#بارت١٥
ﺍﺑﻮ ﺣﻴﺎﺓ : ﺷﻴﺦ ﺧﺎﻟﺪ ﺧﺎﺑﺮﻧﻲ ﻭﺣﺠﺎﻟﻲ ﻛﻠﺸﻲ ﻭﺍﺻﻼ ﺍﻧﻲ ﻣﺎﻗﺒﻠﺖ ﻛﺘﻠﻪ ﺣﻴﺎﺓ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﻫﻴﺞ ﺗﺼﺮﻑ ﺑﺲ ﻫﻮ ﺍﻇﻦ ﻳﻌﺮﻑ ﺍﺧﺘﻪ ﻻﻥ ﻫﻮ ﺧﺎﺑﺮﻧﻲ ﺩﻳﻌﺘﺬﺭ ﻣﻨﻲ ﻻﻥ ﺩﺯﺝ ﺍﻟﻲ ﺑﺲ ﺟﺎﻥ ﻳﺮﻳﺪ ﻳﻬﺪﺀ ﺍﻟﻮﺿﻊ ﺑﺎﻟﺒﻴﺖ
ﺣﻴﺎﺓ : ﻻ ﺑﺎﺑﺎ ﻻ ﻳﻬﺪﺀ ﻭﻻﺷﻲ ﻫﻮ ﺣﺘﻰ ﻣﺼﺪﻛﻨﻲ ﺟﺎﻥ ﻳﻜﻠﻲ ﺍﻧﻲ ﺍﻧﻲ ﺳﻨﺪﺝ ﺍﻧﻲ ﺍﻟﻲ ﺍﺣﻤﻴﺞ ﺑﺲ ﻃﻠﻊ ﻛﻠﻪ ﺑﺲ ﺣﺠﻲ ﺍﻧﻲ ﻻ ﺭﻳﺪ ﺍﺭﺟﻌﻠﻪ ﻭﻻﺷﻲ ﻫﺎﻫﻴﻪ ﺧﻠﻲ ﺍﺧﺘﻪ ﻭﺑﺖ ﻋﻤﻪ ﻳﻔﻴﺪﻭ
ﺍﺑﻮﺣﻴﺎﺓ : ﻳﺎ ﻋﻴﻨﻲ ﺧﻠﻴﺖ ﺑﻤﻜﺎﻧﻪ ﺟﺎﻥ ﻛﺎﻋﺪﻳﻦ ﺍﻫﻠﻪ ﻛﻠﻬﻢ ﻭﺗﺠﻲ ﺍﺧﺘﻪ ﺗﺒﺠﻲ ﺩﻛﻠﻪ ﻣﺮﺗﻚ ﺗﺮﻳﺪ ﺗﻄﺮﺩﻧﻲ ﻭﻳﺠﻴﺐ ﺍﺛﻨﻴﻦ ﻳﺸﻬﺪﻭﻥ ﻛﻠﻴﻠﻲ ﺟﺎﻥ ﺑﻴﺪﻩ ﻭﻛﻞ ﻛﺎﻋﺪ ﻳﺴﻤﻊ ﻭﻳﺸﻮﻑ
ﺣﻴﺎﺓ : ﺑﺎﺑﺎ ﻣﺎﺭﻳﺪﻩ ﺑﻌﺪ ﺍﺻﻼ ﻫﻮ ﻛﻠﻲ ﺍﺭﺟﻌﺞ ﻻﺑﻮﺝ ﻫﺎﻫﻴﻪ ﺑﻌﺪ
ﺍﺑﻮ ﺣﻴﺎﺓ : ﺩﻛﻮﻣﻲ ﻫﺴﻪ ﺭﻭﺣﻲ ﻏﺴﻠﻲ ﻭﺟﻬﺞ ﻭﺭﻭﺣﻲ ﻧﺎﻣﻲ ﻭﺍﻟﻠﻪ ﻛﺮﻳﻢ
ﺧﺎﻟﺪ : ﺍﺟﺬﺏ ﻟﻮ ﻛﻠﺖ ﻣﺮﺗﺎﺡ ﻧﺎﺭ ﺟﺎﻧﺖ ﺑﺼﺪﺭﻱ ﻭﻇﻠﻴﺖ ﻟﻴﻞ ﻛﻠﻪ ﻭﺍﻛﺜﺮ ﻣﻦ ﻣﺮﻩ ﺍﻟﺰﻡ ﺗﻠﻴﻔﻮﻥ ﺍﺭﻳﺪ ﺍﺩﻛﻠﻬﺎ ﻭﺍﻋﻮﻓﻪ ﺑﺲ ﻟﻴﺶ ﺳﺎﺭﻩ ﺷﻬﺪﺕ ﺿﺪ ﺣﻴﺎﻩ ﻟﻮ ﺑﺲ ﺣﺎﺟﻴﻪ ﻋﻜﺴﻬﻢ ﺟﺎﻥ ﻋﺮﻓﺖ ﺷﺴﻮﻱ ﺑﺰﻳﻨﻪ ﻭﺍﻳﺎﺕ
ﺣﻴﺎﺓ : ﻛﻈﻴﺖ ﺍﻟﻠﻴﻞ ﻛﻠﻪ ﻣﻨﺎﻳﻤﻪ ﺑﺲ ﺍﻓﻜﺮ ﺑﺨﺎﻟﺪ ﻭﺍﻟﻠﻪ ﻛﻠﺒﻲ ﻣﻴﻜﺪﺭ ﺑﺪﻭﻧﻪ ﺑﺲ ﻫﻮ ﻣﻴﺴﺘﺎﻫﻞ ﺣﺘﻰ ﺍﻓﻜﺮ ﺑﻲ ﻃﺒﻚ ﻭﻳﻪ ﺍﺧﺘﻪ ﻭﻳﻌﺮﻑ ﺍﺧﺘﻪ ﻭﺣﺪﻩ ﻣﺘﺨﺎﻑ ﺍﻟﻠﻪ ﻇﻠﻴﺖ ﺍﺑﺎﻉ ﻋﺎﻟﺘﻠﻴﻔﻮﻥ ﻛﻠﺴﻊ ﺍﻛﻮﻝ ﻫﺴﻪ ﻳﺨﺎﺑﺮ ﻫﺴﻪ ﻳﺪﺯ ﻣﺴﺞ ﺍﺑﺪ ﻫﻮ ﺍﻧﻲ ﺻﺤﻴﺢ ﻣﺠﻨﺖ ﺣﺠﺎﻭﺑﻪ ﺍﺫﺍ ﺩﻙ ﺑﺲ ﺍﻟﻤﻬﻢ ﻳﺪﻙ ﻭﺍﻋﺮﻓﻪ ﻧﺪﻡ
ﻛﻌﺪﺕ ﺻﺒﺢ ﻇﻠﻴﺖ ﺑﺎﻟﻔﺮﺍﺵ ﺑﺲ ﻣﻔﺘﺤﻪ ﻋﻴﻮﻧﻲ ﻭﺻﺎﻓﻨﻪ ﻋﺎﻟﺴﻜﻒ ﻳﻤﻜﻦ ﻇﻠﻴﺖ ﺳﺎﻋﻪ ﺍﻧﻲ ﻋﻠﻰ ﻫﺎﻟﺤﺎﻟﻪ ﺑﻌﺪﻳﻦ ﻛﻤﺖ ﻃﻠﻌﺖ ﺷﻔﺖ ﺧﻄﻴﻪ ﺍﺑﻮﻳﻪ ﻣﺴﻮﻱ ﺟﺎﻱ ﻭﺩﻳﺤﻀﺮ ﺭﻳﻮﻙ
ﺣﻴﺎﺓ : ﺻﺒﺎﺡ ﺍﻟﺨﻴﺮ
ﺍﺑﻮ ﺣﻴﺎﺓ : ﺻﺒﺎﺡ ﺍﻟﻨﻮﺭ
ﺣﻴﺎﺓ : ﻫﺎﻱ ﺷﻨﻮ ﺷﺪﺳﻮﻱ ﺟﺎﻥ ﻛﻌﺪﺗﻨﻲ ﻳﺎﺑﺎﺑﺎ ﺍﻧﻲ ﺍﺳﻮﻱ ﺭﻳﻮﻙ
ﺍﺑﻮ ﺣﻴﺎﺓ : ﺣﺒﻴﺒﺘﻲ ﺍﻧﻲ ﻛﻞ ﻳﻮﻡ ﻫﻴﺞ ﺗﻌﻠﻤﺖ ﺍﺳﻮﻱ ﺭﻳﻮﻙ ﻟﻨﻔﺴﻲ
ﺣﻴﺎﺓ : ﻣﻴﺨﺎﻟﻒ ﺍﻧﻲ ﺍﻛﻤﻞ
ﻛﻤﻠﺖ ﺭﻳﻮﻙ ﻭﻛﻌﺪﻧﺎ ﻧﺎﻛﻞ ﺍﻧﻲ ﻭﺍﺑﻮﻳﻪ
ﺍﺑﻮ ﺣﻴﺎﺓ : ﺣﻴﺎﺓ ﺷﺒﻴﺞ ﺍﻛﻠﻲ ﺻﺒﺢ ﻃﻠﻌﺘﻠﺞ ﺟﺒﺘﻠﺞ ﺑﻮﺭﻙ ﻣﻦ ﻫﺬﺍ ﺍﻟﻲ ﺗﺤﺒﻴﻪ
ﺣﻴﺎﺓ : ﺍﻱ ﺑﺎﺑﺎ ﺷﻔﺘﻪ ﺗﺴﻠﻢ
ﺍﺑﻮﺣﻴﺎﺓ : ﺷﻴﺦ ﺧﺎﻟﺪ ﺧﺎﺑﺮﺝ ﺑﺎﺭﺣﻪ
ﺣﻴﺎﺓ : ﺑﺎﻭﻋﺖ ﻋﻠﻰ ﺍﺑﻮﻳﻪ ﺑﻨﻈﺮﻩ 🥺 ﻻ ﻣﺨﺎﺑﺮ
ﺍﺑﻮ ﺣﻴﺎﺓ : ﻳﺨﺎﺑﺮ ﻳﺨﺎﺑﺮ ﻟﻀﻮﺟﻴﻦ
ﺣﻴﺎﺓ : ﻣﺎﺭﻳﺪﻩ ﻳﺨﺎﺑﺮ ﻭﻻ ﺍﺭﻳﺪ ﺍﺳﻤﻊ ﺻﻮﺗﻪ ﻭﻻ ﺍﺷﻮﻓﻪ .. ﻃﺒﻌﺎ ﺍﺣﺠﻲ ﻭﺍﻧﻲ ﺍﻋﺮﻑ ﺑﻨﻔﺴﻲ ﺍﺟﺬﺏ
ﺍﺑﻮ ﺣﻴﺎﺓ : ﺩﻛﻤﻠﻲ ﺭﻳﻮﻛﺞ ﻻ ﺗﻔﻜﺮﻳﻦ ﺑﻬﺎﻱ ﺳﻮﺍﻟﻒ
ﺧﺎﻟﺪ : ﻛﻌﺪﺕ ﺻﺒﺢ ﺑﺲ ﺟﻨﺖ ﻣﺎﺗﺤﻤﻞ ﻭﺍﺣﺪ ﻳﺤﺠﻲ ﻭﻳﺎﻳﻪ ﻛﻠﻤﻪ ﺑﺪﻟﺖ ﻭﻫﺠﻴﺖ ﻣﻦ ﺍﻟﺒﻴﺖ ﻻﻥ ﺭﻭﺣﻲ ﻃﺎﻓﺮﻩ
ﺣﻴﺎﺓ : ﻭﺭﻩ ﻣﻜﻤﻠﻨﺎ ﺭﻳﻮﻙ ﺍﺑﻮﻳﻪ ﻛﺎﻝ ﻟﺴﻮﻳﻦ ﻏﺪﻩ ﻣﻦ ﺍﺭﺟﻊ ﺍﻧﻲ ﺍﺟﻴﺐ ﻭﻳﺎﻳﻪ ﺳﻤﺠﻪ ﻭﺭﺍﻫﺎ ﻛﻌﺪﺕ ﺍﻋﺰﻝ ﻭﺍﻟﻤﻠﻢ ﺑﺎﻟﺒﻴﺖ ﺻﺢ ﻋﻤﺘﻲ ﻛﻞ ﺍﺳﺒﻮﻉ ﺗﺠﻲ ﺗﻨﻈﻔﻪ ﺑﺲ ﺍﻟﺒﻴﺖ ﻣﻮ ﻛﻠﺶ ﻧﻈﻴﻒ ﻭﻫﻲ ﻋﻤﺘﻲ ﺧﻄﻴﻪ ﻣﺘﻜﺪﺭ ﺑﺎﻟﻜﻮﻩ ﺗﻜﻤﻞ ﺷﻐﻞ ﺑﻴﺘﻬﺎ ﺗﺠﻲ ﻫﻨﺎ ﻫﻢ ﻓﻜﻌﺪﺕ ﺍﻋﺰﻝ ﺗﻌﺰﻳﻠﻪ ﺟﻨﻬﺎ ﺗﻌﺰﻳﻠﻪ ﺍﻟﻌﻴﺪ ﺑﺤﻴﺚ ﺑﺪﻳﺖ ﻣﻦ ﺳﺎﻋﻪ 10 ﻟﻞ 3 ﻳﻠﻪ ﻛﻤﻠﺖ ﺑﺲ ﺗﻨﻈﻴﻔﻪ ﻣﻦ ﻛﻞ ﻛﻠﺒﻲ
ﻭﺭﺍﻫﺎ ﻧﺼﺒﺖ ﺍﻟﻐﺪﻩ ﻭﺗﻐﺪﻳﻨﺎ ﻭﺭﻩ ﺍﻟﻐﺪﻩ ﻇﻠﻴﺖ ﺍﻛﻠﺐ ﺑﺘﻠﻴﻔﻮﻥ ﻭﺷﻜﻮ ﺻﻮﺭﻩ ﻟﺨﺎﻟﺪ ﺑﺘﻠﻴﻔﻮﻥ ﻣﺴﺤﺘﻬﺎ ﻻﻥ ﺟﻨﺖ ﻣﻘﻬﻮﺭﻩ ﻣﻨﻪ ﻛﻠﺶ
ﺷﻮﻳﻪ ﻭﺍﻣﻞ ﺩﻛﺖ ﻋﻠﻴﻪ
ﺣﻴﺎﺓ : ﺍﻟﻮ ﻫﻠﻮ ﺍﻣﻮﻟﻪ ﺷﻮﻧﺞ
ﺍﻣﻞ : ﻫﻠﻮ ﺣﺒﻲ ﺍﻟﺤﻤﺪﻟﻠﻪ ﺍﻧﺘﻲ ﺷﻮﻧﺞ
ﺣﻴﺎﺓ : ﺯﻳﻨﻪ ﺍﻟﺤﻤﺪﻟﻠﻪ
ﺍﻣﻞ : ﺣﻴﺎﺓ ﻭﺍﻟﻠﻪ ﺍﻟﻴﻮﻡ ﺍﻧﻲ ﻳﺘﻴﻤﻪ ﻣﻦ ﺩﻭﻧﺞ ﻛﻠﻪ ﻭﺣﺪﻱ
ﺣﻴﺎﺓ : ﺣﺒﻴﺒﺘﻲ ﺣﺘﻰ ﺍﻧﻲ ﻭﺍﻟﻠﻪ
ﺍﻣﻞ : ﺗﻌﺮﻓﻴﻦ ﺍﺑﻮﻳﻪ ﻣﻦ ﺻﺒﺢ ﻛﻌﺪ ﻛﺎﻟﺐ ﻭﺟﻬﻪ ﻭﺑﺲ ﻳﺮﺯﻝ
ﺣﻴﺎﺓ : ﻋﺎﺩﻱ ﺷﻨﻮ ﺍﻟﺠﺪﻳﺪ ﺍﺻﻼ ﻫﻮ ﻫﺬﺍ ﻭﺟﻬﻪ ﺍﻟﺤﻘﻴﻘﻲ
ﺍﻣﻞ : ﻻ ﻭﺍﻟﻠﻪ ﺣﺘﻰ ﻋﻤﻮ ﺣﺴﻴﻦ ﺿﺎﺝ ﻻﻥ ﻣﺮﺯﻟﻪ ﻛﺪﺍﻡ ﺍﻳﻪ ﻋﻠﻰ ﺍﻟﺴﻴﺎﺭﻩ
ﺣﻴﺎﺓ : ......
ﺍﻣﻞ : ﻭﺍﻟﻠﻪ ﻟﻮﺷﻮﻓﻴﻦ ﺳﻮﻳﺖ ﺑﺴﺎﺭﻩ ﺭﺯﻟﺘﻬﺎ ﺭﺯﺍﻟﻪ ﻭﺍﻟﻠﻪ ﺑﺤﻴﺚ ﻣﻜﺪﺭﺕ ﺗﻔﺘﺢ ﺣﻠﻜﻬﺎ ﺣﺘﻰ ﺑﻴﺒﻲ ﺣﺠﺖ ﻋﻠﻴﻬﺎ
ﺣﻴﺎﺓ : ﻋﻠﻰ ﺷﻨﻮ ﺍﻣﻞ ﺑﺲ ﺍﻧﻲ ﺟﺎﻥ ﻻﺯﻡ ﺍﻋﺮﻑ ﺍﻭﺍﺩﻣﻲ ﺯﻳﻦ
ﺍﻣﻞ : ﺍﻛﺼﻬﺎ ﻻﻳﺪﻱ ﻣﻨﺎ ﺍﺫﺍ ﻣﻮ ﺍﻳﺎﺕ ﻭﺯﻳﻨﻪ ﻣﻬﺪﺩﻳﻬﺎ ﻭﺧﺎﻟﻴﻬﺎ ﺗﺤﺠﻲ ﻫﻴﺞ
ﺣﻴﺎﺓ : ﺑﺎﻋﻲ ﻫﻲ ﻛﻠﺸﻲ ﻣﺘﺴﺘﺎﻫﻞ ﻭﺍﻟﻠﻪ ﻳﺎﻣﺎ ﺟﺎﻥ ﺷﻐﻞ ﻋﻠﻴﻬﺎ ﻭﺍﻧﻲ ﺍﻛﻠﻬﺎ ﺭﻭﺣﻲ ﻟﺠﻬﺎﻟﺞ ﺍﻧﻲ ﺍﺳﻮﻳﻪ ﻳﺎﻣﺎ ﻭﻳﺎﻣﺎ ﺍﺩﺍﻓﻌﻠﻬﺎ ﻣﻦ ﺧﺎﻟﺘﻲ ﺗﺤﺠﻲ ﻋﻠﻴﻬﺎ ﺑﺲ ﻃﻠﻌﺖ ﺣﺮﺍﻡ ﺯﺍﺩﻩ ﻭﺍﻟﻠﻪ
ﺍﻣﻞ : ﺑﺎﻋﻲ ﻫﻲ ﺧﺎﻧﺴﻪ ﻣﻦ ﺍﻟﺒﺎﺭﺣﻪ ﺑﺲ ﺳﻤﻌﺖ ﻋﻤﻮ ﻋﻠﻲ ﺍﻟﺒﺎﺭﺣﻪ ﻳﻤﻜﻦ ﺟﺎﻥ ﺩﻳﺤﺠﻲ ﻋﻠﻴﻬﺎ ﻻﻥ ﺻﻮﺗﻪ ﻋﺎﻟﻲ ﺟﺎﻥ
ﺣﻴﺎﺓ : ﺗﺴﺘﺎﻫﻞ ﻭﺍﻟﻠﻪ ﻭﻋﻤﺘﺞ ﺭﺍﺣﺖ
ﺍﻣﻞ : ﺍﻱ ﺻﺒﺢ ﻣﻮ ﺷﺎﻓﺖ ﺍﺑﻮﻳﻪ ﻋﺼﺒﻲ ﻭﻳﺮﺯﻝ ﺷﻮ ﻫﺎﻱ ﻟﻤﻲ ﻏﺮﺍﺿﺞ ﻭﻛﻮﻟﻲ ﻟﻌﻤﻮ ﺣﺴﻴﻦ ﻳﻮﺻﻠﻬﺎ ﻫﻲ ﻭﺍﻳﺎﺕ
ﻭﺣﺎﻟﻴﺎ ﻫﺴﻪ ﺍﻟﺒﻴﺖ ﻓﺮﻍ ﻻﻥ ﺣﺘﻰ ﻋﻤﺎﺕ ﺍﺑﻮﻳﻪ ﺑﺎﺭﺣﻪ ﺑﺎﻟﻠﻴﻞ ﺭﺍﺣﻦ ﻭﺭﺍﺝ
ﺣﻴﺎﺓ : ﺍﺑﻮﺝ ﺑﺎﻟﺒﻴﺖ
ﺍﻣﻞ : ﺍﻱ ﺭﺟﻊ ﻗﺒﻞ ﺷﻮﻳﻪ ﻃﻠﻊ ﺑﺪﻭﻥ ﻣﻴﺘﺮﻳﻚ ﻭﻫﺴﻪ ﺭﺟﻊ ﻣﺘﻐﺪﻩ ﻛﻠﺶ ﻋﺼﺒﻲ ﻭﺍﻟﻠﻪ ﺣﺘﻰ ﺍﺧﺎﻑ ﺍﻓﻮﺗﻠﻪ ﻋﻮﺩ ﺍﻟﺒﺎﺭﺣﻪ ﺑﺎﻟﻠﻴﻞ ﺣﻀﺮﺕ ﻛﻼﻡ ﺍﻛﻠﻪ ﻟﺼﺒﺢ ﺍﻟﻴﻮﻡ ﻣﻦ ﺷﻔﺘﻪ ﻋﺼﺒﻲ ﺣﺘﻰ ﺍﻟﻜﻼﻡ ﺍﻟﻤﺤﻀﺮﺗﻪ ﻧﺴﻴﺘﻪ
ﺣﻴﺎﺓ : ﻇﻠﻴﻨﺎ ﻧﺴﻮﻟﻒ ﺍﻧﻲ ﻭﺍﻣﻞ ﻭﺭﺍﻫﺎ ﻛﻤﺖ ﻋﻤﺘﻲ ﺍﺟﺘﻲ ﻳﻤﻲ ﻭﻛﻌﺪﻧﺎ ﻧﺴﻮﻟﻒ ﻭﻧﺤﺠﻲ ﻓﻜﺎﻟﺖ ﻻﺑﺴﻲ ﺧﻞ ﺭﻭﺡ ﻧﻤﺮ ﻋﻠﻰ ﺑﻴﺖ ﻋﻤﺞ ﺍﺑﻮ ﺣﻤﺰﻩ ﺍﻡ ﺣﻤﺰﻩ ﺻﺎﻳﺮ ﻋﺪﻫﺎ ﺍﻧﺰﻻﻕ ﻭﺧﻄﻴﻪ ﻧﺎﻳﻤﻪ ﺑﺎﻟﻔﺮﺍﺵ ﻣﺘﻜﺪﺭ ﺩﻛﻮﻡ
ﻓﻜﻤﺖ ﻻﺑﺴﺖ ﻋﺒﺎﺗﻲ ﻭﺭﺣﻨﺎ ﺗﻤﺸﻴﻨﺎ ﻟﺒﻴﺖ ﻋﻤﻲ ﻛﻌﺪﻧﺎ ﻭﺷﻔﻨﺎ ﻋﻤﺘﻲ ﻓﺎﻃﻤﻪ ﺧﻄﻴﻪ ﻧﺎﻳﻤﻪ ﺑﺎﻟﻔﺮﺍﺵ ﻣﺎﺗﻜﺪﺭ ﺗﻜﻮﻡ ﻣﻦ ﻭﺭﻩ ﻇﻬﺮﻫﺎ
ﻭﻇﻠﺖ ﺧﻄﻴﻪ ﺗﺴﻮﻟﻒ ﻭﻳﺎﻳﻪ ﻭﺗﺤﺠﻲ ﻭﺗﺴﺎﺋﻞ
ﻭﺍﻧﻲ ﻫﻨﺎﻙ ﺧﺎﺑﺮ ﺧﺎﻟﺪ ﻋﻠﻴﻪ .. ﺍﺟﺬﺏ ﺍﺫﺍ ﻛﻠﺖ ﺿﺠﺖ ﺑﺲ ﺟﺎﻥ ﺩﺍﺧﻠﻲ ﻓﺮﺣﺎﻥ ﻛﻠﺶ ﺑﺎﺍﺗﺼﺎﻟﻪ ﻣﺮﺩﻳﺖ ﻋﻠﻴﻪ ﺩﻙ ﻣﺮﻩ ﺛﺎﻧﻴﻪ ﻧﻄﻴﺘﻪ ﺭﻓﺾ ﺭﺩﺕ ﺍﺣﺴﺴﻪ ﺍﻧﻲ ﺩﺍﺷﻮﻑ ﺍﺗﺼﺎﻟﻚ ﺑﺲ ﻣﻴﻌﺠﺒﻨﻲ ﺍﺭﺩ ﺩﻙ ﻣﺮﻩ ﺛﺎﻟﺜﻪ ﻫﻢ ﻧﻄﻴﺘﻪ ﺭﻓﺾ ﻭﺍﻋﺮﻑ ﻛﻠﺶ ﻫﻮ ﻳﻀﻮﺝ ﻣﻦ ﻫﺎﻱ ﺍﻟﺤﺎﻟﻪ
ﺷﻮﻳﻪ ﻭﺩﺯ ﻣﺴﺞ 💬 ﺟﺎﻭﺑﻲ ﺗﺮﻯ ﺍﺟﻲ ﺍﻛﺴﺮ ﺭﺍﺳﺞ ﻭﻋﻠﻲ
ﺑﺎﻭﻋﺖ ﻋﺎﻟﻤﺴﺞ ﻛﻠﺖ ﻭﻓﻮﻛﺎﻫﺎ ﻫﻮ ﺍﻟﻲ ﺿﺎﻳﺞ
ﺩﺯﻳﺘﻠﻪ ﻣﺴﺞ 💬 ﻣﻴﻌﺠﺒﻨﻲ ﺍﺣﺠﻲ ﻭﻳﻪ ﻭﺍﺣﺪ ﻣﻴﺮﻳﺪﻧﻲ ﻭﻃﺮﺩﻧﻲ ﺑﺎﻟﻠﻴﻞ ﻭﻳﻌﺮﻑ ﻛﻠﺶ ﺯﻳﻦ ﺍﻧﻲ ﻣﻐﻠﻄﺎﻧﻪ
ﺩﺯﻟﻲ 💬 ﻣﻨﻮ ﺍﻟﻤﺎﻳﺮﻳﺪﺝ ﻭﻟﺞ ﺷﻮ ﺍﻧﺘﻲ ﻣﺘﻌﺮﻓﻴﻦ ﺗﺤﺠﻴﻦ ﺟﺎﻭﺑﻲ ﻋﺎﻻﺗﺼﺎﻝ ﺩﻧﺘﻔﺎﻫﻢ
ﺍﻧﻲ ﺭﺩﺕ ﺍﺿﻮﺟﻪ ﻭﺍﻋﺮﻑ ﻫﻮ ﻟﻮ ﻋﺮﻑ ﺍﻧﻲ ﺑﻴﺖ ﻋﻤﻲ ﺍﺑﻮ ﺣﻤﺰﻩ ﺣﻴﻀﻮﺝ ﻓﺪﺯﻳﺘﻠﻪ ﻣﺴﺞ 💬 ﺍﻧﻲ ﻣﻮ ﺑﻴﺘﻨﺎ ﺑﻴﺖ ﻋﻤﻲ ﺍﺑﻮﺣﻤﺰﻩ ﻃﺎﻟﻌﻪ ﻣﻦ ﺍﺭﺟﻊ ﻋﻮﺩ ﺧﺎﺑﺮ
بيج قصص عراقيه حقيقيه من واقعنا.روعه الطائي
ﻇﻠﻴﺖ ﻣﻨﺘﻈﺮﻩ ﻳﺮﺩﻟﻲ ﺟﻮﺍﺏ ﻣﺎﻛﻮ ﻋﺒﺮﺕ ﺭﺑﻊ ﺳﺎﻋﻪ ﻭﻣﺎﻛﻮ ﺍﻱ ﺭﺩ ﺑﻜﻠﺒﻲ ﻛﻠﺖ ﺧﺮﺏ ﺷﻮﻥ ﻓﺸﻠﻪ
ﻭﺭﻩ ﻧﺺ ﺳﺎﻋﻪ ﺍﺟﻪ ﻗﺼﻲ ﻣﻦ ﺑﺮﻩ ﻛﻠﻲ ﺣﻴﺎﺓ ﺷﻴﺦ ﺧﺎﻟﺪ ﺑﺮﻩ ﻳﺮﻳﺪﺝ ﺍﻧﻲ ﻇﻠﻴﺖ ﻣﺘﻔﺎﺟﺌﻪ 😳 ﻋﻤﺘﻲ ﻛﻠﺘﻠﻲ ﻛﻮﻣﻲ ﺷﻮﻓﻲ ﺷﺒﻲ ﻓﻌﺪﻟﺖ ﻧﻔﺴﻲ ﻭﻃﻠﻌﺖ ﻟﻜﻴﺘﻪ ﺍﺻﻼ ﺣﺘﻰ ﻣﻤﻜﻠﻒ ﻧﻔﺴﻪ ﻳﻨﺰﻝ ﻣﻦ ﺍﻟﺴﻴﺎﺭﻩ ﻣﻦ ﺷﺎﻓﻨﻲ ﻃﻠﻌﺖ ﻓﺘﺢ ﺍﻟﺠﺎﻣﻪ
ﺧﺎﻟﺪ : ﺟﻨﺖ ﺭﺍﺟﻊ ﻣﺎﻟﻲ ﺧﻠﻚ ﻭﺗﻌﺒﺎﻥ ﻭﺑﺎﻟﻜﻮﻩ ﻃﺎﻳﻖ ﻧﻔﺴﻲ ﻟﻤﺎ ﺩﻛﻴﺖ ﻋﻠﻰ ﺣﻴﺎﺓ ﻭﺭﻓﻀﺘﻪ ﺧﺒﻠﺘﻨﻲ ﻭﻻﻥ ﺍﺗﻨﺮﻓﺰ ﻣﻦ ﻫﺎﻱ ﺍﻟﺤﺎﻟﺔ ﻭﺣﺘﺮﻛﺖ ﻧﺎﺭ ﻟﻤﺎ ﻋﺮﻓﺖ ﻫﻲ ﺑﻴﺖ ﻋﻤﻬﺎ ﻭﻣﻨﻮ ﺍﺑﻮ ﺣﻤﺰﻩ ﺑﺴﺮﻋﻪ ﻃﻠﻌﺖ ﻭﺭﺣﺘﻠﻬﺎ ﻟﺒﻴﺖ ﻋﻤﻬﺎ ﺷﻔﺖ ﺍﺑﻦ ﻋﻤﻪ ﺑﺸﺎﺭﻉ ﻭﺍﻛﻒ ﻛﺘﻠﻪ ﺻﻴﺤﻠﻲ ﺣﻴﺎﺓ ﺑﺲ ﺷﻔﺘﻬﺎ ﻃﻠﻌﺖ
ﺣﻴﺎﺓ : ﺗﻘﺮﺑﺖ ﻣﻦ ﺍﻟﺴﻴﺎﺭﻩ ﻫﻮ ﺑﺎﻭﻉ ﻋﻠﻲ ﻭﻫﻮ ﺧﺎﺯﺭﻧﻲ ﻭﻣﺒﻴﻦ ﺍﻋﺼﺎﺏ
ﺧﺎﻟﺪ : ﺻﻌﺪﻱ
ﺣﻴﺎﺓ : ﻣﺎﺭﻳﺪ ﻛﻠﻲ ﺷﺘﺮﻳﺪ
ﺧﺎﻟﺪ : ﺩﺍﻛﻠﺞ ﺻﻌﺪﻱ
ﺣﻴﺎﺓ : ﻣﺎﺭﻳﺪ ﺍﺣﺠﻲ ﺍﻟﻲ ﺗﺮﻳﺪ ﻫﻨﺎ
ﺧﺎﻟﺪ : ﺣﻴﺎﺍﺍﺍﺍﺍﺓ ﺻﻌﺪﻱ ﻟﺘﺨﻠﻴﻨﻲ ﺍﺭﺗﻜﺐ ﺑﻴﺞ ﺟﺮﻳﻤﻪ
ﺣﻴﺎﺓ : ﺍﻧﻲ ﺷﻔﺘﻪ ﻋﺼﺒﻲ ﻭﺻﻮﺗﻪ ﻛﺎﻡ ﻳﻌﻠﻰ ﻓﺼﻌﺪﺕ ﻭﻳﺎﻩ ﺷﻮﻫﺬﺍ ﺍﻣﺸﻲ ﻭﻃﻠﻊ ﻣﻦ ﺍﻟﻤﻨﻄﻘﻪ ﻭﻇﻞ ﻳﻤﺸﻲ ﻛﺎﻧﻤﺎ ﺩﻳﺮﺟﻊ ﻟﻠﺒﻴﺖ ... ﻫﺎﻱ ﻭﻳﻦ ﻣﻮﺩﻳﻨﻲ
ﺧﺎﻟﺪ : ﺣﺴﺞ ﻣﺎﺳﻤﻌﻪ ﺍﻓﺘﻬﻤﺘﻲ ﺑﺲ ﺧﻞ ﺍﻭﺻﻞ ﺍﻟﺒﻴﺖ ﺍﻧﻲ ﺍﻋﻠﻤﺞ
ﺣﻴﺎﺓ : ﻭﺍﻧﻲ ﺷﻤﺴﻮﻳﻪ ﺣﺘﻰ ﺗﻌﻠﻤﻨﻲ
ﺧﺎﻟﺪ : ﺷﻤﺴﻮﻳﻪ ﻣﻮ ﺑﺴﻴﻄﻪ
ﺣﻴﺎﺓ : ﺧﺎﻟﺪ ﺭﺟﻌﻨﻲ ﻟﻠﺒﻴﺖ ﻣﺎﺭﻳﺪ ﺍﺟﻲ ﻭﻳﺎﻙ ﺍﻧﺖ ﻣﻮ ﻣﺘﺮﻳﺪﻧﻲ
ﺧﺎﻟﺪ : ﺗﺮﻳﺪﻳﻦ ﺗﺮﺟﻌﻴﻦ ﻳﻢ ﺍﺑﻦ ﻋﻤﺞ ﺍﻟﺨﺎﻳﺲ ﻣﻮ
ﺣﻴﺎﺓ : ﻳﺎﺍﺑﻦ ﻋﻤﻲ ﻫﺎﻱ ﺷﺒﻴﻚ ﺭﺟﻌﻨﻲ ﻟﻠﺒﻴﺖ ﻛﻠﺘﻠﻚ ﻭﺍﻟﻠﻪ ﺍﺧﺎﺑﺮ ﺍﺑﻮﻳﻪ ﺍﻛﻠﻪ
ﺧﺎﻟﺪ : ﻭﻟﺞ ﺷﻨﻮ ﺗﻬﺪﺩﻳﻨﻲ ﺍﻧﺘﻲ
ﺣﻴﺎﺓ : ﺍﺭﻳﺪ ﺍﺭﺟﻊ ﻟﻠﺒﻴﺖ ﻣﺎﺭﻳﺪ ﺍﺟﻲ ﻭﻳﺎﻙ ﻫﻲ ﻛﻮﻩ ... ﻇﻠﻴﺖ ﺍﺣﺠﻲ ﺍﺣﺠﻲ ﻭﻣﺎﻛﻮ ﻓﺎﻳﺪﻩ ﻭﻫﻮ ﺳﺎﻛﺖ ﺑﺲ ﻣﺨﻨﺰﺭ ﻭﻳﺴﻮﻕ ﻭﺍﻧﻲ ﺍﺩﺭﺩﻡ ﻃﺮﻳﻖ ﻛﻠﻪ
ﺑﺎﻻﺧﻴﺮ ﻭﺻﻠﻨﺎ ﻟﻠﺒﻴﺖ ﻇﻞ ﻳﺪﻙ ﻫﻮﺭﻥ ﻟﺤﺪ ﻣﺎﻃﻠﻊ ﺍﺑﻦ ﻋﻠﻲ ﻓﺘﺢ ﺍﻟﺒﺎﺏ ﻭﺩﺧﻞ ﺳﻴﺎﺭﻩ ﻭﺍﻧﻲ ﻛﻠﻪ ﺍﺑﺎﻉ ﻫﺬﺍ ﺷﺒﻲ ﺻﺪﻙ ﺟﺬﺏ ﺍﻧﻲ ﺭﺍﻳﺤﻪ ﺟﺎﻳﻪ ..
ﺧﺎﻟﺪ : ﻧﺰﻟﻲ
ﺣﻴﺎﺓ : ﻣﺎﺭﻳﺪ ﻟﻴﺶ ﺟﺒﺘﻨﻲ ﻫﻨﺎ ﺭﺟﻌﻨﻲ ﻟﺒﻴﺖ ﺍﺑﻮﻳﻪ
ﺧﺎﻟﺪ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻚ ﺩﺍﻛﻠﺞ ﻧﺰﺯﺯﺭﻟﻲ
ﺣﻴﺎﺓ : ﻣﺎﻧﺰﻝ ﻭﺷﺘﺮﻳﺪ ﺳﻮﻱ ﺳﻮﻱ
ﺧﺎﻟﺪ : ﻧﺰﻟﺖ ﻣﻦ ﺍﻟﺴﻴﺎﺭﻩ ﻟﻔﺖ ﻋﻠﻰ ﺟﻬﺘﻬﺎ ﻓﺘﺤﺖ ﺍﻟﺒﺎﺏ .. ﻟﺰﻣﺘﻬﺎ ﻣﻦ ﺍﻳﺪﻳﻬﺎ ﻭﺟﺮﻳﺘﻬﺎ ﺑﺎﻟﻜﻮﻩ
ﺣﻴﺎﺓ : ﺍﻱ ﻣﺎﺭﻳﺪ ﺍﻧﺰﻝ ﻫﻲ ﻛﻮﻩ
ﺧﺎﻟﺪ : ﻭﻟﺞ ﺣﻔﺮﻙ ﺣﻠﻜﺞ ﻭﻋﻠﻲ
ﺣﻴﺎﺓ : ﺟﺮﻧﻲ ﺩﺧﻠﻨﻲ ﺟﻮﻩ ﻣﻦ ﺑﺎﺏ ﺍﻟﻤﻄﺒﺦ ﺟﺎﻧﺖ ﺍﻣﻞ ﻭﺧﺎﻟﺘﻲ ﺑﺎﻟﻤﻄﺒﺦ ﻇﻠﻦ ﻳﺒﺎﻋﻦ ﻋﻠﻴﻪ ﻣﺘﻔﺎﺟﺌﺎﺕ ﺑﺮﺟﻌﺘﻲ
ﺍﻣﻞ : ﻫﻠﻮﺣﺒﻲ ﺷﻮﻧﺞ
ﺧﺎﻟﻪ : ﻫﻼ ﻳﻤﻪ ﺷﻮﻧﺞ
ﺣﻴﺎﺓ : ﺍﻟﺤﻤﺪﻟﻠﻪ ﺍﻧﺘﻮ ﺷﻮﻧﻜﻢ
ﺗﻘﺮﺑﺖ ﺍﻣﻞ ﻣﻨﻲ ﻭﻟﺞ ﺟﻨﺖ ﻓﺎﻗﺪﻩ ﺍﻻﻣﻞ ﺑﺮﺟﻌﺘﺞ
ﺣﻴﺎﺓ : ﻭﺍﻟﻠﻪ ﻣﺮﺟﻌﺖ ﺑﺮﺿﺎﺗﻲ ﺍﺑﻮﺝ ﺟﺒﺮﻧﻲ
ﺍﻣﻞ : ﻋﺰﻩ ﺳﻮﻩ
ﺣﻴﺎﺓ : ﺑﻌﺪﻳﻦ ﺍﺣﺠﻴﻠﺞ
ﺧﺎﻟﺪ : ﻃﺒﺒﺘﻬﺎ ﻟﻠﻤﻄﺒﺦ ﻭﺭﺣﺖ ﻟﻠﻐﺮﻓﻪ ﻇﻠﻴﺖ ﺍﻧﺘﻈﺮﻫﺎ ﺗﺠﻲ ﻣﺎﻛﻮ ﻓﺘﺤﺖ ﺍﻟﺒﺎﺏ ﺻﺤﺘﻬﺎ
ﺣﻴﺎﺓ : ﺟﻨﺖ ﻭﺍﻛﻔﻪ ﺩﺍﺣﺠﻲ ﻭﻳﻪ ﺍﻣﻞ ﺟﺎﻥ ﺧﺎﻟﺪ ﺻﺎﺡ ﺣﻴﺎﺓ ﺍﺣﺲ ﺍﻟﺒﻴﺖ ﺭﺝ ﻣﻦ ﻭﺭﻩ ﺻﻮﺗﻪ
ﻋﻔﺖ ﺍﻣﻞ ﻭﺭﺣﺘﻠﻪ ﻟﻠﻐﺮﻓﻪ ﻓﺘﺖ ﻫﻮ ﺟﺎﻥ ﺭﺍﻳﺢ ﺟﺎﻱ ﺑﺎﻟﻐﺮﻓﻪ ﻭﻋﺼﺒﻲ
ﺷﺎﻓﻨﻲ ﺩﺧﻠﺖ ﺍﺟﻪ ﻋﻠﻴﻪ ﺑﺴﺮﻋﻪ ﻭﻟﺰﻣﻨﻲ ﻣﻦ ﺍﻳﺪﻱ ﻋﺼﺮﻫﺎ ﻋﺼﺮﻩ ﻭﺍﻟﻠﻪ ﺭﺍﺩﺕ ﺗﻨﺸﻠﻊ
ﺧﺎﻟﺪ : ﻭﻟﺞ ﺷﻮﺩﺍﺝ ﺑﻴﺖ ﺍﻟﻜﻮﺍ ..... ﻫﺬﺍ ﺍﻟﺴﺎﻗﻂ ﻫﺬﺍ ........
ﺣﻴﺎﺓ : ﺍﺥ ﺍﻳﺪﻱ ﻭﺧﺮ
ﺧﺎﻟﺪ : ﻭﻟﺞ ﺷﻮﺩﺍﺝ ﺍﺣﺠﻲ
ﺣﻴﺎﺓ : ﺍﻣﻪ ﻣﺮﻳﻀﻪ ﻭﺭﺣﺖ ﺍﺷﻮﻓﻬﺎ ﺍﻧﻲ ﻭﻋﻤﺘﻲ
ﺧﺎﻟﺪ : ﺗﻌﺮﻓﻴﻦ ﻛﻠﺶ ﺯﻳﻦ ﻣﺎﻃﻴﻖ ﺑﻴﺖ ﻋﻤﺞ ﺷﻜﻮ ﺭﺍﻳﺤﻪ ﺍﻇﺎﻫﺮ ﻣﺮﺗﺎﺣﻪ ﻻﻥ ﻃﻠﻌﺘﻲ ﻣﻨﺎ ﻭﻛﻤﺘﻲ ﺑﺴﺎﻉ ﺗﻔﺮﻓﺮﻳﻦ
ﺣﻴﺎﺓ : ﺧﺎﻟﺪ ﻭﺧﺮ ﻭﺍﻟﻠﻪ ﺩﺗﺎﺫﻳﻨﻲ . .... ﺑﻌﺪﻳﻦ ﺷﻌﻠﻴﻚ ﺑﻴﻪ ﻭﻳﻦ ﻣﺎﺭﻭﺡ ﺍﺭﻭﺡ ﺍﻧﻲ ﻣﻮ ﻛﻠﺘﻠﻲ ﻣﺎﺭﻳﺪ ﺍﺷﻮﻑ ﻭﺟﻬﺞ ﺷﻜﻮ ﻫﺴﻪ ﺟﺎﻱ ﺗﺤﺎﺳﺒﻨﻲ
ﺧﺎﻟﺪ : ﻭﻟﺞ ﺍﺣﺎﺳﺒﺞ ﻭﺍﻛﺴﺮ ﺭﺍﺳﺞ ﻫﻢ ﺟﺎﻥ ﺑﺎﻟﺒﻴﺖ ﻣﻦ ﺟﻨﺘﻲ ﻫﻨﺎﻙ
ﺣﻴﺎﺓ : ﺣﻤﺰﻩ ﻣﺠﺎﻥ ﺑﺎﻟﺒﻴﺖ ﻣﻦ ﺭﺣﺖ ﺑﺲ ﺩﺍﺿﻮﺟﻪ ﻛﻠﺘﻠﻪ .. ﺍﻱ ﺟﺎﻥ ﻫﻨﺎﻙ ﻭﻛﻌﺪﻧﺎ ﻧﺴﻮﻟﻒ ﻭﻧﺤﺠﻲ ﺑﻌﺪﻧﻲ ﺩﺍﺣﺠﻲ ﻫﺬﺍ ﺗﻘﺮﺏ ﻋﻠﻴﻪ ﺣﻴﻞ ﺑﺤﻴﺚ ﻣﻦ ﺍﻟﺨﻮﻓﻪ ﺭﺩﺕ ﻓﻌﻠﻲ ﺧﻠﻴﺖ ﺍﻳﺪﻱ ﻟﻴﻜﺪﺍﻡ ﻋﺒﺎﻟﻲ ﺣﻴﻀﺮﺏ
ﺧﺎﻟﺪ : ﻭﺍﻟﻠﻪ ﺍﻟﻌﻈﻴﻢ ﻟﻮ ﻣﺎ ﺍﺧﺬﺕ ﻭﻋﺪ ﻋﻠﻰ ﻧﻔﺴﻲ ﻣﺎﺍﻣﺪ ﺍﻳﺪﻱ ﻋﻠﻴﺞ ﺟﺎﻥ ﻋﺮﻓﺖ ﺷﺴﻮﻳﻠﺞ
ﻭﻃﻠﻌﻪ ﻣﻦ ﻫﺬﺍ ﺍﻟﺒﻴﺖ ﺑﻌﺪ ﻣﺎﻟﺞ ﻭﺍﻟﻠﻪ ﻻﺧﻠﻴﺞ ﺗﺘﺮﺣﻤﻴﻦ ﻟﺬﻳﺞ ﺍﻻﻳﺎﻡ
ﺣﻴﺎﺓ : ﺷﺘﺮﺣﻢ ﻫﻮ ﺍﻧﻲ ﺷﻔﺖ ﻳﻮﻡ ﺣﻠﻮﻩ ﻫﻨﺎ ﺣﺘﻰ ﺍﺗﺮﺣﻤﻠﻪ
ﺧﺎﻟﺪ : ﺩﺷﻮﻓﻲ ﺍﻟﺠﺎﻱ ﻭﺍﻧﻲ ﺣﺨﻠﻴﺞ ﺗﺘﺮﺣﻤﻴﻦ ﻋﻠﻰ ﺫﻳﺞ ﺍﻻﻳﺎﻡ ﺍﻟﻲ ﻣﺸﻔﺘﻲ ﺷﻲ ﺣﻠﻮ ﺑﻴﻬﺎ
ﺣﻴﺎﺓ : ﺩﻓﻌﺘﻪ ﻟﺨﺎﻟﺪ ﺑﻌﺪ ﻋﺪﺩ ﻣﺤﺎﻭﻻﺕ ﻓﺎﺷﻠﻪ ﺑﺴﺒﺐ ﺿﺨﺎﻣﺘﻪ ﻭﻓﺘﺤﺖ ﺗﻠﻴﻔﻮﻥ ﺩﺍﺧﺎﺑﺮ ﺍﺑﻮﻳﻪ ﺷﻮ ﻫﺬﺍ ﺗﻌﺎﻝ ﻭﺟﺮ ﺗﻠﻴﻔﻮﻥ ﻣﻨﻲ ﺑﺲ ﺟﺎﻥ ﺩﻳﺪﻙ
ﺧﺎﻟﺪ : ﺟﻨﺖ ﻣﺸﺘﻌﻞ ﻧﺎﺭ ﺑﺲ ﺭﺩﺕ ﺍﺭﻭﺡ ﺍﺟﻴﺒﻬﺎ ﻣﻦ ﺑﻴﺖ ﻫﺬﺍ ﺍﻟﻜﻠﺐ ﻭﺍﺟﻴﺒﻬﺎ ﻳﻤﻲ ﺟﻨﺖ ﺍﺭﻳﺪ ﺍﻣﻮﺗﻬﺎ ﺍﻛﺴﺮﻫﺎ ﻭﺍﻟﻠﻪ ﺑﺎﻟﻜﻮﻩ ﻻﺯﻡ ﻧﻔﺴﻲ ﻋﻠﻴﻬﺎ ﻣﺎﺫﻳﻬﺎ ﻟﻤﺎ ﺷﻔﺘﻬﺎ ﺷﺎﻟﺖ ﺗﻠﻴﻔﻮﻥ ﺗﺨﺎﺑﺮ ﺍﺧﺬﺕ ﺗﻠﻴﻔﻮﻥ ﻣﻨﻬﺎ ﻟﻜﻴﺘﻬﺎ ﺩﻙ ﻋﻠﻰ ﺍﺑﻮﻩ ﻭﺍﺻﻼ ﺍﺑﻮﻫﺎ ﺑﺴﺮﻋﻪ ﺟﺎﻭﺏ
ﺧﺎﻟﺪ : ﻫﻼ ﻋﻤﻲ ﺷﻮﻧﻚ
ﺍﺑﻮﺣﻴﺎﺓ : ﻣﻨﻮ ( ﻣﺴﺘﻐﺮﺏ ﻻﻥ ﺗﻠﻴﻔﻮﻥ ﺣﻴﺎﺓ )
ﺧﺎﻟﺪ : ﻋﻤﻲ ﺧﺎﻟﺪ ﻭﻳﺎﻙ
ﺍﺑﻮ ﺣﻴﺎﺓ : ﺍﻫﻼ ﻭﺳﻬﻼ ﺷﻴﺨﻨﺎ ﺷﻮﻧﻚ
ﺧﺎﻟﺪ : ﺑﺨﻴﺮ ﻋﻤﻲ ﺩﺍﻣﻚ ﺍﻧﺖ ﺑﺨﻴﺮ .. ﻋﻤﻲ ﺗﺮﻯ ﺍﻧﻲ ﺍﺟﻴﺖ ﺍﺧﺬﺕ ﺣﻴﺎﻩ ﻭﺭﺟﻌﺘﻬﺎ ﻟﻠﺒﻴﺖ
ﺍﺑﻮ ﺣﻴﺎﺓ : ﻋﻤﻲ ﺭﺟﻌﻬﺎ ﺑﺲ ﺑﺎﻻﻭﻝ ﻏﻴﺮ ﺗﺠﻲ ﻭﺗﻜﻌﺪ ﻭﻳﺎﻳﻪ ﻭﻧﺘﻔﺎﻫﻢ
ﺧﺎﻟﺪ : ﺍﻱ ﻭﺍﻟﻠﻪ ﻋﻤﻲ ﺣﻘﻚ ﺍﻋﺘﺬﺭ ﺑﺲ ﻫﻲ ﺟﺘﻲ ﻫﻴﺞ ﺑﻌﺪ ﺷﻨﺴﻮﻱ ﺍﻥ ﺷﺎﺀﺍﻟﻠﻪ ﺍﻣﺮﻟﻚ ﻭﻧﻜﻌﺪ ﻧﺤﺠﻲ ﻟﻴﻈﻞ ﺑﺎﻟﻚ ﺗﺮﻯ ﺳﺎﻟﻔﻪ ﻧﺤﻠﺖ
ﺣﻴﺎﺓ : ﻳﺤﺠﻲ ﻭﻳﻪ ﺍﺑﻮﻳﻪ ﻫﻮ ﻛﻠﺶ ﻣﺒﺘﺴﻢ ﻭﻳﺤﺠﻲ ﻭﻻ ﻋﺒﺎﻟﻚ ﻗﺒﻞ ﺷﻮﻳﻪ ﺍﻟﻲ ﺟﺎﻥ ﻳﻌﻴﻂ ﻋﻠﻴﻪ ﻭﺳﺪ ﺗﻠﻴﻔﻮﻥ ﻭﻫﺬﺍ ﺭﺟﻊ ﻋﻘﺪ ﺣﻮﺍﺟﺒﻪ ﻋﻠﻴﻪ
ﺧﺎﻟﺪ : ﺟﻨﺖ ﻣﺸﺘﺎﻗﻠﻬﺎ ﻛﻠﺶ ﺑﺤﻴﺚ ﺑﺲ ﺍﺭﻳﺪ ﺍﻟﺰﻣﻬﺎ ﻭﺍﺣﻀﻨﻬﺎ ﺑﺲ ﻣﺎﻛﺪﺭﺕ ﺟﻨﺖ ﺿﺎﻳﺞ ﻣﻦ ﺗﺼﺮﻓﻬﺎ ﻛﻠﺶ ﻋﻔﺘﻬﺎ ﻭﻃﻠﻌﺖ ﺍﻋﺮﻑ ﻏﻠﻄﺖ ﻣﻦ ﻛﺘﻠﻬﺎ ﺭﻭﺣﻲ ﻻﺑﻮﺝ ﺑﺲ ﺍﻧﻲ ﺟﻨﺖ ﺑﺲ ﺍﺭﻳﺪ ﺗﻔﺾ ﺍﻟﺴﺎﻟﻔﻪ ﺣﺘﻰ ﻻﺗﻜﺒﺮ ﺍﻛﺜﺮ
ﺣﻴﺎﺓ : ﻇﻠﻴﺖ ﻛﺎﻋﺪﻩ ﺑﺎﻟﻐﺮﻓﻪ ﻭﺣﺘﻰ ﻣﻨﺰﻋﺖ ﺍﻟﻌﺒﺎﻳﻪ ﻭﺟﻨﺖ ﻛﻠﺶ ﺿﺎﻳﺠﻪ ﻭﻧﻮﺏ ﻛﻠﺴﻊ ﺩﻣﺎﻏﻲ ﻳﺬﻛﺮﻧﻲ ﻫﻮ ﻃﺮﺩﺝ ﻣﻴﺮﻳﺪﺝ ﺷﻮﻥ ﺗﻘﺒﻠﻴﻦ ﺗﺮﺟﻌﻴﻦ ﻭﺍﻧﻲ ﺍﻓﻮﺭ ﺑﺰﺍﻳﺪ 🤯
ﻭﺭﻩ ﺷﻮﻳﻪ ﺩﺧﻞ ﻋﻠﻴﻪ ﺷﺎﻓﻨﻲ ﻛﺎﻋﺪﻩ ﻭﻣﻨﺎﺯﻋﻪ ﺍﺻﻼ
ﺧﺎﻟﺪ : ﺣﻈﻠﻴﻦ ﻫﻴﺞ ﻛﺎﻋﺪﻩ
ﺣﻴﺎﺓ : ﻣﻌﻠﻴﻚ ﺑﻴﻪ ﻋﻮﻓﻨﻲ ﺑﺤﺎﻟﻲ
ﺧﺎﻟﺪ : ﻭﻟﺞ ﺑﺎﻋﻲ ﺻﺎﺑﺮ ﻋﻠﻴﺞ ﻭﺳﺎﻛﺖ ﺑﺲ ﻭﺍﻟﻠﻪ ﺍﺫﺍ ﻃﺦ ﻋﺪﻱ ﺍﻛﻮﻡ ﺍﻣﻮﺗﺞ
ﺣﻴﺎﺓ : ﺍﺣﺴﻦ ﺣﺘﻰ ﺍﺭﺗﺎﺡ ﻣﻨﻚ
ﺧﺎﻟﺪ : ﺍﺳﺘﻐﻔﺮ ﺍﻟﻠﻪ ﻛﻮﻣﻲ ﻳﻠﻪ
ﺣﻴﺎﺓ : ﻇﻠﻴﺖ ﺳﺎﻛﺘﻪ ﻭﺑﺲ ﺍﻫﺰ ﺑﺮﺟﻠﻲ
ﺧﺎﻟﺪ : ﻣﻮ ﺩﺍﺣﺠﻲ ﻭﻳﺎﺝ ﻛﻮﻣﻲ ﻛﻠﺖ
ﺣﻴﺎﺓ : ﺑﻠﻪ ﺍﻧﺘﻲ ﻟﻴﺶ ﺭﺟﻌﺘﻨﻲ ﻫﺎ ﺳﻮﻳﺖ ﺣﻠﻴﺖ ﺍﻟﻤﺸﻜﻠﻪ ﺍﻟﺒﺎﺭﺣﻪ ﻭﺭﻩ ﻣﺮﺣﺖ ﻟﺒﻴﺘﻨﺎ
ﺧﺎﻟﺪ : ﺑﺎﻋﻲ ﺍﻋﺮﻑ ﻛﻠﺶ ﺯﻳﻦ ﺍﻧﺘﻲ ﻣﺤﺎﺟﻴﻪ ﻛﻠﺘﻠﺞ ﺭﻭﺣﻲ ﻻﻫﻠﺞ ﺣﺘﻰ ﻳﻬﺪﺀ ﺍﻟﻮﺿﻊ
ﺣﻴﺎﺓ : ﺑﻬﺬﺍ ﺗﺼﺮﻓﻚ ﻛﺴﺮﺗﻨﻲ ﻛﺪﺍﻡ ﺍﻫﻠﻚ ﻣﻦ ﻣﺸﻜﻠﻪ ﺗﺎﻓﻪ ﻛﻠﺘﻠﻲ ﻃﻠﻌﻲ ﻭﺑﻌﺪ ﻣﺎﺭﻳﺪﺝ ﻛﻠﻲ ﺷﻮﻥ ﺗﺮﻳﺪ ﺍﻣﻦ ﺑﻴﻚ ﺑﻌﺪ
ﺧﺎﻟﺪ : ﺣﻴﺎﺓ ﻣﻤﺎﻣﻨﻪ ﺑﻴﻪ
ﺣﻴﺎﺓ : ﺑﻌﺪ ﺻﺎﺭ ﺍﻟﺒﺎﺭﺣﻪ ﻻ
ﺧﺎﻟﺪ : ﺣﻴﺎﺓ ﺍﻧﺖ ﻻﺯﻡ ﺗﻘﺪﺭﻳﻦ ﺍﻟﻤﻮﻗﻒ ﺍﻟﻲ ﻧﺤﻄﻴﺖ ﺑﻲ ﻛﺪﺍﻡ ﺍﻫﻠﻲ
ﺣﻴﺎﺓ : ﺑﺲ ﺍﻧﺖ ﺗﻌﺮﻑ ﻛﻠﺶ ﺯﻳﻦ ﺍﻧﻲ ﻣﺎﺣﺠﻲ ﻫﻴﺞ ﻭﻻ ﺍﺗﺼﺮﻑ ﻫﻴﺞ
ﺗﻌﺮﻑ ﺳﻮﺍﻟﻒ ﺯﻳﻨﻪ ﻛﻠﺶ ﺯﻳﻦ
ﺧﺎﻟﺪ : ﺗﻘﺮﺑﺖ ﻋﻠﻴﻬﺎ ﺣﻴﺎﺓ ﻣﺎﻛﻮ ﺑﻬﺎﻱ ﺩﻧﻴﺎ ﻭﺍﺣﺪ ﻳﺨﺎﻑ ﻋﻠﻴﺞ ﻛﺪﻱ ﺍﻋﺮﻑ ﻏﻠﻄﺖ ﺑﺲ ﻭﺍﻟﻠﻪ ﺍﺧﺬ ﺣﻘﺞ ﺑﺲ ﺍﺻﺒﺮﻳﻠﻲ
ﺣﻴﺎﺓ : ﻟﻮ ﺗﺨﺎﻑ ﻋﻠﻴﻪ ﻣﺘﺨﻠﻴﻨﻲ ﺍﻃﻠﻊ ﺑﺎﺭﺣﻪ ﺑﺎﻟﻠﻴﻞ ﻣﻜﻠﺖ ﻣﻨﻮ ﺍﺟﻪ ﺍﺧﺬﻫﺎ ﻣﻜﻠﺖ ﻭﺻﻠﺖ ﻻ ﺍﺧﺎﺑﺮﻫﺎ ﺍﻃﻴﺐ ﺧﺎﻃﺮﻫﺎ ﺑﻜﻠﻤﻪ ﺑﺲ ﺍﻧﺖ ﺍﻟﻴﻮﻡ ﺭﺟﻌﺘﻨﻲ ﻋﻠﻤﻮﺩ ﻏﺮﻭﺭﻙ ﻻﻥ ﺟﻨﺖ ﺑﻴﺖ ﻋﻤﻲ ﻭﻻﻥ ﻣﺘﺮﻳﺪ ﺍﺣﺪ ﻳﺤﺠﻲ ﻋﻠﻴﻚ ﻭﻳﻜﻮﻝ ﻣﺮﺕ ﺷﻴﺦ ﺧﺎﻟﺪ ﺭﺍﺣﺖ ﻟﺒﻴﺖ ﺍﺑﻦ ﻋﻤﻬﺎ ﺍﻟﻲ ﺟﺎﻥ ﻳﺮﻳﺪﻫﺎ
ﺧﺎﻟﺪ : ﻭﻟﺞ ﺍﺣﺠﻲ ﻋﺪﻝ ﻭﻳﺎﻳﻪ ﻟﺘﺨﻠﻴﻨﻲ ﺍﺷﻮﻓﺞ ﺷﻲ ﻣﺸﺎﻳﻔﺘﻪ ﻟﺠﻴﺒﻴﻦ ﻃﺎﺭﻱ ﻫﺬﺍ ﺍﻟﺠﺒﺎﻥ ﻋﻠﻰ ﻟﺴﺎﻧﺞ
ﺣﻴﺎﺓ : ﺭﺟﻌﺘﻨﻲ ﻭﻳﺎﻙ ﻟﻨﻘﻄﻪ ﺍﻟﺼﻔﺮ ﺍﻭﻝ ﻣﺎﺟﻴﺖ ﻫﻨﺎ ﺟﻨﺖ ﺧﺎﻳﻔﻪ ﻣﻨﻚ ﻭﻫﺴﻪ ﻧﻔﺲ ﺍﻟﺸﻲ ﺭﺟﻊ ﺧﻮﻓﻲ ﻣﻨﻚ ﻻﻥ ﺑﺎﻱ ﻟﺤﻈﻪ ﻣﻤﻜﻦ ﺗﺘﺨﻠﻰ ﻋﻨﻲ
ﺧﺎﻟﺪ : ﺍﻭﻝ ﺷﻲ ﺍﻧﻲ ﺟﻨﺖ ﻧﺎﻭﻱ ﺍﻟﻴﻮﻡ ﺍﺭﺟﻌﺞ ﺳﻮﺍﺀ ﺟﻨﺘﻲ ﺑﻴﺘﺞ ﺍﻭ ﺑﻴﺖ ﻋﻤﺞ ﺑﺲ ﻳﻤﻜﻦ ﻣﻦ ﺳﻤﻌﺖ ﺍﻧﺘﻲ ﺑﻴﺖ ﻫﺬﺍ ﺍﻟﺴﺎﻗﻂ ﺩﻣﻲ ﻓﺎﺭ ﻭﺫﻛﺮﺕ ﻣﻦ ﻳﻜﻮﻝ ﺍﺧﺬﻫﺎ ﺍﺧﺬﻫﺎ ﻣﺘﺤﻤﻠﺖ ﺗﺒﻘﻴﻦ ﻳﻤﻬﻢ ﺗﻌﺮﻓﻴﻦ ﺯﻳﻨﻪ ﻟﻴﺶ ﻫﻴﺞ ﺳﻮﺕ ﻻﻥ ﺗﻌﺮﻑ ﺍﻧﺘﻲ ﻣﻮ ﻣﺮﺗﻲ ﻓﻌﻠﻴﺎ ﻟﻮ ﺟﻨﺘﻲ ﻣﺮﺗﻲ ﻣﻦ ﺻﺪﻙ ﻣﻮ ﺑﺲ ﻋﻠﻰ ﻭﺭﻕ ﺟﺎﻥ ﻣﺤﺪ ﻓﺘﺢ ﺣﻠﻜﻪ ﻭﻳﺎﺝ..بيج قصص عراقيه حقيقيه من واقعنا.روعه الطائي
ﺣﻴﺎﺓ : ﺍﻛﺜﺮ ﺷﻲ ﺟﻨﺖ ﺍﻧﺘﻈﺮﻩ ﺍﺻﻴﺮ ﻣﺮﺗﻚ ﻣﻦ ﺻﺪﻙ ﻟﺤﺪ ﺑﺎﺭﺣﻪ ﺟﻨﺖ ﻣﺴﺘﻌﺪﻩ ﺍﺻﻴﺮ ﻭﺍﺗﻘﺒﻞ ﻭﺿﻌﻲ ﺑﺲ ﻫﺴﻪ ﻻ ﻭﺍﻟﺤﻤﺪﻟﻠﻪ ﻣﺼﺎﺭ ﺷﻲ ﺑﻴﻨﺎ
ﺧﺎﻟﺪ : ﻇﻠﻴﺖ ﺳﺎﻛﺖ ﻻﻥ ﻛﻼﻣﻬﺎ ﺻﺤﻴﺢ ﺍﻧﻲ ﻣﻦ ﻣﺸﻜﻠﻪ ﺗﺎﻓﻪ ﺗﺨﻠﻴﺖ ﻋﻦ ﺣﻴﺎﺓ ﻭﻫﺪﻣﺖ ﻛﻠﺸﻲ ﺷﻮﻥ ﺗﺎﻣﻦ ﺑﻴﻪ ﺑﻌﺪ ﻋﻔﺘﻬﺎ ﻭﻃﻠﻌﺖ ﺑﺎﻟﺤﺪﻳﻘﻪ ﻇﻠﻴﺖ ﺍﻓﻜﺮ ﻛﻮﻣﻪ ﻭﺍﺣﺲ ﻣﻦ ﺻﺪﻙ ﻛﺴﺮﺗﻬﺎ ﻛﺪﺍﻡ ﺍﻫﻠﻲ
ﺣﻴﺎﺓ : ﺻﺢ ﺍﺣﺒﻪ ﺻﺢ ﻳﻤﻜﻦ ﺗﻌﻠﻤﺖ ﻋﻠﻴﻪ ﻣﻮﺟﻮﺩ ﺑﺤﻴﺎﺗﻲ ﺑﺲ ﻣﺎﻛﺪﺭ ﺑﺎﺭﺣﻪ ﺣﺴﺴﻨﻲ ﺣﺴﺎﺱ ﻛﻠﺶ ﻣﺤﻠﻮ ﻣﻦ ﺍﻟﻲ ﺗﺤﺒﻴﻪ ﻳﻜﻠﻲ ﻣﺎﺭﻳﺪﺝ ﻭﻣﺎﺭﻳﺪ ﺍﺷﻮﻑ ﻭﺟﻬﺞ ﻣﺠﻨﺖ ﺍﻛﺪﺭ ﺍﺳﺎﻣﺤﻪ ﻫﻮ ﺑﺎﻱ ﻭﻛﺖ ﻳﻜﺪﺭ ﻳﺘﺨﻠﻰ ﻋﻨﻲ
ﺑﺪﻟﺖ ﻭﻃﻠﻌﺖ ﺑﺮﻩ ﺟﺎﻥ ﺍﻣﻞ ﻛﺎﻋﺪﻩ ﺑﺎﻟﻬﻮﻝ ﻭﺣﺪﻫﺎ ﺗﺘﻔﺮﺝ ﺗﻠﻔﺰﻳﻮﻥ
ﻇﻠﻴﻨﺎ ﻧﺴﻮﻟﻒ ﻭﺣﺠﻴﺘﻠﻬﺎ ﺻﺎﺭ ﻭﺷﻮﻥ ﺭﺟﻌﺖ ﺑﺲ ﻫﻲ ﺳﺨﻴﻔﻪ ﻛﺎﻟﻌﺎﺩﻩ ﻇﻠﺖ ﺗﻀﺤﻚ ﻭﺗﺸﺎﻗﻪ ﻭﺷﻮﻥ ﺍﺑﻮﻫﺎ ﺟﺎﻥ ﻋﺼﺒﻲ ﺍﻟﺼﺒﺢ ﻭﻣﻴﺘﺤﺠﻰ ﻭﻣﺘﺤﻤﻞ ﺑﻌﺪﻱ ﻋﻨﻪ ﻭﺭﺟﻊ ﺟﺎﺑﻨﻲ ﻛﻠﺶ ﻋﺎﻳﺸﻪ ﺍﻟﻠﺤﻈﻪ ﺟﺎﻧﺖ ﻭﺍﻧﻲ ﺍﺣﺠﻴﻠﻬﺎ ..
ﻣﺮ ﺍﺳﺒﻮﻉ ﻭﺍﻧﻲ ﻣﺎﺣﺠﻲ ﻭﻳﻪ ﺧﺎﻟﺪ ﺍﺑﺪ ﻭﺣﺘﻰ ﻣﻦ ﻳﻔﻮﺕ ﻟﻠﻐﺮﻓﻪ ﺍﻧﻲ ﺍﻃﻠﻊ ﻭﺑﺎﻟﻠﻴﻞ ﺍﻓﺮﺵ ﺑﺎﻟﻜﺎﻉ ﻭﺍﻧﺎﻡ ﺍﻭ ﺍﺳﻮﻱ ﻧﻔﺴﻲ ﻧﺎﻳﻤﻪ ﻗﺒﻞ ﻣﻴﺠﻲ
ﺻﺢ ﺟﻨﺖ ﺗﻌﺒﺎﻧﻪ ﻣﻦ ﻫﺬﺍ ﺍﻟﺸﻲ ﺑﺲ ﺟﺎﻥ ﻻﺯﻡ ﻳﻌﺮﻑ ﻏﻠﻄﻪ ﺍﻟﻲ ﺳﻮﺍﻩ ﻭﻳﺎﻳﻪ
ﺧﺎﻟﺪ : ﺻﺢ ﺣﻴﺎﺓ ﻣﺘﺤﺠﻲ ﻭﻳﺎﻳﻪ ﻭﺣﺘﻰ ﺍﺫﺍ ﺣﺎﻭﻟﺖ ﺍﻧﻲ ﺍﺗﺤﺎﺭﺵ ﺑﻴﻬﺎ ﻫﻲ ﺑﺲ ﺟﺎﻭﺑﻨﻲ ﻋﻠﻰ ﻛﺪ ﺳﺆﺍﻟﻲ ﻭﻣﺘﻨﻄﻲ ﻣﺠﺎﻝ ﺍﺑﺪ ﺍﻋﺮﻑ ﻫﻲ ﻣﺠﺮﻭﺣﻪ ﻣﻨﻲ ﺑﺲ ﺍﻟﻤﻬﻢ ﻫﻲ ﻛﺒﺎﻝ ﻋﻴﻨﻲ ﻫﺎﻱ ﺗﺴﻮﺓ ﺩﻧﻴﺎ ﻋﻨﺪﻱ
ﻇﻠﻴﺖ ﺍﻓﻜﺮ ﺷﻮﻥ ﺍﺧﻠﻲ ﺣﻴﺎﺓ ﺗﺮﺟﻊ ﺗﺜﻖ ﺑﻴﻪ ﻭﻣﺘﺨﺎﻑ ﻣﻨﻲ ﻟﻜﻴﺖ ﺣﻞ ﻳﻤﻜﻦ ﻫﺬﺍ ﺍﻟﺤﻞ ﺣﻴﺨﻠﻲ ﺑﻌﺾ ﺍﻟﻨﺎﺱ ﺗﺤﺠﻲ ﺑﺲ ﻃﺰ ﺍﻟﻤﻬﻢ ﻫﻲ
ﺷﺎﻭﺭﺕ ﺍﻣﻲ ﺑﺎﻟﻤﻮﺿﻮﻉ ﺍﻣﻲ ﻛﻴﻔﺖ ﻭﻛﺎﻟﺖ ﻋﻠﻰ ﻭﺍﻩ ﻭﺍﻟﻠﻪ ﺣﻴﺎﻩ ﻓﻘﻴﺮﻩ ﻭﺣﺒﺎﺑﻪ ﻳﺎﺭﻳﺖ ﻫﻴﺞ ﺳﻮﻱ
ﺣﻴﺎﺓ : ﺑﺎﻟﻠﻴﻞ ﺟﻨﺖ ﻛﺎﻋﺪﻩ ﻳﻢ ﺍﻣﻞ ﺩﻧﺴﻮﻟﻒ ﺟﺎﻥ ﻳﺪﺧﻞ ﻋﻠﻴﻨﺎ ﺧﺎﻟﺪ ﻭﻛﻠﻲ
ﺧﺎﻟﺪ : ﺟﻮﻋﺎﻥ ﺳﻮﻟﻲ ﺍﻛﻞ
ﺍﻣﻞ : ﺑﺎﻭﻋﺖ ﻋﻠﻰ ﺣﻴﺎﺓ ﺑﻨﻈﺮﻩ ﺷﻔﻘﻪ ﺣﺘﻰ ﺩﻛﻮﻡ ﺑﺪﺍﻟﻲ 🥺
ﺣﻴﺎﺓ : ﻛﻤﺖ ﺳﻮﻳﺘﻠﻪ ﻋﺸﻪ ﻭﺧﻠﻴﺘﻪ ﺑﺼﻴﻨﻴﻪ ﻭﺩﻳﺘﻪ ﺑﺎﻟﻬﻮﻝ ﺟﺎﻥ ﺩﻳﺒﺎﻉ ﺗﻠﻔﺰﻳﻮﻥ ﻫﻮ ﻭﺧﺎﻟﺘﻲ
ﺧﺎﻟﺪ : ﺷﻜﺮﺍ ﺗﻌﺒﻨﺎﺝ
ﺣﻴﺎﺓ : ﻣﺤﺠﻴﺖ ﺷﻲ ﺩﺍﻃﻠﻊ ﺟﺎﻥ ﺻﺎﺣﻨﻲ
ﺧﺎﻟﺪ : ﻋﻮﺩ ﺳﻮﻳﻠﻲ ﺟﺎﻱ
ﺣﻴﺎﺓ : ﻃﻠﻌﺖ ﺣﻀﺮﺕ ﺍﻟﺠﺎﻱ ﻭﺻﺒﻴﺘﻠﻪ ﻭﺩﻳﺘﻪ ﻫﻮ ﺟﺎﻥ ﻣﺨﻠﺺ ﻋﺸﻪ ﻧﻄﻴﺘﻪ ﻛﻠﻲ
ﺧﺎﻟﺪ : ﺷﻴﻠﻲ ﻛﻤﻠﺖ
ﺣﻴﺎﺓ : ﺷﻠﺖ ﻭﺩﻳﺖ ﺍﻟﺼﻴﻨﻴﻪ ﺷﻮﻳﻪ ﻭﺻﺎﺣﻨﻲ ﺭﺣﺖ
ﺧﺎﻟﺪ : ﻧﻔﺎﺿﻪ
ﺣﻴﺎﺓ : ﺭﺣﺖ ﺟﻴﺒﺘﻠﻪ ﻧﻔﺎﺿﻪ ﻭﺍﻟﻲ ﻫﻲ ﺍﺻﻼ ﻗﺮﻳﺒﻪ ﻋﻠﻴﻪ .. ﻭﻇﻞ ﻛﻠﺴﻊ ﻳﺼﻴﺤﻨﻲ ﻭﻳﺼﺨﺮﻧﻲ ﺣﺴﻴﺘﻪ ﺩﻳﺘﻘﺼﺪ ﻳﺴﻮﻱ ﻫﻴﺞ ﺣﺘﻰ ﺍﺿﻮﺝ ﺑﺲ ﺍﻧﻲ ﻋﺎﺩﻱ ﻭﻻ ﺿﺠﺖ
ﻭﺭﺍﻫﺎ ﻃﺒﻴﺖ ﺳﺒﺤﺖ ﻭﺩﺍﻃﻠﻊ ﻟﻜﻴﺘﻪ ﺑﺎﻟﻐﺮﻓﻪ ﻛﺎﻋﺪ ﺑﺲ ﻇﻞ ﺑﺲ ﻳﺒﺎﻉ ﺑﻨﻈﺮﺍﺕ ﻏﺮﻳﺒﻪ ﺑﺤﻴﺚ ﻛﻤﺖ ﺍﺗﻮﺗﺮ ﺍﺣﺲ ﻋﻴﻮﻧﻪ ﻭﺭﺍﻳﻪ ﺗﻤﺸﻲ ﺑﺎﻻﺧﻴﺮ ﺑﺎﻭﻋﺖ ﻋﻠﻴﻪ ﺑﻨﻈﺮﻩ ﺍﻧﻮ ﻫﺎ ﺷﺘﺮﻳﺪ
ﺑﺲ ﻫﻮ ﻋﺎﺩﻱ ﺳﻮﻩ ﻧﻔﺴﻪ ﻳﻠﻌﺐ ﺑﺎﻟﺘﻠﻴﻔﻮﻥ
ﺧﺎﻟﺪ : ﺟﻨﺖ ﺑﺲ ﺍﺭﻳﺪﻫﺎ ﺗﻬﺘﻢ ﺑﻴﻪ ﻛﻤﺖ ﺍﻃﻠﺐ ﻣﻨﻬﺎ ﺷﻐﻼﺕ ﺣﺘﻰ ﺍﺧﻠﻲ ﺗﺘﻨﺮﻓﺰ ﻭﺗﺤﺎﺟﻴﻨﻲ ﺑﺲ ﻫﻲ ﻣﺎﺣﺠﺖ ﺷﻲ ﻟﻮ ﺗﻌﺮﻑ ﺷﻜﺪ ﻣﺸﺘﺎﻕ ﻟﺤﻀﻨﻬﺎ ﻭﺭﻳﺤﺘﻬﺎ ﻗﺒﻞ ﻣﺎﻧﺎﻡ ﻛﺘﻠﻬﺎ .. ﺑﺎﺟﺮ ﺣﻀﺮﻱ ﻧﻔﺴﺞ ﺑﺎﻟﻌﺸﺮﻩ ﻧﻄﻠﻊ
ﺣﻴﺎﺓ : ﻭﻳﻦ
ﺧﺎﻟﺪ : ﺷﻌﻠﻴﺞ ﺍﻧﺘﻲ ﺣﻀﺮﻱ ﻧﻔﺴﺞ ﻭﻣﻦ ﺗﻮﺻﻠﻴﻦ ﺗﻌﺮﻓﻴﻦ
ﺣﻴﺎﺓ : ﻣﺎﺭﻭﺡ ﻟﻌﺪ
ﺧﺎﻟﺪ : ﻳﻮﻟﻲ ﺷﺒﻴﺞ ﺣﺘﻰ ﺍﻣﻲ ﺣﺘﺠﻲ ﻭﻳﺎﻧﺎ
ﺣﻴﺎﺓ : ﺍﻱ ﻭﻳﻦ
ﺧﺎﻟﺪ : ﺑﺎﺟﺮ ﻣﻦ ﻧﻮﺻﻞ ﺗﻌﺮﻓﻴﻦ ﻭﻋﻔﺘﻬﺎ ﻭﻧﻤﺖ
ﺣﻴﺎﺓ : ﻫﺬﺍ ﺷﺒﻲ ﻣﻦ ﺻﺪﻙ ﻫﺬﺍ ﺗﺼﺮﻓﺎﺗﻪ ﺍﻟﻘﻴﺎﺩﻳﻪ ﺍﺗﺨﻠﻴﻨﻲ ﺍﻋﺼﺐ ﻣﻨﻪ
ﻃﻠﻌﺖ ﻋﻠﻰ ﺧﺎﻟﺘﻲ ﺭﺩﺕ ﺍﻋﺮﻑ ﻭﻳﻦ ﺩﻳﺎﺧﺬﻧﺎ ﺑﺲ ﺧﺎﻟﻪ ﻛﺎﻟﺖ ﻣﺎﺩﺭﻱ ﻭﻣﻨﻄﺘﻨﻲ ﺟﻮﺍﺏ ﺍﺻﻼ ﻣﺜﻞ ﺍﺑﻨﻬﺎ .....
