اني اريد ائجر بيت تعال عيش وياي واني وحيده
وبس خالتك ناخذه ويانه..فرحت حييل لانو حكعد
ويه بيبيتي حيل احبها اني وبديت ادور ع بيت
نشتري قريب ع بيت خوالي لكيت بيت صغير
غرفتين وهول ومطبخ وحمام
حلوو بنائه جديد بس بعيد عن مكان شغلي وكمت اتئخر لانو تعرفون اجرائات التقديم ع كليه
وروحه وجيه خطيه بيبيتي وعمي همه الصرفو
عليه هواي فلوس
نقبلت جامعة بغداد طب وبديت اروح واجي بس بيبي
وخالتي ماعدهن غير الراتب للتقاعد ويادوب عيشتهن
لانو من الورث مال جدو شترينه البيت ففكرت
اشتغل بلكيه شغل مسائي بالسنتر
اني عندي اصدقاء اعرفهم مقصرو سوولي
واسطه حته يشغلوني بس منقبلت مخلين مكان مرحت ادور بيه ع شغل آخر شي مليت
زادت مصاريفي وشوف راتب بيبي ميكفي
كمت اشتغل حمال بالشورجه الصبح
بالكليه ارجع للبيت ابدل واروح لشورجه بيوم الجمعه
شغل هَواي لانو من الصبح اطلع ارجع
للبيت ضهري مكسور صاير نصين وهم ماكدرت
اكمل بلشغله هاي تعب ومكمت اكعد الصبح
لدوام فلكالي صديقي شغله مطعم
مجنت استحي من شغلي لانو اعرف حصير
دكتور بس اتخرج واني جنت طالعه الأول ع كليه
شاطر حيل رغم الضروف
بيبي متقبل اشتغل تخاف عليه بس اني طمنتهه
انو داشتغل قريب ع بيتنه المطعم الحمدلله
جنت اكدر اشتري ملازم وملابس واروح عبريه بلكيا
اطلع من الوكت من البيت حتى اوصل
ومتروح محاضره عليه
بالنسبه للبنات بالكليه مجنت حتى اباوع عليهن
ولا اصادق اي بشر لا ولد ولا بنات كلبي مكروص
ولنسوان كلهن اعتبرهن مثل مرت ابوي
مريض نفسي صرت بسببها احس كلهن نفسها
دنرتني هي بس مجنت احجي لبشر لبداخلي
بس جان يبين الوجع بعيوني
تجدح شراره غضب عيوني نضرتهن حاده حيل
مامدح بنفسي وبجمالي بس كلها تحبني
والأستاذه لانو شاطر ومؤدب
ولبنات اعرفهن معجبات بيه بس مغلس
حتى بالسنتر ماكعد بس اخلص محاضرات
اطلع من جامعه ارجع للبيت ابدل وروح للمطعم
اشتغل مرات شفتين حسب وكتي ابو المطعم
خوش آدمي يراعي ضروفي
خطيه حتى يزيدني مرات إذا الوارد زاد
هواي جانو بالكليه جانو يجون للمطعم وشوف نضراتهم مال استحقار شون دكتور يشتغل كارسون
بس اني ماهتم كلبي حديد جنت اسمع مهامسهم
من امشي بس ماتعارك اني كتوم حيل
بس عمي منسيته مرات اسوكله واروحلهم خطيه
يفرحون بشوفتي وبنات الزغار ريم ورؤئ
يستحن ميطلعن من اروح مااشوفهن ابد
مرت سنين بالكليه تعب وضيم وفقر
تعبت جنت اشتغل اي شغله مابقيت شغله ماشتغلته
حتئ بعت مي بلتقاطع كله شرف إليه ماستحي
كله دكلي ابوك زنكيل ليش مرحتله
شون اروحله وهوه اتبره مني وكل مااروح اريده
يرضئ عليه يطردني كاضيهاا كلها سفر
وي هاي مرته وتضحك عليه باقيه بس مجنت اكول غير حسبي الله ونعم الوكيل عليهه
حرمتني من ابوي عدت سنين
الكليه خمس سنوات وصار عمري 24 سنه حتى
مفرحت مثل الطلاب بحفلت التخرج
مجنت اروح لي حفله بالكليه ماحب اختلط
منعزل حيل بعدها من تخرجت بديت
ادور ع مستشفى أو دكتور محتاج مساعد
الله بعثلي صديق عمي مدير مستشفى
رحت هنااك اشتغل اول كم شهر تحت الختبار
بس بعدين من شاف ذكائي ومهارتي
بديت احضر عمليات وكلشي كل الأطباء يحبوني
وهمه يعرفون اني ابوي منوو بس محانو
يجيبون طاري كدامي
دوامي حيل مرتاح بيه جنت مالي دخل بأحد
مرات آبات بالمستشفى خفر ورجع
للبيت لصبح هلكان من التعب كبل بملابسي
انام خالتي خطيه قايمه بواجباتي من أمل غسل
ملابس ممقصره بيبيتي طيبه حيل
تكلي اني اشم ريحت بنتي المرحومه بيك
جنت احب اسمع هالحجي منهاا مره طيبة كلب
تعبي وقهري يروح من اناام بحضنهاا
احسهاا امي اني فقدت أمي من زغر
معشت وياها هواي مشبعت من حنانها
جنت فاقد لحنان الأم
ومرت ابوي كرهتني بكل مخلوقات النساء
احس نفسي حاقد ع كل
بس ماضهر لبشر الحقد لبداخلي
متابعه الأحداث الجايه ناار
لاتنسون تصويت وتعليق
