#بارت٢٤
ﺣﻴﺎﺓ : ﻇﻠﻴﺖ ﺻﺎﻓﻨﻪ ﻋﻠﻰ ﻛﻼﻡ ﻋﻤﺘﻲ ﺍﻋﺮﻑ ﻫﺬﺍ ﺍﻟﺤﺠﻲ ﻛﻠﺶ ﺯﻳﻦ ﺑﺲ ﻣﺠﺎﻥ ﺍﻛﺪﺭ ﺍﺳﻮﻱ ﻏﻴﺮ ﺍﻭﺍﻓﻖ ﻭﺍﺭﺟﻊ ﻟﺨﺎﻟﺪ ﺑﺲ ﻫﺬﺍ ﺍﻟﺸﻲ ﺍﺻﻌﺐ ﻣﻦ ﺍﻻﻭﻝ ﺍﺣﺴﻪ ﺻﺎﺭ ﻣﻮ ﺑﻴﺘﻲ ﺧﺎﺑﺮﺕ ﺧﺎﻟﺪ ﻭﻛﻠﺘﻠﻪ ﻻﺯﻡ ﺗﺠﻲ ﺍﺭﻳﺪ ﺍﺣﺠﻲ ﻭﻳﺎﻙ
ﻛﻠﻲ ﺑﺎﻟﻠﻴﻞ ﺍﺟﻴﺞ ﻭﻋﻤﺘﻲ ﺭﺍﺣﺖ ﻟﺒﻴﺘﻬﺎ ﺗﻜﻤﻞ ﺷﻐﻠﻬﺎ
ﻭﻛﺎﻟﺖ ﺣﺘﻰ ﺍﻋﻮﻓﻜﻢ ﻭﺣﺪﻛﻢ ﺗﺤﺠﻮﻥ
ﻓﻌﻼ ﺑﺎﻟﻠﻴﻞ ﻧﺪﻛﺖ ﺍﻟﺒﺎﺏ ﻭﻃﻠﻌﺖ ﺍﻓﺘﺤﻪ ﻃﻠﻊ ﺧﺎﻟﺪ ﻓﺎﺕ ﻟﻠﺒﻴﺖ ﻛﻌﺪﻧﺎ ﺑﺎﻟﻬﻮﻝ
ﺧﺎﻟﺪ : ﺷﻮﻧﺞ
ﺣﻴﺎﺓ : ﺍﻟﺤﻤﺪﻟﻠﻪ
ﺧﺎﻟﺪ : ﻟﻌﺪ ﻋﻤﺘﺞ ﻭﻳﻦ
ﺣﻴﺎﺓ : ﺭﺍﺣﺖ ﻟﺒﻴﺘﻬﻢ ﻋﺪﻫﺎ ﺟﻢ ﺷﻐﻠﻪ
ﺧﺎﻟﺪ : ﺍﺷﺘﺎﻗﻴﺘﻠﺞ .. ﺷﻮﻛﺖ ﺗﺮﺟﻌﻴﻦ ﻟﺒﻴﺘﺞ ﻣﺎﺷﺘﺎﻗﻴﺘﻴﻠﻲ
ﺣﻴﺎﺓ : ﺧﺎﻟﺪ ﻣﺎﺭﻳﺪ ﺍﺭﺟﻊ ﻛﻮﻣﻪ ﻓﻜﺮﺕ ﻭﺍﻟﻠﻪ ﻣﺎﻛﺪﺭ
ﺧﺎﻟﺪ : ﺷﻨﻮ ﺳﺒﺐ ﻫﺬﺍ ﻣﺠﺎﻥ ﺍﺗﻔﺎﻗﻨﺎ ﺍﻧﺘﻲ ﻛﻠﺘﻴﻠﻲ ﺟﻢ ﻳﻮﻡ ﻭﺍﺭﺟﻊ ﻭﺭﺍﻫﺎ ﺗﻐﻴﺮﺗﻲ ﻋﻠﻴﻪ ﻭﺍﻧﻲ ﺗﺮﻛﺘﺞ ﺑﺲ ﺣﺘﻰ ﺍﺧﻠﻴﺞ ﺗﺮﺗﺎﺣﻴﻦ
ﻟﻌﺒﺎﻟﺞ ﺍﻧﻲ ﻗﺎﺑﻞ ﻋﻠﻰ ﻫﺎﻱ ﺗﺼﺮﻓﺎﺕ
ﺣﻴﺎﺓ : ﻣﺎﺭﻳﺪﻙ ﺻﻴﺮ ﻋﺼﺒﻲ ﺗﺮﻯ ﺩﻧﺘﻨﺎﻗﺶ
ﺧﺎﻟﺪ : ﻳﺎﻧﻘﺎﺵ ﻫﺬﺍ ﺍﻧﺘﻲ ﺟﺎﻱ ﺩﻛﻠﻴﻠﻲ ﺭﺋﻴﺞ
ﺣﻴﺎﺓ : ﺧﺎﻟﺪ ﺧﻠﻴﻨﻲ ﺍﻧﻲ ﻫﻨﺎ ﻭﺍﻧﺖ ﺗﻌﺎﻝ ﻳﻤﻲ ﻋﻴﺶ
ﺧﺎﻟﺪ : ﻭﺍﻧﺘﻲ ﺗﻘﺒﻠﻴﻬﺎ ﻳﻜﻠﻮﻥ ﺷﻴﺦ ﺧﺎﻟﺪ ﻋﺎﻳﺶ ﺑﻴﺖ ﺣﺮﻣﺘﻪ
ﺣﻴﺎﺓ : ﺧﺎﻟﺪ ﺍﻓﻬﻤﻨﻲ ﺍﻟﻠﻪ ﻳﺨﻠﻴﻚ
ﺧﺎﻟﺪ : ﻣﺪﺍﻋﺮﻑ ﻟﻴﺶ ﻣﺪﺗﻘﺒﻠﻴﻦ ﺗﺮﺟﻌﻴﻦ ﻻﻥ ﺭﻏﺪ ﺑﺎﻟﺒﻴﺖ ﻣﻮ
ﺣﻴﺎﺓ : ﻃﺒﻌﺎ ﻫﻲ ﺍﻟﺴﺒﺐ ﺍﻟﺮﺋﻴﺴﻲ ﻛﻠﻲ ﺷﻮﻥ ﺣﺘﻘﺒﻞ ﺍﺷﻮﻓﻚ ﺗﺮﻭﺡ ﻟﻐﺮﻓﺘﻬﺎ ﻭﻻﺯﻡ ﺍﻇﻞ ﺳﺎﻛﺘﻪ ﺷﻠﻮﻥ
ﺧﺎﻟﺪ : ﻭﺣﻖ ﺭﺑﺞ ﻣﺮﺍﻳﺢ ﻟﻐﺮﻓﺘﻬﺎ ﻣﻦ ﻳﻮﻡ ﺯﻭﺟﺘﻬﺎ ﻭﻫﻲ ﺗﻨﺎﻡ ﻭﺣﺪﻫﺎ ﻣﺠﺎﻱ ﺍﻛﺪﺭ ﺍﺗﻘﺒﻞ ﻏﻴﺮﺝ ﻛﺎﻓﻲ ﻋﺎﺩ ﻳﺎﻋﻴﻨﻲ ﻭﺍﻟﻠﻪ ﻛﻠﺒﻲ ﻃﺎﻙ ﻋﻠﻴﺞ
ﺣﻴﺎﺓ : ﻻ ﺍﻧﻲ ﻛﺎﺩﺭﻩ ﺍﻗﺒﻞ ﺗﺼﻴﺮﺍﻟﻲ ﻭﺣﺪﻱ ﻭﻋﺪﻙ ﻣﺮﻩ ﺛﺎﻧﻴﻪ ﺣﺮﺍﻡ ﺗﻈﻠﻤﻬﺎ ﻭﻻ ﻛﺎﺩﺭﻩ ﺍﻗﺒﻞ ﺗﻈﻠﻤﻬﺎ
ﺧﺎﻟﺪ : ﺍﻧﺘﻲ ﻣﺪﺗﻌﺮﻓﻴﻦ ﺷﺘﺮﺩﻳﻦ ﻭﺍﻧﺘﻲ ﺍﺻﻼ ﻟﻮ ﺗﺤﺒﻴﻨﻲ ﺻﺪﻙ ﺟﺎﻥ ﺗﻘﺒﻠﺘﻲ ﺍﻱ ﻭﺿﻊ ﺍﻧﻲ ﺑﻴﻪ
ﺣﻴﺎﺓ : ﺗﻘﺒﻞ ﺍﻧﻲ ﺻﻴﺮ ﻋﺪﻱ ﺭﺟﺎﻝ ﻏﻴﺮﻙ ﻭﺍﻛﻠﻚ ﻋﺎﺩﻱ ﺍﺫﺍ ﺗﺤﺒﻨﻲ ﻻﺯﻡ ﺗﺘﻘﺒﻞ .. ﻫﺬﺍ ﻟﺰﻡ ﺍﻳﺪﻱ ﻋﺼﺮﻫﺎ
ﺧﺎﻟﺪ : ﺩﻧﻄﻘﻴﻬﺎ ﻣﺮﻩ ﺛﺎﻧﻴﻪ ﺍﻻ ﺍﻛﺺ ﻟﺴﺎﻧﺞ ﻭﺣﻖ ﺭﺑﺞ
ﺣﻴﺎﺓ : ﺍﻱ ﺧﺎﻟﺪ ﻭﺧﺮ ﺍﺫﻳﺘﻨﻲ
ﺧﺎﻟﺪ : ﺗﻌﺮﻓﻴﻦ ﻫﺬﺍ ﺍﻟﺤﺠﻲ ﻳﻌﺼﺒﻨﻲ ﻓﻼ ﺗﺤﺠﻲ
ﺣﻴﺎﺓ : ﻛﺎﻋﺪﻳﻦ ﺩﻧﺤﺠﻲ ﺟﺎﻥ ﺗﻠﻴﻔﻮﻥ ﻳﺪﻙ ﻣﺠﺎﻭﺏ ﻛﺘﻠﻪ ﻣﺠﺎﻭﺏ ﻛﻠﻲ ﻣﻮ ﻣﻬﻢ ﻭﺭﺩ ﻳﺪﻙ ﻭﺭﻓﻀﻪ ﻇﻞ ﻳﻜﻠﻲ ﻣﻮ ﻣﻬﻢ ﺩﻙ ﺟﺎﻥ ﺍﺟﺮﻩ ﻣﻦ ﺍﻳﺪﻩ
ﺟﺎﻥ ﺍﺷﻮﻑ ﺍﺳﻢ ﺭﻏﺪ ﻇﻠﻴﺖ ﺍﺑﺎﻉ ﻋﻠﻴﻪ ﻣﺪﺭﻱ ﺍﺣﺲ ﻭﺍﺣﺪ ﺿﺮﺑﻨﻲ ﺭﺍﺷﺪﻱ
ﺑﺴﺮﻋﻪ ﺣﺠﻴﺖ .. ﻟﻴﺶ ﺩﺗﺨﺎﺑﺮﻙ
ﺧﺎﻟﺪ : ﻣﺎﺩﺭﻱ ﻋﻮﻓﺞ ﻣﻨﻬﺎ
ﺣﻴﺎﺓ : ﻳﻌﻨﻲ ﻣﺘﻌﺮﻑ ﺍﻧﺖ ﻳﻤﻲ ﻣﺘﻜﺪﺭ ﺗﺼﺒﺮ ﻣﻦ ﺗﺮﺟﻊ ﻭﺗﺤﺠﻲ ﻭﻳﺎﻙ
ﺧﺎﻟﺪ : ﺷﺒﻴﺞ ﺣﺒﻴﺒﺘﻲ ﺷﻔﺘﻴﻨﻲ ﺟﺎﻭﺑﺘﻬﺎ ﻋﺼﺒﺘﻲ ﻋﻠﻴﻪ
ﺣﻴﺎﺓ : ﻫﺎﻱ ﺷﺒﻴﻪ ﻓﺎﺭ ﺩﻣﻲ ﺍﻭﻭﻭﻑ ﻟﻌﺪ ﺍﺭﺟﻊ ﻭﺍﺷﻮﻓﻬﺎ ﺗﺤﺠﻲ ﻭﻳﺎﻩ ﻳﻤﻜﻦ ﺍﻣﻠﺨﻬﺎ
ﺑﻌﺪﻳﻦ ﻛﻠﺖ ﺧﻄﻴﻪ ﻫﻲ ﻣﺎﻟﻬﺎ ﺫﻧﺐ ﻭﻛﻠﺘﻠﻪ
ﺩﻛﻠﻬﺎ ﺷﻮﻓﻬﺎ ﺷﺒﻴﻬﺎ ﺧﺎﻑ ﺍﻛﻮ ﺷﻲ ﺍﻧﻲ ﺣﺮﻭﺡ ﺍﺳﻮﻳﻠﻚ ﺟﺎﻱ
ﻋﻔﺘﻪ ﻭﺭﺣﺖ ﻟﻠﻤﻄﺒﺦ ﺑﺲ ﻇﻠﻴﺖ ﻭﺍﻛﻔﻪ ﺑﺎﻟﻤﻤﺮ ﺍﺭﻳﺪ ﺍﺳﻤﻊ ﻣﺎﻋﻨﺪﻱ ﻫﺎﻱ ﺍﻟﻌﺎﺩﻩ ﺑﺲ ﻫﺬﺍ ﺣﺒﻴﺒﻲ ﺷﻮﻥ ﺍﺗﺤﻤﻞ ﻭﺣﺪﻩ ﺗﺤﺠﻲ ﻭﻳﺎﻩ
ﺣﺘﻰ ﻟﻮ ﺟﺎﻧﺖ ﺫﻳﺞ ﻫﻢ ﻣﺮﺗﻪ
ﻫﻮ ﺣﺠﻪ ﻭﻳﺎﻩ ﻃﺒﻌﺎ ﻛﻠﺶ ﺭﺳﻤﻲ ﺑﻜﻼﻣﻪ ﻭﻳﺎﻫﺎ ﻭﻣﻨﻄﺎﻫﺎ ﺭﻳﻚ ﺣﻠﻮ ﺍﺑﺪ
ﺍﻛﺬﺏ ﺍﺫﺍ ﻛﻠﺖ ﺿﺠﺖ ﻣﻦ ﺗﺼﺮﻓﻪ ﻫﺬﺍ ﺑﺎﻟﻌﻜﺲ ﻓﺮﺣﺖ ﺍﻋﺮﻑ ﻫﺬﺍ ﻇﻠﻢ ﺫﻳﺞ ﺑﺲ ﻣﺎﻛﺪﺭ ﻣﺎﻛﺪﺭ
بيج قصص عراقيه حقيقيه من واقعنا.روعه الطائي
ﺭﺣﺖ ﺳﻮﻳﺖ ﺟﺎﻱ ﻭﺟﻨﺖ ﻭﺍﻛﻔﻪ ﺍﺣﻀﺮ ﺻﻴﻨﻴﻪ ﻭﺍﻻﺳﺘﻜﺎﻳﻦ ﻣﺎﺷﻮﻑ ﺍﻻ ﻭﺍﺣﺪ ﺍﺟﻪ ﺣﺎﻭﻁ ﺧﺼﺮﻱ
ﻭﻗﺮﺏ ﺣﻠﻜﻪ ﻋﻠﻰ ﺍﺫﻧﻲ
ﺧﺎﻟﺪ : ﺍﺣﺐ ﻏﻴﺮﺗﺞ ﻋﻠﻴﻪ
ﺣﻴﺎﺓ : ﻋﻠﻰ ﺷﻨﻮ ﺍﻏﺮ ﻣﺎﻛﻮ ﻫﻴﺞ ﺷﻲ
ﺧﺎﻟﺪ : ﻟﻌﺪ ﻣﻨﻮ ﺍﻟﻘﺒﻞ ﺷﻮﻳﻪ ﺭﺍﺩﺕ ﺗﻬﺠﻢ ﻋﻠﻴﻪ ﻣﻦ ﺷﺎﻓﺖ ﺭﻏﺪ ﺗﺨﺎﺑﺮ ﺍﻣﻲ
ﺣﻴﺎﺓ : ﻋﺎﺩﻱ ﻻﻥ ﺟﻨﺎ ﻧﺤﺠﻲ ﺑﻤﻮﺿﻮﻉ ﻣﻬﻢ
ﺧﺎﻟﺪ : ﺍﻱ ﺻﺪﻛﺘﺞ
ﺣﻴﺎﺓ : ﻧﺪﺍﺭﻳﺖ ﻋﻠﻴﻪ .. ﺧﺎﻟﺪ ﻣﺠﺮﺩ ﺷﻔﺖ ﺍﺳﻤﻬﺎ ﻋﻠﻰ ﺟﻬﺎﺯﻙ ﺍﻧﻲ ﺭﺩﺕ ﺍﺭﻭﺡ ﺍﻣﻠﺨﻬﺎ ﺷﻮﻥ ﺍﺫﺍ ﺭﺟﻌﺖ ﻭﺷﻔﺘﻬﺎ ﻫﻨﺎ ﻭﺗﺤﺠﻲ ﻭﺳﻮﻟﻒ ﻭﻳﺎﻙ
ﺧﺎﻟﺪ : ﺧﻞ ﺗﺤﺠﻲ ﻭﺧﻞ ﺳﻮﻟﻒ ﺍﻟﻤﻬﻢ ﻫﺬﺍ .. ﻭﺍﺷﺮﺕ ﻋﻠﻰ ﻛﻠﺒﻲ .. ﺍﻟﻤﻦ ﻳﺪﻙ
ﺣﻴﺎﺓ : ﻇﻠﻴﻨﺎ ﻧﺤﺠﻲ ﻭﻧﺴﻮﻟﻒ ﻛﻮﻣﻪ ﻭﻃﺒﻌﺎ ﻻﺍﻧﻲ ﺍﻗﺒﻞ ﺑﻘﺮﺍﺭﻩ ﻭﻻﻫﻮ ﻳﻘﺒﻞ ﺑﻘﺮﺍﺭﻱ ﻇﻠﻴﻨﺎ ﻧﺤﺠﻲ ﻭﺍﺧﺬﻧﺎ ﺍﻟﻮﻗﺖ ﺷﻔﺖ ﺳﺎﻋﻪ ﺏ 12 ﻭﻧﺺ
ﻫﻮ ﺍﺻﻼ ﻣﻘﺒﻞ ﻳﺮﻭﺡ ﻭﺍﺻﺮ ﻳﺒﺎﺕ ﻳﻤﻲ ﻋﻠﻰ ﻣﺸﺘﺎﻗﻠﺞ ﻭﺻﺎﻟﻲ ﻛﻮﻣﻪ ﺑﻌﻴﺪ ﻋﻠﻴﺞ ﻓﻜﻠﺘﻠﻪ ﺍﻭﻛﻲ ﺑﺎﺕ
ﻓﺮﺣﺖ ﺍﻓﺮﺷﻠﻪ ﺑﻐﺮﻓﺘﻲ ﻫﻮ ﺍﺟﻪ ﻋﻠﻴﻪ ﻟﺰﻣﻨﻲ ﻇﻠﻲ ﻳﺤﺎﻭﻝ ﻳﺒﻮﺱ ﺑﻴﻪ ﺑﺲ ﺍﻧﻲ ﺟﻨﺖ ﻛﻠﺶ ﻣﺎﻟﻲ ﻧﻔﺲ ﺻﺪﻳﺘﻪ ﻭﻫﻮ ﺿﺎﺝ ﻛﻠﺶ ﻣﻨﻲ
ﻓﺤﺠﻴﺖ ﻭﻳﺎﻩ ﻛﺘﻠﻪ ﺍﻧﻲ ﺑﻌﺪﻧﻲ ﺗﻌﺒﺎﻧﻪ ﻋﻠﻰ ﻭﻓﺎﻩ ﺍﺑﻮﻳﻪ ﻻﺯﻡ ﺷﻮﻳﻪ ﺗﺘﺤﻤﻠﻨﻲ ﺍﻧﻲ ﻣﺘﺤﻄﻤﻪ ﻫﺴﻪ ﻭﺍﺣﺲ ﻗﻮﺗﻲ ﻛﻠﻬﺎ ﺭﺍﻳﺤﻪ
ﺧﺎﻟﺪ : ﻣﺎﺷﻲ ﺣﺒﻴﺒﺘﻲ ﺟﺎﻥ ﻻﺯﻡ ﺍﻗﺪﺭ ﻫﺬﺍ ﺍﻟﺸﻲ ﺑﺲ ﻣﺎﺗﺤﻤﻠﺖ ﺍﺷﻮﻓﺞ ﻗﺮﻳﺒﻪ ﻋﻠﻴﻪ ﻭﻣﺎﻟﺰﻣﺞ ﻭﺍﺷﻢ ﺭﻳﺤﺘﺞ
ﺣﻴﺎﺓ : ﻇﻠﻴﺖ ﺳﺎﻛﺘﻪ ﻻﻥ ﺍﺣﺲ ﻧﻔﺴﻲ ﻣﺎﺑﻴﻪ ﺣﻴﻞ ﺣﺘﻰ ﺍﺣﺠﻲ ﺭﺣﺖ ﺧﺎﺑﺮﺕ ﻋﻤﺘﻲ ﻛﺘﻠﻬﺎ ﺧﺎﻟﺪ ﺣﻴﺒﺎﺕ ﻳﻤﻲ ﻫﻲ ﻛﺎﻟﺖ ﺯﻳﻦ ﻟﻌﺪ ﺍﻧﻲ ﺣﺒﻘﻰ ﺑﻴﺘﻲ
ﺭﺟﻌﺖ ﻧﻤﺖ ﺑﺼﻔﻪ ﻣﺎﺍﻭﺻﻒ ﺷﻜﺪ ﺟﻨﺖ ﻣﺤﺘﺎﺟﺘﻪ ﻳﻤﻲ ﻫﻮ ﻣﺠﺮﺩ ﻭﺟﻮﺩﻩ ﻳﻤﻲ ﺍﺣﺲ ﺑﺎﺍﻣﺎﻥ ﻛﻠﺶ ﻓﺘﺤﺖ ﺍﻳﺪﻩ ﻭﻧﻤﺖ ﻋﻠﻴﻬﺎ ﻫﻮ ﻣﺜﻞ ﻣﺎﺻﺪﻙ ﺣﻀﻨﻲ ﻭﻇﻞ ﻳﺒﻮﺱ ﺑﺮﺍﺳﻲ ﻭﻳﻤﺴﺢ ﺑﻈﻬﺮﻱ
ﺧﺎﻟﺪ : ﻭﺍﻟﻠﻪ ﺍﺣﺒﺞ
ﺣﻴﺎﺓ : ﺍﻧﻲ ﻫﻢ ﺍﺣﺒﻚ
ﺧﺎﻟﺪ : ﺑﺎﺟﺮ ﺗﺮﺟﻌﻴﻦ ﻭﻳﺎﻳﻪ
ﺣﻴﺎﺓ : ﺧﺎﻟﺪ
ﺧﺎﻟﺪ : ﻻ ﺧﺎﻟﺪ ﻭﻻﺷﻲ ﺗﻌﺎﻟﻲ ﻭﺷﻮﻓﻲ ﺍﻟﻮﺿﻊ ﻳﺠﻮﺯ ﻣﻮ ﻣﺜﻞ ﺍﻟﻲ ﺍﻧﺘﻲ ﻣﺘﺨﻴﻠﺘﻪ ﻟﺨﺎﻃﺮﻱ ﺣﺒﻴﺒﺘﻲ
ﺣﻴﺎﺓ : ﻣﺎﺷﻲ ﺑﺲ ﺍﺫﺍ ﻣﻌﺠﺒﻨﻲ ﺍﻟﻮﺿﻊ ﺷﺴﻮﻱ
ﺧﺎﻟﺪ : ﻋﻮﺩ ﺭﺟﻌﻲ ﻫﻨﺎ
ﺣﻴﺎﺓ : ﻣﺎﺷﻲ ﻟﻌﺪ ﺍﺫﺍ ﻣﻌﺠﺒﻨﻲ ﺍﺭﺟﻊ
ﺧﺎﻟﺪ : ﺑﺲ ﺗﻌﺎﻟﻲ ﺍﻧﺘﻲ ﻭﺍﻟﻠﻪ ﻣﺎﺧﻠﻴﺞ ﺑﻌﺪ ﺗﻄﻠﻌﻴﻦ
ﺣﻴﺎﺓ : ﺧﺎﺍﺍﺍﺍﺍﻟﺪ ﺍﻧﺖ ﻭﻋﺪﺗﻨﻲ
ﺧﺎﻟﺪ : ﺍﻱ ﻫﺴﻪ ﺑﺲ ﺭﺟﻌﻲ
ﺣﻴﺎﺓ : ﻧﻤﻨﺎ ﻭﺛﺎﻧﻲ ﻳﻮﻡ ﺣﻀﺮﺕ ﻏﺮﺍﺿﻲ ﺑﺲ ﻋﻤﺘﻲ ﻣﻘﺒﻠﺖ ﻧﻄﻠﻊ ﺍﻻ ﻧﺘﻐﺪﻩ ﺗﻐﺪﻳﻨﺎ ﻭﻗﻔﻠﺖ ﺍﻟﺒﻴﺖ ﻭﻃﻠﻌﻨﺎ ﻟﻠﺒﻴﺖ ﻭﺻﻠﻨﺎ ﻟﻠﺒﻴﺖ ﺑﺲ ﺍﻧﻲ ﺍﺣﺴﺘﺤﻲ ﺍﺫﺧﻞ ﺍﺣﺴﻪ ﻣﻮ ﺑﻴﺘﻲ
ﺩﺧﻠﺖ ﺧﺎﻟﺘﻲ ﻭﺍﻣﻞ ﺍﺟﻮﻱ ﺧﻄﻴﻪ ﺍﺳﺘﻘﺒﻠﻮﻧﻲ ﻭﺍﻣﻞ ﺟﺎﻧﺖ ﻣﻤﺼﺪﻛﻪ ﺑﻴﻪ ﺭﺍﺟﻌﻪ ﻭﺍﺟﺘﻲ ﺍﻳﻪ ﻫﻢ ﺳﻠﻤﺖ ﻋﻠﻴﻪ ﻭﺻﺮﺍﺣﻪ ﺟﻨﺖ ﻛﺎﻋﺪﻩ ﻋﻠﻰ ﺍﻋﺼﺎﺑﻲ ﻛﻠﺴﻊ ﺍﻛﻮﻝ ﻫﺴﻪ ﺍﺷﻮﻓﻬﺎ ﻫﺴﻪ ﺗﺪﺧﻞ ﻣﺮﺗﻪ ﻭﺍﺷﻮﻓﻬﺎ
ﺭﺣﺖ ﻟﻐﺮﻓﺘﻲ ﺷﻔﺘﻬﺎ ﻣﺜﻞ ﻣﺎﻋﻔﺘﻬﺎ
ﺟﺘﻲ ﺍﻣﻞ ﺳﺎﻋﺪﻧﻲ ﺑﺘﺮﺗﻴﺐ ﺍﻟﻐﺮﺍﺽ
ﺍﻣﻞ : ﻛﻞ ﻣﺎﺍﻧﻈﻒ ﺍﻧﻈﻒ ﻏﺮﻓﻪ ﻣﺎﺧﻠﻲ ﺍﻱ ﺷﺨﺺ ﻳﺪﺧﻞ
ﺣﻴﺎﺓ : ﺍﻭﻱ ﺣﺒﻴﺒﺘﻲ .. ﺍﻛﻠﺞ ﺍﻣﻞ ﻟﻌﺪ ﻭﻳﻦ ﺭﻏﺪ
ﺍﻣﻞ : ﺭﻏﺪ ﻓﻮﻙ ﺑﻐﺮﻓﺘﻬﺎ ﺍﺻﻼ ﻣﺘﻨﺰﻝ ﻫﻮﺍﻱ
ﺣﻴﺎﺓ : ﺯﻳﻦ ﺷﻮﻥ ﻋﻼﻗﺘﻬﺎ ﺑﻴﻜﻢ
ﺍﻣﻞ : ﺍﻧﻲ ﻣﺎﺣﺠﻲ ﻭﻳﺎﻫﺎ ﻫﻮﺍﻱ ﺍﺻﻼ ﺑﺲ ﻫﻲ ﺗﺘﻠﻮﻙ ﻟﺒﻴﺒﻲ ﻭﺗﻌﺮﻓﻴﻦ ﺑﻴﺒﻲ ﻣﺎﺗﻨﻄﻲ ﺑﺎﺣﺪ
ﺣﺘﻰ ﺍﺑﻮﻳﻪ ﻛﻞ ﻣﺸﻮﻓﻪ ﺑﺲ ﺗﺮﻳﺪ ﺳﻮﻟﻒ ﻭﻳﺎﻩ ﺑﺲ ﺍﺑﻮﻳﻪ ﻣﻴﻨﻄﻴﻬﺎ ﻣﺠﺎﻝ ﺍﺑﺪ
ﺣﻴﺎﺓ : ﻻ ﻟﻴﺶ ﻫﻴﺞ ﺳﻮﻥ ﻭﻳﺎﻫﺎ ﺗﺮﻯ ﺧﻄﻴﻪ
ﺍﻣﻞ : ﻣﻨﻮ ﺍﻟﺨﻄﻴﻪ ﻭﻟﺞ ﺍﻧﺘﻲ ﺍﻟﺨﻄﻴﻪ ﻫﺴﻪ ﺷﻮﻓﻴﻬﺎ ﻭﺷﻮﻓﻴﻦ ﺗﺼﺮﻓﺎﺗﻬﺎ ﻭﺗﻌﺮﻓﻴﻦ ﺍﻟﺨﻄﻴﻪ ﺍﻟﻤﻦ ﺩﻛﻮﻟﻴﻬﺎ
ﺧﺎﻟﺪ : ﺟﻨﺖ ﻓﺮﺣﺎﻥ ﻻﻥ ﺣﻴﺎﺓ ﺭﺍﺟﻌﻪ ﻟﻠﺒﻴﺖ ﻭﻳﺎﻳﻪ ﺣﺘﻰ ﺻﻴﺮ ﻛﺪﺍﻡ ﻋﻴﻨﻲ ﺩﺍﻳﻤﺎ ﻭﺣﺘﻰ ﺍﻃﻠﻌﻬﺎ ﻣﻦ ﺍﻟﻲ ﻫﻲ ﺑﻲ ﻣﺸﺘﺎﻕ ﺍﻟﻮﺟﻮﺩﻫﺎ ﻳﻤﻲ ﻛﻠﺶ ﻫﻮﺍﻱ ﺣﺘﻰ ﺭﻏﺪ ﻣﺠﻨﺖ ﺍﺭﻏﺐ ﺍﻟﻬﺎ ﻫﻮﺍﻱ ﺷﻜﺪ ﺗﺤﺎﻭﻝ ﺗﺤﺠﻲ ﻭﻳﺎﻳﻪ ﻭﺗﺘﻘﺮﺏ ﻣﻨﻲ ﺑﺲ ﺍﺑﺪ ﻣﺎﻛﺪﺭ ﺍﺟﺎﻭﺏ ﻭﻳﺎﻫﺎ ﺣﺘﻰ ﺗﺼﺮﻓﺎﺗﻬﺎ ﺍﺿﻮﺝ ﻣﻨﻬﺎ ﻭﺍﻛﺜﺮ ﻣﻦ ﻣﺮﻩ ﺑﺎﻟﻠﻴﻞ ﺗﻔﻮﺕ ﻋﻠﻴﻪ ﻭﺍﻧﻲ ﺑﻐﺮﻓﺘﻲ ﺟﻮﻩ ﻭﻇﻞ ﺗﺘﺤﺠﺞ ﺑﺤﺠﺞ ﺳﺨﻴﻔﻪ ﺣﺘﻰ ﺗﺒﻘﻰ ﻳﻤﻲ ﺑﺲ ﻣﺎﺧﻠﻴﻬﺎ ﺍﺑﺪ ﻭﺍﻛﺜﺮ ﻣﻦ ﻣﺮﻩ ﺍﺭﺯﻟﻬﺎ
ﺣﺘﻰ ﻻﺗﻌﺘﺐ ﻫﺎﻱ ﺍﻟﻐﺮﻓﻪ
ﺣﻴﺎﺓ : ﻃﻠﻌﺖ ﺑﺮﻩ ﺍﻧﻲ ﻭﺍﻣﻞ ﺭﺣﻨﺖ ﻛﻌﺪﺕ ﻳﻢ ﺧﺎﻟﺘﻲ ﻓﺠﺎﻧﺖ ﺳﻮﻟﻒ ﻭﺗﺤﺠﻲ ﻟﺤﺪ ﻣﺎ ﺩﺧﻠﺖ ﻭﺣﺪ ﻣﺘﺎﻧﻘﻪ ﻭﻻﺑﺴﻪ ﻭﺍﻟﻤﻜﻴﺎﺝ ﻭﺑﻴﺪﻫﺎ ﻛﻼﺹ ﻋﺼﻴﺮ ﻭﺩﺧﻠﺖ ﺩﻛﻮﻝ ﺧﺎﻟﺘﻲ ﺳﻮﻳﺘﻠﺞ ﻫﺬﺍ ﺍﻟﻌﺼﻴﺮ
ﺣﻴﺎﺓ : ﺍﻧﻲ ﻇﻠﻴﺖ ﺍﺑﺎﻉ ﻋﻠﻴﻬﺎ ﻭﻋﻠﻰ ﻻﺑﺴﻬﺎ ﺍﻟﻲ ﻣﺒﺎﻟﻎ ﺑﻲ ﻭﻣﻜﻴﺎﺟﻬﺎ ﻓﻬﻲ ﻧﻄﺖ ﺍﻟﻌﺼﻴﺮ ﻟﺨﺎﻟﺘﻲ ﻭﺍﻛﻴﺪ ﺧﺎﻟﺘﻲ ﻓﺪﻭﻩ ﻻﻳﺪﺝ ﻭﺗﺴﻠﻤﻴﻦ ﺣﺒﻴﺒﺘﻲ ﺗﻌﺎﻟﻲ ﻛﻌﺪﻱ ﻳﻤﻲ
ﺍﻣﻞ : ﺑﺎﻋﻲ ﺑﺪﺕ ﺍﻟﻠﻮﺍﻛﻪ
ﺣﻴﺎﺓ : ﺍﺵ ﻻﺗﺴﻤﻊ
ﺧﺎﻟﺘﻲ : ﻳﻤﻪ ﻫﺎﻱ ﺣﻴﺎﺓ ﺍﻧﺖ ﻣﺎﺷﻔﺘﻴﻬﺎ ﺟﺎﻧﺖ ﻣﻮ ﻫﻨﺎ ﻣﻦ ﺟﻴﺘﻲ
ﺭﻏﺪ : ﻭﺍﺧﻴﺮﺍ ﺷﻔﺘﺞ ﺟﻨﺘﻲ ﺣﺪﻳﺚ ﺍﻟﺒﻴﺖ ﻳﻮﻣﻴﺎ ﺣﺘﻰ ﻣﻠﻴﺖ ﻣﻨﺞ ﻫﻠﻜﺪ ﻣﻴﺤﺠﻮﻥ ﺑﻴﺞ ﻫﻬﻬﻬﻬﻪ
ﺣﻴﺎﺓ : ﺑﺘﺴﻤﺘﻠﻬﺎ ﺑﺘﺴﺎﻣﻪ ﺧﻔﻴﻔﻪ ﻭﻧﺪﺍﺭﻳﺖ ﺍﺳﻮﻟﻒ ﻭﻳﻪ ﺍﻣﻞ
ﺟﺎﻥ ﻳﻔﻮﺕ ﺧﺎﻟﺪ ﻟﻠﻬﻮﻝ ﻇﻞ ﻭﺍﻛﻒ ﻳﻢ ﺍﻟﺒﺎﺏ ﺟﺎﻥ ﻫﺎﻱ ﺭﻏﺪ ﺑﺲ ﺷﻮﻑ
ﺧﺎﻟﺪ
ﺭﻭﺣﻲ ﺑﺴﺮﻋﻪ ﻭﺟﻴﺒﻴﻠﻪ ﻋﺼﻴﺮ
ﺭﻏﺪ : ﻫﺬﺍ ﺳﻮﻳﺘﻪ ﻗﺒﻞ ﺷﻮﻳﻪ ﺗﻔﻀﻞ
ﺣﻴﺎﺓ : ﺍﻧﻲ ﻇﻠﻴﺖ ﺍﺑﺎﻉ ﻋﻠﻰ ﺭﻏﺪ ﻭﺧﺎﻟﺪ ﻭﺟﺎﻥ ﺑﻮﺩﻱ ﺍﻛﻮﻡ ﺍﻃﺶ ﺍﻟﻌﺼﻴﺮ ﻋﻠﻰ ﻭﺟﻬﻪ ﺧﺎﻟﺪ ﺗﻔﺎﺟﻯﻯﻪ ﺑﺼﺮﻓﻬﺎ ﻓﺎﺧﺬﻩ ﻣﻨﻬﺎ ﻭﻛﻠﻠﻬﺎ ﻣﺸﻜﻮﺭﻩ ﻭﻫﻲ ﺭﺟﻌﺖ ﻛﻌﺪﺕ ﻳﻢ ﺧﺎﻟﺘﻲ ﺗﺘﻠﻮﻙ ﺑﻤﺸﻴﺘﻬﺎ ﻓﺸﺎﻝ ﺭﺍﺳﻪ ﺑﺎﻉ ﻋﻠﻴﻪ
ﺍﻧﻲ ﻧﻄﻴﺘﻪ ﻧﻈﺮﻩ ﻳﻌﻨﻲ ﻫﺎﻱ ﻧﻈﺮﻩ ﺻﺎﺭﺕ ﻻ ﺍﺭﺍﺩﻳﺎ ﻣﻨﻲ ﻫﻮ ﻋﺒﺎﻟﻪ ﺿﺠﺖ ﻓﺒﺲ ﺍﺧﺬ ﺍﻟﻌﺼﻴﺮ ﺧﻼﻩ ﻋﺎﻟﻄﺒﻠﻪ ﻭﻛﻌﺪ ﻣﺎﺷﺮﺏ ﻣﻨﻪ ﺍﺑﺪ
ﻭﻛﻠﻬﺎ ﻻﻣﻞ ﺗﺮﻭﺡ ﺳﻮﻳﻠﻪ ﺟﺎﻱ
ﻫﺎﻱ ﺭﻏﺪ ﺑﺴﺮﻋﻪ ﺍﻧﻲ ﺍﺳﻮﻳﻠﻚ ﻭﻛﺎﻣﺖ
ﺧﺎﻟﺪ ﺍﺷﺮ ﻻﻣﻞ ﺩﻛﻮﻝ ﻫﻲ ﺳﻮﻱ ﻓﻜﺎﻣﺖ ﺍﻣﻞ ﻟﺤﻜﺘﻬﺎ ﻓﻬﻮ ﺗﻘﺮﺏ ﻳﻤﻲ ﻛﻌﺪ ﻓﺠﺎﻧﺖ ﺧﺎﻟﺘﻲ ﺳﻮﻟﻒ ﻭﻳﺎﻳﻪ ﻭﺧﺎﻟﺪ ﻛﺎﻋﺪ ﺑﺼﻔﻲ ﻭﺑﻴﺪﻩ ﻻﺯﻡ ﺗﻠﻴﻔﻮﻧﻪ ﻭﺍﻳﺪﻩ ﺛﺎﻧﻴﻪ ﻳﻤﺸﻴﻬﺎ ﻋﻠﻰ ﻇﻬﺮ ﻇﻠﻴﺖ ﻣﺸﻨﺠﻪ ﻣﺎﻛﺪﺭ ﺍﺗﺤﺮﻙ ﺧﺎﻟﺘﻲ ﻣﻨﺎ ﺳﻮﻟﻒ ﻭﻫﺬﺍ ﻣﻨﺎ
ﻓﺠﺘﻲ ﺭﻏﺪ ﻛﻌﺪﺕ ﻛﺒﺎﻟﻨﺎ ﻇﻠﺖ ﺗﺒﺎﻉ ﻋﻠﻴﻨﺎ ﻭﺗﻨﻄﻴﻨﻲ ﻧﻈﺮﺍﺕ ﺣﺎﻗﺪﻩ ﻓﻜﻤﺖ ﻣﻦ ﺍﻟﻬﻮﻝ ﺭﺣﺖ ﻟﻠﻤﻄﺒﺦ ﻋﻠﻰ ﺍﻣﻞ ﺟﺎﻧﺖ ﻛﺎﻋﺪﻩ ﺩﺳﻮﻱ ﺟﺎﻱ ﻻﺑﻮﻫﺎ
ﺍﻣﻞ : ﺷﻔﺘﻴﻬﺎ ﺷﻜﺪ ﺧﺎﻟﻪ ﻣﻜﻴﺎﺝ
ﺣﻴﺎﺓ : ﻏﻴﺮ ﻋﺮﻭﺳﻪ ﺷﺒﻴﺞ ﺷﺎﺩﻩ ﻭﻳﺎﻫﺎ
ﺍﻣﻞ : ﻣﺸﺎﺩﻩ ﻭﻳﺎﻫﺎ ﺑﺲ ﻣﻦ ﺟﺘﻲ ﻟﻬﺴﻪ ﻫﻲ ﺑﺲ ﺗﺨﻠﻲ ﺧﺸﻤﻬﺎ ﺑﻜﻞ ﺷﻲ
ﺣﻴﺎﺓ : ﻻﺯﻡ ﺗﺘﻌﻠﻤﻴﻦ ﻋﻠﻴﻬﺎ ﺑﻌﺪ ﺻﺎﺭﺕ ﻣﺮﺗﻪ
ﺍﻣﻞ : ﺑﺲ ﺍﻧﺘﻲ ﻣﺮﺗﻪ ﺑﻌﻴﻨﻲ
ﺣﻴﺎﺓ : ﻫﻬﻬﻬﻪ
ﺗﻌﺮﻓﻴﻦ ﻣﻦ ﻓﺎﺗﺖ ﻭﺷﻔﺘﻬﺎ ﺷﻮﻥ ﻣﺒﺪﻟﻪ ﻭﻛﺎﺷﺨﻪ ﺣﺴﻴﺖ ﻧﻔﺴﻲ ﻋﺠﻮﺯﻩ ﺍﻧﻲ
ﺍﻣﻞ : ﻻ ﻟﻴﺶ ﻭﺍﻟﻠﻪ ﺍﻧﺘﻲ ﺍﺣﻼ ﻣﻨﻬﺎ
ﺣﻴﺎﺓ : ﻻ ﻣﺎﻏﺮﺕ ﻭﺍﻟﻠﻪ ﺑﺲ ﺣﺴﻴﺘﻬﺎ ﻫﻲ ﻛﺎﺷﺨﻪ ﻛﻠﺶ ﻭﺍﻧﻲ ﻣﺒﻬﺬﻟﻪ
ﺍﻣﻞ : ﺭﻭﺣﻲ ﻛﺸﺨﻲ ﺍﻧﺘﻲ ﻫﻢ
ﺣﻴﺎﺓ : ﺑﺎﻭﻋﺖ ﻋﻠﻰ ﺍﻣﻞ ﺩﺳﻜﺘﻲ ﺍﺣﺴﻠﺞ
ﻓﺠﻨﺎ ﻧﺴﻮﻟﻒ ﺩﺧﻠﺖ ﺭﻏﺪ ﻋﻠﻴﻨﺎ ﻭﻣﺎﺣﺠﺖ ﺷﻲ ﻃﻠﻌﺖ ﻣﺎﻱ ﻣﻦ ﺛﻼﺟﻪ ﻭﺗﺸﺮﺏ ﻓﺎﻧﻲ ﻭﺍﻣﻞ ﺟﻨﺎ ﺩﻧﺴﻮﻟﻒ ﻋﻠﻰ ﺍﻳﻪ ﻭﻋﺮﻓﺖ ﺣﺎﻣﻞ ﻃﺎﻟﻌﻪ ﻭﻛﻠﺶ ﻓﺮﺣﺘﻠﻬﺎ ﻓﺠﻨﺎ ﺩﻧﺴﻮﻟﻒ ﺷﻮﻥ ﺗﻌﺒﺎﻧﻪ ﺧﻄﻴﻪ ﻓﺮﻏﺪ ﺷﺮﺑﺖ ﻣﺎﻱ ﻭﻃﻠﻌﺖ
ﻭﺭﻩ ﺷﻮﻳﻪ ﺧﺎﻟﺘﻲ ﺻﺎﺣﺖ ﺍﻣﻞ ﻟﻐﺮﻓﺘﻬﺎ ﺑﺲ ﺳﻤﻌﺖ ﺍﻣﻞ ﺩﻛﻠﻬﺎ ﻭﺍﻟﻠﻪ ﺟﺬﺏ ﺑﻴﺒﻲ ﻭﺭﺍﻫﺎ ﺭﺟﻌﺖ ﻟﻠﻤﻄﺒﺦ ﺍﻣﻞ ﻋﺼﺒﻴﻪ ﻛﺘﻠﻬﺎ ﺷﺒﻴﺞ
بيج قصص عراقيه حقيقيه من واقعنا.روعه الطائي
ﺍﻣﻞ : ﺑﻠﻪ ﺷﻮﻛﺖ ﺟﺎﻳﻪ ﺭﻏﺪ ﻫﻨﺎ ﻭﺍﺣﻨﺎ ﻣﺪﺍﻳﺮﻳﻠﻬﺎ ﺑﺎﻝ ﻭﺭﻏﺪ ﻫﺴﻪ ﻣﻘﻬﻮﺭﻩ ﻣﻨﻲ ﻻﻥ ﺍﻧﻲ ﻣﻬﺘﻤﻪ ﺑﺲ ﺑﻴﺞ
ﺣﻴﺎﺓ : ﺟﺘﻲ ﻫﻨﺎ ﺷﺮﺑﺖ ﻣﺎﻱ ﻭﺭﺍﺣﺖ ﻣﺎﺣﺠﺖ ﺷﻲ ﺍﺻﻼ
ﺍﻣﻞ : ﻣﻮ ﻛﺘﻠﻬﺎ ﻟﺒﻴﺒﻲ ﺑﺲ ﺑﻴﺒﻲ ﺩﻛﻠﻲ ﺍﻧﺘﻲ ﺻﺎﻓﻪ ﺑﺼﻒ ﺣﻴﺎﻩ ﻭﻫﻲ ﺗﻨﻘﻬﺮ ﻭﻣﻦ ﻫﺎﻱ ﺳﻮﺍﻟﻒ
ﺣﻴﺎﺓ : ﻳﺎﺍﻟﻠﻪ ﺑﻌﺪﻧﻲ ﺍﻭﻝ ﻳﻮﻡ ﻫﻨﺎ
ﺍﻣﻞ : ﻭﺍﻟﻠﻪ ﻣﻦ ﻳﻮﻡ ﺍﻟﺠﺘﻲ ﻫﻲ ﺑﺲ ﺗﺸﻜﻲ ﻟﺒﻴﺒﻲ ﻋﻠﻴﻪ ﻭﻋﻠﻰ ﺍﻳﻪ ﻭﻋﻠﻰ ﺍﺑﻮﻳﻪ ﺧﻞ ﺗﻮﻟﻲ
ﺣﻴﺎﺓ : ﺍﻣﻞ ﺗﺮﻯ ﺣﻘﻬﺎ ﻻ ﺍﻧﺘﻲ ﻧﺎﻃﻴﺘﻬﺎ ﻭﺟﻬﻪ ﻭﻻ ﺧﺎﻟﺪ ﺷﺴﻮﻱ ﺍﻟﺒﻨﻴﻪ ﺍﻛﻴﺪ ﺗﺮﻭﺡ ﺗﺸﻜﻲ ﻣﻨﻜﻢ
ﺍﻣﻞ : ﻭﻟﺞ ﺣﻴﺎﺓ ﻭﺍﻟﻠﻪ ﺭﻏﺪ ﻭﺣﺪﻩ ﻣﺤﺪ ﻳﻄﻴﻘﻬﺎ ﻭﻟﺞ ﺣﺘﻰ ﻋﻤﺘﻲ ﺑﺴﻤﻪ ﻣﻦ ﺩﺗﺮﻭﺡ ﻛﻠﺘﻠﻲ ﻳﻤﻪ ﺍﻟﻠﻪ ﻳﺴﺎﻋﺪﻛﻢ ﻋﻠﻴﻬﺎ ﻫﺎﻱ ﺗﺎﻛﻠﻜﻢ ﻛﻠﻜﻢ ﻭﻣﺘﺸﺮﺏ ﺳﻔﻦ ﻭﺭﺍﻛﻢ
ﺣﻴﺎﺓ : ﻫﻬﻬﻬﻬﻪ ﺧﺮﺏ ﺑﻴﺞ ﺿﺤﻜﺘﻴﻨﻲ
ﻟﻠﻴﻞ ﺗﻌﺸﻴﻨﺎ ﻭﺭﺣﺖ ﻟﻐﺮﻓﺘﻲ ﻓﺪﺍﻃﻠﻊ ﺍﺟﻴﺐ ﻣﺎﻱ ﺷﻔﺖ ﺭﻏﺪ ﻛﺎﻋﺪﻩ ﻳﻢ ﺧﺎﻟﺘﻲ ﺑﺎﻟﻬﻮﻝ ﺑﺲ ﻣﺎﺍﻫﺘﻤﻴﺖ ﺭﺣﺖ ﻟﻠﻤﻄﺒﺦ ﺍﺧﺬﺕ ﻣﺎﻱ ﻭﺭﺟﻌﺖ ﻟﻐﺮﻓﺘﻲ ﺷﻮﻳﻪ ﻭﺩﺧﻞ ﺧﺎﻟﺪ ﻳﻤﻲ
ﺟﻨﺖ ﺩﺍﺑﺪﻝ ﺍﻟﺠﺮﺟﻒ ﻣﺎﻝ ﺍﻟﺠﺮﺑﺎﻳﻪ ﺍﺟﻪ ﺳﺎﻋﺪﻧﻲ
ﺧﺎﻟﺪ : ﺑﺎﻋﻲ ﺍﻧﻲ ﺷﻮﻥ ﺍﺳﺎﻋﺪﺝ
ﺣﻴﺎﺓ : ﻫﻬﻬﻬﻪ ﺍﻱ ﻋﻔﻴﻪ
ﺧﺎﻟﺪ : ﺑﻠﻪ ﺍﻛﻮ ﺭﺟﺎﻝ ﻳﺴﺎﻋﺪ ﻫﻴﺞ ﻣﺮﺗﻪ ﺑﺲ ﺍﻧﻲ
ﺣﻴﺎﺓ : ﻫﺴﻪ ﺷﺘﺮﻳﺪ
ﺧﺎﻟﺪ : ﻻ ﻣﺎﺭﻳﺪ ﺣﺘﻰ ﺍﺷﻮﻓﺞ ﺍﻧﻲ ﺷﻮﻥ ﺣﺒﺎﺏ ﻭﻳﺎﺝ
ﺣﻴﺎﺓ : ﻫﻬﻬﻬﻬﻪ ﻳﻠﻪ ﻫﺴﻪ ﺑﺲ ﺍﻛﻤﻞ ﺍﻧﻄﻴﻚ ﻓﺸﻲ
ﺧﺎﻟﺪ : ﻣﺘﺮﺩﻳﻦ ﺍﻏﺴﻠﺞ ﻫﺪﻭﻡ ﺍﻧﻈﻔﻠﺞ ﺍﻟﻐﺮﻓﻪ ﺻﺎﺭ ﺍﻛﻮ ﺷﻲ ﺣﻠﻮ ﺑﻌﺪ
ﺣﻴﺎﺓ : ﻫﻬﻬﻬﻬﻪ ﻻ ﻣﺎﻋﺪﻱ
ﻓﻜﻤﻠﺖ ﻭﺭﺣﺖ ﻏﺴﻠﺖ ﻭﺑﺪﻟﺖ ﻣﻼﺑﺴﻲ ﻭﺭﺟﻌﺖ ﺷﻔﺘﻪ ﻣﺪﺩ ﻋﺎﻟﺠﺮﺑﺎﻳﻪ ﻭﻧﺎﺯﻉ ﺗﺸﻴﺮﺗﻪ
ﻓﻤﻬﺘﻤﻴﺖ ﺭﺣﺖ ﻋﺎﻟﺠﺮﺑﺎﻳﻪ ﻣﺪﺩﺕ
ﺧﺎﻟﺪ : ﻭﻳﻨﻪ
ﺣﻴﺎﺓ : ﺷﻨﻮ
ﺧﺎﻟﺪ : ﻣﻮ ﻛﻠﺘﻲ ﺍﻧﻄﻴﻚ ﺷﻲ ﺣﻠﻮ
ﺣﻴﺎﺓ : ﺍﻱ ﻋﻮﺩ ﺑﺎﺟﺮ ﺍﺳﻮﻳﻠﻚ ﻛﻴﻜﻪ ﺷﻮ ﻫﺬﺍ ﻛﺎﻡ ﻋﻠﻰ ﺣﻴﻠﻪ
ﺧﺎﻟﺪ : ﻭﻟﺞ ﻳﺎﻛﻴﻜﻪ
ﺣﻴﺎﺓ : ﻣﻮﻛﻠﺖ ﺗﺮﻳﺪ ﺷﻲ ﺣﻠﻮ
ﺧﺎﻟﺪ : ﺍﻱ ﺍﺭﻳﺪ ﺷﻲ ﺣﻠﻮ ﺗﻌﺎﻟﻲ ﺍﻛﻠﺞ ﺷﺮﻳﺪ
ﺣﻴﺎﺓ : ﻇﻞ ﻳﺤﻀﻦ ﺑﻴﻪ ﻭﻳﺒﻮﺱ ﺑﻴﻪ ﻭﺍﻧﻲ ﺍﺩﻓﻊ ﺑﻲ ﻭﺍﺿﺤﻚ ﻋﻠﻰ ﺗﺼﺮﻓﺎﺗﻪ ﺷﻮﻳﻪ ﻭﻧﺪﻛﺖ ﺍﻟﺒﺎﺏ
ﺧﺎﻟﺪ : ﻣﻨﻮﻭ
ﺧﺎﻟﺘﻲ : ﺍﻧﻲ ﻳﻤﻪ ﺗﻌﺎﻟﻲ ﻟﻠﻐﺮﻓﻪ ﺍﺭﻳﺪﻙ
ﺧﺎﻟﺪ : ﺍﻱ ﻳﻤﻪ ﺟﺎﻱ .. ﺍﻟﺤﺠﻴﻪ ﺍﺑﺪ ﻣﻮ ﻭﻛﺘﻬﺎ
ﺣﻴﺎﺓ : ﺍﻧﻲ ﻇﻠﻴﺖ ﺍﺿﺤﻚ ﻋﻠﻴﻪ ﺟﺎﻥ ﻳﻨﺪﺍﺭ ﻋﻠﻴﻪ
ﺧﺎﻟﺪ : ﻟﻌﺒﺎﻟﺞ ﺑﺲ ﻫﺬﺍ ﺧﻞ ﺍﺷﻮﻑ ﺍﻣﻲ ﻭﺍﺟﻴﺞ
ﺣﻴﺎﺓ : ﺭﺍﺡ ﺧﺎﻟﺪ ﻟﺨﺎﻟﺘﻲ ﺍﻧﻲ ﻇﻠﻴﺖ ﺍﻟﻌﺐ ﺑﺘﻠﻴﻔﻮﻥ ﻭﺍﻛﻠﺐ ﺑﻲ
ﺧﺎﻟﺪ : ﻃﻠﻌﺖ ﻋﻠﻰ ﺍﻣﻲ ﻓﺮﺣﺖ ﻋﻠﻴﻬﺎ
ﻫﺎﺣﺠﻴﻪ ﻣﺤﺘﺎﺟﻪ ﺷﻲ
ﺧﺎﻟﻪ : ﺍﻱ ﺗﻌﺎﻝ ﺧﻞ ﺍﺣﺠﻲ ﻭﻳﺎﻙ ﺑﺴﺎﻟﻔﻪ
ﺧﺎﻟﺪ : ﺍﻱ ﺣﺠﻴﻪ ﺍﺣﺠﻲ ﻭﻫﺎﻱ ﻛﻌﺪﻩ
ﺧﺎﻟﻪ : ﺧﺎﻟﺪ ﻫﺴﻪ ﺍﻧﺖ ﻣﺎﻣﺰﻭﺝ ﺑﺲ ﺣﻴﺎﺓ ﻫﺴﻪ ﺍﻧﺖ ﻋﺪﻙ ﻣﺮﻩ ﻟﺦ ﻭﻻﺯﻡ ﺷﺴﻮﻱ ﻟﻬﺎﻱ ﺳﻮﻱ ﻟﻬﺎﻱ ﻻﺯﻡ ﺗﻌﺪﻝ ﺑﻴﻨﻬﻢ
ﺧﺎﻟﺪ : ﻭﺍﻧﻲ ﺷﻤﺴﻮﻱ ﻣﻮ ﺍﻱ ﺷﻲ ﺗﺮﻳﺪﻩ ﺭﻏﺪ ﺍﺳﻮﻳﻠﻬﻴﺎﺓ
ﺧﺎﻟﺔ : ﻳﻤﻪ ﺍﻛﻮ ﺷﻐﻼﺕ ﻣﺎﺗﺮﻫﻢ ﺳﻮﻳﻬﺎ ﻟﻮﺣﺪﻩ ﻭﺗﻌﺮﻑ ﺛﺎﻧﻴﻪ ﺗﺒﺎﻉ ﻋﻠﻴﻚ
ﺧﺎﻟﺪ : ﻭﺍﻧﻪ ﺷﻤﺴﻮﻱ ﺗﺮﻫﻢ ﺍﻟﻠﻪ ﻭﺍﻛﺒﺮ ﺍﻟﻴﻮﻡ ﺟﺘﻲ ﺣﻴﺎﺓ
ﺧﺎﻟﻪ : ﻳﺎﻭﻟﻴﺪﻱ ﺍﻧﺖ ﻣﻦ ﻳﻮﻡ ﺍﻟﺰﻭﺟﺖ ﻣﺎﺗﺼﻌﺪ ﻓﻮﻙ ﺗﻨﺎﻡ ﻭﺣﺘﻰ ﺑﺎﻟﺒﻴﺖ ﻣﺎﺗﻠﻔﻲ ﺣﺘﻰ ﺳﻮﺍﻟﻒ ﺑﺎﻟﻜﻮﻩ ﺗﺤﺠﻲ ﻭﻳﻪ ﺭﻏﺪ ﻭﺍﻟﻴﻮﻡ ﺑﺲ ﺍﺟﺘﻲ ﺣﻴﺎﺓ ﻛﺎﺑﻠﺘﻬﺎ ﻭﻛﻌﺪﺕ ﻭﺑﺲ ﺩﺧﻠﺖ ﻟﻠﻐﺮﻓﻪ ﺭﻛﻀﺖ ﻭﺭﺍﻫﺎ
ﺧﺎﻟﺪ : ﻫﺎ ﺣﺠﻴﻪ ﺩﺗﺮﺍﻗﺒﻴﻨﻲ
ﺧﺎﻟﻪ : ﻻﻳﻤﻪ ﻻ ﺭﺍﻗﺐ ﻭﻻ ﺷﻲ ﺑﺲ ﺍﻟﺒﻨﻴﻪ ﺷﻜﺖ ﻣﻨﻚ ﻭﺩﻛﻮﻝ ﺍﻧﻲ ﻟﺤﺪ ﺍﻻﻥ ﻣﺤﺎﺟﻴﻪ ﻻﺍﻫﻠﻲ ﻋﻠﻰ ﺗﺼﺮﻓﺎﺕ ﺧﺎﻟﺪ ﺑﺲ ﺍﺫﺍ ﻋﺮﻓﻮﺍ ﻣﻴﻘﺒﻮﻟﻮﻥ
ﻭﺩﻛﻮﻝ ﻣﺜﻞ ﻣﻴﻨﺎﻡ ﻳﻤﻬﺎ ﻳﻨﺎﻡ ﻳﻤﻲ ﺍﻧﻲ ﻣﻮ ﻣﺮﺗﻪ ﻣﺜﻞ ﻣﺎﻫﻲ ﻣﺮﺗﻪ
ﺧﺎﻟﺪ : ﻇﻠﻴﺖ ﺳﺎﻛﺖ ..
ﺧﺎﻟﺔ : ﺍﻋﺪﻝ ﻳﻤﻪ ﺣﺘﻰ ﺍﻟﻠﻪ ﻳﻮﻓﻘﻚ ﺍﻧﺖ ﺗﻌﺪﻝ ﻭﻳﻪ ﻛﻞ ﻧﺎﺱ ﺗﺠﻲ ﻳﻢ ﻫﺎﻱ ﺍﻟﺒﻨﻴﻪ ﻭﺗﻮﻛﻒ
ﺧﺎﻟﺪ : ﺍﻟﻠﻪ ﻛﺮﻳﻢ ﻳﻤﻪ ﺗﻨﺤﻞ ﺗﻨﺤﻞ ﻻﻳﻈﻞ ﺑﺎﻟﺞ
ﻳﻠﻪ ﺣﻜﻮﻡ ﺍﻧﺎﻡ ﺍﻧﻪ
ﺣﻴﺎﺓ : ﺟﻨﺖ ﻛﺎﻋﺪﻩ ﻣﻨﺘﻈﺮﻩ ﺧﺎﻟﺪ ﻓﺎﺕ ﻋﻠﻴﻪ ﺍﺟﻪ ﻳﻤﻲ
ﻫﺎ ﺷﺒﻴﻬﺎ ﺧﺎﻟﻪ
ﺧﺎﻟﺪ : ﻣﺎﺑﻴﻬﺎ .. ﺗﻌﺎﻟﻲ ﻳﻤﻲ ﻟﻌﺒﺎﻟﺞ ﻧﺴﻴﺖ
ﺣﻴﺎﺓ : ﺟﺮﻧﻲ ﺑﺤﻀﻨﻪ ﻭﻧﻮﻣﻨﻲ ﻋﻠﻰ ﺍﻳﺪﻩ ﻇﻞ ﻳﻤﺴﺢ ﺑﻈﻬﺮﻱ ﻭﻳﺴﻮﻟﻒ
ﺧﺎﻟﺪ : ﺗﻌﺮﻓﻴﻦ ﺍﻣﻲ ﺷﺘﺮﻳﺪ ﻣﻨﻲ
ﺣﻴﺎﺓ : ﺷﺘﺮﻳﺪ
ﺧﺎﻟﺪ : ﺭﻏﺪ ﺷﺎﻛﻴﺘﻠﻬﺎ ﻣﻨﻲ ﻻﻥ ﺍﻧﻲ ﻣﺎﻣﻬﺘﻢ ﺑﻴﻬﺎ ﻣﺜﻞ ﻣﺎﺍﻫﺘﻢ ﺑﻴﺞ
ﺣﻴﺎﺓ : ﻇﻠﻴﺖ ﺳﺎﻛﺘﻪ
ﺧﺎﻟﺪ : ﻭﺗﺮﻳﺪ ﻣﻨﻲ ﺍﻋﺪﻝ ﺑﻴﻨﻜﻢ
ﺣﻴﺎﺓ : ﻭﺷﺤﺴﻮﻱ ﺷﻮﻥ ﺣﺘﻌﺪﻝ .
ﺧﺎﻟﺪ : ﺷﺒﻴﺞ ﺿﺠﺘﻲ
ﺣﻴﺎﺓ : ﻣﺎﺿﺠﺖ ﺑﺲ ﺟﻨﺖ ﺍﻋﺮﻑ ﺑﻬﺎﻱ ﺳﻮﺍﻟﻒ ﻣﻦ ﺍﻟﺒﺪﺍﻳﻪ
ﻋﺪﻟﻪ ﺍﻟﻠﻴﻠﻪ ﻭﺍﻧﻲ ﻛﻠﺘﻠﻪ ﻟﺨﺎﻟﺪ ﻳﺒﺎﺕ ﻳﻤﻬﺎ ﻳﻮﻡ ﻭﻳﻤﻲ ﻳﻮﻡ ﻭﻣﻴﺴﻮﻱ ﺣﺮﻛﺎﺕ ﻛﺪﺍﻡ ﺍﻱ ﻭﺣﺪﻩ ﺑﻴﻨﺎ ﺿﻮﺝ ﺍﻟﺜﺎﻧﻴﻪ
ﺻﺢ ﺣﺠﻴﺖ ﻫﺬﺍ ﺍﻟﻜﻼﻡ ﻣﻦ ﻭﺭﻩ ﻛﻠﺒﻲ ﺑﺲ ﻣﺠﻨﺖ ﺍﻛﺪﺭ ﺍﺳﻮﻱ ﻏﻴﺮ ﻫﺬﺍ ﺍﻟﺸﻲ ﻭﻫﻲ ﺍﺻﻼ ﺻﺢ ﻣﺒﻴﻨﻪ ﻣﺘﺤﺒﻨﻲ ﻭﻻ ﻃﻴﻘﻨﻲ ﺑﺲ ﺷﺴﻮﻳﻠﻬﺎ
ﻫﺬﺍ ﺍﻟﻤﻮﺟﻮﺩ ﻣﺜﻞ ﻣﺎﻧﻲ ﻣﺘﺤﻤﻠﺘﻬﺎ ﻫﻲ ﺗﺘﺤﻤﻠﻨﻲ
ﻣﺮﺕ ﺍﻻﻳﺎﻡ ﻫﻴﺞ ﻳﻮﻡ ﻳﺒﺎﺕ ﻳﻤﻲ ﻭﻳﻮﻡ ﻳﻤﻬﺎ ﺑﺲ ﻣﻦ ﺍﻟﻴﻮﻡ ﺍﻟﻲ ﺭﺟﻌﺖ ﺧﺎﻟﺪ ﻣﺎﻣﺘﻘﺮﺏ ﻣﻨﻲ ﺑﺎﻟﺒﺪﺍﻳﻪ ﺣﺎﻥ ﻳﺤﺎﻭﻝ ﻭﻳﺎﻳﻪ ﺑﺲ ﻣﻦ ﻛﺎﻡ ﻳﺒﺎﺕ ﻳﻢ ﺭﻏﺪ ﻣﻜﺎﻡ ﻳﻠﺢ ﻋﻠﻴﻪ ﺑﻬﺎﻱ ﺳﻮﺍﻟﻒ ﻭﺍﺻﻼ ﺑﻴﻮﻡ ﺍﻟﻲ ﻳﺒﺎﺕ ﻳﻢ ﺭﻏﺪ ﺗﺤﻴﺮ ﺷﺴﻮﻱ ﺑﻨﻔﺴﻬﺎ ﻭﺻﺒﺢ ﺗﻜﻌﺪ ﺳﻮﻱ ﻧﻔﺴﻬﺎ ﺗﻌﺒﺎﻧﻪ ﻭﻋﻠﻰ ﺍﺳﺎﺱ ﺑﺎﺭﺣﻪ ﺍﻟﻠﻴﻞ ﻛﻠﻪ ﻣﻨﺎﻳﻤﻪ ﺣﺘﻰ ﺗﺨﻠﻴﻨﻲ ﺍﻧﻘﻬﺮ ﺍﻭ ﺍﺿﻮﺝ ﺑﺲ ﻣﺠﻨﺖ ﺍﻧﻄﻴﻬﺎ ﻣﺠﺎﻝ ﺍﺑﺪ
ﻛﻠﺸﻲ ﻳﻬﻮﻥ ﺍﻻ ﺑﻴﻮﻡ ﺍﻟﻲ ﻭﻛﻌﺖ ﺑﻴﻨﻲ ﻭﺑﻴﻦ ﺍﻣﻞ ﻫﺬﺍ ﺟﺎﻥ ﻣﻦ ﺍﻛﺜﺮ ﺍﻻﻳﺎﻡ ﺍﻟﻲ ﻧﻘﻬﺮﺕ ﻭﻣﺘﺖ ﻗﻬﺮ ..... ﻳﺘﺒﻊ ️❤
