺮﻧﻲ ﺑﺴﺮﻋﻪ ﺟﺎﻭﺑﺖ
ﺍﻟﻮ
ﺧﺎﻟﺪ ﺍﻟﺤﻜﻨﻲ ﺍﺑﻮﻳﻪ ﻣﺎﻋﺮﻑ ﺷﺒﻲ ﻣﺪﻳﻜﻌﺪ ﺍﻟﺤﻜﻨﻲ
ﻫﺴﻪ ﺟﺎﻳﺞ ﻟﺘﺨﺎﻓﻴﻦ ﻣﺎﺑﻲ ﺷﻲ
ﺑﺴﺮﻋﻪ ﻟﻔﺖ ﺳﻴﺎﺭﻩ ﻭﺭﺣﺖ ﻟﺒﻴﺖ ﺍﺑﻮﺣﻴﺎﺓ ﻭﺻﻠﺖ ﻟﻠﺒﻴﺖ ﻧﺰﻟﺖ ﺍﺩﻙ ﺟﺮﺱ ﻭﺍﻟﺒﺎﺏ ﻭﻣﺎﻛﻮ ﺍﺣﺪ ﻳﻔﺘﺢ ﻫﺠﻤﺘﻬﺎ ﺍﻟﺒﺎﺏ ﻭﻣﺎﻛﻮ ﺍﻱ ﺍﺣﺪ ﺩﻛﻴﺖ ﻋﻠﻰ ﺣﻴﺎﺓ ﻭﻣﺎﻛﻮ ﻳﺪﻙ ﻭﻣﺤﺪ ﻳﺠﺎﻭﺏ ﻇﻠﻴﺖ ﺍﺩﻙ ﻭﻣﺎﻛﻮ ﺍﺣﺪ ﺭﺟﻌﺖ ﺩﻛﻴﺖ ﺟﺮﺱ ﻭﺍﻟﺒﺎﺏ ﻭﻣﺎﻛﻮ ﻛﺪﺭﺕ ﺍﻓﺘﺢ ﺍﻟﺒﺎﺏ ﺍﻟﺒﺮﻩ ﺑﺎﻟﻜﻮﻩ ﺩﻓﺮﺗﻬﺎ ﻃﺒﻴﺖ ﺍﺩﻙ ﺑﺎﻟﺒﺎﺏ ﺟﻮﻩ ﻣﺎﻛﻮ ﺍﺣﺪ ﻳﻔﺘﺢ ﻇﻞ ﺑﺎﻟﻲ ﺣﻴﻞ
ﺍﺫﻛﺮﺕ ﺭﻗﻢ ﺍﺑﻮ ﻣﺤﻤﺪ ﻋﺪﻱ ﺭﺟﻞ ﻋﻤﻪ ﺣﻴﺎﺓ ﺩﻛﻴﺖ ﻋﻠﻴﻪ
ﻛﻠﻲ ﻣﻮﺩﻳﻦ ﺍﺑﻮ ﺣﻴﺎﺓ ﻟﻠﻤﺴﺘﺸﻔﻰ ﻟﺤﻜﺘﻬﻢ ﻟﻠﻤﺴﺘﺸﻔﻰ
ﺣﻴﺎﺓ : ﺑﻬﺎﻱ ﺍﻟﺪﻗﺎﻳﻖ ﺍﻟﻤﺮﺕ ﻭﺍﻧﻲ ﺑﺲ ﺍﺑﺠﻲ ﺭﻛﻀﺖ ﻟﻠﺸﺎﺭﻉ ﻋﻠﻰ ﺑﻴﺖ ﻋﻤﺘﻲ ﻫﻲ ﺟﺎﻧﺖ ﺑﺼﻔﻨﺎ ﺑﺠﻢ ﺑﻴﺖ
ﺭﻛﺾ ﺭﺣﺖ ﻋﻠﻴﻬﻢ ﺟﻨﺖ ﺍﺻﺮﻑ ﺑﺪﻭﻥ ﻭﻋﻲ ﺟﺎﻥ ﺑﺎﻟﻲ ﻛﻠﻪ ﻳﻢ ﺍﺑﻮﻳﻪ ﻛﺘﻠﻬﻢ ﻟﺤﻜﻮﻧﻲ ﺍﺑﻮﻳﻪ ﻣﺘﺨﺮﺑﻂ ﻭﻣﺎﻋﺮﻑ ﺷﺴﻮﻱ ﺍﻟﻜﻞ ﺭﻛﺾ ﺑﺴﺮﻋﻪ ﺭﺟﻞ ﻋﻤﺘﻲ ﻭﻣﺤﻤﺪ ﺍﺑﻦ ﻋﻤﺘﻲ ﻭﻋﻤﺎﻣﻲ ﺍﺧﺬﻭ ﺍﺑﻮﻳﻪ ﻭﺭﺣﻨﺎ ﻟﻠﻤﺴﺘﺸﻔﻰ ﺣﺘﻰ ﻧﺴﻴﺖ ﺍﻧﻲ ﻣﺨﺎﺑﺮﻩ ﺧﺎﻟﺪ
ﻟﻤﺎﻭﺻﻠﻨﺎ ﺍﻟﻤﺴﺘﺸﻔﻰ ﺍﺑﻮﻳﻪ ﺟﺎﻥ ﻓﺎﻗﺪ ﺭﺳﺘﺎ ﻃﺒﺒﻮ ﻟﻠﻄﻮﺍﺭﺉ ﻳﻔﺤﺼﻮﻥ ﺑﻲ ﺍﻧﻲ ﺟﻨﺖ ﻭﺍﻛﻔﻪ ﺑﺎﻟﻤﻤﺮ ﻻﻥ ﺭﺟﻞ ﻋﻤﺘﻲ ﻣﺨﻼﻧﺎ ﺍﻧﻲ ﻭﻋﻤﺘﻲ ﻧﺪﺧﻞ ﺟﻮ ﻻﻥ ﻛﻠﻬﻢ ﺯﻟﻢ
ﻇﻠﻴﺖ ﻭﺍﻛﻔﻪ ﻭﺍﺩﻋﻲ ﻻﺑﻮﻳﻪ ﻳﻜﻮﻡ ﺑﺴﻼﻣﻪ ﺟﻨﺖ ﻣﺴﺘﻌﺪ ﻛﻠﺸﻲ ﺍﺳﻮﻱ ﺑﺲ ﺍﺑﻮﻳﻪ ﺍﺭﺟﻊ ﺍﺷﻮﻓﻪ ﻣﻔﺘﺢ ﻋﻴﻨﻪ ﺷﻜﺪ ﻣﺘﺨﺮﺑﻂ ﻗﺒﻞ ﺑﺲ ﻫﺎﻟﻤﺮﻩ ﻣﻮ ﻣﺜﻞ ﻗﺒﻞ ...
ﺧﺎﻟﺪ : ﺑﺴﺮﻋﻪ ﺭﺣﺖ ﻟﻠﻤﺴﺘﺸﻔﻰ ﻓﺘﺖ ﻟﻠﻄﻮﺍﺭﺉ ﻟﻜﻴﺖ ﺣﻴﺎﺓ ﻭﺍﻛﻔﻪ ﻭﻋﻤﺘﻬﺎ ﻛﺎﻋﺪﻩ ﺑﺎﻟﻜﺎﻉ ﺣﻴﺎﺓ ﻭﺍﻛﻔﻪ ﻣﺒﻴﻨﻪ ﺧﺎﻳﻔﻪ ﺭﺣﺖ ﻳﻤﻬﺎ ﻫﻲ ﺷﺎﻓﺘﻨﻲ ﺍﺟﺘﻲ ﺭﻛﺾ ﺟﻠﺒﺖ ﺑﻴﻪ ﻣﺜﻞ ﺍﻟﻄﻔﻠﻪ
ﺣﻴﺎﺓ : ﻟﻤﺎ ﺷﻔﺖ ﺧﺎﻟﺪ ﺭﺣﺘﻠﻪ ﺭﻛﺾ ﺍﻛﻠﻪ ﺧﺎﻟﺪ ﺍﺑﻮﻳﻪ ﻣﺎﻋﺮﻑ ﺷﺒﻲ ﻭﺍﻟﻠﻪ ﺣﻤﻮﺕ
ﺧﺎﻟﺪ : ﻟﺘﺨﺎﻓﻴﻦ ﻣﺎﺑﻲ ﺷﻲ ﻇﻠﻴﺖ ﺍﻣﺴﺢ ﺑﻮﺟﻬﺎ ﻫﺴﻪ ﺧﻞ ﺍﺷﻮﻑ ﺷﺼﺎﻳﺮ ﻇﻠﻲ ﻫﻨﺎ
ﺧﺎﻟﺪ : ﻟﻤﺎ ﺩﺧﻠﺖ ﻟﻜﻴﺖ ﺩﻛﺎﺗﺮﻩ ﻓﻮﻙ ﻋﻤﻲ ﺍﺑﻮ ﺣﻴﺎﺓ ﻭﻻ ﺭﺟﻞ ﻋﻢ ﺣﻴﺎﺓ ﺍﺑﻮ ﻣﺤﻤﺪ ﻋﺪﻩ ﻋﺮﻑ ﺑﺎﻟﻤﺴﺘﺸﻔﻰ ﻓﺎﻟﺪﻛﺎﺗﺮﻩ ﺟﺎﻳﻴﻦ ﻳﻔﺤﺼﻮﻥ ﺍﺑﻮ ﺣﻴﺎﺓ
ﺳﺌﻠﺖ ﺍﺑﻮ ﻣﺤﻤﺪ ﻫﻠﻰ ﺣﺎﻟﺘﻪ ﻛﻠﻲ ﺟﻠﻄﻪ ﺩﻣﺎﻏﻴﻪ
ﺍﻧﻲ ﻛﻠﺶ ﻧﻘﻬﺮﺕ ﻋﻠﻰ ﻋﻤﻲ ﻣﻴﺴﺘﺎﻫﻞ ﺍﺑﺪ ﻭﺟﺎﻥ ﺑﺎﻟﻲ ﺣﻴﺎﺓ ﺷﺤﺴﻮﻱ ﻫﻲ ﺗﻌﺘﺒﺮ ﺍﺑﻮﻫﺎ ﺍﻣﻬﺎ ﻭﺍﺑﻮﻫﺎ ﻇﻠﻴﺖ ﻭﺍﻛﻒ ﻣﺎﻛﺪﺭ ﺍﻃﻠﻊ ﻟﺤﻴﺎﺓ ﺍﻛﻠﻠﻬﺎ
ﺷﻮﻳﻪ ﻭﺟﺎﻧﻮ ﺩﻳﺸﻜﻠﻮﻟﻪ ﺍﺟﻬﺰﻩ ﻭﺷﻐﻼﺕ ﻫﻮﺍﻳﻪ
ﺍﺑﻮ ﻣﺤﻤﺪ ﻛﻠﻲ ﺍﻃﻠﻊ ﺍﻛﻠﻠﻬﻢ ﻟﺒﺮﻩ
ﺟﻨﺖ ﻣﻮﻗﻒ ﺻﻌﺐ ﻣﺎﻋﺮﻑ ﺷﻜﻠﻠﻬﺎ ﻟﺤﻴﺎﺓ ﻃﻠﻌﺖ ﺍﻭﻝ ﻣﻄﻠﻌﺖ ﺣﻴﺎﺓ ﺷﺎﻓﺘﻨﻲ ﺭﻛﺾ ﺟﺘﻲ ﻋﻠﻴﻪ ﻭﻫﻲ ﺗﺮﻳﺪ ﺗﺴﻤﻊ ﻣﻨﻲ ﺷﻲ ﺯﻳﻦ ﻋﻠﻰ ﺍﺑﻮﻫﺎ
ﻇﻠﻴﺖ ﺍﻛﻠﻠﻬﺎ ﻣﺎﻛﻮ ﺷﻲ ﻭﻣﺎﺑﻲ ﺷﻮﻳﻪ ﺿﻐﻄﻪ ﻭﺟﻢ ﻳﻮﻡ ﻭﻫﻮ ﻫﺴﻪ ﻣﺜﻞ ﺍﻟﻐﻴﺒﻮﺑﻪ ﺑﺲ ﻳﻜﻌﺪ ﻣﻨﻬﺎ ﺣﺎﻭﻝ ﺍﻃﻤﻨﻬﺎ ﺷﻜﺪ ﻣﺎﻛﺪﺭ ﺑﺲ ﻫﻲ ﺟﺎﻧﺖ ﺑﺲ ﺧﺎﻟﻪ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﺗﺒﺠﻲ
ﻇﻞ ﻋﻤﻲ ﻋﻠﻰ ﻫﺎﻱ ﺍﻟﺤﺎﻟﻪ ﺗﻘﺮﻳﺒﺎ 4 ﺍﻳﺎﻡ ﻭﻟﺤﺪ ﺟﻨﺖ ﺍﻧﻲ ﻭﻣﺤﻤﺪ ﻳﻤﻪ ﺑﺎﻟﺮﺩﻫﺎ ﻭﺣﻴﺎﺓ ﺟﺎﻧﺖ ﻣﺘﻘﺒﻞ ﺗﺮﺟﻊ ﻟﻠﺒﻴﺖ ﻣﻦ ﺷﻮﻑ ﺭﺩﻫﺎ ﻓﺎﺭﻏﻪ ﺗﺪﺧﻞ ﻻﺑﻮﻫﺎ ﺷﻮﻳﻪ ﻭﺗﻄﻠﻊ ﺑﺮﻩ ﺗﻮﻛﻒ
ﻓﺠﺎﻩ ﻋﻤﻲ ﺷﻬﻚ ﺷﻬﻜﻪ ﻓﺘﺢ ﻋﻴﻮﻧﻪ ﺍﻧﻲ ﻃﻔﺮﺕ ﻭﻛﻔﺖ ﻳﻤﻪ ﻟﺰﻣﺖ ﺍﻳﺪﻩ ﻫﻮ ﻋﺼﺮ ﺍﻳﺪﻱ ﺣﻴﻞ ﺑﺎﻉ ﻋﻠﻴﻪ ﻭ ......... ﻳﺘﺒﻊ ️❤
